কুবেরো ধনদ শ্রীদঃ রাজরাজো ধনেশ্বরঃ ।
ধনলক্ষ্মীপ্রিযতমো ধনাঢ্য়ো ধনিকপ্রিয়ঃ ॥ 1 ॥

দাক্ষিণ্য়ো ধর্মনিরতঃ দয়াবংতো ধৃঢব্রতঃ ।
দিব্য় লক্ষণ সংপন্নো দীনার্তি জনরক্ষকঃ ॥ 2 ॥

ধান্যলক্ষ্মী সমারাধ্য়ো ধৈর্যলক্ষ্মী বিরাজিতঃ ।
দয়ারূপো ধর্মবুদ্ধিঃ ধর্ম সংরক্ষণোত্সকঃ ॥ 3 ॥

নিধীশ্বরো নিরালংবো নিধীনাং পরিপালকঃ ।
নিয়ংতা নির্গুণাকারঃ নিষ্কামো নিরুপদ্রবঃ ॥ 4 ॥

নবনাগ সমারাধ্য়ো নবসংখ্য়া প্রবর্তকঃ ।
মান্যশ্চৈত্ররথাধীশঃ মহাগুণগণান্বিতঃ ॥ 5 ॥

যাজ্ঞিকো যজনাসক্তঃ যজ্ঞভুগ্যজ্ঞরক্ষকঃ ।
রাজচংদ্রো রমাধীশো রংজকো রাজপূজিতঃ ॥ 6 ॥

বিচিত্রবস্ত্রবেষাঢ্য়ঃ বিযদ্গমন মানসঃ ।
বিজয়ো বিমলো বংদ্য়ো বংদারু জনবত্সলঃ ॥ 7 ॥

বিরূপাক্ষ প্রিযতমো বিরাগী বিশ্বতোমুখঃ ।
সর্বব্য়াপ্তো সদানংদঃ সর্বশক্তি সমন্বিতঃ ॥ 8 ॥

সামদানরতঃ সৌম্য়ঃ সর্ববাধানিবারকঃ ।
সুপ্রীতঃ সুলভঃ সোমো সর্বকার্যধুরংধরঃ ॥ 9 ॥

সামগানপ্রিয়ঃ সাক্ষাদ্বিভব শ্রী বিরাজিতঃ ।
অশ্ববাহন সংপ্রীতো অখিলাংড প্রবর্তকঃ ॥ 10 ॥

অব্যয়োর্চন সংপ্রীতঃ অমৃতাস্বাদন প্রিয়ঃ ।
অলকাপুরসংবাসী অহংকারবিবর্জিতঃ ॥ 11 ॥

উদারবুদ্ধিরুদ্দামবৈভবো নরবাহনঃ ।
কিন্নরেশো বৈশ্রবণঃ কালচক্রপ্রবর্তকঃ ॥ 12 ॥

অষ্টলক্ষ্ম্য়া সমায়ুক্তঃ অব্যক্তোঽমলবিগ্রহঃ ।
লোকারাধ্য়ো লোকপালো লোকবংদ্য়ো সুলক্ষণঃ ॥ 13 ॥

সুলভঃ সুভগঃ শুদ্ধো শংকরারাধনপ্রিয়ঃ ।
শাংতঃ শুদ্ধগুণোপেতঃ শাশ্বতঃ শুদ্ধবিগ্রহঃ ॥ 14 ॥

সর্বাগমজ্ঞো সুমতিঃ সর্বদেবগণার্চকঃ ।
শংখহস্তধরঃ শ্রীমান্ পরং জ্য়োতিঃ পরাত্পরঃ ॥ 15 ॥

শমাদিগুণসংপন্নঃ শরণ্য়ো দীনবত্সলঃ ।
পরোপকারী পাপঘ্নঃ তরুণাদিত্যসন্নিভঃ ॥ 16 ॥

দাংতঃ সর্বগুণোপেতঃ সুরেংদ্রসমবৈভবঃ ।
বিশ্বখ্য়াতো বীতভয়ঃ অনংতানংতসৌখ্যদঃ ॥ 17 ॥

প্রাতঃ কালে পঠেত্ স্তোত্রং শুচির্ভূত্বা দিনে দিনে ।
তেন প্রাপ্নোতি পুরুষঃ শ্রিয়ং দেবেংদ্রসন্নিভম্ ॥ 18 ॥

ইতি শ্রী কুবের স্তোত্রম্ ॥