শ্রী কাশী বিশ্বনাথ সুপ্রাভাতম্

উত্তিষ্ঠ কাশি ভগবান্ প্রভুবিশ্বনাথো
গংগোর্মি-সংগতি-শুভৈঃ পরিভূষিতোঽব্জৈঃ ।
শ্রীঢুংঢি-ভৈরব-মুখৈঃ সহিতাঽঽন্নপূর্ণা
মাতা চ বাংছতি মুদা তব সুপ্রভাতম্ ॥ 2 ॥

ব্রহ্মা মুরারিস্ত্রিপুরাংতকারিঃ
ভানুঃ শশী ভূমিসুতো বুধশ্চ ।
গুরুশ্চ শুক্রঃ শনি-রাহু-কেতবঃ
কুর্বংতু সর্বে ভুবি সুপ্রভাতম্ ॥ 3 ॥

বারাণসী-স্থিত-গজানন-ঢুংঢিরাজ
তাপত্রয়াপহরণে প্রথিত-প্রভাব ।
আনংদ-কংদলকুল-প্রসবৈকভূমে
নিত্য়ং সমস্ত-জগতঃ কুরু সুপ্রভাতম্ ॥ 4 ॥

ব্রহ্মদ্রবোপমিত-গাংগ-পয়ঃ-প্রবাহৈঃ
পুণ্য়ৈঃ সদৈব পরিচুংবিত-পাদপদ্মে ।
মধ্য়ে-ঽখিলামরগণৈঃ পরিসেব্যমানে
শ্রীকাশিকে কুরু সদা ভুবি সুপ্রভাতম্ ॥ 5 ॥

প্রত্নৈরসংখ্য়-মঠ-মংদির-তীর্থ-কুংড-
প্রাসাদ-ঘট্ট-নিবহৈঃ বিদুষাং বরৈশ্চ
আবর্জযস্যখিল-বিশ্ব-মনাংসি নিত্য়ং
শ্রীকাশিকে কুরু সদা ভুবি সুপ্রভাতম্ ॥ 6 ॥

কে বা নরা নু সুধিয়ঃ কুধিয়োঽধিয়ো বা
বাংছংতি নাংতসময়ে শরণং ভবত্য়াঃ ।
হে কোটি-কোটি-জন-মুক্তি-বিধান-দক্ষে
শ্রীকাশিকে কুরু সদা ভুবি সুপ্রভাতম্ ॥ 7 ॥

যা দেবৈরসুরৈর্মুনীংদ্রতনয়ৈর্গংধর্ব-যক্ষোরগৈঃ
নাগৈর্ভূতলবাসিভির্দ্বিজবরৈস্সংসেবিতা সিদ্ধয়ে ।
যা গংগোত্তরবাহিনী-পরিসরে তীর্থৈরসংখ্য়ৈর্বৃতা
সা কাশী ত্রিপুরারিরাজ-নগরী দেয়াত্ সদা মংগলম্ ॥ 8 ॥

তীর্থানাং প্রবরা মনোরথকরী সংসার-পারাপরা
নংদা-নংদি-গণেশ্বরৈরুপহিতা দেবৈরশেষৈঃ-স্তুতা ।
যা শংভোর্মণি-কুংডলৈক-কণিকা বিষ্ণোস্তপো-দীর্ঘিকা
সেয়ং শ্রীমণিকর্ণিকা ভগবতী দেয়াত্ সদা মংগলম্ ॥ 9 ॥

অভিনব-বিস-বল্লী পাদ-পদ্মস্য় বিষ্ণোঃ
মদন-মথন-মৌলের্মালতী পুষ্পমালা ।
জযতি জয়-পতাকা কাপ্যসৌ মোক্ষলক্ষ্ম্য়াঃ
ক্ষপিত-কলি-কলংকা জাহ্নবী নঃ পুনাতু ॥ 10 ॥

গাংগং বারি মনোহারি মুরারি-চরণচ্য়ুতম্ ।
ত্রিপুরারি-শিরশ্চারি পাপহারি পুনাতু মাম্ ॥ 11 ॥

বিঘ্নাবাস-নিবাসকারণ-মহাগংডস্থলালংবিতঃ
সিংদূরারুণ-পুংজ-চংদ্রকিরণ-প্রচ্ছাদি-নাগচ্ছবিঃ ।
শ্রীবিঘ্নেশ্বর-বল্লভো গিরিজয়া সানংদমানংদিতঃ (পাঠভেদ বিশ্বেশ্বর)
স্মেরাস্যস্তব ঢুংঢিরাজ-মুদিতো দেয়াত্ সদা মংগলম্ ॥ 12 ॥

কংঠে যস্য় লসত্করাল-গরলং গংগাজলং মস্তকে
বামাংগে গিরিরাজরাজ-তনয়া জায়া ভবানী সতী ।
নংদি-স্কংদ-গণাধিরাজ-সহিতঃ শ্রীবিশ্বনাথপ্রভুঃ
কাশী-মংদির-সংস্থিতোঽখিলগুরুঃ দেয়াত্ সদা মংগলম্ ॥ 13 ॥

