શ્રીદેવ્યુવાચ ।
દેવદેવ મહાબાહો ભક્તાનાં સુખવર્ધન ।
કેન સિદ્ધિં દદાત્યાશુ કાલી ત્રૈલોક્યમોહન ॥ 1॥

તન્મે વદ દયાઽઽધાર સાધકાભીષ્ટસિદ્ધયે ।
કૃપાં કુરુ જગન્નાથ વદ વેદવિદાં વર ॥ 2॥

શ્રીભૈરવ ઉવાચ ।
ગોપનીયં પ્રયત્નેન તત્ત્વાત્ તત્ત્વં પરાત્પરમ્ ।
એષ સિદ્ધિકરઃ સમ્યક્ કિમથો કથયામ્યહમ્ ॥ 3॥

મહાકાલમહં વંદે સર્વસિદ્ધિપ્રદાયકમ્ ।
દેવદાનવગંધર્વકિન્નરપરિસેવિતમ્ ॥ 4॥

કવચં તત્ત્વદેવસ્ય પઠનાદ્ ઘોરદર્શને ।
સત્યં ભવતિ સાન્નિધ્યં કવચસ્તવનાંતરાત્ ॥ 5॥

સિદ્ધિં દદાતિ સા તુષ્ટા કૃત્વા કવચમુત્તમમ્ ।
સામ્રાજ્યત્વં પ્રિયં દત્વા પુત્રવત્ પરિપાલયેત્ ॥ 6॥

કવચસ્ય ઋષિર્દેવી કાલિકા દક્ષિણા તથા
વિરાટ્છંદઃ સુવિજ્ઞેયં મહાકાલસ્તુ દેવતા ।
કાલિકા સાધને ચૈવ વિનિયોગઃ પ્રકીર્ત્તિતઃ ॥ 7॥

ઓં શ્મશાનસ્થો મહારુદ્રો મહાકાલો દિગંબરઃ ।
કપાલકર્તૃકા વામે શૂલં ખટ્વાંગં દક્ષિણે ॥ 8॥

ભુજંગભૂષિતે દેવિ ભસ્માસ્થિમણિમંડિતઃ ।
જ્વલત્પાવકમધ્યસ્થો ભસ્મશય્યાવ્યવસ્થિતઃ ॥ 9॥

વિપરીતરતાં તત્ર કાલિકાં હૃદયોપરિ ।
પેયં ખાદ્યં ચ ચોષ્યં ચ તૌ કૃત્વા તુ પરસ્પરમ્ ।
એવં ભક્ત્યા યજેદ્ દેવં સર્વસિદ્ધિઃ પ્રજાયતે ॥ 10॥

પ્રણવં પૂર્વમુચ્ચાર્ય મહાકાલાય તત્પદમ્ ।
નમઃ પાતુ મહામંત્રઃ સર્વશાસ્ત્રાર્થપારગઃ ॥ 11॥

અષ્ટક્ષરો મહા મંત્રઃ સર્વાશાપરિપૂરકઃ ।
સર્વપાપક્ષયં યાતિ ગ્રહણે ભક્તવત્સલે ॥ 12॥

કૂર્ચદ્વંદ્વં મહાકાલ પ્રસીદેતિ પદદ્વયમ્ ।
લજ્જાયુગ્મં વહ્નિજાયા સ તુ રાજેશ્વરો મહાન્ ॥ 13॥

મંત્રગ્રહણમાત્રેણ ભવેત સત્યં મહાકવિઃ ।
ગદ્યપદ્યમયી વાણી ગંગાનિર્ઝરિતા તથા ॥ 14॥

તસ્ય નામ તુ દેવેશિ દેવા ગાયંતિ ભાવુકાઃ ।
શક્તિબીજદ્વયં દત્વા કૂર્ચં સ્યાત્ તદનંતરમ્ ॥ 15॥

