অথ শিক্ষাং প্রবক্ষ্য়ামি পাণিনীয়ং মতং যথা ।
শাস্ত্রানুপূর্বং তদ্বিদ্য়াদ্যথোক্তং লোকবেদয়োঃ ॥ 1॥

প্রসিদ্ধমপি শব্দার্থমবিজ্ঞাতমবুদ্ধিভিঃ ।
পুনর্ব্যক্তীকরিষ্য়ামি বাচ উচ্চারণে বিধিম্ ॥ 2॥

ত্রিষষ্টিশ্চতুঃষষ্টির্বা বর্ণাঃ শংভুমতে মতাঃ ।
প্রাকৃতে সংস্কৃতে চাপি স্বয়ং প্রোক্তাঃ স্বয়ংভুবা ॥ 3॥

স্বরাবিংশতিরেকশ্চ স্পর্শানাং পংচবিংশতিঃ ।
যাদযশ্চ স্মৃতা হ্যষ্টৌ চত্বারশ্চ যমাঃ স্মৃতাঃ ॥ 4॥

অনুস্বারো বিসর্গশ্চ ক পৌ চাপি পরাশ্রিতৌ ।
দুস্পৃষ্টশ্চেতি বিজ্ঞেয়ো ৡকারঃ প্লুত এব চ ॥ 5॥

আত্মা বুদ্ধ্য়া সমেত্য়ার্থান্মনোয়ুংক্তে বিবক্ষয়া ।
মনঃ কায়াগ্নিমাহংতি স প্রেরযতি মারুতম্ ॥ 6॥

মারুস্তূরসিচরন্মংদ্রং জনযতি স্বরম্ ।
প্রাতঃসবনয়োগং তং ছংদোগাযত্রমাশ্রিতম্ ॥ 7॥

কংঠেমাধ্য়ংদিনয়ুগং মধ্যমং ত্রৈষ্টুভানুগম্ ।
তারং তার্তীযসবনং শীর্ষণ্য়ং জাগতানুগতম্ ॥ 8॥

সোদীর্ণো মূর্ধ্ন্যভিহতোবক্রমাপদ্য় মারুতঃ ।
বর্ণাংজনযতেতেষাং বিভাগঃ পংচধা স্মৃতঃ ॥ 9॥

স্বরতঃ কালতঃ স্থানাত্ প্রযত্নানুপ্রদানতঃ ।
ইতি বর্ণবিদঃ প্রাহুর্নিপুণং তন্নিবোধত ॥ 10॥

উদাত্তশ্চানুদাত্তশ্চ স্বরিতশ্চ স্বরাস্ত্রয়ঃ ।
হ্রস্বো দীর্ঘঃ প্লুত ইতি কালতো নিযমা অচি ॥ 11॥

উদাত্তে নিষাদগাংধারাবনুদাত্ত ঋষভধৈবতৌ ।
স্বরিতপ্রভবা হ্য়েতে ষড্জমধ্যমপংচমাঃ ॥ 12॥

অষ্টৌস্থানানি বর্ণানামুরঃ কংঠঃ শিরস্তথা ।
জিহ্বামূলং চ দংতাশ্চ নাসিকোষ্ঠৌচ তালু চ ॥ 13॥

ওভাবশ্চ বিবৃত্তিশ্চ শষসা রেফ এব চ ।
জিহ্বামূলমুপধ্মা চ গতিরষ্টবিধোষ্মণঃ ॥ 14॥

যদ্য়োভাবপ্রসংধানমুকারাদি পরং পদম্ ।
স্বরাংতং তাদৃশং বিদ্য়াদ্যদন্যদ্ব্যক্তমূষ্মণঃ ॥ 15॥

হকারং পংচমৈর্য়ুক্তমংতঃস্থাভিশ্চ সংয়ুতম্ ।
উরস্য়ং তং বিজানীয়াত্কংঠ্যমাহুরসংয়ুতম্ ॥ 16॥

কংঠ্য়াবহাবিচুযশাস্তালব্য়া ওষ্ঠজাবুপূ ।
স্য়ুর্মূর্ধন্য়া ঋটুরষা দংত্য়া ঌতুলসাঃ স্মৃতাঃ ॥ 17॥

জিহ্বামূলে তু কুঃ প্রোক্তো দংত্য়োষ্ঠ্য়ো বঃ স্মৃতো বুধৈঃ ।
এঐ তু কংঠতালব্য়া ওঔ কংঠোষ্ঠজৌ স্মৃতৌ ॥ 18॥

অর্ধমাত্রা তু কংঠ্যস্য় একারৈকারয়োর্ভবেত্ ।
ওকারৌকারয়োর্মাত্রা তয়োর্বিবৃতসংবৃতম্ ॥ 19॥

সংবৃতং মাত্রিকং জ্ঞেয়ং বিবৃতং তু দ্বিমাত্রিকম্ ।
ঘোষা বা সংবৃতাঃ সর্বে অঘোষা বিবৃতাঃ স্মৃতাঃ ॥ 20॥

স্বরাণামূষ্মণাং চৈব বিবৃতং করণং স্মৃতম্ ।
তেভ্য়োঽপি বিবৃতাবেঙৌ তাভ্য়ামৈচৌ তথৈব চ ॥ 21॥

অনুস্বারযমানাং চ নাসিকা স্থানমুচ্যতে ।
অয়োগবাহা বিজ্ঞেয়া আশ্রযস্থানভাগিনঃ ॥ 22॥

অলাবুবীণানির্ঘোষো দংত্যমূল্যস্বরানুগঃ ।
অনুস্বারস্তু কর্তব্য়ো নিত্য়ং হ্রোঃ শষসেষু চ ॥ 23॥

অনুস্বারে বিবৃত্ত্য়াং তু বিরামে চাক্ষরদ্বয়ে ।
দ্বিরোষ্ঠ্য়ৌ তু বিগৃহ্ণীয়াদ্যত্রোকারবকারয়োঃ ॥ 24॥

ব্য়াঘ্রী যথা হরেত্পুত্রাংদংষ্ট্রাভ্য়াং ন চ পীডয়েত্ ।
ভীতা পতনভেদাভ্য়াং তদ্বদ্বর্ণান্প্রয়োজয়েত্ ॥ 25॥

যথা সৌরাষ্ট্রিকা নারী তক্রँ ইত্যভিভাষতে ।
এবং রংগাঃ প্রয়োক্তব্য়াঃ খে অরাँ ইব খেদয়া ॥ 26॥

রংগবর্ণং প্রয়ুংজীরন্নো গ্রসেত্পূর্বমক্ষরম্ ।
দীর্ঘস্বরং প্রয়ুংজীয়াত্পশ্চান্নাসিক্যমাচরেত্ ॥ 27॥

হৃদয়ে চৈকমাত্রস্ত্বর্দ্ধমাত্রস্তু মূর্দ্ধনি ।
নাসিকায়াং তথার্দ্ধং চ রংগস্য়ৈবং দ্বিমাত্রতা ॥ 28॥

হৃদয়াদুত্করে তিষ্ঠন্কাংস্য়েন সমনুস্বরন্ ।
মার্দবং চ দ্বিমাত্রং চ জঘন্বাँ ইতি নিদর্শনম্ ॥ 29॥

মধ্য়ে তু কংপয়েত্কংপমুভৌ পার্শ্বৌ সমৌ ভবেত্ ।
সরংগং কংপয়েত্কংপং রথীবেতি নিদর্শনম্ ॥ 30॥

এবং বর্ণাঃ প্রয়োক্তব্য়া নাব্যক্তা ন চ পীডিতাঃ ।
সম্যগ্বর্ণপ্রয়োগেণ ব্রহ্মলোকে মহীযতে ॥ 31॥

