ওং শং নো॑ মি॒ত্রশ্শং-বঁরু॑ণঃ । শং নো॑ ভবত্বর্য়॒মা । শং ন॒ ইংদ্রো॒ বৃহ॒স্পতিঃ॑ । শং নো॒ বিষ্ণু॑রুরুক্র॒মঃ । নমো॒ ব্রহ্ম॑ণে । নম॑স্তে বায়ো । ত্বমে॒ব প্র॒ত্যক্ষং॒ ব্রহ্মা॑সি । ত্বমে॒ব প্র॒ত্যক্ষং॒ ব্রহ্ম॑ বদিষ্য়ামি । ঋ॒তং-বঁ॑দিষ্য়ামি । স॒ত্য়ং-বঁ॑দিষ্য়ামি । তন্মাম॑বতু । তদ্ব॒ক্তার॑মবতু । অব॑তু॒ মাম্ । অব॑তু ব॒ক্তারম্᳚ ।
ওং শাংতিঃ॒ শাংতিঃ॒ শাংতিঃ॑ ॥ 1 ॥
শং নো॑ মি॒ত্রশ্শং-বঁরু॑ণঃ । শং নো॑ ভবত্বর্য়॒মা । শং ন॒ ইংদ্রো॒ বৃহ॒স্পতিঃ॑ । শং নো॒ বিষ্ণু॑রুরুক্র॒মঃ । নমো॒ ব্রহ্ম॑ণে । নম॑স্তে বায়ো । ত্বমে॒ব প্র॒ত্যক্ষং॒ ব্রহ্মা॑সি । ত্বামে॒ব প্র॒ত্যক্ষং॒ ব্রহ্মাবা॑দিষম্ । ঋ॒তম॑বাদিষম্ । স॒ত্যম॑বাদিষম্ । তন্মামা॑বীত্ । তদ্ব॒ক্তার॑মাবীত্ । আবী॒ন্মাম্ । আবী᳚দ্ব॒ক্তারম্᳚ ।
ওং শাংতিঃ॒ শাংতিঃ॒ শাংতিঃ॑ ॥ 2 ॥
ওং স॒হ না॑ববতু । স॒হ নৌ॑ ভুনক্তু । স॒হ বী॒র্য়ং॑ করবাবহৈ । তে॒জ॒স্বিনা॒বধী॑তমস্তু॒ মা বি॑দ্বিষা॒বহৈ᳚ ।
ওং শাংতিঃ॒ শাংতিঃ॒ শাংতিঃ॑ ॥ 3 ॥
নমো॑ বা॒চে যা চো॑দি॒তা যা চানু॑দিতা॒ তস্য়ৈ॑ বা॒চে নমো॒
নমো॑ বা॒চে নমো॑ বা॒চস্পত॑য়ে॒ নম॒ ঋষি॑ভ্য়ো মংত্র॒কৃদ্ভ্য়ো॒ মংত্র॑পতিভ্য়ো॒
মা মামৃষ॑য়ো মংত্র॒কৃতো॑ মংত্র॒পত॑য়ঃ॒ পরা॑দু॒র্মা-ঽহমৃষী᳚ন্ মংত্র॒কৃতো॑
মংত্র॒পতী॒ন্ পরা॑দাং-বৈঁশ্বদে॒বীং-বাঁচ॑মুদ্য়াসগ্ম্ শি॒বা মদ॑স্তাং॒জুষ্টাং᳚
দে॒বেভ্য়ঃ॒ শর্ম॑ মে॒ দ্য়ৌঃ শর্ম॑ পৃথি॒বী শর্ম॒ বিশ্ব॑মি॒দং জগ॑ত্ ।
শর্ম॑ চং॒দ্রশ্চ॒ সূর্য়॑শ্চ॒ শর্ম॑ ব্রহ্ম প্রজাপ॒তী ।