મહાકાલપદં દત્વા માયાબીજયુગં તથા ।
કૂર્ચમેકં સમુદ્ધૃત્ય મહામંત્રો દશાક્ષરઃ ॥ 16॥

રાજસ્થાને દુર્ગમે ચ પાતુ માં સર્વતો મુદા ।
વેદાદિબીજમાદાય ભગમાન્ તદનંતરમ્ ॥ 17॥

મહાકાલાય સંપ્રોચ્ય કૂર્ચં દત્વા ચ ઠદ્વયમ્ ।
હ્રીંકારપૂર્વમુદ્ધૃત્ય વેદાદિસ્તદનંતરમ્ ॥ 18॥

મહાકાલસ્યાંતભાગે સ્વાહાંતમનુમુત્તમમ્ ।
ધનં પુત્રં સદા પાતુ બંધુદારાનિકેતનમ્ ॥ 19॥

પિંગલાક્ષો મંજુયુદ્ધે યુદ્ધે નિત્યં જયપ્રદઃ ।
સંભાવ્યઃ સર્વદુષ્ટઘ્નઃ પાતુ સ્વસ્થાનવલ્લભઃ ॥ 20॥

ઇતિ તે કથિતં તુભ્યં દેવાનામપિ દુર્લભમ્ ।
અનેન પઠનાદ્ દેવિ વિઘ્નનાશો યથા ભવેત્ ॥ 21॥

સંપૂજકઃ શુચિસ્નાતઃ ભક્તિયુક્તઃ સમાહિતઃ ।
સર્વવ્યાધિવિનિર્મુક્તઃ વૈરિમધ્યે વિશેષતઃ ॥ 22॥

મહાભીમઃ સદા પાતુ સર્વસ્થાન વલ્લભમ્ । ?
કાલીપાર્શ્વસ્થિતો દેવઃ સર્વદા પાતુ મે મુખે ॥ 23॥

॥ ફલ શ્રુતિ॥

પઠનાત્ કાલિકાદેવી પઠેત્ કવચમુત્તમમ્ ।
શ્રુણુયાદ્ વા પ્રયત્નેન સદાઽઽનંદમયો ભવેત્ ॥ 1॥

શ્રદ્ધયાઽશ્રદ્ધયા વાપિ પઠનાત્ કવચસ્ય યત્ ।
સર્વસિદ્ધિમવાપ્નોતિ યદ્યન્મનસિ વર્તતે ॥ 2॥

બિલ્વમૂલે પઠેદ્ યસ્તુ પઠનાદ્ કવચસ્ય યત્ ।
ત્રિસંધ્યં પઠનાદ્ દેવિ ભવેન્નિત્યં મહાકવિઃ ॥ 3॥

કુમારીં પૂજયિત્વા તુ યઃ પઠેદ્ ભાવતત્પરઃ ।
ન કિંચિદ્ દુર્લભં તસ્ય દિવિ વા ભુવિ મોદતે ॥ 4॥

દુર્ભિક્ષે રાજપીડાયાં ગ્રામે વા વૈરિમધ્યકે ।
યત્ર યત્ર ભયં પ્રાપ્તઃ સર્વત્ર પ્રપઠેન્નરઃ ॥ 5॥

તત્ર તત્રાભયં તસ્ય ભવત્યેવ ન સંશયઃ ।
વામપાર્શ્વે સમાનીય શોભિતાં વરકામિનીમ્ ॥ 6॥

શ્રદ્ધયાઽશ્રદ્ધયા વાપિ પઠનાત્ કવચસ્ય તુ ।
પ્રયત્નતઃ પઠેદ્ યસ્તુ તસ્ય સિદ્ધિઃ કરે સ્થિતા ॥ 7॥

ઇદં કવચમજ્ઞાત્વા કાલં યો ભજતે નરઃ ।
નૈવ સિદ્ધિર્ભવેત્ તસ્ય વિઘ્નસ્તસ્ય પદે પદે ।
આદૌ વર્મ પઠિત્વા તુ તસ્ય સિદ્ધિર્ભવિષ્યતિ ॥ 8॥

॥ ઇતિ રુદ્રયામલે મહાતંત્રે મહાકાલભૈરવકવચં સંપૂર્ણમ્॥