શાંબ ઉવાચ
આદિદેવ નમસ્તુભ્યં પ્રસીદ મમ ભાસ્કર ।
દિવાકર નમસ્તુભ્યં પ્રભાકર નમોઽસ્તુતે ॥ 1 ॥
સપ્તાશ્વ રથ મારૂઢં પ્રચંડં કશ્યપાત્મજમ્ ।
શ્વેત પદ્મધરં દેવં તં સૂર્યં પ્રણમામ્યહમ્ ॥ 2॥
લોહિતં રથમારૂઢં સર્વ લોક પિતામહમ્ ।
મહા પાપ હરં દેવં તં સૂર્યં પ્રણમામ્યહમ્ ॥ 3॥
ત્રૈગુણ્યં ચ મહાશૂરં બ્રહ્મ વિષ્ણુ મહેશ્વરમ્ ।
મહા પાપ હરં દેવં તં સૂર્યં પ્રણમામ્યહમ્ ॥ 4 ॥
બૃંહિતં તેજસાં પુંજં [તેજપૂજ્યં ચ] વાયુ માકાશ મેવ ચ ।
પ્રભું ચ સર્વલોકાનાં તં સૂર્યં પ્રણમામ્યહમ્ ॥ 5 ॥
બંધૂક પુષ્પસંકાશં હાર કુંડલ ભૂષિતમ્ ।
એક ચક્રધરં દેવં તં સૂર્યં પ્રણમામ્યહમ્ ॥ 6 ॥
વિશ્વેશં વિશ્વ કર્તારં મહાતેજઃ પ્રદીપનમ્ ।
મહા પાપ હરં દેવં તં સૂર્યં પ્રણમામ્યહમ્ ॥ 7 ॥
તં સૂર્યં જગતાં નાથં જ્ઞાન વિજ્ઞાન મોક્ષદમ્ ।
મહા પાપ હરં દેવં તં સૂર્યં પ્રણમામ્યહમ્ ॥ 8 ॥
ફલશૃતિ
સૂર્યાષ્ટકં પઠેન્નિત્યં ગ્રહપીડા પ્રણાશનમ્ ।
અપુત્રો લભતે પુત્રં દરિદ્રો ધનવાન્ ભવેત્ ॥
આમિષં મધુપાનં ચ યઃ કરોતિ રવેર્ધિને ।
સપ્ત જન્મ ભવેદ્રોગી જન્મ કર્મ દરિદ્રતા ॥
સ્ત્રી તૈલ મધુ માંસાનિ યે ત્યજંતિ રવેર્દિને ।
ન વ્યાધિ શોક દારિદ્ર્યં સૂર્યલોકં સ ગચ્છતિ ॥
ઇતિ શ્રી શિવપ્રોક્તં શ્રી સૂર્યાષ્ટકં સંપૂર્ણમ્ ॥
