ಶ್ರೀಭೈರವ್ಯುವಾಚ
ಭಗವನ್ ಶ್ರೋತುಮಿಚ್ಛಾಮಿ ಮಾತಙ್ಗ್ಯಾಃ ಶತನಾಮಕಮ್ ।
ಯದ್ಗುಹ್ಯಂ ಸರ್ವತನ್ತ್ರೇಷು ಕೇನಾಪಿ ನ ಪ್ರಕಾಶಿತಮ್ ॥ 1 ॥
ಶ್ರೀಭೈರವ ಉವಾಚ
ಶೃಣು ದೇವಿ ಪ್ರವಕ್ಷ್ಯಾಮಿ ರಹಸ್ಯಾತಿರಹಸ್ಯಕಮ್ ।
ನಾಖ್ಯೇಯಂ ಯತ್ರ ಕುತ್ರಾಪಿ ಪಠನೀಯಂ ಪರಾತ್ಪರಮ್ ॥ 2 ॥
ಯಸ್ಯೈಕವಾರಪಠನಾತ್ಸರ್ವೇ ವಿಘ್ನಾ ಉಪದ್ರವಾಃ ।
ನಶ್ಯನ್ತಿ ತತ್ಕ್ಷಣಾದ್ದೇವಿ ವಹ್ನಿನಾ ತೂಲರಾಶಿವತ್ ॥ 3 ॥
ಪ್ರಸನ್ನಾ ಜಾಯತೇ ದೇವೀ ಮಾತಙ್ಗೀ ಚಾಸ್ಯ ಪಾಠತಃ ।
ಸಹಸ್ರನಾಮಪಠನೇ ಯತ್ಫಲಂ ಪರಿಕೀರ್ತಿತಮ್ ।
ತತ್ಕೋಟಿಗುಣಿತಂ ದೇವೀನಾಮಾಷ್ಟಶತಕಂ ಶುಭಮ್ ॥ 4 ॥
ಅಸ್ಯ ಶ್ರೀಮಾತಙ್ಗ್ಯಷ್ಟೋತ್ತರಶತನಾಮಸ್ತೋತ್ರಸ್ಯ ಭಗವಾನ್ಮತಙ್ಗ ಋಷಿಃ ಅನುಷ್ಟುಪ್ಛನ್ದಃ ಶ್ರೀಮಾತಙ್ಗೀ ದೇವತಾ ಶ್ರೀಮಾತಙ್ಗೀ ಪ್ರೀತಯೇ ಜಪೇ ವಿನಿಯೋಗಃ ।
ಮಹಾಮತ್ತಮಾತಙ್ಗಿನೀ ಸಿದ್ಧಿರೂಪಾ
ತಥಾ ಯೋಗಿನೀ ಭದ್ರಕಾಳೀ ರಮಾ ಚ ।
ಭವಾನೀ ಭವಪ್ರೀತಿದಾ ಭೂತಿಯುಕ್ತಾ
ಭವಾರಾಧಿತಾ ಭೂತಿಸಮ್ಪತ್ಕರೀ ಚ ॥ 1 ॥
ಧನಾಧೀಶಮಾತಾ ಧನಾಗಾರದೃಷ್ಟಿ-
-ರ್ಧನೇಶಾರ್ಚಿತಾ ಧೀರವಾಪೀ ವರಾಙ್ಗೀ ।
ಪ್ರಕೃಷ್ಟಾ ಪ್ರಭಾರೂಪಿಣೀ ಕಾಮರೂಪಾ
ಪ್ರಹೃಷ್ಟಾ ಮಹಾಕೀರ್ತಿದಾ ಕರ್ಣನಾಲೀ ॥ 2 ॥
ಕರಾಳೀ ಭಗಾ ಘೋರರೂಪಾ ಭಗಾಙ್ಗೀ
ಭಗಾಹ್ವಾ ಭಗಪ್ರೀತಿದಾ ಭೀಮರೂಪಾ ।
ಭವಾನೀ ಮಹಾಕೌಶಿಕೀ ಕೋಶಪೂರ್ಣಾ
ಕಿಶೋರೀ ಕಿಶೋರಪ್ರಿಯಾ ನನ್ದೀಹಾ ॥ 3 ॥
ಮಹಾಕಾರಣಾಽಕಾರಣಾ ಕರ್ಮಶೀಲಾ
ಕಪಾಲೀ ಪ್ರಸಿದ್ಧಾ ಮಹಾಸಿದ್ಧಖಣ್ಡಾ ।