শ্রীবিশ্বনাথ করুণামৃত-পূর্ণ-সিংধো
শীতাংশু-খংড-সমলংকৃত-ভব্যচূড ।
উত্তিষ্ঠ বিশ্বজন-মংগল-সাধনায়
নিত্য়ং সর্বজগতঃ কুরু সুপ্রভাতম্ ॥ 14 ॥

শ্রীবিশ্বনাথ বৃষভ-ধ্বজ বিশ্ববংদ্য়
সৃষ্টি-স্থিতি-প্রলয়-কারক দেবদেব ।
বাচামগোচর মহর্ষি-নুতাংঘ্রি-পদ্ম
বারাণসীপুরপতে কুরু সুপ্রভাতম্ ॥ 15 ॥

শ্রীবিশ্বনাথ ভবভংজন দিব্যভাব
গংগাধর প্রমথ-বংদিত সুংদরাংগ ।
নাগেংদ্র-হার নত-ভক্ত-ভয়াপহার
বারাণসীপুরপতে কুরু সুপ্রভাতম্ ॥ 16 ॥

শ্রীবিশ্বনাথ তব পাদয়ুগং নমামি
নিত্য়ং তবৈব শিব নাম হৃদা স্মরামি ।
বাচং তবৈব যশসাঽনঘ ভূষয়ামি
বারাণসীপুরপতে কুরু সুপ্রভাতম্ ॥ 17 ॥

কাশী-নিবাস-মুনি-সেবিত-পাদ-পদ্ম
গংগা-জলৌঘ-পরিষিক্ত-জটাকলাপ ।
অস্য়াখিলস্য় জগতঃ সচরাচরস্য়
বারাণসীপুরপতে কুরু সুপ্রভাতম্ ॥ 18 ॥

গংগাধরাদ্রিতনয়া-প্রিয় শাংতমূর্তে
বেদাংত-বেদ্য় সকলেশ্বর বিশ্বমূর্তে ।
কূটস্থ নিত্য় নিখিলাগম-গীত-কীর্তে
বারাণসীপুরপতে কুরু সুপ্রভাতম্ ॥ 19 ॥

বিশ্বং সমস্তমিদমদ্য় ঘনাংধকারে
মোহাত্মকে নিপতিতং জডতামুপেতম্ ।
ভাসা বিভাস্য় পরয়া তদমোঘ-শক্তে
বারাণসীপুরপতে কুরু সুপ্রভাতম্ ॥ 20 ॥

সূনুঃ সমস্ত-জন-বিঘ্ন-বিনাশ-দক্ষো
ভার্য়াঽন্নদান-নিরতা-ঽবিরতং জনেভ্য়ঃ ।
খ্য়াতঃ স্বয়ং চ শিবকৃত্ সকলার্থি-ভাজাং
বারাণসীপুরপতে কুরু সুপ্রভাতম্ ॥ 21 ॥

যে নো নমংতি ন জপংতি ন চামনংতি
নো বা লপংতি বিলপংতি নিবেদয়ংতি ।
তেষামবোধ-শিশু-তুল্য়-ধিয়াং নরাণাং
বারাণসীপুরপতে কুরু সুপ্রভাতম্ ॥ 22 ॥

শ্রীকংঠ কংঠ-ধৃত-পন্নগ নীলকংঠ
সোত্কংঠ-ভক্ত-নিবহোপহিতোপ-কংঠ ।
ভস্মাংগরাগ-পরিশোভিত-সর্বদেহ
বারাণসীপুরপতে কুরু সুপ্রভাতম্ ॥ 23 ॥

শ্রীপার্বতী-হৃদয়-বল্লভ পংচ-বক্ত্র
শ্রীনীল-কংঠ নৃ-কপাল-কলাপ-মাল ।
শ্রীবিশ্বনাথ মৃদু-পংকজ-মংজু-পাদ
বারাণসীপুরপতে কুরু সুপ্রভাতম্ ॥ 24 ॥

দুগ্ধ-প্রবাহ-কমনীয়-তরংগ-ভংগে
পুণ্য়-প্রবাহ-পরিপাবিত-ভক্ত-সংগে ।
নিত্য়ং তপস্বি-জন-সেবিত-পাদ-পদ্মে
গংগে শরণ্য়-শিবদে কুরু সুপ্রভাতম্ ॥ 25 ॥

সানংদমানংদ-বনে বসংতং আনংদ-কংদং হত-পাপ-বৃংদম্ ।
বারাণসী-নাথমনাথ-নাথং শ্রীবিশ্বনাথং শরণং প্রপদ্য়ে ॥ 26 ॥

ইতি শ্রীকাশীবিশ্বনাথসুপ্রভাতং সংপূর্ণম্ ।

Browse Related Categories: