নমামীশমীশান নির্বাণরূপং
বিভুং ব্য়াপকং ব্রহ্মবেদ-স্বরূপম্ ।
নিজং নির্গুণং নির্বিকল্পং নিরীহং
চিদাকাশ-মাকাশবাসং ভজেঽহম্ ॥ 1 ॥
নিরাকারমোংকারমূলং তুরীয়ং
গিরাজ্ঞানগোতীতমীশং গিরীশম্ ।
করালং মহাকালকালং কৃপালুং
গুণাগার-সংসারপারং নতোঽহম্ ॥ 2 ॥
তুষারাদ্রি-সংকাশগৌরং গভীরং
মনোভূতকোটি-প্রভাসী শরীরম্ ।
স্ফুরন্মৌলিকল্লোলিনী চারুগংগা
লসদ্ভাল-বালেংদু কংঠে ভুজংগম্ ॥ 3 ॥
চলত্কুংডলং শুভ্রনেত্রং বিশালং
প্রসন্নাননং নীলকংঠং দয়ালুম্ ।
মৃগাধীশ-চর্মাংবরং মুংডমালং
প্রিয়ং শংকরং সর্বনাথং ভজামি ॥ 4 ॥
প্রচংডং প্রকৃষ্টং প্রগল্ভং পরেশং
অখংডং ভজে ভানুকোটিপ্রকাশম্ ।
ত্রয়ী-শূল-নির্মূলনং শূলপাণিং
ভজেঽহং ভবানীপতিং ভাবগম্যম্ ॥ 5 ॥
কলাতীত-কল্য়াণ-কল্পাংতকারী
সদা সজ্জনানংদ-দাতা পুরারী ।
চিদানংদ সংদোহমোহাপহারী
প্রসীদ প্রসীদ প্রভো মন্মথারী ॥ 6 ॥
ন যাবদুমানাথ-পাদারবিংদং
ভজংতীহ লোকে পরে বা নরাণাম্ ।
ন তাবত্সুখং শাংতি সংতাপনাশং
প্রসীদ প্রভো সর্বভূতাধিবাসম্ ॥ 7 ॥
ন জানামি যোগং জপং নৈব পূজাং
নতোঽহং সদা সর্বদা দেব তুভ্যম্ ।
জরা-জন্ম-দুঃখৌঘতাতপ্যমানং
প্রভো পাহি শাপান্নমামীশ শংভো ॥ 8 ॥
রুদ্রাষ্টকমিদং প্রোক্তং বিপ্রেণ হরতুষ্টয়ে ।
যে পঠংতি নরা ভক্ত্য়া তেষাং শংভুঃ প্রসীদতি ॥ 9 ॥
॥ ইতি শ্রীরামচরিতমানসে উত্তরকাংডে শ্রীগোস্বামি তুলসীদাসকৃতং
শ্রীরুদ্রাষ্টকং সংপূর্ণম্ ॥