গীতী শীঘ্রী শিরঃকংপী তথা লিখিতপাঠকঃ ।
অনর্থজ্ঞোঽল্পকংঠশ্চ ষডেতে পাঠকাধমাঃ ॥ 32॥

মাধুর্যমক্ষরব্যক্তিঃ পদচ্ছেদস্তু সুস্বরঃ ।
ধৈর্য়ং লযসমর্থং চ ষডেতে পাঠকা গুণাঃ ॥ 33॥

শংকিতং ভীতিমুদ্ঘৃষ্টমব্যক্তমনুনাসিকম্ ।
কাকস্বরং শিরসিগং তথা স্থানবিবজির্তম্ ॥ 34॥

উপাংশুদষ্টং ত্বরিতং নিরস্তং বিলংবিতং গদ্গদিতং প্রগীতম্ ।
নিষ্পীডিতং গ্রস্তপদাক্ষরং চ বদেন্ন দীনং ন তু সানুনাস্যম্ ॥ 35॥

প্রাতঃ পঠেন্নিত্যমুরঃস্থিতেন স্বরেণ শার্দূলরুতোপমেন ।
মধ্য়ংদিনে কংঠগতেন চৈব চক্রাহ্বসংকূজিতসন্নিভেন ॥ 36॥

তারং তু বিদ্য়াত্সবনং তৃতীয়ং শিরোগতং তচ্চ সদা প্রয়োজ্যম্ ।
ময়ূরহংসান্যভৃতস্বরাণাং তুল্য়েন নাদেন শিরঃস্থিতেন ॥ 37॥

অচোঽস্পৃষ্টা যণস্ত্বীষন্নেমস্পৃষ্টাঃ শলঃ স্মৃতাঃ ।
শেষাঃ স্পৃষ্টা হলঃ প্রোক্তা নিবোধানুপ্রদানতঃ ॥ 38॥

ঞমোনুনাসিকা ন হ্রৌ নাদিনো হঝষঃ স্মৃতাঃ ।
ঈষন্নাদা যণো জশঃ শ্বাসিনস্তু খফাদয়ঃ ॥ 39॥

ঈষচ্ছ্বাসাংশ্চরো বিদ্য়াদ্গোর্ধামৈতত্প্রচক্ষতে ।
দাক্ষীপুত্রপাণিনিনা যেনেদং ব্য়াপিতং ভুবি ॥ 40॥

ছংদঃ পাদৌ তু বেদস্য় হস্তৌ কল্পোঽথ পঠ্যতে ।
জ্য়োতিষামযনং চক্ষুর্নিরুক্তং শ্রোত্রমুচ্যতে ॥ 41॥

শিক্ষা ঘ্রাণং তু বেদস্য় মুখং ব্য়াকরণং স্মৃতম্ ।
তস্মাত্সাংগমধীত্য়ৈব ব্রহ্মলোকে মহীযতে ॥ 42॥

উদাত্তমাখ্য়াতি বৃষোঽংগুলীনাং প্রদেশিনীমূলনিবিষ্টমূর্ধা ।
উপাংতমধ্য়ে স্বরিতং দ্রুতং চ কনিষ্ঠকায়ামনুদাত্তমেব ॥ 43॥

উদাত্তং প্রদেশিনীং বিদ্য়াত্প্রচয়ং মধ্যতোঽংগুলিম্ ।
নিহতং তু কনিষ্ঠিক্য়াং স্বরিতোপকনিষ্ঠিকাম্ ॥ 44॥

অংতোদাত্তমাদ্য়ুদাত্তমুদাত্তমনুদাত্তং নীচস্বরিতম্ ।
মধ্য়োদাত্তং স্বরিতং দ্ব্য়ুদাত্তং ত্র্য়ুদাত্তমিতি নবপদশয়্য়া ॥ 45॥

অগ্নিঃ সোমঃ প্র বো বীর্য়ং হবিষাং স্বর্বৃহস্পতিরিংদ্রাবৃহস্পতী ।
অগ্নিরিত্য়ংতোদাত্তং সোম ইত্য়াদ্য়ুদাত্তম্ ।
প্রেত্য়ুদাত্তং ব ইত্যনুদাত্তং বীর্য়ং নীচস্বরিতম্ ॥ 46॥