ভূ॒তং-বঁ॑দিষ্য়ে॒ ভুব॑নং-বঁদিষ্য়ে॒ তেজো॑ বদিষ্য়ে॒ যশো॑ বদিষ্য়ে॒ তপো॑ বদিষ্য়ে॒
ব্রহ্ম॑ বদিষ্য়ে স॒ত্য়ং-বঁ॑দিষ্য়ে॒ তস্মা॑ অ॒হমি॒দ-মু॑প॒স্তর॑ণ॒-মুপ॑স্তৃণ
উপ॒স্তর॑ণং মে প্র॒জায়ৈ॑ পশূ॒নাং ভূ॑য়াদুপ॒স্তর॑ণম॒হং প্র॒জায়ৈ॑ পশূ॒নাং
ভূ॑য়াসং॒ প্রাণা॑পানৌ মৃ॒ত্য়োর্মা॑পাতং॒ প্রাণা॑পানৌ॒ মা মা॑ হাসিষ্টং॒ মধু॑
মনিষ্য়ে॒ মধু॑ জনিষ্য়ে॒ মধু॑ বক্ষ্য়ামি॒ মধু॑ বদিষ্য়ামি॒ মধু॑মতীং দে॒বেভ্য়ো॒
বাচ॑মুদ্য়াসগ্ম্ শুশ্রূ॒ষেণ্য়াং᳚ মনু॒ষ্য়ে᳚ভ্য়॒স্তং মা॑ দে॒বা অ॑বংতু
শো॒ভায়ৈ॑ পি॒তরোঽনু॑মদংতু ॥
ওং শাংতিঃ॒ শাংতিঃ॒ শাংতিঃ॑ ॥ 4 ॥
শন্নো॒ বাতঃ॑ পবতাং মাত॒রিশ্বা॒ শন্ন॑ স্তপতু॒ সূর্য়ঃ॑ ।
অহা॑নি॒ শং ভ॑বংতু ন॒ শ্শগ্ম্ রাত্রিঃ॒ প্রতি॑ধীযতাম্ ॥
শমু॒ষা নো॒ ব্য়ু॑চ্ছতু॒ শমা॑দি॒ত্য় উদে॑তু নঃ ।
শি॒বা ন॒ শ্শংত॑মাভব সুমৃডী॒কা সর॑স্বতি । মাতে॒ ব্য়ো॑ম সং॒দৃশি॑ ॥ 1
ইডা॑য়ৈ॒ বাস্ত্ব॑সি বাস্তু॒মদ্বা᳚স্তু॒মংতো॑ ভূয়াস্ম॒ মা বাস্তো᳚শ্ছিথ্স্
মহ্যবা॒স্তু স্স ভূ॑য়া॒দ্ যো᳚ঽস্মান্ দ্বেষ্টি॒ যং চ॑ ব॒য়ং দ্বি॒ষ্মঃ ॥
প্র॒তি॒ষ্ঠাঽসি॑ প্রতি॒ষ্ঠাবং॑তো ভূয়াস্ম॒ মা প্র॑তি॒ষ্ঠায়া᳚ছিথ্স্ মহ্য়
প্রতি॒ষ্ঠস্স ভূ॑য়া॒দ্ যো᳚ঽস্মান্ দ্বেষ্টি॒ যং চ॑ ব॒য়ং দ্বি॒ষ্মঃ ॥ 2
আবা॑ত বাহি ভেষ॒জং-বিঁবা॑ত-বাহি॒ যদ্রপঃ॑ ।
ত্বগ্ম্হি বি॒শ্বভে॑ষজো দে॒বানাং᳚ দূ॒ত ঈয়॑সে ॥
দ্বাবি॒মৌ বাতৌ॑ বাত॒ আসিংধো॒রা প॑রা॒বতঃ॑ ।
দক্ষং॑ মে অ॒ন্য় আ॒বাতু॒ পরা॒ঽন্য়ো বা॑তু॒ যদ্রপঃ॑ ॥
