𑌅𑌥 𑌶𑌿𑌕𑍍𑌷𑌾𑌂 𑌪𑍍𑌰𑌵𑌕𑍍𑌷𑍍𑌯𑌾𑌮𑌿 𑌪𑌾𑌣𑌿𑌨𑍀𑌯𑌂 𑌮𑌤𑌂 𑌯𑌥𑌾 ।
𑌶𑌾𑌸𑍍𑌤𑍍𑌰𑌾𑌨𑍁𑌪𑍂𑌰𑍍𑌵𑌂 𑌤𑌦𑍍𑌵𑌿𑌦𑍍𑌯𑌾𑌦𑍍𑌯𑌥𑍋𑌕𑍍𑌤𑌂 𑌲𑍋𑌕𑌵𑍇𑌦𑌯𑍋𑌃 ॥ 1॥

𑌪𑍍𑌰𑌸𑌿𑌦𑍍𑌧𑌮𑌪𑌿 𑌶𑌬𑍍𑌦𑌾𑌰𑍍𑌥𑌮𑌵𑌿𑌜𑍍𑌞𑌾𑌤𑌮𑌬𑍁𑌦𑍍𑌧𑌿𑌭𑌿𑌃 ।
𑌪𑍁𑌨𑌰𑍍𑌵𑍍𑌯𑌕𑍍𑌤𑍀𑌕𑌰𑌿𑌷𑍍𑌯𑌾𑌮𑌿 𑌵𑌾𑌚 𑌉𑌚𑍍𑌚𑌾𑌰𑌣𑍇 𑌵𑌿𑌧𑌿𑌮𑍍 ॥ 2॥

𑌤𑍍𑌰𑌿𑌷𑌷𑍍𑌟𑌿𑌶𑍍𑌚𑌤𑍁𑌃𑌷𑌷𑍍𑌟𑌿𑌰𑍍𑌵𑌾 𑌵𑌰𑍍𑌣𑌾𑌃 𑌶𑌂𑌭𑍁𑌮𑌤𑍇 𑌮𑌤𑌾𑌃 ।
𑌪𑍍𑌰𑌾𑌕𑍃𑌤𑍇 𑌸𑌂𑌸𑍍𑌕𑍃𑌤𑍇 𑌚𑌾𑌪𑌿 𑌸𑍍𑌵𑌯𑌂 𑌪𑍍𑌰𑍋𑌕𑍍𑌤𑌾𑌃 𑌸𑍍𑌵𑌯𑌂𑌭𑍁𑌵𑌾 ॥ 3॥

𑌸𑍍𑌵𑌰𑌾𑌵𑌿𑌂𑌶𑌤𑌿𑌰𑍇𑌕𑌶𑍍𑌚 𑌸𑍍𑌪𑌰𑍍𑌶𑌾𑌨𑌾𑌂 𑌪𑌂𑌚𑌵𑌿𑌂𑌶𑌤𑌿𑌃 ।
𑌯𑌾𑌦𑌯𑌶𑍍𑌚 𑌸𑍍𑌮𑍃𑌤𑌾 𑌹𑍍𑌯𑌷𑍍𑌟𑍌 𑌚𑌤𑍍𑌵𑌾𑌰𑌶𑍍𑌚 𑌯𑌮𑌾𑌃 𑌸𑍍𑌮𑍃𑌤𑌾𑌃 ॥ 4॥

𑌅𑌨𑍁𑌸𑍍𑌵𑌾𑌰𑍋 𑌵𑌿𑌸𑌰𑍍𑌗𑌶𑍍𑌚 𑌕 𑌪𑍌 𑌚𑌾𑌪𑌿 𑌪𑌰𑌾𑌶𑍍𑌰𑌿𑌤𑍌 ।
𑌦𑍁𑌸𑍍𑌪𑍃𑌷𑍍𑌟𑌶𑍍𑌚𑍇𑌤𑌿 𑌵𑌿𑌜𑍍𑌞𑍇𑌯𑍋 𑍡𑌕𑌾𑌰𑌃 𑌪𑍍𑌲𑍁𑌤 𑌏𑌵 𑌚 ॥ 5॥

𑌆𑌤𑍍𑌮𑌾 𑌬𑍁𑌦𑍍𑌧𑍍𑌯𑌾 𑌸𑌮𑍇𑌤𑍍𑌯𑌾𑌰𑍍𑌥𑌾𑌨𑍍𑌮𑌨𑍋𑌯𑍁𑌂𑌕𑍍𑌤𑍇 𑌵𑌿𑌵𑌕𑍍𑌷𑌯𑌾 ।
𑌮𑌨𑌃 𑌕𑌾𑌯𑌾𑌗𑍍𑌨𑌿𑌮𑌾𑌹𑌂𑌤𑌿 𑌸 𑌪𑍍𑌰𑍇𑌰𑌯𑌤𑌿 𑌮𑌾𑌰𑍁𑌤𑌮𑍍 ॥ 6॥

𑌮𑌾𑌰𑍁𑌸𑍍𑌤𑍂𑌰𑌸𑌿𑌚𑌰𑌨𑍍𑌮𑌂𑌦𑍍𑌰𑌂 𑌜𑌨𑌯𑌤𑌿 𑌸𑍍𑌵𑌰𑌮𑍍 ।
𑌪𑍍𑌰𑌾𑌤𑌃𑌸𑌵𑌨𑌯𑍋𑌗𑌂 𑌤𑌂 𑌛𑌂𑌦𑍋𑌗𑌾𑌯𑌤𑍍𑌰𑌮𑌾𑌶𑍍𑌰𑌿𑌤𑌮𑍍 ॥ 𑍭॥

𑌕𑌂𑌠𑍇𑌮𑌾𑌧𑍍𑌯𑌂𑌦𑌿𑌨𑌯𑍁𑌗𑌂 𑌮𑌧𑍍𑌯𑌮𑌂 𑌤𑍍𑌰𑍈𑌷𑍍𑌟𑍁𑌭𑌾𑌨𑍁𑌗𑌮𑍍 ।
𑌤𑌾𑌰𑌂 𑌤𑌾𑌰𑍍𑌤𑍀𑌯𑌸𑌵𑌨𑌂 𑌶𑍀𑌰𑍍𑌷𑌣𑍍𑌯𑌂 𑌜𑌾𑌗𑌤𑌾𑌨𑍁𑌗𑌤𑌮𑍍 ॥ 𑍮॥

𑌸𑍋𑌦𑍀𑌰𑍍𑌣𑍋 𑌮𑍂𑌰𑍍𑌧𑍍𑌨𑍍𑌯𑌭𑌿𑌹𑌤𑍋𑌵𑌕𑍍𑌰𑌮𑌾𑌪𑌦𑍍𑌯 𑌮𑌾𑌰𑍁𑌤𑌃 ।
𑌵𑌰𑍍𑌣𑌾𑌂𑌜𑌨𑌯𑌤𑍇𑌤𑍇𑌷𑌾𑌂 𑌵𑌿𑌭𑌾𑌗𑌃 𑌪𑌂𑌚𑌧𑌾 𑌸𑍍𑌮𑍃𑌤𑌃 ॥ 𑍯॥

𑌸𑍍𑌵𑌰𑌤𑌃 𑌕𑌾𑌲𑌤𑌃 𑌸𑍍𑌥𑌾𑌨𑌾𑌤𑍍 𑌪𑍍𑌰𑌯𑌤𑍍𑌨𑌾𑌨𑍁𑌪𑍍𑌰𑌦𑌾𑌨𑌤𑌃 ।
𑌇𑌤𑌿 𑌵𑌰𑍍𑌣𑌵𑌿𑌦𑌃 𑌪𑍍𑌰𑌾𑌹𑍁𑌰𑍍𑌨𑌿𑌪𑍁𑌣𑌂 𑌤𑌨𑍍𑌨𑌿𑌬𑍋𑌧𑌤 ॥ 10॥

𑌉𑌦𑌾𑌤𑍍𑌤𑌶𑍍𑌚𑌾𑌨𑍁𑌦𑌾𑌤𑍍𑌤𑌶𑍍𑌚 𑌸𑍍𑌵𑌰𑌿𑌤𑌶𑍍𑌚 𑌸𑍍𑌵𑌰𑌾𑌸𑍍𑌤𑍍𑌰𑌯𑌃 ।
𑌹𑍍𑌰𑌸𑍍𑌵𑍋 𑌦𑍀𑌰𑍍𑌘𑌃 𑌪𑍍𑌲𑍁𑌤 𑌇𑌤𑌿 𑌕𑌾𑌲𑌤𑍋 𑌨𑌿𑌯𑌮𑌾 𑌅𑌚𑌿 ॥ 11॥

𑌉𑌦𑌾𑌤𑍍𑌤𑍇 𑌨𑌿𑌷𑌾𑌦𑌗𑌾𑌂𑌧𑌾𑌰𑌾𑌵𑌨𑍁𑌦𑌾𑌤𑍍𑌤 𑌋𑌷𑌭𑌧𑍈𑌵𑌤𑍌 ।
𑌸𑍍𑌵𑌰𑌿𑌤𑌪𑍍𑌰𑌭𑌵𑌾 𑌹𑍍𑌯𑍇𑌤𑍇 𑌷𑌡𑍍𑌜𑌮𑌧𑍍𑌯𑌮𑌪𑌂𑌚𑌮𑌾𑌃 ॥ 12॥

𑌅𑌷𑍍𑌟𑍌𑌸𑍍𑌥𑌾𑌨𑌾𑌨𑌿 𑌵𑌰𑍍𑌣𑌾𑌨𑌾𑌮𑍁𑌰𑌃 𑌕𑌂𑌠𑌃 𑌶𑌿𑌰𑌸𑍍𑌤𑌥𑌾 ।
𑌜𑌿𑌹𑍍𑌵𑌾𑌮𑍂𑌲𑌂 𑌚 𑌦𑌂𑌤𑌾𑌶𑍍𑌚 𑌨𑌾𑌸𑌿𑌕𑍋𑌷𑍍𑌠𑍌𑌚 𑌤𑌾𑌲𑍁 𑌚 ॥ 13॥

𑌓𑌭𑌾𑌵𑌶𑍍𑌚 𑌵𑌿𑌵𑍃𑌤𑍍𑌤𑌿𑌶𑍍𑌚 𑌶𑌷𑌸𑌾 𑌰𑍇𑌫 𑌏𑌵 𑌚 ।
𑌜𑌿𑌹𑍍𑌵𑌾𑌮𑍂𑌲𑌮𑍁𑌪𑌧𑍍𑌮𑌾 𑌚 𑌗𑌤𑌿𑌰𑌷𑍍𑌟𑌵𑌿𑌧𑍋𑌷𑍍𑌮𑌣𑌃 ॥ 14॥

𑌯𑌦𑍍𑌯𑍋𑌭𑌾𑌵𑌪𑍍𑌰𑌸𑌂𑌧𑌾𑌨𑌮𑍁𑌕𑌾𑌰𑌾𑌦𑌿 𑌪𑌰𑌂 𑌪𑌦𑌮𑍍 ।
𑌸𑍍𑌵𑌰𑌾𑌂𑌤𑌂 𑌤𑌾𑌦𑍃𑌶𑌂 𑌵𑌿𑌦𑍍𑌯𑌾𑌦𑍍𑌯𑌦𑌨𑍍𑌯𑌦𑍍𑌵𑍍𑌯𑌕𑍍𑌤𑌮𑍂𑌷𑍍𑌮𑌣𑌃 ॥ 15॥

𑌹𑌕𑌾𑌰𑌂 𑌪𑌂𑌚𑌮𑍈𑌰𑍍𑌯𑍁𑌕𑍍𑌤𑌮𑌂𑌤𑌃𑌸𑍍𑌥𑌾𑌭𑌿𑌶𑍍𑌚 𑌸𑌂𑌯𑍁𑌤𑌮𑍍 ।
𑌉𑌰𑌸𑍍𑌯𑌂 𑌤𑌂 𑌵𑌿𑌜𑌾𑌨𑍀𑌯𑌾𑌤𑍍𑌕𑌂𑌠𑍍𑌯𑌮𑌾𑌹𑍁𑌰𑌸𑌂𑌯𑍁𑌤𑌮𑍍 ॥ 16॥

𑌕𑌂𑌠𑍍𑌯𑌾𑌵𑌹𑌾𑌵𑌿𑌚𑍁𑌯𑌶𑌾𑌸𑍍𑌤𑌾𑌲𑌵𑍍𑌯𑌾 𑌓𑌷𑍍𑌠𑌜𑌾𑌵𑍁𑌪𑍂 ।
𑌸𑍍𑌯𑍁𑌰𑍍𑌮𑍂𑌰𑍍𑌧𑌨𑍍𑌯𑌾 𑌋𑌟𑍁𑌰𑌷𑌾 𑌦𑌂𑌤𑍍𑌯𑌾 𑌌𑌤𑍁𑌲𑌸𑌾𑌃 𑌸𑍍𑌮𑍃𑌤𑌾𑌃 ॥ 1𑍭॥

𑌜𑌿𑌹𑍍𑌵𑌾𑌮𑍂𑌲𑍇 𑌤𑍁 𑌕𑍁𑌃 𑌪𑍍𑌰𑍋𑌕𑍍𑌤𑍋 𑌦𑌂𑌤𑍍𑌯𑍋𑌷𑍍𑌠𑍍𑌯𑍋 𑌵𑌃 𑌸𑍍𑌮𑍃𑌤𑍋 𑌬𑍁𑌧𑍈𑌃 ।
𑌏𑌐 𑌤𑍁 𑌕𑌂𑌠𑌤𑌾𑌲𑌵𑍍𑌯𑌾 𑌓𑌔 𑌕𑌂𑌠𑍋𑌷𑍍𑌠𑌜𑍌 𑌸𑍍𑌮𑍃𑌤𑍌 ॥ 1𑍮॥

𑌅𑌰𑍍𑌧𑌮𑌾𑌤𑍍𑌰𑌾 𑌤𑍁 𑌕𑌂𑌠𑍍𑌯𑌸𑍍𑌯 𑌏𑌕𑌾𑌰𑍈𑌕𑌾𑌰𑌯𑍋𑌰𑍍𑌭𑌵𑍇𑌤𑍍 ।
𑌓𑌕𑌾𑌰𑍌𑌕𑌾𑌰𑌯𑍋𑌰𑍍𑌮𑌾𑌤𑍍𑌰𑌾 𑌤𑌯𑍋𑌰𑍍𑌵𑌿𑌵𑍃𑌤𑌸𑌂𑌵𑍃𑌤𑌮𑍍 ॥ 1𑍯॥

𑌸𑌂𑌵𑍃𑌤𑌂 𑌮𑌾𑌤𑍍𑌰𑌿𑌕𑌂 𑌜𑍍𑌞𑍇𑌯𑌂 𑌵𑌿𑌵𑍃𑌤𑌂 𑌤𑍁 𑌦𑍍𑌵𑌿𑌮𑌾𑌤𑍍𑌰𑌿𑌕𑌮𑍍 ।
𑌘𑍋𑌷𑌾 𑌵𑌾 𑌸𑌂𑌵𑍃𑌤𑌾𑌃 𑌸𑌰𑍍𑌵𑍇 𑌅𑌘𑍋𑌷𑌾 𑌵𑌿𑌵𑍃𑌤𑌾𑌃 𑌸𑍍𑌮𑍃𑌤𑌾𑌃 ॥ 20॥

𑌸𑍍𑌵𑌰𑌾𑌣𑌾𑌮𑍂𑌷𑍍𑌮𑌣𑌾𑌂 𑌚𑍈𑌵 𑌵𑌿𑌵𑍃𑌤𑌂 𑌕𑌰𑌣𑌂 𑌸𑍍𑌮𑍃𑌤𑌮𑍍 ।
𑌤𑍇𑌭𑍍𑌯𑍋𑌽𑌪𑌿 𑌵𑌿𑌵𑍃𑌤𑌾𑌵𑍇𑌙𑍌 𑌤𑌾𑌭𑍍𑌯𑌾𑌮𑍈𑌚𑍌 𑌤𑌥𑍈𑌵 𑌚 ॥ 21॥

𑌅𑌨𑍁𑌸𑍍𑌵𑌾𑌰𑌯𑌮𑌾𑌨𑌾𑌂 𑌚 𑌨𑌾𑌸𑌿𑌕𑌾 𑌸𑍍𑌥𑌾𑌨𑌮𑍁𑌚𑍍𑌯𑌤𑍇 ।
𑌅𑌯𑍋𑌗𑌵𑌾𑌹𑌾 𑌵𑌿𑌜𑍍𑌞𑍇𑌯𑌾 𑌆𑌶𑍍𑌰𑌯𑌸𑍍𑌥𑌾𑌨𑌭𑌾𑌗𑌿𑌨𑌃 ॥ 22॥

𑌅𑌲𑌾𑌬𑍁𑌵𑍀𑌣𑌾𑌨𑌿𑌰𑍍𑌘𑍋𑌷𑍋 𑌦𑌂𑌤𑍍𑌯𑌮𑍂𑌲𑍍𑌯𑌸𑍍𑌵𑌰𑌾𑌨𑍁𑌗𑌃 ।
𑌅𑌨𑍁𑌸𑍍𑌵𑌾𑌰𑌸𑍍𑌤𑍁 𑌕𑌰𑍍𑌤𑌵𑍍𑌯𑍋 𑌨𑌿𑌤𑍍𑌯𑌂 𑌹𑍍𑌰𑍋𑌃 𑌶𑌷𑌸𑍇𑌷𑍁 𑌚 ॥ 23॥

𑌅𑌨𑍁𑌸𑍍𑌵𑌾𑌰𑍇 𑌵𑌿𑌵𑍃𑌤𑍍𑌤𑍍𑌯𑌾𑌂 𑌤𑍁 𑌵𑌿𑌰𑌾𑌮𑍇 𑌚𑌾𑌕𑍍𑌷𑌰𑌦𑍍𑌵𑌯𑍇 ।
𑌦𑍍𑌵𑌿𑌰𑍋𑌷𑍍𑌠𑍍𑌯𑍌 𑌤𑍁 𑌵𑌿𑌗𑍃𑌹𑍍𑌣𑍀𑌯𑌾𑌦𑍍𑌯𑌤𑍍𑌰𑍋𑌕𑌾𑌰𑌵𑌕𑌾𑌰𑌯𑍋𑌃 ॥ 24॥