হবিষাং মধ্য়োদাত্তং স্বরিতি স্বরিতম্ ।
বৃহস্পতিরিতি দ্ব্য়ুদাত্তমিংদ্রাবৃহস্পতী ইতি ত্র্য়ুদাত্তম্ ॥ 47॥

অনুদাত্তো হৃদি জ্ঞেয়ো মূর্ধ্ন্য়ুদাত্ত উদাহৃতঃ ।
স্বরিতঃ কর্ণমূলীয়ঃ সর্বাস্য়ে প্রচয়ঃ স্মৃতঃ ॥ 48॥

চাষস্তু বদতে মাত্রাং দ্বিমাত্রং চৈব বাযসঃ ।
শিখী রৌতি ত্রিমাত্রং তু নকুলস্ত্বর্ধমাত্রকম্ ॥ 49॥

কুতীর্থাদাগতং দগ্ধমপবর্ণং চ ভক্ষিতম্ ।
ন তস্য় পাঠে মোক্ষোঽস্তি পাপাহেরিব কিল্বিষাত্ ॥ 50॥

সুতীর্থাদগতং ব্যক্তং স্বাম্নায়্য়ং সুব্যবস্থিতম্ ।
সুস্বরেণ সুবক্ত্রেণ প্রয়ুক্তং ব্রহ্ম রাজতে ॥ 51॥

মংত্রো হীনঃ স্বরতো বর্ণতো বা মিথ্য়াপ্রয়ুক্তো ন তমর্থমাহ ।
স বাগ্বজ্রো যজমানং হিনস্তি যথেংদ্রশত্রুঃ স্বরতোঽপরাধাত্ ॥

অনক্ষরং হতায়ুষ্য়ং বিস্বরং ব্য়াধিপীডিতম্ ।
অক্ষতা শস্ত্ররূপেণ বজ্রং পততি মস্তকে ॥ 53॥

হস্তহীনং তু যোঽধীতে স্বরবর্ণবিবর্জিতম্ ।
ঋগ্যজুঃসামভির্দগ্ধো বিয়োনিমধিগচ্ছতি ॥ 54॥

হস্তেন বেদং যোঽধীতে স্বরবর্ণর্থসংয়ুতম্ ।
ঋগ্যজুঃসামভিঃ পূতো ব্রহ্মলোকে মহীযতে ॥ 55॥

শংকরঃ শাংকরীং প্রাদাদ্দাক্ষীপুত্রায় ধীমতে ।
বাঙ্ময়েভ্য়ঃ সমাহৃত্য় দেবীং বাচমিতি স্থিতিঃ ॥ 56॥

যেনাক্ষরসমাম্নাযমধিগম্য় মহেশ্বরাত্ ।
কৃত্স্নং ব্য়াকরণং প্রোক্তং তস্মৈ পাণিনয়ে নমঃ ॥ 57॥

যেন ধৌতা গিরঃ পুংসাং বিমলৈঃ শব্দবারিভিঃ ।
তমশ্চাজ্ঞানজং ভিন্নং তস্মৈ পাণিনয়ে নমঃ ॥ 58॥

অজ্ঞানাংধস্য় লোকস্য় জ্ঞানাংজনশলাকয়া ।
চক্ষুরুন্মীলিতং যেন তস্মৈ পাণিনয়ে নমঃ ॥ 59॥

ত্রিনযনমভিমুখনিঃসৃতামিমাং য ইহ পঠেত্প্রযতশ্চ সদা দ্বিজঃ ।
স ভবতি ধনধান্যপশুপুত্রকীর্তিমান্ অতুলং চ সুখং সমশ্নুতে দিবীতি দিবীতি ॥ 60॥

॥ ইতি বেদাংগনাসিকা অথবা পাণিনীযশিক্ষা সমাপ্তা ॥