যদ॒দো বা॑ত তে গৃ॒হে॑ঽমৃত॑স্য় নি॒ধির্হি॒তঃ ।
ততো॑ নো দেহি জী॒বসে॒ ততো॑ নো ধেহি ভেষ॒জম্ ।
ততো॑ নো॒ মহ॒ আব॑হ॒ বাত॒ আবা॑তু ভেষ॒জম্ ॥
শং॒ভূর্-ম॑য়ো॒ভূর্-নো॑ হৃ॒দে প্রণ॒ আয়ুগ্ম্॑ষি তারিষত্ । ইংদ্র॑স্য় গৃ॒হো॑ঽসি॒ তং ত্বা॒ প্র॑পদ্য়ে॒ সগু॒স্সাশ্বঃ॑ । স॒হ যন্মে॒ অস্তি॒ তেন॑ ॥ 3
ভূঃ প্রপ॑দ্য়ে॒ ভুবঃ॒ প্রপ॑দ্য়ে॒ সুবঃ॒ প্রপ॑দ্য়ে॒ ভূর্ভুব॒স্সুবঃ॒ প্রপ॑দ্য়ে বা॒য়ুং
প্রপ॒দ্য়েঽনা᳚র্তাং দে॒বতাং॒ প্রপ॒দ্য়ে-ঽশ্মা॑নমাখ॒ণং প্রপ॑দ্য়ে প্র॒জাপ॑তের্
ব্রহ্মকো॒শং ব্রহ্ম॒ প্রপ॑দ্য়॒ ওং প্রপ॑দ্য়ে ॥
অং॒তরি॑ক্ষং ম উ॒র্বং॑তরং॑ বৃ॒হদ॒গ্নয়ঃ॒ পর্ব॑তাশ্চ॒ যয়া॒ বাতঃ॑ স্ব॒স্ত্য়া
স্ব॑স্তি॒মাংতয়া᳚ স্ব॒স্ত্য়া স্ব॑স্তি॒ মান॑সানি ॥
প্রাণা॑পানৌ মৃ॒ত্য়োর্ মা॑ পাতং॒ প্রাণা॑পানৌ॒ মা মা॑ হাসিষ্টং॒ ময়ি॑ মে॒ধাং ময়ি॑ প্র॒জাং ময়্য়॒গ্নি স্তেজো॑ দধাতু॒
ময়ি॑ মে॒ধাং ময়ি॑ প্র॒জাং ময়ীংদ্র॑ ইংদ্রি॒য়ং দ॑ধাতু॒
ময়ি॑ মে॒ধাং ময়ি॑ প্র॒জাং ময়ি॒ সূর্য়ো॒ ভ্রাজো॑ দধাতু ॥ 4
দ্য়ু॒ভির॒ক্তুভিঃ॒ পরি॑পাত-ম॒স্মা-নরি॑ষ্টেভিরশ্বিনা॒ সৌভ॑গেভিঃ ।
তন্নো॑ মি॒ত্রো বরু॑ণো মামহংতা॒-মদি॑তিঃ॒-সিংধুঃ॑ পৃথি॒বী উ॒তদ্য়ৌঃ ॥
কয়া॑নশ্চি॒ত্র আভু॑ব দূ॒তী স॒দাবৃ॑ধ॒ স্সখা᳚ । কয়া॒শচি॑ষ্ঠয়া বৃ॒তা ॥
কস্ত্বা॑ স॒ত্য়ো মদা॑নাং॒ মগ্ম্হি॑ষ্ঠো মথ্স॒দংধ॑সঃ ।
দৃ॒ঢা-চি॑দা॒-রুজে॒-বসু॑ ॥
অ॒ভীষুণ॒ স্সখী॑না-মবি॒তা-জ॑রিত্-ৠ॒ণাম্ । শ॒তং ভ॑বাস্য়ূ॒তিভিঃ॑ ॥
বয়॑স্সুপ॒র্ণা উপ॑সেদু॒রিংদ্রং॑ প্রি॒যমে॑ধা॒ ঋষ॑য়ো॒ নাধ॑মানাঃ ।
