କୁବେରୋ ଧନଦ ଶ୍ରୀଦଃ ରାଜରାଜୋ ଧନେଶ୍ଵରଃ ।
ଧନଲକ୍ଷ୍ମୀପ୍ରିୟତମୋ ଧନାଢ୍ୟୋ ଧନିକପ୍ରିୟଃ ॥ 1 ॥

ଦାକ୍ଷିଣ୍ୟୋ ଧର୍ମନିରତଃ ଦୟାଵଂତୋ ଧୃଢଵ୍ରତଃ ।
ଦିଵ୍ୟ ଲକ୍ଷଣ ସଂପନ୍ନୋ ଦୀନାର୍ତି ଜନରକ୍ଷକଃ ॥ 2 ॥

ଧାନ୍ୟଲକ୍ଷ୍ମୀ ସମାରାଧ୍ୟୋ ଧୈର୍ୟଲକ୍ଷ୍ମୀ ଵିରାଜିତଃ ।
ଦୟାରୂପୋ ଧର୍ମବୁଦ୍ଧିଃ ଧର୍ମ ସଂରକ୍ଷଣୋତ୍ସକଃ ॥ 3 ॥

ନିଧୀଶ୍ଵରୋ ନିରାଲଂବୋ ନିଧୀନାଂ ପରିପାଲକଃ ।
ନିୟଂତା ନିର୍ଗୁଣାକାରଃ ନିଷ୍କାମୋ ନିରୁପଦ୍ରଵଃ ॥ 4 ॥

ନଵନାଗ ସମାରାଧ୍ୟୋ ନଵସଂଖ୍ୟା ପ୍ରଵର୍ତକଃ ।
ମାନ୍ୟଶ୍ଚୈତ୍ରରଥାଧୀଶଃ ମହାଗୁଣଗଣାନ୍ଵିତଃ ॥ 5 ॥

ୟାଜ୍ଞିକୋ ୟଜନାସକ୍ତଃ ୟଜ୍ଞଭୁଗ୍ୟଜ୍ଞରକ୍ଷକଃ ।
ରାଜଚଂଦ୍ରୋ ରମାଧୀଶୋ ରଂଜକୋ ରାଜପୂଜିତଃ ॥ 6 ॥

ଵିଚିତ୍ରଵସ୍ତ୍ରଵେଷାଢ୍ୟଃ ଵିୟଦ୍ଗମନ ମାନସଃ ।
ଵିଜୟୋ ଵିମଲୋ ଵଂଦ୍ୟୋ ଵଂଦାରୁ ଜନଵତ୍ସଲଃ ॥ 7 ॥

ଵିରୂପାକ୍ଷ ପ୍ରିୟତମୋ ଵିରାଗୀ ଵିଶ୍ଵତୋମୁଖଃ ।
ସର୍ଵଵ୍ୟାପ୍ତୋ ସଦାନଂଦଃ ସର୍ଵଶକ୍ତି ସମନ୍ଵିତଃ ॥ 8 ॥

ସାମଦାନରତଃ ସୌମ୍ୟଃ ସର୍ଵବାଧାନିଵାରକଃ ।
ସୁପ୍ରୀତଃ ସୁଲଭଃ ସୋମୋ ସର୍ଵକାର୍ୟଧୁରଂଧରଃ ॥ 9 ॥

ସାମଗାନପ୍ରିୟଃ ସାକ୍ଷାଦ୍ଵିଭଵ ଶ୍ରୀ ଵିରାଜିତଃ ।
ଅଶ୍ଵଵାହନ ସଂପ୍ରୀତୋ ଅଖିଲାଂଡ ପ୍ରଵର୍ତକଃ ॥ 10 ॥

ଅଵ୍ୟୟୋର୍ଚନ ସଂପ୍ରୀତଃ ଅମୃତାସ୍ଵାଦନ ପ୍ରିୟଃ ।
ଅଲକାପୁରସଂଵାସୀ ଅହଂକାରଵିଵର୍ଜିତଃ ॥ 11 ॥

ଉଦାରବୁଦ୍ଧିରୁଦ୍ଦାମଵୈଭଵୋ ନରଵାହନଃ ।
କିନ୍ନରେଶୋ ଵୈଶ୍ରଵଣଃ କାଲଚକ୍ରପ୍ରଵର୍ତକଃ ॥ 12 ॥

ଅଷ୍ଟଲକ୍ଷ୍ମ୍ୟା ସମାୟୁକ୍ତଃ ଅଵ୍ୟକ୍ତୋଽମଲଵିଗ୍ରହଃ ।
ଲୋକାରାଧ୍ୟୋ ଲୋକପାଲୋ ଲୋକଵଂଦ୍ୟୋ ସୁଲକ୍ଷଣଃ ॥ 13 ॥

ସୁଲଭଃ ସୁଭଗଃ ଶୁଦ୍ଧୋ ଶଂକରାରାଧନପ୍ରିୟଃ ।
ଶାଂତଃ ଶୁଦ୍ଧଗୁଣୋପେତଃ ଶାଶ୍ଵତଃ ଶୁଦ୍ଧଵିଗ୍ରହଃ ॥ 14 ॥

ସର୍ଵାଗମଜ୍ଞୋ ସୁମତିଃ ସର୍ଵଦେଵଗଣାର୍ଚକଃ ।
ଶଂଖହସ୍ତଧରଃ ଶ୍ରୀମାନ୍ ପରଂ ଜ୍ୟୋତିଃ ପରାତ୍ପରଃ ॥ 15 ॥

ଶମାଦିଗୁଣସଂପନ୍ନଃ ଶରଣ୍ୟୋ ଦୀନଵତ୍ସଲଃ ।
ପରୋପକାରୀ ପାପଘ୍ନଃ ତରୁଣାଦିତ୍ୟସନ୍ନିଭଃ ॥ 16 ॥

ଦାଂତଃ ସର୍ଵଗୁଣୋପେତଃ ସୁରେଂଦ୍ରସମଵୈଭଵଃ ।
ଵିଶ୍ଵଖ୍ୟାତୋ ଵୀତଭୟଃ ଅନଂତାନଂତସୌଖ୍ୟଦଃ ॥ 17 ॥

ପ୍ରାତଃ କାଲେ ପଠେତ୍ ସ୍ତୋତ୍ରଂ ଶୁଚିର୍ଭୂତ୍ଵା ଦିନେ ଦିନେ ।
ତେନ ପ୍ରାପ୍ନୋତି ପୁରୁଷଃ ଶ୍ରିୟଂ ଦେଵେଂଦ୍ରସନ୍ନିଭମ୍ ॥ 18 ॥

ଇତି ଶ୍ରୀ କୁବେର ସ୍ତୋତ୍ରମ୍ ॥