তৃতীয়ঃ প্রশ্নঃ

অথ হৈনং কৌশল্যশ্চাশ্বলাযনঃ পপ্রচ্ছ।
ভগবন্‌ কুত এষ প্রাণো জাযতে কথমায়াত্যস্মিঞ্শরীর আত্মানং-বাঁ প্রবিভজ্য় কথং প্রতিষ্ঠতে কেনোত্ক্রমতে কথং বহ্যমভিধতে কথমধ্য়াত্মমিতি ॥1॥

তস্মৈ স হোবাচাতিপ্রশ্চান্‌ পৃচ্ছসি ব্রহ্মিষ্ঠোঽসীতি তস্মাত্তেঽহং ব্রবীমি ॥2॥

আত্মন এষ প্রাণো জাযতে যথৈষা পুরুষে ছায়ৈতস্মিন্নেতদাততং মনোকৃতেনায়াত্যস্মিঞ্শরীরে ॥3॥

যথা সম্রাদেবাধিকৃতান্‌ বিনিয়ুংক্তে।
এতন্‌ গ্রামানোতান্‌ গ্রামানধিতিষ্ঠস্বেত্য়েবমেবৈষ প্রাণ ইতরান্‌ প্রাণান্‌ পৃথক্‌পৃথগেব সন্নিধত্তে ॥4॥

পায়ূপস্থেঽপানং চক্ষুঃশ্রোত্রে মুখনাসিকাভ্য়াং প্রাণঃ স্বয়ং প্রাতিষ্ঠতে মধ্য়ে তু সমানঃ।
এষ হ্য়েতদ্ধুতমন্নং সমং নযতি তস্মাদেতাঃ সপ্তার্চিষো ভবংতি ॥5॥

হৃদি হ্য়েষ আত্মা।
অত্রৈতদেকশতং নাডীনাং তাসাং শতং শতমেকৈকস্য়াং দ্বাসপ্ততির্দ্বাসপ্ততিঃ প্রতিশাখানাডীসহস্রাণি ভবংত্য়াসু ব্য়ানশ্চরতি ॥6॥

অথৈকয়োর্ধ্ব উদানঃ পুণ্য়েন পুণ্য়ং-লোঁকং নযতি।
পাপেন পাপমুভাভ্য়ামেব মনুষ্যলোকম্‌ ॥7॥

আদিত্য়ো হ বৈ বাহ্য়ঃ প্রাণ উদযত্য়েষ হ্য়েনং চাক্ষুষং প্রাণমনুগৃহ্ণানঃ।
পৃথিব্য়াং-য়াঁ দেবতা সৈষা পুরুষস্য়াপানমবষ্টভ্য়াংতরা যদাকাশঃ স সমানো বায়ুর্ব্য়ানঃ ॥8॥

তেজো হ বাব উদানস্তস্মাদুপশাংততেজাঃ পুনর্ভবমিংদ্রিয়ৈর্মনসি সংপদ্যমানৈঃ ॥9॥

যচ্চিত্তস্তেনৈষ প্রাণমায়াতি প্রাণস্তেজসা যুক্তঃ।
সহাত্মনা যথাসংকল্পিতং-লোঁকং নযতি ॥10॥

য এবং-বিঁদ্বান্‌ প্রাণং-বেঁদ।
ন হাস্য় প্রজা হীযতেঽমৃতো ভবতি তদেষঃ শ্লোকঃ ॥11॥

উত্পত্তিমাযতিং স্থানং-বিঁভুত্বং চৈব পংচধা।
অধ্য়াত্মং চৈব প্রাণস্য় বিজ্ঞায়ামৃতমশ্নুতে বিজ্ঞায়ামৃতমশ্নুত ইতি ॥12॥