કુબેરો ધનદ શ્રીદઃ રાજરાજો ધનેશ્વરઃ ।
ધનલક્ષ્મીપ્રિયતમો ધનાઢ્યો ધનિકપ્રિયઃ ॥ 1 ॥

દાક્ષિણ્યો ધર્મનિરતઃ દયાવંતો ધૃઢવ્રતઃ ।
દિવ્ય લક્ષણ સંપન્નો દીનાર્તિ જનરક્ષકઃ ॥ 2 ॥

ધાન્યલક્ષ્મી સમારાધ્યો ધૈર્યલક્ષ્મી વિરાજિતઃ ।
દયારૂપો ધર્મબુદ્ધિઃ ધર્મ સંરક્ષણોત્સકઃ ॥ 3 ॥

નિધીશ્વરો નિરાલંબો નિધીનાં પરિપાલકઃ ।
નિયંતા નિર્ગુણાકારઃ નિષ્કામો નિરુપદ્રવઃ ॥ 4 ॥

નવનાગ સમારાધ્યો નવસંખ્યા પ્રવર્તકઃ ।
માન્યશ્ચૈત્રરથાધીશઃ મહાગુણગણાન્વિતઃ ॥ 5 ॥

યાજ્ઞિકો યજનાસક્તઃ યજ્ઞભુગ્યજ્ઞરક્ષકઃ ।
રાજચંદ્રો રમાધીશો રંજકો રાજપૂજિતઃ ॥ 6 ॥

વિચિત્રવસ્ત્રવેષાઢ્યઃ વિયદ્ગમન માનસઃ ।
વિજયો વિમલો વંદ્યો વંદારુ જનવત્સલઃ ॥ 7 ॥

વિરૂપાક્ષ પ્રિયતમો વિરાગી વિશ્વતોમુખઃ ।
સર્વવ્યાપ્તો સદાનંદઃ સર્વશક્તિ સમન્વિતઃ ॥ 8 ॥

સામદાનરતઃ સૌમ્યઃ સર્વબાધાનિવારકઃ ।
સુપ્રીતઃ સુલભઃ સોમો સર્વકાર્યધુરંધરઃ ॥ 9 ॥

સામગાનપ્રિયઃ સાક્ષાદ્વિભવ શ્રી વિરાજિતઃ ।
અશ્વવાહન સંપ્રીતો અખિલાંડ પ્રવર્તકઃ ॥ 10 ॥

અવ્યયોર્ચન સંપ્રીતઃ અમૃતાસ્વાદન પ્રિયઃ ।
અલકાપુરસંવાસી અહંકારવિવર્જિતઃ ॥ 11 ॥

ઉદારબુદ્ધિરુદ્દામવૈભવો નરવાહનઃ ।
કિન્નરેશો વૈશ્રવણઃ કાલચક્રપ્રવર્તકઃ ॥ 12 ॥

અષ્ટલક્ષ્મ્યા સમાયુક્તઃ અવ્યક્તોઽમલવિગ્રહઃ ।
લોકારાધ્યો લોકપાલો લોકવંદ્યો સુલક્ષણઃ ॥ 13 ॥

સુલભઃ સુભગઃ શુદ્ધો શંકરારાધનપ્રિયઃ ।
શાંતઃ શુદ્ધગુણોપેતઃ શાશ્વતઃ શુદ્ધવિગ્રહઃ ॥ 14 ॥

સર્વાગમજ્ઞો સુમતિઃ સર્વદેવગણાર્ચકઃ ।
શંખહસ્તધરઃ શ્રીમાન્ પરં જ્યોતિઃ પરાત્પરઃ ॥ 15 ॥

શમાદિગુણસંપન્નઃ શરણ્યો દીનવત્સલઃ ।
પરોપકારી પાપઘ્નઃ તરુણાદિત્યસન્નિભઃ ॥ 16 ॥

દાંતઃ સર્વગુણોપેતઃ સુરેંદ્રસમવૈભવઃ ।
વિશ્વખ્યાતો વીતભયઃ અનંતાનંતસૌખ્યદઃ ॥ 17 ॥

પ્રાતઃ કાલે પઠેત્ સ્તોત્રં શુચિર્ભૂત્વા દિને દિને ।
તેન પ્રાપ્નોતિ પુરુષઃ શ્રિયં દેવેંદ્રસન્નિભમ્ ॥ 18 ॥

ઇતિ શ્રી કુબેર સ્તોત્રમ્ ॥