অপ॑দ্ধ্বাং॒তমূ᳚র্ণু॒হি পূ॒র্ধিচক্ষু॑র্ মুমু॒গ্ধ্য়॑স্মা-ন্নি॒ধয়ে॑ব ব॒দ্ধান্ ॥
শন্নো॑ দে॒বীর॒ভিষ্ট॑য়॒ আপো॑ ভবংতু পী॒তয়ে᳚ । শংয়োঁ-র॒ভিস্র॑বংতুনঃ ॥
ঈশা॑না॒ বার্য়া॑ণাং॒ ক্ষয়ং॑তী শ্চর্ষণী॒নাম্ । অ॒পো যা॑চামি ভেষ॒জম্ ॥
সু॒মি॒ত্রান॒ আপ॒ ওষ॑ধয় স্সংতু দুর্মি॒ত্রাস্তস্মৈ॑ ভূয়া-সু॒র্য়ো᳚ঽস্মান্
দ্বেষ্টি॒ যং চ॑ ব॒য়ং দ্বি॒ষ্মঃ ॥ 5
আপো॒হিষ্ঠা ম॑য়ো॒ভুব॒-স্তান॑ ঊ॒র্জে দ॑ধাতন । ম॒হে রণা॑য়॒ চক্ষ॑সে ।
যো বঃ॑ শি॒বত॑মো॒ রস॒স্তস্য়॑ ভাজযতে॒হ নঃ॑ । উ॒শ॒তীরি॑ব মা॒তরঃ॑ ।
তস্মা॒ অরং॑ গমামবো॒ যস্য়॒ ক্ষয়া॑য়॒ জিন্ব॑থ । আপো॑ জ॒নয়॑থা চনঃ ॥
পৃ॒থি॒বী শাং॒তা সাঽগ্নিনা॑ শাং॒তা সা মে॑ শাং॒তা শুচগ্ম্॑ শমযতু ।
অং॒তরি॑ক্ষগ্ম্ শাং॒তং তদ্ বা॒য়ুনা॑ শাং॒তং তন্মে॑ শাং॒তগ্ম্ শুচগ্ম্॑ শমযতু ।
দ্য়ৌঃ শাং॒তা সাঽঽদি॒ত্য়েন॑ শাং॒তা সা মে॑ শাং॒তা শুচগ্ম্॑ শমযতু ॥ 6
পৃ॒থি॒বী শাংতি॑রং॒তরি॑ক্ষ॒গ্ম্॒ শাংতি॒র্ দ্য়ৌ শ্শাংতি॒র্ দিশঃ॒ শাংতি॑-রবাংতরদি॒শাঃ-শাংতি॑-র॒গ্নিশ্শাংতি॑র্-বা॒য়ুশ্শাংতি॑-রাদি॒ত্য় শ্শাংতি॑-
শ্চং॒দ্রমা॒ শ্শাংতি॒র্-নক্ষ॑ত্রাণি॒ শাংতি॒-রাপ॒শ্শাংতি॒-রোষ॑ধয়॒ শ্শাংতি॒র্-
বন॒স্পত॑য়॒ শ্শাংতি॒র্-গৌ শ্শাংতি॑-র॒জা শাংতি॒-রশ্ব॒ শ্শাংতিঃ॒ পুরু॑ষ॒ শ্শাংতি॒র্ ব্রহ্ম॒ শাংতি॑র্ ব্রাহ্ম॒ণ শ্শাংতি॒-শ্শাংতি॑-রে॒ব শাংতি॒ শ্শাংতি॑র্ মে অস্তু শাংতিঃ॑ ॥
তয়া॒ঽহগ্ম্ শাং॒ত্য়া স॑র্ব শাং॒ত্য়া মহ্য়ং॑ দ্বি॒পদে॒ চতু॑ষ্পদে চ॒
শাংতিং॑ করোমি॒ শাংতি॑র্ মে অস্তু॒ শাংতিঃ॑ ॥ 7
