𑌵𑌿𑌶𑍍𑌵𑍇𑌶𑍍𑌵𑌰𑌾𑌯 𑌨𑌰𑌕𑌾𑌰𑍍𑌣𑌵 𑌤𑌾𑌰𑌣𑌾𑌯
𑌕𑌰𑍍𑌣𑌾𑌮𑍃𑌤𑌾𑌯 𑌶𑌶𑌿𑌶𑍇𑌖𑌰 𑌧𑌾𑌰𑌣𑌾𑌯 ।
𑌕𑌰𑍍𑌪𑍂𑌰𑌕𑌾𑌂𑌤𑌿 𑌧𑌵𑌳𑌾𑌯 𑌜𑌟𑌾𑌧𑌰𑌾𑌯
𑌦𑌾𑌰𑌿𑌦𑍍𑌰𑍍𑌯𑌦𑍁𑌃𑌖 𑌦𑌹𑌨𑌾𑌯 𑌨𑌮𑌶𑍍𑌶𑌿𑌵𑌾𑌯 ॥ 1 ॥
𑌗𑍌𑌰𑍀𑌪𑍍𑌰𑌿𑌯𑌾𑌯 𑌰𑌜𑌨𑍀𑌶 𑌕𑌳𑌾𑌧𑌰𑌾𑌯
𑌕𑌾𑌲𑌾𑌂𑌤𑌕𑌾𑌯 𑌭𑍁𑌜𑌗𑌾𑌧𑌿𑌪 𑌕𑌂𑌕𑌣𑌾𑌯 ।
𑌗𑌂𑌗𑌾𑌧𑌰𑌾𑌯 𑌗𑌜𑌰𑌾𑌜 𑌵𑌿𑌮𑌰𑍍𑌧𑌨𑌾𑌯
𑌦𑌾𑌰𑌿𑌦𑍍𑌰𑍍𑌯𑌦𑍁𑌃𑌖 𑌦𑌹𑌨𑌾𑌯 𑌨𑌮𑌶𑍍𑌶𑌿𑌵𑌾𑌯 ॥ 2 ॥
𑌭𑌕𑍍𑌤𑌪𑍍𑌰𑌿𑌯𑌾𑌯 𑌭𑌵𑌰𑍋𑌗 𑌭𑌯𑌾𑌪𑌹𑌾𑌯
𑌉𑌗𑍍𑌰𑌾𑌯 𑌦𑍁𑌃𑌖 𑌭𑌵𑌸𑌾𑌗𑌰 𑌤𑌾𑌰𑌣𑌾𑌯 ।
𑌜𑍍𑌯𑍋𑌤𑌿𑌰𑍍𑌮𑌯𑌾𑌯 𑌗𑍁𑌣𑌨𑌾𑌮 𑌸𑍁𑌨𑍃𑌤𑍍𑌯𑌕𑌾𑌯
𑌦𑌾𑌰𑌿𑌦𑍍𑌰𑍍𑌯𑌦𑍁𑌃𑌖 𑌦𑌹𑌨𑌾𑌯 𑌨𑌮𑌶𑍍𑌶𑌿𑌵𑌾𑌯 ॥ 3 ॥
𑌚𑌰𑍍𑌮𑌾𑌂𑌬𑌰𑌾𑌯 𑌶𑌵𑌭𑌸𑍍𑌮 𑌵𑌿𑌲𑍇𑌪𑌨𑌾𑌯
𑌫𑌾𑌲𑍇𑌕𑍍𑌷𑌣𑌾𑌯 𑌮𑌣𑌿𑌕𑍁𑌂𑌡𑌲 𑌮𑌂𑌡𑌿𑌤𑌾𑌯 ।
𑌮𑌂𑌜𑍀𑌰𑌪𑌾𑌦𑌯𑍁𑌗𑌳𑌾𑌯 𑌜𑌟𑌾𑌧𑌰𑌾𑌯
𑌦𑌾𑌰𑌿𑌦𑍍𑌰𑍍𑌯𑌦𑍁𑌃𑌖 𑌦𑌹𑌨𑌾𑌯 𑌨𑌮𑌶𑍍𑌶𑌿𑌵𑌾𑌯 ॥ 4 ॥
𑌪𑌂𑌚𑌾𑌨𑌨𑌾𑌯 𑌫𑌣𑌿𑌰𑌾𑌜 𑌵𑌿𑌭𑍂𑌷𑌣𑌾𑌯
𑌹𑍇𑌮𑌾𑌂𑌕𑍁𑌶𑌾𑌯 𑌭𑍁𑌵𑌨𑌤𑍍𑌰𑌯 𑌮𑌂𑌡𑌿𑌤𑌾𑌯
𑌆𑌨𑌂𑌦 𑌭𑍂𑌮𑌿 𑌵𑌰𑌦𑌾𑌯 𑌤𑌮𑍋𑌪𑌯𑌾𑌯 ।
𑌦𑌾𑌰𑌿𑌦𑍍𑌰𑍍𑌯𑌦𑍁𑌃𑌖 𑌦𑌹𑌨𑌾𑌯 𑌨𑌮𑌶𑍍𑌶𑌿𑌵𑌾𑌯 ॥ 5 ॥
