মুখে চারুহাসং করে শংখচক্রং
গলে রত্নমালাং স্বয়ং মেঘবর্ণম্ ।
তথা দিব্যশস্ত্রং প্রিয়ং পীতবস্ত্রং
ধরংতং মুরারিং ভজে বেংকটেশম্ ॥ 1 ॥
সদাভীতিহস্তং মুদাজানুপাণিং
লসন্মেখলং রত্নশোভাপ্রকাশম্ ।
জগত্পাদপদ্মং মহত্পদ্মনাভং
ধরংতং মুরারিং ভজে বেংকটেশম্ ॥ 2 ॥
অহো নির্মলং নিত্যমাকাশরূপং
জগত্কারণং সর্ববেদাংতবেদ্যম্ ।
বিভুং তাপসং সচ্চিদানংদরূপং
ধরংতং মুরারিং ভজে বেংকটেশম্ ॥ 3 ॥
শ্রিয়া বিষ্টিতং বামপক্ষপ্রকাশং
সুরৈর্বংদিতং ব্রহ্মরুদ্রস্তুতং তম্ ।
শিবং শংকরং স্বস্তিনির্বাণরূপং
ধরংতং মুরারিং ভজে বেংকটেশম্ ॥ 4 ॥
মহায়োগসাদ্ধ্য়ং পরিভ্রাজমানং
চিরং বিশ্বরূপং সুরেশং মহেশম্ ।
অহো শাংতরূপং সদাধ্য়ানগম্য়ং
ধরংতং মুরারিং ভজে বেংকটেশম্ ॥ 5 ॥
অহো মত্স্যরূপং তথা কূর্মরূপং
মহাক্রোডরূপং তথা নারসিংহম্ ।
ভজে কুব্জরূপং বিভুং জামদগ্ন্য়ং
ধরংতং মুরারিং ভজে বেংকটেশম্ ॥ 6 ॥
অহো বুদ্ধরূপং তথা কল্কিরূপং
প্রভুং শাশ্বতং লোকরক্ষামহংতম্ ।
পৃথক্কাললব্ধাত্মলীলাবতারং
ধরংতং মুরারিং ভজে বেংকটেশম্ ॥ 7 ॥
ইতি শ্রীবেংকটেশ ভুজংগং সংপূর্ণম্ ।
