অধ্য়ায় 2
বল্লী 1

পরাংচিখানি ব্যতৃণত্স্বয়ংভূস্তস্মাত্পরাঙ্পশ্যতি নাংতরাত্মন্‌।
কশ্চিদ্ধীরঃ প্রত্যগাত্মানমৈষদাবৃত্তচক্ষুরমৃতত্বমিচ্ছন্‌ ॥ ॥1॥

পরাচঃ কামাননুয়ংতি বালাস্তে মৃত্য়োর্য়ংতি বিততস্য় পাশম্‌।
অথ ধীরা অমৃতত্বং-বিঁদিত্বা ধ্রুবমধ্রুবেষ্বিহ ন প্রার্থয়ংতে ॥ ॥2॥

যেন রূপং রসং গংধং শব্দান্স্পর্​শাংশ্চ মৈথুনান্‌।
এতেনৈব বিজানাতি কিমত্র পরিশিষ্যতে। এতদ্বৈ তত্‌ ॥ ॥3॥

স্বপ্নাংতং জাগরিতাংতং চোভৌ যেনানুপশ্যতি।
মহাংতং-বিঁভুমাত্মানং মত্বা ধীরো ন শোচতি ॥ ॥4॥

য ইমং মধ্বদং-বেঁদ আত্মানং জীবমংতিকাত্‌।
ঈশানং ভূতভব্যস্য় ন ততো বিজুগুপ্সতে। এতদ্বৈ তত্‌ ॥ ॥5॥

যঃ পূর্বং তপসো জাতমদ্‌ভ্য়ঃ পূর্বমজাযত।
গুহাং প্রবিশ্য় তিষ্ঠংতং-য়োঁ ভূতেভির্ব্যপশ্যত। এতদ্বৈ তত্‌ ॥ ॥6॥

যা প্রাণেন সংভবত্যদিতির্দেবতাময়ী।
গুহাং প্রবিশ্য় তিষ্ঠংতীং-য়াঁ ভূতেভির্ব্যজাযত। এতদ্বৈ তত্‌ ॥ ॥7॥

অরণ্য়োর্নিহিতো জাতবেদা গর্ভ ইব সুভৃতো গর্ভিণীভিঃ।
দিবে দিবে ঈড্য়ো জাগৃবদ্ভির্​হবিষ্মদ্ভির্মনুষ্য়েভিরগ্নিঃ। এতদ্বৈ তত্‌ ॥ ॥8॥

যতশ্চোদেতি সূর্য়োঽস্তং-য়ঁত্র চ গচ্ছতি।
তং দেবাঃ সর্বেঽর্পিতাস্তদু নাত্য়েতি কশ্চন। এতদ্বৈ তত্‌ ॥ ॥9॥

যদেবেহ তদমুত্র যদমুত্র তদন্বিহ।
মৃত্য়োঃ স মৃত্য়ুমাপ্নোতি য ইহ নানেব পশ্যতি ॥ ॥10॥

মনসৈবেদমাপ্তব্য়ং নেহ নানাঽস্তি কিংচন।
মৃত্য়োঃ স মৃত্য়ুং গচ্ছতি য ইহ নানেব পশ্যতি ॥ ॥11॥

অংগুষ্ঠমাত্রঃ পুরুষো মধ্য় আত্মনি তিষ্ঠতি।
ঈশানো ভূতভব্যস্য় ন ততো বিজুগুপ্সতে। এতদ্বৈ তত্‌ ॥ ॥12॥

অংগুষ্ঠমাত্রঃ পুরুষো জ্য়োতিরিবাধূমকঃ।
ঈশানো ভূতভব্যস্য় স এবাদ্য় স উ শ্বঃ। এতদ্বৈ তত্‌ ॥ ॥13॥

যথোদকং দুর্গং-বৃঁষ্টং পর্বতেষু বিধাবতি।
এবং ধর্মান্পৃথক্‌ পশ্য়ংস্তানেবানুবিধাবতি ॥ ॥14॥

যথোদকং শুদ্ধে শুদ্ধমাসিক্তং তাদৃগেব ভবতি।
এবং মুনের্বিজানত আত্মা ভবতি গৌতম ॥ ॥15॥