ಮಕಾರಪ್ರಿಯಾ ಮಾನರೂಪಾ ಮಹೇಶೀ
ಮಲೋಲ್ಲಾಸಿನೀ ಲಾಸ್ಯಲೀಲಾಲಯಾಙ್ಗೀ ॥ 4 ॥
ಕ್ಷಮಾ ಕ್ಷೇಮಶೀಲಾ ಕ್ಷಪಾಕಾರಿಣೀ ಚಾ-
-ಽಕ್ಷಯಪ್ರೀತಿದಾ ಭೂತಿಯುಕ್ತಾ ಭವಾನೀ ।
ಭವಾರಾಧಿತಾ ಭೂತಿಸತ್ಯಾತ್ಮಿಕಾ ಚ
ಪ್ರಭೋದ್ಭಾಸಿತಾ ಭಾನುಭಾಸ್ವತ್ಕರಾ ಚ ॥ 5 ॥
ಧರಾಧೀಶಮಾತಾ ಧರಾಗಾರದೃಷ್ಟಿ-
-ರ್ಧರೇಶಾರ್ಚಿತಾ ಧೀವರಾ ಧೀವರಾಙ್ಗೀ ।
ಪ್ರಕೃಷ್ಟಾ ಪ್ರಭಾರೂಪಿಣೀ ಪ್ರಾಣರೂಪಾ
ಪ್ರಕೃಷ್ಟಸ್ವರೂಪಾ ಸ್ವರೂಪಪ್ರಿಯಾ ಚ ॥ 6 ॥
ಚಲತ್ಕುಣ್ಡಲಾ ಕಾಮಿನೀ ಕಾನ್ತಯುಕ್ತಾ
ಕಪಾಲಾಽಚಲಾ ಕಾಲಕೋದ್ಧಾರಿಣೀ ಚ ।
ಕದಮ್ಬಪ್ರಿಯಾ ಕೋಟರೀ ಕೋಟದೇಹಾ
ಕ್ರಮಾ ಕೀರ್ತಿದಾ ಕರ್ಣರೂಪಾ ಚ ಕಾಕ್ಷ್ಮೀಃ ॥ 7 ॥
ಕ್ಷಮಾಙ್ಗೀ ಕ್ಷಯಪ್ರೇಮರೂಪಾ ಕ್ಷಯಾ ಚ
ಕ್ಷಯಾಕ್ಷಾ ಕ್ಷಯಾಹ್ವಾ ಕ್ಷಯಪ್ರಾನ್ತರಾ ಚ ।
ಕ್ಷವತ್ಕಾಮಿನೀ ಕ್ಷಾರಿಣೀ ಕ್ಷೀರಪೂರ್ಣಾ
ಶಿವಾಙ್ಗೀ ಚ ಶಾಕಮ್ಭರೀ ಶಾಕದೇಹಾ ॥ 8 ॥
ಮಹಾಶಾಕಯಜ್ಞಾ ಫಲಪ್ರಾಶಕಾ ಚ
ಶಕಾಹ್ವಾಽಶಕಾಹ್ವಾ ಶಕಾಖ್ಯಾ ಶಕಾ ಚ ।
ಶಕಾಕ್ಷಾನ್ತರೋಷಾ ಸುರೋಷಾ ಸುರೇಖಾ
ಮಹಾಶೇಷಯಜ್ಞೋಪವೀತಪ್ರಿಯಾ ಚ ॥ 9 ॥
ಜಯನ್ತೀ ಜಯಾ ಜಾಗ್ರತೀ ಯೋಗ್ಯರೂಪಾ
ಜಯಾಙ್ಗಾ ಜಪಧ್ಯಾನಸನ್ತುಷ್ಟಸಞ್ಜ್ಞಾ ।
ಜಯಪ್ರಾಣರೂಪಾ ಜಯಸ್ವರ್ಣದೇಹಾ
ಜಯಜ್ವಾಲಿನೀ ಯಾಮಿನೀ ಯಾಮ್ಯರೂಪಾ ॥ 10 ॥
ಜಗನ್ಮಾತೃರೂಪಾ ಜಗದ್ರಕ್ಷಣಾ ಚ
ಸ್ವಧಾವೌಷಡನ್ತಾ ವಿಲಮ್ಬಾಽವಿಲಮ್ಬಾ ।
ಷಡಙ್ಗಾ ಮಹಾಲಮ್ಬರೂಪಾಸಿಹಸ್ತಾ-
ಪದಾಹಾರಿಣೀಹಾರಿಣೀ ಹಾರಿಣೀ ಚ ॥ 11 ॥
ಮಹಾಮಙ್ಗಳಾ ಮಙ್ಗಳಪ್ರೇಮಕೀರ್ತಿ-
