চতুর্থঃ প্রশ্নঃ
অথ হৈনং সৌর্য়াযণি গার্গ্য়ঃ পপ্রচ্ছ।
ভগবন্নেতস্মিন্ পুরুষে কানি স্বপংতি কান্যস্মিংজাগ্রতি কতর এষ দেবঃ স্বপ্নান্ পশ্যতি কস্য়ৈতত্সুখং ভবতি কস্মিন্নু সর্বে সংপ্রতিষ্ঠিতা ভবংতীতি ॥1॥
তস্মৈ স হোবাচ। যথ গার্গ্য় মরীচয়োঽর্কস্য়াস্তং গচ্ছতঃ সর্বা এতস্মিংস্তেজোমংডল একীভবংতি।
তাঃ পুনঃ পুনরুদযতঃ প্রচরংত্য়েবং হ বৈ তত্ সর্বং পরে দেবে মনস্য়েকীভবতি।
তেন তর্হ্য়েষ পুরুষো ন শৃণোতি ন পশ্যতি ন জিঘ্রতি ন রসযতে ন স্পৃশতে নাভিবদতে নাদত্তে নানংদযতে ন বিসৃজতে নেয়াযতে স্বপিতীত্য়াচক্ষতে ॥2॥
প্রাণাগ্রয় এবৈতস্মিন্ পুরে জাগ্রতি।
গার্হপত্য়ো হ বা এষোঽপানো ব্য়ানোঽন্বাহার্যপচনো যদ্ গার্হপত্য়াত্ প্রণীযতে প্রণযনাদাহবনীয়ঃ প্রাণঃ ॥3॥
যদুচ্ছ্বাসনিঃশ্বাসাবেতাবাহুতী সমং নযতীতি স সমানঃ।
মনো হ বাব যজমানঃ ইষ্টফলমেবোদানঃ স এনং-য়ঁজমানমহরহর্ব্রহ্ম গমযতি ॥4॥
অত্রৈষ দেবঃ স্বপ্নে মহিমানমনুভবতি।
যদ্ দৃষ্টং দৃষ্টমনুপশ্যতি শ্রুতং শ্রুতমেবার্থমনুশৃণোতি দেশদিগংতরৈশ্চ প্রত্যনুভূতং পুনঃ পুনঃ প্রত্যনুভবতি দৃষ্টং চাদৃষ্টং চ শ্রুতং চাশ্রুতং চানুভূতং চাননুভূতং চ সচ্চাসচ্চ সর্বং পশ্যতি সর্বঃ পস্যতি ॥5॥
স যদা তেজসাভিভূতো ভবত্যত্রৈষ দেবঃ স্বপ্নান্ ন পশ্যত্যথ যদৈতস্মিঞ্শরীরে এতত্সুখং ভবতি ॥6॥
স যথা সোভ্য় বয়াংসি বসোবৃক্ষং সংপ্রতিষ্ঠংতে এবং হ বৈ তত্ সর্বং পর আত্মনি সংপ্রতিষ্ঠতে ॥7॥
পৃথিবী চ পৃথিবীমাত্রা চাপশ্চাপোমাত্রা চ তেজশ্চ তেজোমাত্রা চ বায়ুশ্চ বায়ুমাত্রা চাকাশশ্চাকাশমাত্রা চ চক্ষুশ্চ দ্রষ্টব্য়ং চ শ্রোত্রং চ শ্রোতব্য়ং চ ঘ্রাণং চ ঘ্রাতব্য়ং চ রসশ্চ রসয়িতব্য়ং চ ত্বক্চ স্পর্শয়িতব্য়ং চ বাক্চ বক্তব্য়ং চ হস্তৌ চাদাতব্য়ং চোপস্থশ্চানংদয়িতব্য়ং চ পায়ুশ্চ বিসর্জয়িতব্য়ং চ যাদৌ চ গংতব্য়ং চ মনশ্চ মংতব্য়ং চ বুদ্ধিশ্চ বোদ্ধব্য়ং চাহংকারশ্চাহংকর্তব্য়ং চ চিত্তং চ চেতয়িতব্য়ং চ তেজশ্চ বিদ্য়োতয়িতব্য়ং চ প্রাণশ্চ বিদ্য়ারয়িতব্য়ং চ ॥8॥
এষ হি দ্রষ্ট স্প্রষ্টা শ্রোতা ঘ্রাতা রসয়িতা মংতা বোদ্ধা কর্তা বিজ্ঞানাত্মা পুরুষঃ।
স পরেঽক্ষর আত্মনি সংপ্রতিষ্ঠতে ॥9॥
পরমেবাক্ষরং প্রতিপদ্যতে স যো হ বৈ তদচ্ছাযমশরীরম্লোহিতং শুভ্রমক্ষরং-বেঁদযতে যস্তু সোম্য় স সর্বজ্ঞঃ সর্বো ভবতি তদেষ শ্লোকঃ ॥10॥
বিজ্ঞানাত্মা সহ দেবৈশ্চ সর্বৈঃ প্রাণা ভুতানি সংপ্রতিষ্ঠংতি যত্র।
তদক্ষরং-বেঁদযতে যস্তু সোম্য় স সর্বজ্ঞঃ সর্বমেবাবিবেশেতি ॥11॥
