যং যং যং যক্ষরূপং দশদিশিবিদিতং ভূমিকংপাযমানং
সং সং সংহারমূর্তিং শিরমুকুটজটা শেখরং চংদ্রবিংবম্ ।
দং দং দং দীর্ঘকাযং বিকৃতনখমুখং চোর্ধ্বরোমং করালং
পং পং পং পাপনাশং প্রণমত সততং ভৈরবং ক্ষেত্রপালম্ ॥ 1 ॥
রং রং রং রক্তবর্ণং কটিকটিততনুং তীক্ষ্ণদংষ্ট্রাকরালং
ঘং ঘং ঘং ঘোষ ঘোষং ঘঘঘঘ ঘটিতং ঘর্জরং ঘোরনাদম্ ।
কং কং কং কালপাশং ধৃক ধৃক ধৃকিতং জ্বালিতং কামদাহং
তং তং তং দিব্যদেহং প্রণমত সততং ভৈরবং ক্ষেত্রপালম্ ॥ 2 ॥
লং লং লং লং বদংতং লললল ললিতং দীর্ঘজিহ্বা করালং
ধূং ধূং ধূং ধূম্রবর্ণং স্ফুটবিকটমুখং ভাস্করং ভীমরূপম্ ।
রুং রুং রুং রুংডমালং রবিতমনিযতং তাম্রনেত্রং করালং
নং নং নং নগ্নভূষং প্রণমত সততং ভৈরবং ক্ষেত্রপালম্ ॥ 3 ॥
বং বং বং বাযুবেগং নতজনসদযং ব্রহ্মসারং পরংতং
খং খং খং খড্গহস্তং ত্রিভুবনবিলযং ভাস্করং ভীমরূপম্ ।
চং চং চং চলিত্বাঽচল চল চলিতাচ্চালিতং ভূমিচক্রং
মং মং মং মাযিরূপং প্রণমত সততং ভৈরবং ক্ষেত্রপালম্ ॥ 4 ॥
শং শং শং শংখহস্তং শশিকরধবলং মোক্ষ সংপূর্ণ তেজং
মং মং মং মং মহাংতং কুলমকুলকুলং মংত্রগুপ্তং সুনিত্যম্ ।
যং যং যং ভূতনাথং কিলিকিলিকিলিতং বালকেলিপ্রধানং
অং অং অং অংতরিক্ষং প্রণমত সততং ভৈরবং ক্ষেত্রপালম্ ॥ 5 ॥
খং খং খং খড্গভেদং বিষমমৃতমযং কালকালং করালং
ক্ষং ক্ষং ক্ষং ক্ষিপ্রবেগং দহদহদহনং তপ্তসংদীপ্যমানম্ ।
হৌং হৌং হৌংকারনাদং প্রকটিতগহনং গর্জিতৈর্ভূমিকংপং
বং বং বং বাললীলং প্রণমত সততং ভৈরবং ক্ষেত্রপালম্ ॥ 6 ॥
সং সং সং সিদ্ধিযোগং সকলগুণমখং দেবদেবং প্রসন্নং
পং পং পং পদ্মনাভং হরিহরমযনং চংদ্রসূর্যাগ্নিনেত্রম্ ।
ঐং ঐং ঐং ঐশ্বর্যনাথং সততভযহরং পূর্বদেবস্বরূপং
রৌং রৌং রৌং রৌদ্ররূপং প্রণমত সততং ভৈরবং ক্ষেত্রপালম্ ॥ 7 ॥
হং হং হং হংসযানং হসিতকলহকং মুক্তযোগাট্টহাসং
নং নং নং নেত্ররূপং শিরমুকুটজটাবংধবংধাগ্রহস্তম্ । [ধংধংধং]
টং টং টং টংকারনাদং ত্রিদশলটলটং কামগর্বাপহারং
ভুং ভুং ভুং ভূতনাথং প্রণমত সততং ভৈরবং ক্ষেত্রপালম্ ॥ 8 ॥
ইত্যেবং কামযুক্তং প্রপঠতি নিযতং ভৈরবস্যাষ্টকং যো
নির্বিঘ্নং দুঃখনাশং সুরভযহরণং ডাকিনীশাকিনীনাম্ ।
নশ্যেদ্ধি ব্যাঘ্রসর্পৌ হুতবহ সলিলে রাজ্যশংসস্য শূন্যং
সর্বা নশ্যংতি দূরং বিপদ ইতি ভৃশং চিংতনাত্সর্বসিদ্ধিম্ ॥ 9 ॥
ভৈরবস্যাষ্টকমিদং ষাণ্মাসং যঃ পঠেন্নরঃ
স যাতি পরমং স্থানং যত্র দেবো মহেশ্বরঃ ॥ 10 ॥
সিংদূরারুণগাত্রং চ সর্বজন্মবিনির্মিতম্ ।
মুকুটাগ্র্যধরং দেবং ভৈরবং প্রণমাম্যহম্ ॥ 11 ॥
নমো ভূতনাথং নমো প্রেতনাথং
নমঃ কালকালং নমঃ রুদ্রমালম্ ।
নমঃ কালিকাপ্রেমলোলং করালং
নমো ভৈরবং কাশিকাক্ষেত্রপালম্ ॥
ইতি তীক্ষ্ণদংষ্ট্র কালভৈরবাষ্টকম্ ॥
