প্রথমঃ প্রশ্নঃ

ওং নমঃ পরমাত্মনে । হরিঃ ওম্ ॥

সুকেশা চ ভারদ্বাজঃ শৈব্যশ্চ সত্যকামঃ সৌর্য়াযণী চ গার্গ্য়ঃ কৌসল্যশ্চাশ্বলাযনো ভার্গবো বৈদর্ভিঃ কবংধী কাত্য়াযনস্তে হৈতে ব্রহ্মপরা ব্রহ্মনিষ্ঠাঃ পরং ব্রহ্মান্বেষমাণাঃ এষ হ বৈ তত্সর্বং-বঁক্ষ্যতীতি তে হ সমিত্পাণয়ো ভগবংতং পিপ্পলাদমুপসন্নাঃ ॥1॥

তান্‌ হ স ঋষিরুবাচ ভূয় এব তপসা ব্রহ্মচর্য়েণ শ্রদ্ধয়া সং​বঁত্সরং সং​বঁত্স্যথ যথাকামং প্রশ্নান্‌ পৃচ্ছত যদি বিজ্ঞাস্য়ামঃ সর্বং হ বো বক্ষাম ইতি ॥2॥

অথ কবংধী কাত্য়াযন উপেত্য় পপ্রচ্ছ ভগবন্‌ কুতো হ বা ইমাঃ প্রজাঃ প্রজায়ংত ইতি ॥3॥

তস্মৈ স হোবাচ-
প্রজাকামো বৈ প্রজাপতিঃ স তপোঽতপ্যত স তপস্তপ্ত্বা স মিথুনমুত্পাদযতে।
রয়িং চ প্রাণংচেতি এতৌ মে বহুধা প্রজাঃ করিষ্যত ইতি ॥4॥

আদিত্য়ো হ বৈ প্রাণো রয়িরেব চংদ্রমাঃ রয়ির্বা এতত্‌ সর্বং-য়ঁন্মূর্তং চামূর্তং চ তস্মান্মূর্তিরেব রয়িঃ ॥5॥

অথাদিত্য় উদযন্ যত্ প্রাচীং দিশং প্রবিশতি তেন প্রাচ্য়ান্‌ প্রাণান্‌ রশ্মিষু সন্নিধত্তে।
যদ্দক্ষিণাং-য়ঁত্‌ প্রতীচীং-য়ঁদুদীচীং-য়ঁদধো যদূর্ধ্বং-য়ঁদংতরা দিশো যত্সর্বং প্রকাশযতি তেন সর্বান্‌ প্রাণান্‌ রশ্মিষু সন্নিধত্তে ॥6॥

স এষ বৈশ্বানরো বিশ্বরুপঃ প্রাণোঽগ্নিরুদযতে।
তদেতদ্ ঋচাঽভ্য়ুক্তম্‌ ॥7॥

বিশ্বরূপং হরিণং জাতবেদসং পরাযণং জ্য়োতিরেকং তপংতম্‌।
সহস্ররশ্মিঃ শতধা বর্তমানঃ প্রাণঃ প্রজানামুদযত্য়েষ সূর্য়ঃ ॥8॥

সং​বঁত্সরো বৈ প্রজাপতিঃ স্তস্য়াযনে দক্ষিণংচোত্তরং চ।
তদ্য়ে হ বৈ তদিষ্টাপূর্তে কৃতমিত্য়ুপাসতে তে চাংদ্রমসমেব লোকমভিজয়ংতে ত এব পুনরাবর্তংতে।
তস্মাদেত ঋষয়ঃ প্রজাকামা দক্ষিণং প্রতিপদ্য়ংতে। এষ হ বৈ রয়ির্য়ঃ পিতৃয়াণঃ ॥9॥

অথোত্তরেণ তপসা ব্রহ্মচর্য়েণ শ্রদ্ধয়া বিদ্যয়াত্মানমন্বিষ্য়াদিত্যমভিজয়ংতে।
এতদ্বৈ প্রাণানামাযতনমেতদমৃতমভযমেতত্‌ পরাযণমেতস্মান্ন পুনরাবর্তংত ইত্য়েষ নিরোধঃ। তদেষ শ্লোকঃ ॥10॥

পংচপাদং পিতরং দ্বাদশাকৃতিং দিব আহুঃ পরে অর্ধে পুরীষিণম্‌।
অথেমে অন্য় উ পরে বিচক্ষণং সপ্তচক্রে ষডর আহুরর্পিতমিতি ॥11॥

মাসো বৈ প্রজাপতিস্তস্য় কৃষ্ণপক্শ এব রয়িঃ শুক্লঃ প্রণস্তস্মাদেত ঋষয়ঃ শুক্ল ইষ্টং কুর্বংতীতর ইতরস্মিন্‌ ॥12॥

অহোরাত্রো বৈ প্রজাপতিস্তস্য়াহরেব প্রাণো রাত্রিরেব রয়িঃ।
প্রাণং-বাঁ এতে প্রস্কংদংতি যে দিবা রত্য়া সং​য়ুঁজ্য়ংতে ব্রহ্মচর্যমেব তদ্যদ্রাত্রৌ রত্য়া সং​য়ুঁজ্য়ংতে ॥13॥

অন্নং-বৈঁ প্রজাপতিস্ততো হ বৈ তদ্রেতস্তস্মাদিমাঃ প্রজাঃ প্রজায়ংত ইতি ॥14॥

তদ্য়ে হ বৈ তত্প্রজাপতিব্রতং চরংতি তে মিথুনমুত্পাদয়ংতে।
তেষামেবৈষ ব্রহ্মলোকো যেষাং তপো ব্রহ্মচর্য়ং-য়েঁষু সত্য়ং প্রতিষ্ঠিতম্‌ ॥15॥

তেষামসৌ বিরজো ব্রহ্মলোকো ন যেষু জিহ্মমনৃতং ন মায়া চেতি ॥16॥