নাঽহং দেহো নেংদ্রিয়াণ্য়ংতরংগং
নাঽহংকারঃ প্রাণবর্গো ন চাঽহম্ ।
দারাপত্যক্ষেত্রবিত্তাদিদূর-
স্সাক্ষী নিত্য়ঃ প্রত্যগাত্মা শিবোঽহম্ ॥ 1 ॥
রজ্জ্বজ্ঞানাদ্ভাতি রজ্জুর্যথা হি-
স্স্বাত্মাজ্ঞানাদাত্মনো জীবভাবঃ ।
আপ্তোক্ত্য়া হি ভ্রাংতিনাশে স রজ্জু-
র্জীবো নাঽহং দেশিকোক্ত্য়া শিবোঽহম্ ॥ 2 ॥
অভাতীদং বিশ্বমাত্মন্যসত্য়ং
সত্যজ্ঞানানংদরূপে বিমোহাত্ ।
নিদ্রামোহা-ত্স্বপ্নবত্তন্ন সত্ত্য়ং
শুদ্ধঃ পূর্ণো নিত্য় একশ্শিবোঽহম্ ॥ 3 ॥
মত্তো নান্যত্কিংচিদত্রাপ্তি বিশ্বং
সত্য়ং বাহ্য়ং বস্তুমায়োপক্লুপ্তম্ ।
আদর্শাংতর্ভাসমানস্য় তুল্য়ং
ময়্যদ্বৈতে ভাতি তস্মাচ্ছিবোঽহম্ ॥ 4 ॥
নাঽহং জাতো ন প্রবৃদ্ধো ন নষ্টো
দেহস্য়োক্তাঃ প্রাকৃতাস্সর্বধর্মাঃ ।
কর্তৃত্বাদি-শ্চিন্মযস্য়াস্তি নাঽহং
কারস্য়ৈব হ্য়াত্মনো মে শিবোঽহম্ ॥ 5 ॥
নাঽহং জাতো জন্মমৃত্য়ুঃ কুতো মে
নাঽহং প্রাণঃ ক্ষুত্পিপাসে কুতো মে ।
নাঽহং চিত্তং শোকমোহৌ কুতো মে
নাঽহং কর্তা বংধমোক্ষৌ কুতো মে ॥ 6 ॥
ইতি শ্রীমচ্ছংকরভবত্পাদাচার্য় স্বামি বিরচিতাত্মপংচকম্ ॥
