කුබේරෝ ධනද ශ්රීදඃ රාජරාජෝ ධනේශ්වරඃ ।
ධනලක්ෂ්මීප්රියතමෝ ධනාඪ්යෝ ධනිකප්රියඃ ॥ 1 ॥

දාක්ෂිණ්යෝ ධර්මනිරතඃ දයාවංතෝ ධෘඪව්රතඃ ।
දිව්ය ලක්ෂණ සංපන්නෝ දීනාර්ති ජනරක්ෂකඃ ॥ 2 ॥

ධාන්යලක්ෂ්මී සමාරාධ්යෝ ධෛර්යලක්ෂ්මී විරාජිතඃ ।
දයාරූපෝ ධර්මබුද්ධිඃ ධර්ම සංරක්ෂණෝත්සකඃ ॥ 3 ॥

නිධීශ්වරෝ නිරාලංබෝ නිධීනාං පරිපාලකඃ ।
නියංතා නිර්ගුණාකාරඃ නිෂ්කාමෝ නිරුපද්රවඃ ॥ 4 ॥

නවනාග සමාරාධ්යෝ නවසංඛ්යා ප්රවර්තකඃ ।
මාන්යශ්චෛත්රරථාධීශඃ මහාගුණගණාන්විතඃ ॥ 5 ॥

යාජ්ඤිකෝ යජනාසක්තඃ යජ්ඤභුග්යජ්ඤරක්ෂකඃ ।
රාජචංද්රෝ රමාධීශෝ රංජකෝ රාජපූජිතඃ ॥ 6 ॥

විචිත්රවස්ත්රවේෂාඪ්යඃ වියද්ගමන මානසඃ ।
විජයෝ විමලෝ වංද්යෝ වංදාරු ජනවත්සලඃ ॥ 7 ॥

විරූපාක්ෂ ප්රියතමෝ විරාගී විශ්වතෝමුඛඃ ।
සර්වව්යාප්තෝ සදානංදඃ සර්වශක්ති සමන්විතඃ ॥ 8 ॥

සාමදානරතඃ සෞම්යඃ සර්වබාධානිවාරකඃ ।
සුප්රීතඃ සුලභඃ සෝමෝ සර්වකාර්යධුරංධරඃ ॥ 9 ॥

සාමගානප්රියඃ සාක්ෂාද්විභව ශ්රී විරාජිතඃ ।
අශ්වවාහන සංප්රීතෝ අඛිලාංඩ ප්රවර්තකඃ ॥ 10 ॥

අව්යයෝර්චන සංප්රීතඃ අමෘතාස්වාදන ප්රියඃ ।
අලකාපුරසංවාසී අහංකාරවිවර්ජිතඃ ॥ 11 ॥

උදාරබුද්ධිරුද්දාමවෛභවෝ නරවාහනඃ ।
කින්නරේශෝ වෛශ්රවණඃ කාලචක්රප්රවර්තකඃ ॥ 12 ॥

අෂ්ටලක්ෂ්ම්යා සමායුක්තඃ අව්යක්තෝऽමලවිග්රහඃ ।
ලෝකාරාධ්යෝ ලෝකපාලෝ ලෝකවංද්යෝ සුලක්ෂණඃ ॥ 13 ॥

සුලභඃ සුභගඃ ශුද්ධෝ ශංකරාරාධනප්රියඃ ।
ශාංතඃ ශුද්ධගුණෝපේතඃ ශාශ්වතඃ ශුද්ධවිග්රහඃ ॥ 14 ॥

සර්වාගමජ්ඤෝ සුමතිඃ සර්වදේවගණාර්චකඃ ।
ශංඛහස්තධරඃ ශ්රීමාන් පරං ජ්යෝතිඃ පරාත්පරඃ ॥ 15 ॥

ශමාදිගුණසංපන්නඃ ශරණ්යෝ දීනවත්සලඃ ।
පරෝපකාරී පාපඝ්නඃ තරුණාදිත්යසන්නිභඃ ॥ 16 ॥

දාංතඃ සර්වගුණෝපේතඃ සුරේංද්රසමවෛභවඃ ।
විශ්වඛ්යාතෝ වීතභයඃ අනංතානංතසෞඛ්යදඃ ॥ 17 ॥

ප්රාතඃ කාලේ පඨේත් ස්තෝත්රං ශුචිර්භූත්වා දිනේ දිනේ ।
තේන ප්රාප්නෝති පුරුෂඃ ශ්රියං දේවේංද්රසන්නිභම් ॥ 18 ॥

ඉති ශ්රී කුබේර ස්තෝත්රම් ॥