𑌵𑍍𑌯𑌾𑌘𑍍𑌰𑍀 𑌯𑌥𑌾 𑌹𑌰𑍇𑌤𑍍𑌪𑍁𑌤𑍍𑌰𑌾𑌂𑌦𑌂𑌷𑍍𑌟𑍍𑌰𑌾𑌭𑍍𑌯𑌾𑌂 𑌨 𑌚 𑌪𑍀𑌡𑌯𑍇𑌤𑍍 ।
𑌭𑍀𑌤𑌾 𑌪𑌤𑌨𑌭𑍇𑌦𑌾𑌭𑍍𑌯𑌾𑌂 𑌤𑌦𑍍𑌵𑌦𑍍𑌵𑌰𑍍𑌣𑌾𑌨𑍍𑌪𑍍𑌰𑌯𑍋𑌜𑌯𑍇𑌤𑍍 ॥ 25॥

𑌯𑌥𑌾 𑌸𑍌𑌰𑌾𑌷𑍍𑌟𑍍𑌰𑌿𑌕𑌾 𑌨𑌾𑌰𑍀 𑌤𑌕𑍍𑌰ँ 𑌇𑌤𑍍𑌯𑌭𑌿𑌭𑌾𑌷𑌤𑍇 ।
𑌏𑌵𑌂 𑌰𑌂𑌗𑌾𑌃 𑌪𑍍𑌰𑌯𑍋𑌕𑍍𑌤𑌵𑍍𑌯𑌾𑌃 𑌖𑍇 𑌅𑌰𑌾ँ 𑌇𑌵 𑌖𑍇𑌦𑌯𑌾 ॥ 26॥

𑌰𑌂𑌗𑌵𑌰𑍍𑌣𑌂 𑌪𑍍𑌰𑌯𑍁𑌂𑌜𑍀𑌰𑌨𑍍𑌨𑍋 𑌗𑍍𑌰𑌸𑍇𑌤𑍍𑌪𑍂𑌰𑍍𑌵𑌮𑌕𑍍𑌷𑌰𑌮𑍍 ।
𑌦𑍀𑌰𑍍𑌘𑌸𑍍𑌵𑌰𑌂 𑌪𑍍𑌰𑌯𑍁𑌂𑌜𑍀𑌯𑌾𑌤𑍍𑌪𑌶𑍍𑌚𑌾𑌨𑍍𑌨𑌾𑌸𑌿𑌕𑍍𑌯𑌮𑌾𑌚𑌰𑍇𑌤𑍍 ॥ 2𑍭॥

𑌹𑍃𑌦𑌯𑍇 𑌚𑍈𑌕𑌮𑌾𑌤𑍍𑌰𑌸𑍍𑌤𑍍𑌵𑌰𑍍𑌦𑍍𑌧𑌮𑌾𑌤𑍍𑌰𑌸𑍍𑌤𑍁 𑌮𑍂𑌰𑍍𑌦𑍍𑌧𑌨𑌿 ।
𑌨𑌾𑌸𑌿𑌕𑌾𑌯𑌾𑌂 𑌤𑌥𑌾𑌰𑍍𑌦𑍍𑌧𑌂 𑌚 𑌰𑌂𑌗𑌸𑍍𑌯𑍈𑌵𑌂 𑌦𑍍𑌵𑌿𑌮𑌾𑌤𑍍𑌰𑌤𑌾 ॥ 2𑍮॥

𑌹𑍃𑌦𑌯𑌾𑌦𑍁𑌤𑍍𑌕𑌰𑍇 𑌤𑌿𑌷𑍍𑌠𑌨𑍍𑌕𑌾𑌂𑌸𑍍𑌯𑍇𑌨 𑌸𑌮𑌨𑍁𑌸𑍍𑌵𑌰𑌨𑍍 ।
𑌮𑌾𑌰𑍍𑌦𑌵𑌂 𑌚 𑌦𑍍𑌵𑌿𑌮𑌾𑌤𑍍𑌰𑌂 𑌚 𑌜𑌘𑌨𑍍𑌵𑌾ँ 𑌇𑌤𑌿 𑌨𑌿𑌦𑌰𑍍𑌶𑌨𑌮𑍍 ॥ 2𑍯॥

𑌮𑌧𑍍𑌯𑍇 𑌤𑍁 𑌕𑌂𑌪𑌯𑍇𑌤𑍍𑌕𑌂𑌪𑌮𑍁𑌭𑍌 𑌪𑌾𑌰𑍍𑌶𑍍𑌵𑍌 𑌸𑌮𑍌 𑌭𑌵𑍇𑌤𑍍 ।
𑌸𑌰𑌂𑌗𑌂 𑌕𑌂𑌪𑌯𑍇𑌤𑍍𑌕𑌂𑌪𑌂 𑌰𑌥𑍀𑌵𑍇𑌤𑌿 𑌨𑌿𑌦𑌰𑍍𑌶𑌨𑌮𑍍 ॥ 30॥

𑌏𑌵𑌂 𑌵𑌰𑍍𑌣𑌾𑌃 𑌪𑍍𑌰𑌯𑍋𑌕𑍍𑌤𑌵𑍍𑌯𑌾 𑌨𑌾𑌵𑍍𑌯𑌕𑍍𑌤𑌾 𑌨 𑌚 𑌪𑍀𑌡𑌿𑌤𑌾𑌃 ।
𑌸𑌮𑍍𑌯𑌗𑍍𑌵𑌰𑍍𑌣𑌪𑍍𑌰𑌯𑍋𑌗𑍇𑌣 𑌬𑍍𑌰𑌹𑍍𑌮𑌲𑍋𑌕𑍇 𑌮𑌹𑍀𑌯𑌤𑍇 ॥ 31॥

𑌗𑍀𑌤𑍀 𑌶𑍀𑌘𑍍𑌰𑍀 𑌶𑌿𑌰𑌃𑌕𑌂𑌪𑍀 𑌤𑌥𑌾 𑌲𑌿𑌖𑌿𑌤𑌪𑌾𑌠𑌕𑌃 ।
𑌅𑌨𑌰𑍍𑌥𑌜𑍍𑌞𑍋𑌽𑌲𑍍𑌪𑌕𑌂𑌠𑌶𑍍𑌚 𑌷𑌡𑍇𑌤𑍇 𑌪𑌾𑌠𑌕𑌾𑌧𑌮𑌾𑌃 ॥ 32॥

𑌮𑌾𑌧𑍁𑌰𑍍𑌯𑌮𑌕𑍍𑌷𑌰𑌵𑍍𑌯𑌕𑍍𑌤𑌿𑌃 𑌪𑌦𑌚𑍍𑌛𑍇𑌦𑌸𑍍𑌤𑍁 𑌸𑍁𑌸𑍍𑌵𑌰𑌃 ।
𑌧𑍈𑌰𑍍𑌯𑌂 𑌲𑌯𑌸𑌮𑌰𑍍𑌥𑌂 𑌚 𑌷𑌡𑍇𑌤𑍇 𑌪𑌾𑌠𑌕𑌾 𑌗𑍁𑌣𑌾𑌃 ॥ 33॥

𑌶𑌂𑌕𑌿𑌤𑌂 𑌭𑍀𑌤𑌿𑌮𑍁𑌦𑍍𑌘𑍃𑌷𑍍𑌟𑌮𑌵𑍍𑌯𑌕𑍍𑌤𑌮𑌨𑍁𑌨𑌾𑌸𑌿𑌕𑌮𑍍 ।
𑌕𑌾𑌕𑌸𑍍𑌵𑌰𑌂 𑌶𑌿𑌰𑌸𑌿𑌗𑌂 𑌤𑌥𑌾 𑌸𑍍𑌥𑌾𑌨𑌵𑌿𑌵𑌜𑌿𑌰𑍍𑌤𑌮𑍍 ॥ 34॥

𑌉𑌪𑌾𑌂𑌶𑍁𑌦𑌷𑍍𑌟𑌂 𑌤𑍍𑌵𑌰𑌿𑌤𑌂 𑌨𑌿𑌰𑌸𑍍𑌤𑌂 𑌵𑌿𑌲𑌂𑌬𑌿𑌤𑌂 𑌗𑌦𑍍𑌗𑌦𑌿𑌤𑌂 𑌪𑍍𑌰𑌗𑍀𑌤𑌮𑍍 ।
𑌨𑌿𑌷𑍍𑌪𑍀𑌡𑌿𑌤𑌂 𑌗𑍍𑌰𑌸𑍍𑌤𑌪𑌦𑌾𑌕𑍍𑌷𑌰𑌂 𑌚 𑌵𑌦𑍇𑌨𑍍𑌨 𑌦𑍀𑌨𑌂 𑌨 𑌤𑍁 𑌸𑌾𑌨𑍁𑌨𑌾𑌸𑍍𑌯𑌮𑍍 ॥ 35॥

𑌪𑍍𑌰𑌾𑌤𑌃 𑌪𑌠𑍇𑌨𑍍𑌨𑌿𑌤𑍍𑌯𑌮𑍁𑌰𑌃𑌸𑍍𑌥𑌿𑌤𑍇𑌨 𑌸𑍍𑌵𑌰𑍇𑌣 𑌶𑌾𑌰𑍍𑌦𑍂𑌲𑌰𑍁𑌤𑍋𑌪𑌮𑍇𑌨 ।
𑌮𑌧𑍍𑌯𑌂𑌦𑌿𑌨𑍇 𑌕𑌂𑌠𑌗𑌤𑍇𑌨 𑌚𑍈𑌵 𑌚𑌕𑍍𑌰𑌾𑌹𑍍𑌵𑌸𑌂𑌕𑍂𑌜𑌿𑌤𑌸𑌨𑍍𑌨𑌿𑌭𑍇𑌨 ॥ 36॥

𑌤𑌾𑌰𑌂 𑌤𑍁 𑌵𑌿𑌦𑍍𑌯𑌾𑌤𑍍𑌸𑌵𑌨𑌂 𑌤𑍃𑌤𑍀𑌯𑌂 𑌶𑌿𑌰𑍋𑌗𑌤𑌂 𑌤𑌚𑍍𑌚 𑌸𑌦𑌾 𑌪𑍍𑌰𑌯𑍋𑌜𑍍𑌯𑌮𑍍 ।
𑌮𑌯𑍂𑌰𑌹𑌂𑌸𑌾𑌨𑍍𑌯𑌭𑍃𑌤𑌸𑍍𑌵𑌰𑌾𑌣𑌾𑌂 𑌤𑍁𑌲𑍍𑌯𑍇𑌨 𑌨𑌾𑌦𑍇𑌨 𑌶𑌿𑌰𑌃𑌸𑍍𑌥𑌿𑌤𑍇𑌨 ॥ 3𑍭॥

𑌅𑌚𑍋𑌽𑌸𑍍𑌪𑍃𑌷𑍍𑌟𑌾 𑌯𑌣𑌸𑍍𑌤𑍍𑌵𑍀𑌷𑌨𑍍𑌨𑍇𑌮𑌸𑍍𑌪𑍃𑌷𑍍𑌟𑌾𑌃 𑌶𑌲𑌃 𑌸𑍍𑌮𑍃𑌤𑌾𑌃 ।
𑌶𑍇𑌷𑌾𑌃 𑌸𑍍𑌪𑍃𑌷𑍍𑌟𑌾 𑌹𑌲𑌃 𑌪𑍍𑌰𑍋𑌕𑍍𑌤𑌾 𑌨𑌿𑌬𑍋𑌧𑌾𑌨𑍁𑌪𑍍𑌰𑌦𑌾𑌨𑌤𑌃 ॥ 3𑍮॥

𑌞𑌮𑍋𑌨𑍁𑌨𑌾𑌸𑌿𑌕𑌾 𑌨 𑌹𑍍𑌰𑍌 𑌨𑌾𑌦𑌿𑌨𑍋 𑌹𑌝𑌷𑌃 𑌸𑍍𑌮𑍃𑌤𑌾𑌃 ।
𑌈𑌷𑌨𑍍𑌨𑌾𑌦𑌾 𑌯𑌣𑍋 𑌜𑌶𑌃 𑌶𑍍𑌵𑌾𑌸𑌿𑌨𑌸𑍍𑌤𑍁 𑌖𑌫𑌾𑌦𑌯𑌃 ॥ 3𑍯॥

𑌈𑌷𑌚𑍍𑌛𑍍𑌵𑌾𑌸𑌾𑌂𑌶𑍍𑌚𑌰𑍋 𑌵𑌿𑌦𑍍𑌯𑌾𑌦𑍍𑌗𑍋𑌰𑍍𑌧𑌾𑌮𑍈𑌤𑌤𑍍𑌪𑍍𑌰𑌚𑌕𑍍𑌷𑌤𑍇 ।
𑌦𑌾𑌕𑍍𑌷𑍀𑌪𑍁𑌤𑍍𑌰𑌪𑌾𑌣𑌿𑌨𑌿𑌨𑌾 𑌯𑍇𑌨𑍇𑌦𑌂 𑌵𑍍𑌯𑌾𑌪𑌿𑌤𑌂 𑌭𑍁𑌵𑌿 ॥ 40॥

𑌛𑌂𑌦𑌃 𑌪𑌾𑌦𑍌 𑌤𑍁 𑌵𑍇𑌦𑌸𑍍𑌯 𑌹𑌸𑍍𑌤𑍌 𑌕𑌲𑍍𑌪𑍋𑌽𑌥 𑌪𑌠𑍍𑌯𑌤𑍇 ।
𑌜𑍍𑌯𑍋𑌤𑌿𑌷𑌾𑌮𑌯𑌨𑌂 𑌚𑌕𑍍𑌷𑍁𑌰𑍍𑌨𑌿𑌰𑍁𑌕𑍍𑌤𑌂 𑌶𑍍𑌰𑍋𑌤𑍍𑌰𑌮𑍁𑌚𑍍𑌯𑌤𑍇 ॥ 41॥

𑌶𑌿𑌕𑍍𑌷𑌾 𑌘𑍍𑌰𑌾𑌣𑌂 𑌤𑍁 𑌵𑍇𑌦𑌸𑍍𑌯 𑌮𑍁𑌖𑌂 𑌵𑍍𑌯𑌾𑌕𑌰𑌣𑌂 𑌸𑍍𑌮𑍃𑌤𑌮𑍍 ।
𑌤𑌸𑍍𑌮𑌾𑌤𑍍𑌸𑌾𑌂𑌗𑌮𑌧𑍀𑌤𑍍𑌯𑍈𑌵 𑌬𑍍𑌰𑌹𑍍𑌮𑌲𑍋𑌕𑍇 𑌮𑌹𑍀𑌯𑌤𑍇 ॥ 42॥

𑌉𑌦𑌾𑌤𑍍𑌤𑌮𑌾𑌖𑍍𑌯𑌾𑌤𑌿 𑌵𑍃𑌷𑍋𑌽𑌂𑌗𑍁𑌲𑍀𑌨𑌾𑌂 𑌪𑍍𑌰𑌦𑍇𑌶𑌿𑌨𑍀𑌮𑍂𑌲𑌨𑌿𑌵𑌿𑌷𑍍𑌟𑌮𑍂𑌰𑍍𑌧𑌾 ।
𑌉𑌪𑌾𑌂𑌤𑌮𑌧𑍍𑌯𑍇 𑌸𑍍𑌵𑌰𑌿𑌤𑌂 𑌦𑍍𑌰𑍁𑌤𑌂 𑌚 𑌕𑌨𑌿𑌷𑍍𑌠𑌕𑌾𑌯𑌾𑌮𑌨𑍁𑌦𑌾𑌤𑍍𑌤𑌮𑍇𑌵 ॥ 43॥

𑌉𑌦𑌾𑌤𑍍𑌤𑌂 𑌪𑍍𑌰𑌦𑍇𑌶𑌿𑌨𑍀𑌂 𑌵𑌿𑌦𑍍𑌯𑌾𑌤𑍍𑌪𑍍𑌰𑌚𑌯𑌂 𑌮𑌧𑍍𑌯𑌤𑍋𑌽𑌂𑌗𑍁𑌲𑌿𑌮𑍍 ।
𑌨𑌿𑌹𑌤𑌂 𑌤𑍁 𑌕𑌨𑌿𑌷𑍍𑌠𑌿𑌕𑍍𑌯𑌾𑌂 𑌸𑍍𑌵𑌰𑌿𑌤𑍋𑌪𑌕𑌨𑌿𑌷𑍍𑌠𑌿𑌕𑌾𑌮𑍍 ॥ 44॥

𑌅𑌂𑌤𑍋𑌦𑌾𑌤𑍍𑌤𑌮𑌾𑌦𑍍𑌯𑍁𑌦𑌾𑌤𑍍𑌤𑌮𑍁𑌦𑌾𑌤𑍍𑌤𑌮𑌨𑍁𑌦𑌾𑌤𑍍𑌤𑌂 𑌨𑍀𑌚𑌸𑍍𑌵𑌰𑌿𑌤𑌮𑍍 ।
𑌮𑌧𑍍𑌯𑍋𑌦𑌾𑌤𑍍𑌤𑌂 𑌸𑍍𑌵𑌰𑌿𑌤𑌂 𑌦𑍍𑌵𑍍𑌯𑍁𑌦𑌾𑌤𑍍𑌤𑌂 𑌤𑍍𑌰𑍍𑌯𑍁𑌦𑌾𑌤𑍍𑌤𑌮𑌿𑌤𑌿 𑌨𑌵𑌪𑌦𑌶𑌯𑍍𑌯𑌾 ॥ 45॥

𑌅𑌗𑍍𑌨𑌿𑌃 𑌸𑍋𑌮𑌃 𑌪𑍍𑌰 𑌵𑍋 𑌵𑍀𑌰𑍍𑌯𑌂 𑌹𑌵𑌿𑌷𑌾𑌂 𑌸𑍍𑌵𑌰𑍍𑌬𑍃𑌹𑌸𑍍𑌪𑌤𑌿𑌰𑌿𑌂𑌦𑍍𑌰𑌾𑌬𑍃𑌹𑌸𑍍𑌪𑌤𑍀 ।
𑌅𑌗𑍍𑌨𑌿𑌰𑌿𑌤𑍍𑌯𑌂𑌤𑍋𑌦𑌾𑌤𑍍𑌤𑌂 𑌸𑍋𑌮 𑌇𑌤𑍍𑌯𑌾𑌦𑍍𑌯𑍁𑌦𑌾𑌤𑍍𑌤𑌮𑍍 ।
𑌪𑍍𑌰𑍇𑌤𑍍𑌯𑍁𑌦𑌾𑌤𑍍𑌤𑌂 𑌵 𑌇𑌤𑍍𑌯𑌨𑍁𑌦𑌾𑌤𑍍𑌤𑌂 𑌵𑍀𑌰𑍍𑌯𑌂 𑌨𑍀𑌚𑌸𑍍𑌵𑌰𑌿𑌤𑌮𑍍 ॥ 46॥

𑌹𑌵𑌿𑌷𑌾𑌂 𑌮𑌧𑍍𑌯𑍋𑌦𑌾𑌤𑍍𑌤𑌂 𑌸𑍍𑌵𑌰𑌿𑌤𑌿 𑌸𑍍𑌵𑌰𑌿𑌤𑌮𑍍 ।
𑌬𑍃𑌹𑌸𑍍𑌪𑌤𑌿𑌰𑌿𑌤𑌿 𑌦𑍍𑌵𑍍𑌯𑍁𑌦𑌾𑌤𑍍𑌤𑌮𑌿𑌂𑌦𑍍𑌰𑌾𑌬𑍃𑌹𑌸𑍍𑌪𑌤𑍀 𑌇𑌤𑌿 𑌤𑍍𑌰𑍍𑌯𑍁𑌦𑌾𑌤𑍍𑌤𑌮𑍍 ॥ 4𑍭॥

𑌅𑌨𑍁𑌦𑌾𑌤𑍍𑌤𑍋 𑌹𑍃𑌦𑌿 𑌜𑍍𑌞𑍇𑌯𑍋 𑌮𑍂𑌰𑍍𑌧𑍍𑌨𑍍𑌯𑍁𑌦𑌾𑌤𑍍𑌤 𑌉𑌦𑌾𑌹𑍃𑌤𑌃 ।
𑌸𑍍𑌵𑌰𑌿𑌤𑌃 𑌕𑌰𑍍𑌣𑌮𑍂𑌲𑍀𑌯𑌃 𑌸𑌰𑍍𑌵𑌾𑌸𑍍𑌯𑍇 𑌪𑍍𑌰𑌚𑌯𑌃 𑌸𑍍𑌮𑍃𑌤𑌃 ॥ 4𑍮॥

𑌚𑌾𑌷𑌸𑍍𑌤𑍁 𑌵𑌦𑌤𑍇 𑌮𑌾𑌤𑍍𑌰𑌾𑌂 𑌦𑍍𑌵𑌿𑌮𑌾𑌤𑍍𑌰𑌂 𑌚𑍈𑌵 𑌵𑌾𑌯𑌸𑌃 ।
𑌶𑌿𑌖𑍀 𑌰𑍌𑌤𑌿 𑌤𑍍𑌰𑌿𑌮𑌾𑌤𑍍𑌰𑌂 𑌤𑍁 𑌨𑌕𑍁𑌲𑌸𑍍𑌤𑍍𑌵𑌰𑍍𑌧𑌮𑌾𑌤𑍍𑌰𑌕𑌮𑍍 ॥ 4𑍯॥

𑌕𑍁𑌤𑍀𑌰𑍍𑌥𑌾𑌦𑌾𑌗𑌤𑌂 𑌦𑌗𑍍𑌧𑌮𑌪𑌵𑌰𑍍𑌣𑌂 𑌚 𑌭𑌕𑍍𑌷𑌿𑌤𑌮𑍍 ।
𑌨 𑌤𑌸𑍍𑌯 𑌪𑌾𑌠𑍇 𑌮𑍋𑌕𑍍𑌷𑍋𑌽𑌸𑍍𑌤𑌿 𑌪𑌾𑌪𑌾𑌹𑍇𑌰𑌿𑌵 𑌕𑌿𑌲𑍍𑌬𑌿𑌷𑌾𑌤𑍍 ॥ 50॥

𑌸𑍁𑌤𑍀𑌰𑍍𑌥𑌾𑌦𑌗𑌤𑌂 𑌵𑍍𑌯𑌕𑍍𑌤𑌂 𑌸𑍍𑌵𑌾𑌮𑍍𑌨𑌾𑌯𑍍𑌯𑌂 𑌸𑍁𑌵𑍍𑌯𑌵𑌸𑍍𑌥𑌿𑌤𑌮𑍍 ।
𑌸𑍁𑌸𑍍𑌵𑌰𑍇𑌣 𑌸𑍁𑌵𑌕𑍍𑌤𑍍𑌰𑍇𑌣 𑌪𑍍𑌰𑌯𑍁𑌕𑍍𑌤𑌂 𑌬𑍍𑌰𑌹𑍍𑌮 𑌰𑌾𑌜𑌤𑍇 ॥ 51॥

𑌮𑌂𑌤𑍍𑌰𑍋 𑌹𑍀𑌨𑌃 𑌸𑍍𑌵𑌰𑌤𑍋 𑌵𑌰𑍍𑌣𑌤𑍋 𑌵𑌾 𑌮𑌿𑌥𑍍𑌯𑌾𑌪𑍍𑌰𑌯𑍁𑌕𑍍𑌤𑍋 𑌨 𑌤𑌮𑌰𑍍𑌥𑌮𑌾𑌹 ।
𑌸 𑌵𑌾𑌗𑍍𑌵𑌜𑍍𑌰𑍋 𑌯𑌜𑌮𑌾𑌨𑌂 𑌹𑌿𑌨𑌸𑍍𑌤𑌿 𑌯𑌥𑍇𑌂𑌦𑍍𑌰𑌶𑌤𑍍𑌰𑍁𑌃 𑌸𑍍𑌵𑌰𑌤𑍋𑌽𑌪𑌰𑌾𑌧𑌾𑌤𑍍 ॥

𑌅𑌨𑌕𑍍𑌷𑌰𑌂 𑌹𑌤𑌾𑌯𑍁𑌷𑍍𑌯𑌂 𑌵𑌿𑌸𑍍𑌵𑌰𑌂 𑌵𑍍𑌯𑌾𑌧𑌿𑌪𑍀𑌡𑌿𑌤𑌮𑍍 ।
𑌅𑌕𑍍𑌷𑌤𑌾 𑌶𑌸𑍍𑌤𑍍𑌰𑌰𑍂𑌪𑍇𑌣 𑌵𑌜𑍍𑌰𑌂 𑌪𑌤𑌤𑌿 𑌮𑌸𑍍𑌤𑌕𑍇 ॥ 53॥

