দ্বিতীয়ঃ প্রশ্নঃ
অথ হৈনং ভার্গবো বৈদর্ভিঃ পপ্রচ্ছ।
ভগবন্ কত্য়েব দেবাঃ প্রজাং-বিঁধারয়ংতে কতর এতত্প্রকাশয়ংতে কঃ পুনরেষাং-বঁরিষ্ঠঃ ইতি ॥1॥
তস্মৈ স হোবাচাকাশো হ বা এষ দেবো বায়ুরগ্নিরাপঃ পৃথিবী বাঙ্মনশ্চক্ষুঃ শ্রোত্রং চ।
তে প্রকাশ্য়াভিবদংতি বযমেতদ্বাণমবষ্টভ্য় বিধারয়ামঃ ॥2॥
তান্ বরিষ্ঠঃ প্রাণ উবাচ।
মা মোহমাপদ্যথ অহমেবৈতত্পংচধাত্মানং প্রবিভজ্য়ৈতদ্বাণমবষ্টভ্য় বিধারয়ামীতি তেঽশ্রদ্দধানা বভূবুঃ ॥3॥
সোঽভিমানাদূর্ধ্বমুত্ক্রামত ইব তস্মিন্নুত্ক্রামত্যথেতরে সর্ব এবোত্ক্রামংতে তস্মিংশ্চ প্রতিষ্ঠমানে সর্ব এব প্রতিষ্ঠংতে।
তদ্যথা মক্ষিকা মধুকররাজানমুত্ক্রামংতং সর্ব এবোত্ক্রামংতে তস্মিংশ্চ প্রতিষ্ঠমানে সর্ব এব প্রতিষ্টংত এবম্ বাঙ্মনষ্চক্ষুঃ শ্রোত্রং চ তে প্রীতাঃ প্রাণং স্তুন্বংতি ॥4॥
এষোঽগ্নিস্তপত্য়েষ সূর্য় এষ পর্জন্য়ো মঘবানেষ বায়ুঃ।
এষ পৃথিবী রয়ির্দেবঃ সদসচ্চামৃতং চ যত্ ॥5॥
অরা ইব রথনাভৌ প্রাণে সর্বং প্রতিষ্ঠিতম্।
ঋচো যজূষি সামানি যজ্ঞঃ ক্ষত্রং ব্রহ্ম চ ॥6॥
প্রজাপতিশ্চরসি গর্ভে ত্বমেব প্রতিজাযসে।
তুভ্য়ং প্রাণ প্রজাস্ত্বিমা বলিং হরংতি যঃ প্রাণৈঃ প্রতিতিষ্ঠসি ॥7॥
দেবানামসি বহ্নিতমঃ পিতৃণাং প্রথমা স্বধা।
ঋষীণাং চরিতং সত্যমথর্বাংগিরসামসি ॥8॥
ইংদ্রস্ত্বং প্রাণ তেজসা রুদ্রোঽসি পরিরক্ষিতা।
ত্বমংতরিক্ষে চরসি সূর্যস্ত্বং জ্য়োতিষাং পতিঃ ॥9॥
যদা ত্বমভিবর্ষস্যথেমাঃ প্রাণ তে প্রজাঃ।
আনংদরূপাস্তিষ্ঠংতি কামায়ান্নং ভবিষ্যতীতি ॥10॥
ব্রাত্যস্ত্বং প্রাণৈকর্ষরত্তা বিশ্বস্য় সত্পতিঃ।
বযমাদ্যস্য় দাতারঃ পিতা ত্বং মাতরিশ্ব নঃ ॥11॥
যা তে তনূর্বাচি প্রতিষ্ঠিতা যা শ্রোত্রে যা চ চক্ষুষি।
যা চ মনসি সংততা শিবাং তাং কুরূ মোত্ক্রমীঃ ॥12॥
প্রাণস্য়েদং-বঁশে সর্বং ত্রিদিবে যত্ প্রতিষ্ঠিতম্।
মাতেব পুত্রান্ রক্ষস্ব শ্রীশ্চ প্রজ্ঞাং চ বিধেহি ন ইতি ॥13॥