-ರ್ನಿಶುಮ್ಭಚ್ಛಿದಾ ಶುಮ್ಭದರ್ಪಾಪಹಾ ಚ ।
ತಥಾಽಽನನ್ದಬೀಜಾದಿಮುಕ್ತಿಸ್ವರೂಪಾ
ತಥಾ ಚಣ್ಡಮುಣ್ಡಾಪದಾ ಮುಖ್ಯಚಣ್ಡಾ ॥ 12 ॥
ಪ್ರಚಣ್ಡಾಽಪ್ರಚಣ್ಡಾ ಮಹಾಚಣ್ಡವೇಗಾ
ಚಲಚ್ಚಾಮರಾ ಚಾಮರಾ ಚನ್ದ್ರಕೀರ್ತಿಃ ।
ಸುಚಾಮೀಕರಾ ಚಿತ್ರಭೂಷೋಜ್ಜ್ವಲಾಙ್ಗೀ
ಸುಸಙ್ಗೀತಗೀತಾ ಚ ಪಾಯಾದಪಾಯಾತ್ ॥ 13 ॥
ಇತಿ ತೇ ಕಥಿತಂ ದೇವಿ ನಾಮ್ನಾಮಷ್ಟೋತ್ತರಂ ಶತಮ್ ।
ಗೋಪ್ಯಂ ಚ ಸರ್ವತನ್ತ್ರೇಷು ಗೋಪನೀಯಂ ಚ ಸರ್ವದಾ ॥ 14 ॥
ಏತಸ್ಯ ಸತತಾಭ್ಯಾಸಾತ್ಸಾಕ್ಷಾದ್ದೇವೋ ಮಹೇಶ್ವರಃ ।
ತ್ರಿಸನ್ಧ್ಯಂ ಚ ಮಹಾಭಕ್ತ್ಯಾ ಪಠನೀಯಂ ಸುಖೋದಯಮ್ ॥ 15 ॥
ನ ತಸ್ಯ ದುಷ್ಕರಂ ಕಿಞ್ಚಿಜ್ಜಾಯತೇ ಸ್ಪರ್ಶತಃ ಕ್ಷಣಾತ್ ।
ಸುಕೃತಂ ಯತ್ತದೇವಾಪ್ತಂ ತಸ್ಮಾದಾವರ್ತಯೇತ್ಸದಾ ॥ 16 ॥
ಸದೈವ ಸನ್ನಿಧೌ ತಸ್ಯ ದೇವೀ ವಸತಿ ಸಾದರಮ್ ।
ಅಯೋಗಾ ಯೇ ತ ಏವಾಗ್ರೇ ಸುಯೋಗಾಶ್ಚ ಭವನ್ತಿ ವೈ ॥ 17 ॥
ತ ಏವ ಮಿತ್ರಭೂತಾಶ್ಚ ಭವನ್ತಿ ತತ್ಪ್ರಸಾದತಃ ।
ವಿಷಾಣಿ ನೋಪಸರ್ಪನ್ತಿ ವ್ಯಾಧಯೋ ನ ಸ್ಪೃಶನ್ತಿ ತಾನ್ ॥ 18 ॥
ಲೂತಾವಿಸ್ಫೋಟಕಾಃ ಸರ್ವೇ ಶಮಂ ಯಾನ್ತಿ ಚ ತತ್ಕ್ಷಣಾತ್ ।
ಜರಾಪಲಿತನಿರ್ಮುಕ್ತಃ ಕಲ್ಪಜೀವೀ ಭವೇನ್ನರಃ ॥ 19 ॥
ಅಪಿ ಕಿಂ ಬಹುನೋಕ್ತೇನ ಸಾನ್ನಿಧ್ಯಂ ಫಲಮಾಪ್ನುಯಾತ್ ।
ಯಾವನ್ಮಯಾ ಪುರಾ ಪ್ರೋಕ್ತಂ ಫಲಂ ಸಾಹಸ್ರನಾಮಕಮ್ ।
ತತ್ಸರ್ವಂ ಲಭತೇ ಮರ್ತ್ಯೋ ಮಹಾಮಾಯಾಪ್ರಸಾದತಃ ॥ 20 ॥
ಇತಿ ಶ್ರೀರುದ್ರಯಾಮಲೇ ಶ್ರೀಮಾತಙ್ಗೀಶತನಾಮಸ್ತೋತ್ರಮ್ ।
