ধ্য়ানং
মাধবোমাধবাবীশৌ সর্বসিদ্ধিবিহায়িনৌ ।
বংদে পরস্পরাত্মানৌ পরস্পরনুতিপ্রিয়ৌ ॥
স্তোত্রং
গোবিংদ মাধব মুকুংদ হরে মুরারে
শংভো শিবেশ শশিশেখর শূলপাণে ।
দামোদরাঽচ্য়ুত জনার্দন বাসুদেব
ত্য়াজ্য়াভটায় ইতি সংততমামনংতি ॥ 1
গংগাধরাংধকরিপো হর নীলকংঠ
বৈকুংঠকৈটভরিপো কমঠাব্জপাণে ।
ভূতেশ খংডপরশো মৃড চংডিকেশ
ত্য়াজ্য়াভটায় ইতি সংততমামনংতি ॥ 2
বিষ্ণো নৃসিংহ মধুসূদন চক্রপাণে
গৌরীপতে গিরিশ শংকর চংদ্রচূড ।
নারাযণাঽসুরনিবর্হণ শার্ঙ্গপাণে
ত্য়াজ্য়াভটায় ইতি সংততমামনংতি ॥ 3
মৃত্য়ুংজয়োগ্র বিষমেক্ষণ কামশত্রো
শ্রীকংঠ পীতবসনাংবুদনীলশৌরে ।
ঈশান কৃত্তিবসন ত্রিদশৈকনাথ
ত্য়াজ্য়াভটায় ইতি সংততমামনংতি ॥ 4
লক্ষ্মীপতে মধুরিপো পুরুষোত্তমাদ্য়
শ্রীকংঠ দিগ্বসন শাংত পিনাকপাণে ।
আনংদকংদ ধরণীধর পদ্মনাভ
ত্য়াজ্য়াভটায় ইতি সংততমামনংতি ॥ 5
সর্বেশ্বর ত্রিপুরসূদন দেবদেব
ব্রহ্মণ্যদেব গরুডধ্বজ শংখপাণে ।
ত্র্যক্ষোরগাভরণ বালমৃগাংকমৌলে
ত্য়াজ্য়াভটায় ইতি সংততমামনংতি ॥ 6
শ্রীরাম রাঘব রমেশ্বর রাবণারে
ভূতেশ মন্মথরিপো প্রমথাধিনাথ ।
চাণূরমর্দন হৃষীকপতে মুরারে
ত্য়াজ্য়াভটায় ইতি সংততমামনংতি ॥ 7
শূলিন্ গিরীশ রজনীশকলাবতংস
কংসপ্রণাশন সনাতন কেশিনাশ ।
ভর্গ ত্রিনেত্র ভব ভূতপতে পুরারে
ত্য়াজ্য়াভটায় ইতি সংততমামনংতি ॥ 8
গোপীপতে যদুপতে বসুদেবসূনো
কর্পূরগৌর বৃষভধ্বজ ফালনেত্র ।
গোবর্ধনোদ্ধরণ ধর্মধুরীণ গোপ
ত্য়াজ্য়াভটায় ইতি সংততমামনংতি ॥ 9
স্থাণো ত্রিলোচন পিনাকধর স্মরারে
কৃষ্ণাঽনিরুদ্ধ কমলাকর কল্মষারে ।
বিশ্বেশ্বর ত্রিপথগার্দ্রজটাকলাপ
ত্য়াজ্য়াভটায় ইতি সংততমামনংতি ॥ 10
অষ্টোত্তরাধিকশতেন সুচারুনাম্নাং
সংধর্ভিতাং ললিতরত্নকদংবকেন ।
সন্নামকাং দৃঢগুণাং দ্বিজকংঠগাং যঃ
কুর্য়াদিমাং স্রজমহো স যমং ন পশ্য়েত্ ॥ 11
ইতি যমকৃত শ্রী শিবকেশব স্তুতিঃ ।