এহ॒ শ্রীশ্চ॒ হ্রীশ্চ॒ ধৃতি॑শ্চ॒ তপো॑ মে॒ধা প্র॑তি॒ষ্ঠা শ্র॒দ্ধা স॒ত্য়ং ধর্ম॑শ্চৈ॒তানি॒
মোত্তি॑ষ্ঠংত॒-মনূত্তি॑ষ্ঠংতু॒ মামা॒গ্গ্॒ শ্রীশ্চ॒ হ্রীশ্চ॒ ধৃতি॑শ্চ॒ তপো॑ মে॒ধা প্র॑তি॒ষ্ঠা
শ্র॒দ্ধা স॒ত্য়ং ধর্ম॑শ্চৈ॒তানি॑ মা॒ মা হা॑সিষুঃ ॥
উদায়ু॑ষা স্বা॒য়ুষো-দোষ॑ধীনা॒গ্ম্॒ রসে॒নোত্ প॒র্জন্য়॑স্য়॒ শুষ্মে॒ণোদ॑স্থা-
ম॒মৃতা॒গ্ম্॒ অনু॑ ॥ তচ্চক্ষু॑র্ দে॒বহি॑তং পু॒রস্তা᳚-চ্ছু॒ক্রমু॒চ্চর॑ত্ ॥ 8
পশ্য়ে॑ম শ॒রদ॑শ্শ॒তং জীবে॑ম শ॒রদ॑শ্শ॒তং নংদা॑ম শ॒রদ॑শ্শ॒তং মোদা॑ম
শ॒রদ॑শ্শ॒তং ভবা॑ম শ॒রদ॑শ্শ॒তগ্ম্ শৃ॒ণবা॑ম শ॒রদ॑শ্শ॒তং প্রব্র॑বাম
শ॒রদ॑শ্শ॒ত-মজী॑তাস্য়াম শ॒রদ॑শ্শ॒তং জোক্চ॒ সূর্য়ং॑ দৃ॒শে ॥
য উদ॑গান্ মহ॒তোঽর্ণবা᳚ন্ বি॒ব্রাজ॑মান-স্সরি॒রস্য়॒ মদ্ধ্য়া॒থ্স মা॑
বৃষ॒ভো লো॑হিতা॒ক্ষ স্সূর্য়ো॑ বিপ॒শ্চিন্ মন॑সা পুনাতু ॥ 9
ব্রহ্ম॑ণ॒শ্চোত॑ন্যসি॒ ব্রহ্ম॑ণ আ॒ণীস্থো॒ ব্রহ্ম॑ণ আ॒বপ॑নমসি ধারি॒তেয়ং
পৃ॑থি॒বী ব্রহ্ম॑ণা ম॒হী ধা॑রি॒ত-মে॑নেন ম॒হদং॒তরি॑ক্ষং॒ দিবং॑ দাধার
পৃথি॒বীগ্ম্ সদে॑বাং॒য়ঁদ॒হংবেঁদ॒ তদ॒হং ধা॑রয়াণি॒ মামদ্বেদোঽধি॒ বিস্র॑সত্ ।
মে॒ধা॒ম॒নী॒ষে মাবি॑শতাগ্ম্ স॒মীচী॑ ভূ॒তস্য়॒ ভব্য়॒স্য়াব॑রুদ্ধ্য়ৈ॒
সর্ব॒মায়ু॑রয়াণি॒ সর্ব॒মায়ু॑রয়াণি ॥ 10
আ॒ভির্ গী॒র্ভির্ যদতো॑ন ঊ॒নমাপ্য়া॑যয় হরিবো॒ বর্ধ॑মানঃ ।
য॒দা স্তো॒তৃভ্য়ো॒ মহি॑ গো॒ত্রা রু॒জাসি॑ ভূয়িষ্ঠ॒ভাজো॒ অধ॑তে শ্য়াম ।
ব্রহ্ম॒ প্রাবা॑দিষ্ম॒ তন্নো॒ মাহা॑সীত্ ॥
ওং শাংতিঃ॒ শাংতিঃ॒ শাংতিঃ॑ ॥ 5 ॥
