കുബേരോ ധനദ ശ്രീദഃ രാജരാജോ ധനേശ്വരഃ ।
ധനലക്ഷ്മീപ്രിയതമോ ധനാഢ്യോ ധനികപ്രിയഃ ॥ 1 ॥

ദാക്ഷിണ്യോ ധര്മനിരതഃ ദയാവംതോ ധൃഢവ്രതഃ ।
ദിവ്യ ലക്ഷണ സംപന്നോ ദീനാര്തി ജനരക്ഷകഃ ॥ 2 ॥

ധാന്യലക്ഷ്മീ സമാരാധ്യോ ധൈര്യലക്ഷ്മീ വിരാജിതഃ ।
ദയാരൂപോ ധര്മബുദ്ധിഃ ധര്മ സംരക്ഷണോത്സകഃ ॥ 3 ॥

നിധീശ്വരോ നിരാലംബോ നിധീനാം പരിപാലകഃ ।
നിയംതാ നിര്ഗുണാകാരഃ നിഷ്കാമോ നിരുപദ്രവഃ ॥ 4 ॥

നവനാഗ സമാരാധ്യോ നവസംഖ്യാ പ്രവര്തകഃ ।
മാന്യശ്ചൈത്രരഥാധീശഃ മഹാഗുണഗണാന്വിതഃ ॥ 5 ॥

യാജ്ഞികോ യജനാസക്തഃ യജ്ഞഭുഗ്യജ്ഞരക്ഷകഃ ।
രാജചംദ്രോ രമാധീശോ രംജകോ രാജപൂജിതഃ ॥ 6 ॥

വിചിത്രവസ്ത്രവേഷാഢ്യഃ വിയദ്ഗമന മാനസഃ ।
വിജയോ വിമലോ വംദ്യോ വംദാരു ജനവത്സലഃ ॥ 7 ॥

വിരൂപാക്ഷ പ്രിയതമോ വിരാഗീ വിശ്വതോമുഖഃ ।
സർവവ്യാപ്തോ സദാനംദഃ സർവശക്തി സമന്വിതഃ ॥ 8 ॥

സാമദാനരതഃ സൌമ്യഃ സർവബാധാനിവാരകഃ ।
സുപ്രീതഃ സുലഭഃ സോമോ സർവകാര്യധുരംധരഃ ॥ 9 ॥

സാമഗാനപ്രിയഃ സാക്ഷാദ്വിഭവ ശ്രീ വിരാജിതഃ ।
അശ്വവാഹന സംപ്രീതോ അഖിലാംഡ പ്രവര്തകഃ ॥ 10 ॥

അവ്യയോര്ചന സംപ്രീതഃ അമൃതാസ്വാദന പ്രിയഃ ।
അലകാപുരസംവാസീ അഹംകാരവിവര്ജിതഃ ॥ 11 ॥

ഉദാരബുദ്ധിരുദ്ദാമവൈഭവോ നരവാഹനഃ ।
കിന്നരേശോ വൈശ്രവണഃ കാലചക്രപ്രവര്തകഃ ॥ 12 ॥

അഷ്ടലക്ഷ്മ്യാ സമായുക്തഃ അവ്യക്തോഽമലവിഗ്രഹഃ ।
ലോകാരാധ്യോ ലോകപാലോ ലോകവംദ്യോ സുലക്ഷണഃ ॥ 13 ॥

സുലഭഃ സുഭഗഃ ശുദ്ധോ ശംകരാരാധനപ്രിയഃ ।
ശാംതഃ ശുദ്ധഗുണോപേതഃ ശാശ്വതഃ ശുദ്ധവിഗ്രഹഃ ॥ 14 ॥

സർവാഗമജ്ഞോ സുമതിഃ സർവദേവഗണാര്ചകഃ ।
ശംഖഹസ്തധരഃ ശ്രീമാന് പരം ജ്യോതിഃ പരാത്പരഃ ॥ 15 ॥

ശമാദിഗുണസംപന്നഃ ശരണ്യോ ദീനവത്സലഃ ।
പരോപകാരീ പാപഘ്നഃ തരുണാദിത്യസന്നിഭഃ ॥ 16 ॥

ദാംതഃ സർവഗുണോപേതഃ സുരേംദ്രസമവൈഭവഃ ।
വിശ്വഖ്യാതോ വീതഭയഃ അനംതാനംതസൌഖ്യദഃ ॥ 17 ॥

പ്രാതഃ കാലേ പഠേത് സ്തോത്രം ശുചിര്ഭൂത്വാ ദിനേ ദിനേ ।
തേന പ്രാപ്നോതി പുരുഷഃ ശ്രിയം ദേവേംദ്രസന്നിഭമ് ॥ 18 ॥

ഇതി ശ്രീ കുബേര സ്തോത്രമ് ॥