শ্রীবেংকটাদ্রিধামা ভূমা ভূমাপ্রিয়ঃ কৃপাসীমা ।
নিরবধিকনিত্যমহিমা ভবতু জয়ী প্রণতদর্শিতপ্রেমা ॥ 1 ॥
জয় জনতা বিমলীকৃতিসফলীকৃতসকলমংগলাকার ।
বিজয়ী ভব বিজয়ী ভব বিজয়ী ভব বেংকটাচলাধীশ ॥ 2 ॥
কমনীযমংদহসিতং কংচন কংদর্পকোটিলাবণ্যম্ ।
পশ্য়েযমংজনাদ্রৌ পুংসাং পূর্বতনপুণ্যপরিপাকম্ ॥ 3 ॥
মরতকমেচকরুচিনা মদনাজ্ঞাগংধিমধ্যহৃদয়েন ।
বৃষশৈলমৌলিসুহৃদা মহসা কেনাপি বাসিতং জ্ঞেযম্ ॥ 4 ॥
পত্য়ৈ নমো বৃষাদ্রেঃ করয়ুগপরিকর্মশংখচক্রায় ।
ইতরকরকমলয়ুগলীদর্শিত-কটিবংধদানমুদ্রায় ॥ 5 ॥
সাম্রাজ্যপিশুনমকুটীসুঘটললাটাত্ সুমংগলা পাংগাত্ ।
স্মিতরুচিফুল্লকপোলাদপরো ন পরোঽস্তি বেংকটাদ্রীশাত্ ॥ 6 ॥
সর্বাভরণবিভূষিতদিব্য়াবযবস্য় বেংকটাদ্রিপতেঃ ।
পল্লবপুষ্পবিভূষিতকল্পতরোশ্চাপি কা ভিদা দৃষ্টা ॥ 7 ॥
লক্ষ্মীললিতপদাংবুজলাক্ষারসরংজিতাযতোরস্কে ।
শ্রীবেংকটাদ্রিনাথে নাথে মম নিত্যমর্পিতো ভারঃ ॥ 8 ॥
আর্য়াবৃত্তসমেতা সপ্তবিভক্তির্বৃষাদ্রিনাথস্য় ।
বাদীংদ্রভীকৃদাখ্য়ৈরার্য়ৈ রচিতা জযত্বিয়ং সততম্ ॥ 9 ॥
ইতি শ্রীবেংকটেশবিজয়ার্য়াসপ্তবিভক্তি স্তোত্রং সংপূর্ণম্ ।
