નાઽહં દેહો નેંદ્રિયાણ્યંતરંગં
નાઽહંકારઃ પ્રાણવર્ગો ન ચાઽહમ્ ।
દારાપત્યક્ષેત્રવિત્તાદિદૂર-
સ્સાક્ષી નિત્યઃ પ્રત્યગાત્મા શિવોઽહમ્ ॥ 1 ॥
રજ્જ્વજ્ઞાનાદ્ભાતિ રજ્જુર્યથા હિ-
સ્સ્વાત્માજ્ઞાનાદાત્મનો જીવભાવઃ ।
આપ્તોક્ત્યા હિ ભ્રાંતિનાશે સ રજ્જુ-
ર્જીવો નાઽહં દેશિકોક્ત્યા શિવોઽહમ્ ॥ 2 ॥
અભાતીદં વિશ્વમાત્મન્યસત્યં
સત્યજ્ઞાનાનંદરૂપે વિમોહાત્ ।
નિદ્રામોહા-ત્સ્વપ્નવત્તન્ન સત્ત્યં
શુદ્ધઃ પૂર્ણો નિત્ય એકશ્શિવોઽહમ્ ॥ 3 ॥
મત્તો નાન્યત્કિંચિદત્રાપ્તિ વિશ્વં
સત્યં બાહ્યં વસ્તુમાયોપક્લુપ્તમ્ ।
આદર્શાંતર્ભાસમાનસ્ય તુલ્યં
મય્યદ્વૈતે ભાતિ તસ્માચ્છિવોઽહમ્ ॥ 4 ॥
નાઽહં જાતો ન પ્રવૃદ્ધો ન નષ્ટો
દેહસ્યોક્તાઃ પ્રાકૃતાસ્સર્વધર્માઃ ।
કર્તૃત્વાદિ-શ્ચિન્મયસ્યાસ્તિ નાઽહં
કારસ્યૈવ હ્યાત્મનો મે શિવોઽહમ્ ॥ 5 ॥
નાઽહં જાતો જન્મમૃત્યુઃ કુતો મે
નાઽહં પ્રાણઃ ક્ષુત્પિપાસે કુતો મે ।
નાઽહં ચિત્તં શોકમોહૌ કુતો મે
નાઽહં કર્તા બંધમોક્ષૌ કુતો મે ॥ 6 ॥
ઇતિ શ્રીમચ્છંકરભવત્પાદાચાર્ય સ્વામિ વિરચિતાત્મપંચકમ્ ॥
