ஶ்ரீதே³வ்யுவாச ।
தே³வதே³வ மஹாபா³ஹோ ப⁴க்தானாம் ஸுக²வர்த⁴ன ।
கேன ஸித்³தி⁴ம் த³தா³த்யாஶு காலீ த்ரைலோக்யமோஹன ॥ 1॥

தன்மே வத³ த³யாதா⁴ர ஸாத⁴காபீ⁴ஷ்டஸித்³த⁴யே ।
க்ருபாம் குரு ஜக³ன்னாத² வத³ வேத³விதா³ம் வர ॥ 2॥

ஶ்ரீபை⁴ரவ உவாச ।
கோ³பனீயம் ப்ரயத்னேன தத்த்வாத் தத்த்வம் பராத்பரம் ।
ஏஷ ஸித்³தி⁴கர: ஸம்யக் கிமதோ² கத²யாம்யஹம் ॥ 3॥

மஹாகாலமஹம் வந்தே³ ஸர்வஸித்³தி⁴ப்ரதா³யகம் ।
தே³வதா³னவக³ந்த⁴ர்வகின்னரபரிஸேவிதம் ॥ 4॥

கவசம் தத்த்வதே³வஸ்ய பட²னாத்³ கோ⁴ரத³ர்ஶனே ।
ஸத்யம் ப⁴வதி ஸான்னித்⁴யம் கவசஸ்தவனாந்தராத் ॥ 5॥

ஸித்³தி⁴ம் த³தா³தி ஸா துஷ்டா க்ருத்வா கவசமுத்தமம் ।
ஸாம்ராஜ்யத்வம் ப்ரியம் த³த்வா புத்ரவத் பரிபாலயேத் ॥ 6॥

கவசஸ்ய ருஷிர்தே³வீ காலிகா த³க்ஷிணா ததா²
விராட்ச²ந்த:³ ஸுவிஜ்ஞேயம் மஹாகாலஸ்து தே³வதா ।
காலிகா ஸாத⁴னே சைவ வினியோக:³ ப்ரகீர்த்தித: ॥ 7॥

ஓம் ஶ்மஶானஸ்தோ² மஹாருத்³ரோ மஹாகாலோ தி³க³ம்ப³ர: ।
கபாலகர்த்ருகா வாமே ஶூலம் க²ட்வாங்க³ம் த³க்ஷிணே ॥ 8॥

பு⁴ஜங்க³பூ⁴ஷிதே தே³வி ப⁴ஸ்மாஸ்தி²மணிமண்டி³த: ।
ஜ்வலத்பாவகமத்⁴யஸ்தோ² ப⁴ஸ்மஶய்யாவ்யவஸ்தி²த: ॥ 9॥

விபரீதரதாம் தத்ர காலிகாம் ஹ்ருத³யோபரி ।
பேயம் கா²த்³யம் ச சோஷ்யம் ச தௌ க்ருத்வா து பரஸ்பரம் ।
ஏவம் ப⁴க்த்யா யஜேத்³ தே³வம் ஸர்வஸித்³தி⁴: ப்ரஜாயதே ॥ 1௦॥

ப்ரணவம் பூர்வமுச்சார்ய மஹாகாலாய தத்பத³ம் ।
நம: பாது மஹாமந்த்ர: ஸர்வஶாஸ்த்ரார்த²பாரக:³ ॥ 11॥

அஷ்டக்ஷரோ மஹா மந்த்ர: ஸர்வாஶாபரிபூரக: ।
ஸர்வபாபக்ஷயம் யாதி க்³ரஹணே ப⁴க்தவத்ஸலே ॥ 12॥

கூர்சத்³வந்த்³வம் மஹாகால ப்ரஸீதே³தி பத³த்³வயம் ।
லஜ்ஜாயுக்³மம் வஹ்னிஜாயா ஸ து ராஜேஶ்வரோ மஹான் ॥ 13॥

மந்த்ரக்³ரஹணமாத்ரேண ப⁴வேத ஸத்யம் மஹாகவி: ।
க³த்³யபத்³யமயீ வாணீ க³ங்கா³னிர்ஜ²ரிதா ததா² ॥ 14॥

தஸ்ய நாம து தே³வேஶி தே³வா கா³யந்தி பா⁴வுகா: ।
ஶக்திபீ³ஜத்³வயம் த³த்வா கூர்சம் ஸ்யாத் தத³னந்தரம் ॥ 15॥

மஹாகாலபத³ம் த³த்வா மாயாபீ³ஜயுக³ம் ததா² ।
கூர்சமேகம் ஸமுத்³த்⁴ருத்ய மஹாமந்த்ரோ த³ஶாக்ஷர: ॥ 16॥

