ધ્યાનં
વ્યાખ્યારુદ્રાક્ષમાલે કલશસુરભિતે બાહુભિર્વામપાદં
બિભ્રાણો જાનુમૂર્ધ્ના વટતરુનિવૃતાવસ્યધો વિદ્યમાનઃ ।
સૌવર્ણે યોગપીઠે લિપિમયકમલે સૂપવિષ્ટસ્ત્રિણેત્રઃ
ક્ષીરાભશ્ચંદ્રમૌળિર્વિતરતુ નિતરાં શુદ્ધબુદ્ધિં શિવો નઃ ॥
સ્તોત્રં
વિદ્યારૂપી મહાયોગી શુદ્ધજ્ઞાની પિનાકધૃત્ ।
રત્નાલંકૃતસર્વાંગો રત્નમાલી જટાધરઃ ॥ 1 ॥
ગંગાધાર્યચલાવાસી સર્વજ્ઞાની સમાધિધૃત્ ।
અપ્રમેયો યોગનિધિસ્તારકો ભક્તવત્સલઃ ॥ 2 ॥
બ્રહ્મરૂપી જગદ્વ્યાપી વિષ્ણુમૂર્તિઃ પુરાંતકઃ ।
ઉક્ષવાહશ્ચર્મવાસાઃ પીતાંબરવિભૂષણઃ ॥ 3 ॥
મોક્ષસિદ્ધિર્મોક્ષદાયી દાનવારિર્જગત્પતિઃ ।
વિદ્યાધારી શુક્લતનુઃ વિદ્યાદાયી ગણાધિપઃ ॥ 4 ॥
પાપાપસ્મૃતિસંહર્તા શશિમૌળિર્મહાસ્વનઃ ।
સામપ્રિયઃ સ્વયં સાધુઃ સર્વદેવૈર્નમસ્કૃતઃ ॥ 5 ॥
હસ્તવહ્નિધરઃ શ્રીમાન્ મૃગધારી ચ શંકરઃ ।
યજ્ઞનાથઃ ક્રતુધ્વંસી યજ્ઞભોક્તા યમાંતકઃ ॥ 6 ॥
ભક્તાનુગ્રહમૂર્તિશ્ચ ભક્તસેવ્યો વૃષધ્વજઃ ।
ભસ્મોદ્ધૂળિતસર્વાંગોઽપ્યક્ષમાલાધરો મહાન્ ॥ 7 ॥
ત્રયીમૂર્તિઃ પરં બ્રહ્મ નાગરાજૈરલંકૃતઃ ।
શાંતરૂપો મહાજ્ઞાની સર્વલોકવિભૂષણઃ ॥ 8 ॥
અર્ધનારીશ્વરો દેવો મુનિસેવ્યઃ સુરોત્તમઃ ।
વ્યાખ્યાનદેવો ભગવાન્ અગ્નિચંદ્રાર્કલોચનઃ ॥ 9 ॥
જગત્સ્રષ્ટા જગદ્ગોપ્તા જગદ્ધ્વંસી ત્રિલોચનઃ ।
જગદ્ગુરુર્મહાદેવો મહાનંદપરાયણઃ ॥ 10 ॥
જટાધારી મહાવીરો જ્ઞાનદેવૈરલંકૃતઃ ।
વ્યોમગંગાજલસ્નાતા સિદ્ધસંઘસમર્ચિતઃ ॥ 11 ॥
તત્ત્વમૂર્તિર્મહાયોગી મહાસારસ્વતપ્રદઃ ।
વ્યોમમૂર્તિશ્ચ ભક્તાનામિષ્ટકામફલપ્રદઃ ॥ 12 ॥
વીરમૂર્તિર્વિરૂપી ચ તેજોમૂર્તિરનામયઃ ।
વેદવેદાંગતત્ત્વજ્ઞશ્ચતુષ્ષષ્ટિકળાનિધિઃ ॥ 13 ॥
ભવરોગભયધ્વંસી ભક્તાનામભયપ્રદઃ ।
નીલગ્રીવો લલાટાક્ષો ગજચર્મા ચ જ્ઞાનદઃ ॥ 14 ॥
અરોગી કામદહનસ્તપસ્વી વિષ્ણુવલ્લભઃ ।
બ્રહ્મચારી ચ સંન્યાસી ગૃહસ્થાશ્રમકારણઃ ॥ 15 ॥
દાંતશમવતાં શ્રેષ્ઠઃ સત્ત્વરૂપદયાનિધિઃ ।
યોગપટ્ટાભિરામશ્ચ વીણાધારી વિચેતનઃ ॥ 16 ॥
મંત્રપ્રજ્ઞાનુગાચારો મુદ્રાપુસ્તકધારકઃ ।
રાગહિક્કાદિરોગાણાં વિનિહંતા સુરેશ્વરઃ ॥ 17 ॥
ઇતિ શ્રી દક્ષિણામૂર્ત્યષ્ટોત્તરશતનામ સ્તોત્રમ્ ॥
