অধ্য়ায় 2
বল্লী 2

পুরমেকাদশদ্বারমজস্য়াবক্রচেতসঃ।
অনুষ্ঠায় ন শোচতি বিমুক্তশ্চ বিমুচ্যতে। এতদ্বৈ তত্‌ ॥1॥

হংসঃ শুচিষদ্বসুরাংতরিক্ষসদ্ধোতা বেদিষদতিথির্দুরোণসত্‌।
নৃষদ্বরসদৃতসদ্ব্য়োমসদব্জা গোজা ঋতজা অদ্রিজা ঋতং বৃহত্‌ ॥2॥

ঊর্ধ্বং প্রাণমুন্নযত্যপানং প্রত্যগস্যতি।
মধ্য়ে বামনমাসীনং-বিঁশ্বে দেবা উপাসতে ॥3॥

অস্য় বিস্রংসমানস্য় শরীরস্থস্য় দেহিনঃ।
দেহাদ্বিমুচ্যমানস্য় কিমত্র পরিশিষ্যতে। এতদ্বৈ তত্‌ ॥4॥

ন প্রাণেন নাপানেন মর্ত্য়ো জীবতি কশ্চন।
ইতরেণ তু জীবংতি যস্মিন্নেতাবুপাশ্রিতৌ ॥5॥

হংত ত ইদং প্রবক্ষ্য়ামি গুহ্য়ং ব্রহ্ম সনাতনম্‌।
যথা চ মরণং প্রাপ্য় আত্মা ভবতি গৌতম ॥6॥

যোনিমন্য়ে প্রপদ্য়ংতে শরীরত্বায় দেহিনঃ।
স্থাণুমন্য়েঽনুসং​য়ংঁতি যথাকর্ম যথাশ্রুতম্‌ ॥7॥

য এষ সুপ্তেষু জাগর্তি কামং কামং পুরুষো নির্মিমাণঃ।
তদেব শুক্রং তদ্ ব্রহ্ম তদেবামৃতমুচ্যতে।
তস্মিং​ল্লোঁকাঃ শ্রিতাঃ সর্বে তদু নাত্য়েতি কশ্চন। এতদ্বৈ তত্‌ ॥8॥

অগ্নির্যথৈকো ভুবনং প্রবিষ্টো রূপং রূপং প্রতিরূপো বভূব।
একস্তথা সর্বভূতাংতরাত্মা রূপং রূপং প্রতিরূপো বহিশ্চ ॥9॥

বায়ুর্যথৈকো ভুবনং প্রবিষ্টো রূপং রূপং প্রতিরূপো বভূব।
একস্তথা সর্বভূতাংতরাত্মা রূপং রূপং প্রতিরূপো বহিশ্চ ॥10॥

সূর্য়ো যথা সর্বলোকস্য় চক্ষুর্ন লিপ্যতে চাক্ষুষৈর্বহ্য়িদোষৈঃ।
একস্তথা সর্বভূতাংতরাত্মা ন লিপ্যতে লোকদুঃখেন বাহ্য়ঃ ॥11॥

একো বশী সর্বভূতাংতরাত্মা একং রূপং বহুধা যঃ করোতি।
তমাত্মস্থং-য়েঁঽনুপশ্য়ংতি ধীরাস্তেষাং সুখং শাশ্বতং নেতরেষাম্‌ ॥12॥

নিত্য়োঽনিত্য়ানাং চেতনশ্চেতনানামেকো বহূনাং-য়োঁ বিদধাতি কামান্‌।
তমাত্মস্থং-য়েঁঽনুপশ্য়ংতি ধীরাস্তেষাং শাংতিঃ শাশ্বতী নেতরেষাম্‌ ॥13॥

তদেতদিতি মন্য়ংতেঽনির্দেশ্য়ং পরমং সুখম্‌।
কথং নু তদ্বিজানীয়াং কিমু ভাতি বিভাতি বা ॥14॥

ন তত্র সূর্য়ো ভাতি ন চংদ্রতারকং নেমা বিদ্য়ুতো ভাংতি কুতোঽযমগ্নিঃ।
তমেব ভাংতমনুভাতি সর্বং তস্য় ভাসা সর্বমিদং-বিঁভাতি ॥15॥