ராஜஸ்தா²னே து³ர்க³மே ச பாது மாம் ஸர்வதோ முதா³ ।
வேதா³தி³பீ³ஜமாதா³ய ப⁴க³மான் தத³னந்தரம் ॥ 17॥

மஹாகாலாய ஸம்ப்ரோச்ய கூர்சம் த³த்வா ச ட²த்³வயம் ।
ஹ்ரீங்காரபூர்வமுத்³த்⁴ருத்ய வேதா³தி³ஸ்தத³னந்தரம் ॥ 18॥

மஹாகாலஸ்யாந்தபா⁴கே³ ஸ்வாஹாந்தமனுமுத்தமம் ।
த⁴னம் புத்ரம் ஸதா³ பாது ப³ந்து⁴தா³ரானிகேதனம் ॥ 19॥

பிங்க³லாக்ஷோ மஞ்ஜுயுத்³தே⁴ யுத்³தே⁴ நித்யம் ஜயப்ரத:³ ।
ஸம்பா⁴வ்ய: ஸர்வது³ஷ்டக்⁴ன: பாது ஸ்வஸ்தா²னவல்லப:⁴ ॥ 2௦॥

இதி தே கதி²தம் துப்⁴யம் தே³வானாமபி து³ர்லப⁴ம் ।
அனேன பட²னாத்³ தே³வி விக்⁴னநாஶோ யதா² ப⁴வேத் ॥ 21॥

ஸம்பூஜக: ஶுசிஸ்னாத: ப⁴க்தியுக்த: ஸமாஹித: ।
ஸர்வவ்யாதி⁴வினிர்முக்த: வைரிமத்⁴யே விஶேஷத: ॥ 22॥

மஹாபீ⁴ம: ஸதா³ பாது ஸர்வஸ்தா²ன வல்லப⁴ம் । ?
காலீபார்ஶ்வஸ்தி²தோ தே³வ: ஸர்வதா³ பாது மே முகே² ॥ 23॥

॥ ப²ல ஶ்ருதி॥

பட²னாத் காலிகாதே³வீ படே²த் கவசமுத்தமம் ।
ஶ்ருணுயாத்³ வா ப்ரயத்னேன ஸதா³னந்த³மயோ ப⁴வேத் ॥ 1॥

ஶ்ரத்³த⁴யாஶ்ரத்³த⁴யா வாபி பட²னாத் கவசஸ்ய யத் ।
ஸர்வஸித்³தி⁴மவாப்னோதி யத்³யன்மனஸி வர்ததே ॥ 2॥

பி³ல்வமூலே படே²த்³ யஸ்து பட²னாத்³ கவசஸ்ய யத் ।
த்ரிஸந்த்⁴யம் பட²னாத்³ தே³வி ப⁴வேன்னித்யம் மஹாகவி: ॥ 3॥

குமாரீம் பூஜயித்வா து ய: படே²த்³ பா⁴வதத்பர: ।
ந கிஞ்சித்³ து³ர்லப⁴ம் தஸ்ய தி³வி வா பு⁴வி மோத³தே ॥ 4॥

து³ர்பி⁴க்ஷே ராஜபீடா³யாம் க்³ராமே வா வைரிமத்⁴யகே ।
யத்ர யத்ர ப⁴யம் ப்ராப்த: ஸர்வத்ர ப்ரபடே²ன்னர: ॥ 5॥

தத்ர தத்ராப⁴யம் தஸ்ய ப⁴வத்யேவ ந ஸம்ஶய: ।
வாமபார்ஶ்வே ஸமானீய ஶோபி⁴தாம் வரகாமினீம் ॥ 6॥

ஶ்ரத்³த⁴யாஶ்ரத்³த⁴யா வாபி பட²னாத் கவசஸ்ய து ।
ப்ரயத்னத: படே²த்³ யஸ்து தஸ்ய ஸித்³தி⁴: கரே ஸ்தி²தா ॥ 7॥

இத³ம் கவசமஜ்ஞாத்வா காலம் யோ பஜ⁴தே நர: ।
நைவ ஸித்³தி⁴ர்ப⁴வேத் தஸ்ய விக்⁴னஸ்தஸ்ய பதே³ பதே³ ।
ஆதௌ³ வர்ம படி²த்வா து தஸ்ய ஸித்³தி⁴ர்ப⁴விஷ்யதி ॥ 8॥

॥ இதி ருத்³ரயாமலே மஹாதந்த்ரே மஹாகாலபை⁴ரவகவசம் ஸம்பூர்ணம்॥