𑌹𑌸𑍍𑌤𑌹𑍀𑌨𑌂 𑌤𑍁 𑌯𑍋𑌽𑌧𑍀𑌤𑍇 𑌸𑍍𑌵𑌰𑌵𑌰𑍍𑌣𑌵𑌿𑌵𑌰𑍍𑌜𑌿𑌤𑌮𑍍 ।
𑌋𑌗𑍍𑌯𑌜𑍁𑌃𑌸𑌾𑌮𑌭𑌿𑌰𑍍𑌦𑌗𑍍𑌧𑍋 𑌵𑌿𑌯𑍋𑌨𑌿𑌮𑌧𑌿𑌗𑌚𑍍𑌛𑌤𑌿 ॥ 54॥

𑌹𑌸𑍍𑌤𑍇𑌨 𑌵𑍇𑌦𑌂 𑌯𑍋𑌽𑌧𑍀𑌤𑍇 𑌸𑍍𑌵𑌰𑌵𑌰𑍍𑌣𑌰𑍍𑌥𑌸𑌂𑌯𑍁𑌤𑌮𑍍 ।
𑌋𑌗𑍍𑌯𑌜𑍁𑌃𑌸𑌾𑌮𑌭𑌿𑌃 𑌪𑍂𑌤𑍋 𑌬𑍍𑌰𑌹𑍍𑌮𑌲𑍋𑌕𑍇 𑌮𑌹𑍀𑌯𑌤𑍇 ॥ 55॥

𑌶𑌂𑌕𑌰𑌃 𑌶𑌾𑌂𑌕𑌰𑍀𑌂 𑌪𑍍𑌰𑌾𑌦𑌾𑌦𑍍𑌦𑌾𑌕𑍍𑌷𑍀𑌪𑍁𑌤𑍍𑌰𑌾𑌯 𑌧𑍀𑌮𑌤𑍇 ।
𑌵𑌾𑌙𑍍𑌮𑌯𑍇𑌭𑍍𑌯𑌃 𑌸𑌮𑌾𑌹𑍃𑌤𑍍𑌯 𑌦𑍇𑌵𑍀𑌂 𑌵𑌾𑌚𑌮𑌿𑌤𑌿 𑌸𑍍𑌥𑌿𑌤𑌿𑌃 ॥ 56॥

𑌯𑍇𑌨𑌾𑌕𑍍𑌷𑌰𑌸𑌮𑌾𑌮𑍍𑌨𑌾𑌯𑌮𑌧𑌿𑌗𑌮𑍍𑌯 𑌮𑌹𑍇𑌶𑍍𑌵𑌰𑌾𑌤𑍍 ।
𑌕𑍃𑌤𑍍𑌸𑍍𑌨𑌂 𑌵𑍍𑌯𑌾𑌕𑌰𑌣𑌂 𑌪𑍍𑌰𑍋𑌕𑍍𑌤𑌂 𑌤𑌸𑍍𑌮𑍈 𑌪𑌾𑌣𑌿𑌨𑌯𑍇 𑌨𑌮𑌃 ॥ 5𑍭॥

𑌯𑍇𑌨 𑌧𑍌𑌤𑌾 𑌗𑌿𑌰𑌃 𑌪𑍁𑌂𑌸𑌾𑌂 𑌵𑌿𑌮𑌲𑍈𑌃 𑌶𑌬𑍍𑌦𑌵𑌾𑌰𑌿𑌭𑌿𑌃 ।
𑌤𑌮𑌶𑍍𑌚𑌾𑌜𑍍𑌞𑌾𑌨𑌜𑌂 𑌭𑌿𑌨𑍍𑌨𑌂 𑌤𑌸𑍍𑌮𑍈 𑌪𑌾𑌣𑌿𑌨𑌯𑍇 𑌨𑌮𑌃 ॥ 5𑍮॥

𑌅𑌜𑍍𑌞𑌾𑌨𑌾𑌂𑌧𑌸𑍍𑌯 𑌲𑍋𑌕𑌸𑍍𑌯 𑌜𑍍𑌞𑌾𑌨𑌾𑌂𑌜𑌨𑌶𑌲𑌾𑌕𑌯𑌾 ।
𑌚𑌕𑍍𑌷𑍁𑌰𑍁𑌨𑍍𑌮𑍀𑌲𑌿𑌤𑌂 𑌯𑍇𑌨 𑌤𑌸𑍍𑌮𑍈 𑌪𑌾𑌣𑌿𑌨𑌯𑍇 𑌨𑌮𑌃 ॥ 5𑍯॥

𑌤𑍍𑌰𑌿𑌨𑌯𑌨𑌮𑌭𑌿𑌮𑍁𑌖𑌨𑌿𑌃𑌸𑍃𑌤𑌾𑌮𑌿𑌮𑌾𑌂 𑌯 𑌇𑌹 𑌪𑌠𑍇𑌤𑍍𑌪𑍍𑌰𑌯𑌤𑌶𑍍𑌚 𑌸𑌦𑌾 𑌦𑍍𑌵𑌿𑌜𑌃 ।
𑌸 𑌭𑌵𑌤𑌿 𑌧𑌨𑌧𑌾𑌨𑍍𑌯𑌪𑌶𑍁𑌪𑍁𑌤𑍍𑌰𑌕𑍀𑌰𑍍𑌤𑌿𑌮𑌾𑌨𑍍 𑌅𑌤𑍁𑌲𑌂 𑌚 𑌸𑍁𑌖𑌂 𑌸𑌮𑌶𑍍𑌨𑍁𑌤𑍇 𑌦𑌿𑌵𑍀𑌤𑌿 𑌦𑌿𑌵𑍀𑌤𑌿 ॥ 60॥

॥ 𑌇𑌤𑌿 𑌵𑍇𑌦𑌾𑌂𑌗𑌨𑌾𑌸𑌿𑌕𑌾 𑌅𑌥𑌵𑌾 𑌪𑌾𑌣𑌿𑌨𑍀𑌯𑌶𑌿𑌕𑍍𑌷𑌾 𑌸𑌮𑌾𑌪𑍍𑌤𑌾 ॥