𑌭𑌾𑌨𑍁𑌪𑍍𑌰𑌿𑌯𑌾𑌯 𑌭𑌵𑌸𑌾𑌗𑌰 𑌤𑌾𑌰𑌣𑌾𑌯
𑌕𑌾𑌲𑌾𑌂𑌤𑌕𑌾𑌯 𑌕𑌮𑌲𑌾𑌸𑌨 𑌪𑍂𑌜𑌿𑌤𑌾𑌯 ।
𑌨𑍇𑌤𑍍𑌰𑌤𑍍𑌰𑌯𑌾𑌯 𑌶𑍁𑌭𑌲𑌕𑍍𑌷𑌣 𑌲𑌕𑍍𑌷𑌿𑌤𑌾𑌯
𑌦𑌾𑌰𑌿𑌦𑍍𑌰𑍍𑌯𑌦𑍁𑌃𑌖 𑌦𑌹𑌨𑌾𑌯 𑌨𑌮𑌶𑍍𑌶𑌿𑌵𑌾𑌯 ॥ 6 ॥
𑌰𑌾𑌮𑌪𑍍𑌰𑌿𑌯𑌾𑌯 𑌰𑌘𑍁𑌨𑌾𑌥 𑌵𑌰𑌪𑍍𑌰𑌦𑌾𑌯
𑌨𑌾𑌗𑌪𑍍𑌰𑌿𑌯𑌾𑌯 𑌨𑌰𑌕𑌾𑌰𑍍𑌣𑌵 𑌤𑌾𑌰𑌣𑌾𑌯 ।
𑌪𑍁𑌣𑍍𑌯𑌾𑌯 𑌪𑍁𑌣𑍍𑌯𑌭𑌰𑌿𑌤𑌾𑌯 𑌸𑍁𑌰𑌾𑌰𑍍𑌚𑌿𑌤𑌾𑌯
𑌦𑌾𑌰𑌿𑌦𑍍𑌰𑍍𑌯𑌦𑍁𑌃𑌖 𑌦𑌹𑌨𑌾𑌯 𑌨𑌮𑌶𑍍𑌶𑌿𑌵𑌾𑌯 ॥ ॥
𑌮𑍁𑌕𑍍𑌤𑍇𑌶𑍍𑌵𑌰𑌾𑌯 𑌫𑌲𑌦𑌾𑌯 𑌗𑌣𑍇𑌶𑍍𑌵𑌰𑌾𑌯
𑌗𑍀𑌤𑌾𑌪𑍍𑌰𑌿𑌯𑌾𑌯 𑌵𑍃𑌷𑌭𑍇𑌶𑍍𑌵𑌰 𑌵𑌾𑌹𑌨𑌾𑌯 ।
𑌮𑌾𑌤𑌂𑌗𑌚𑌰𑍍𑌮 𑌵𑌸𑌨𑌾𑌯 𑌮𑌹𑍇𑌶𑍍𑌵𑌰𑌾𑌯
𑌦𑌾𑌰𑌿𑌦𑍍𑌰𑍍𑌯𑌦𑍁𑌃𑌖 𑌦𑌹𑌨𑌾𑌯 𑌨𑌮𑌶𑍍𑌶𑌿𑌵𑌾𑌯 ॥ ॥
𑌵𑌸𑌿𑌷𑍍𑌠𑍇𑌨 𑌕𑍃𑌤𑌂 𑌸𑍍𑌤𑍋𑌤𑍍𑌰𑌂 𑌸𑌰𑍍𑌵𑌰𑍋𑌗 𑌨𑌿𑌵𑌾𑌰𑌣𑌮𑍍 ।
𑌸𑌰𑍍𑌵𑌸𑌂𑌪𑌤𑍍𑌕𑌰𑌂 𑌶𑍀𑌘𑍍𑌰𑌂 𑌪𑍁𑌤𑍍𑌰𑌪𑍌𑌤𑍍𑌰𑌾𑌦𑌿 𑌵𑌰𑍍𑌧𑌨𑌮𑍍 ।
𑌤𑍍𑌰𑌿𑌸𑌂𑌧𑍍𑌯𑌂 𑌯𑌃 𑌪𑌠𑍇𑌨𑍍𑌨𑌿𑌤𑍍𑌯𑌂 𑌸 𑌹𑌿 𑌸𑍍𑌵𑌰𑍍𑌗 𑌮𑌵𑌾𑌪𑍍𑌨𑍁𑌯𑌾𑌤𑍍 ॥ ॥
॥ 𑌇𑌤𑌿 𑌶𑍍𑌰𑍀 𑌵𑌸𑌿𑌷𑍍𑌠 𑌵𑌿𑌰𑌚𑌿𑌤𑌂 𑌦𑌾𑌰𑌿𑌦𑍍𑌰𑍍𑌯𑌦𑌹𑌨 𑌶𑌿𑌵𑌸𑍍𑌤𑍋𑌤𑍍𑌰𑌂 𑌸𑌂𑌪𑍂𑌰𑍍𑌣𑌮𑍍 ॥
