પાદુકે યતિરાજસ્ય કથયંતિ યદાખ્યયા ।
તસ્ય દાશરથેઃ પાદૌ શિરસા ધારયામ્યહમ્ ॥

પાષંડદ્રુમષંડદાવદહનશ્ચાર્વાકશૈલાશનિઃ
બૌદ્ધધ્વાંતનિરાસવાસરપતિર્જૈનેભકંઠીરવઃ ।
માયાવાદિ ભુજંગભંગગરુડસ્ત્રૈવિદ્ય ચૂડામણિઃ
શ્રીરંગેશજયધ્વજો વિજયતે રામાનુજોઽયં મુનિઃ ॥ 1 ॥

પાષંડ ષંડગિરિખંડનવજ્રદંડાઃ
પ્રચ્છન્નબૌદ્ધમકરાલયમંથદંડાઃ ।
વેદાંતસારસુખદર્શનદીપદંડાઃ
રામાનુજસ્ય વિલસંતિમુનેસ્ત્રિદંડાઃ ॥ 2 ॥

ચારિત્રોદ્ધારદંડં ચતુરનયપથાલંક્રિયાકેતુદંડં
સદ્વિદ્યાદીપદંડં સકલકલિકથાસંહૃતેઃ કાલદંડમ્ ।
ત્રય્યંતાલંબદંડં ત્રિભુવનવિજયચ્છત્રસૌવર્ણદંડમ્
ધત્તેરામાનુજાર્યઃ પ્રતિકથકશિરો વજ્રદંડં ત્રિદંડમ્ ॥ 3 ॥

ત્રય્યા માંગળ્યસૂત્રં ત્રિથાયુગપયુગ રોહણાલંબસૂત્રં
સદ્વિદ્યાદીપસૂત્રં સગુણનયવિદાં સંબદાંહારસૂત્રમ્ ।
પ્રજ્ઞાસૂત્રં બુધાનાં પ્રશમધનમનઃ પદ્મિનીનાલસૂત્રં
રક્ષાસૂત્રં મુનીનાં જયતિ યતિપતેર્વક્ષસિ બ્રહ્મસૂત્રમ્ ॥ 4 ॥

પાષંડસાગરમહાબડબામુખાગ્નિઃ
શ્રીરંગરાજચરણાંબુજમૂલદાસઃ ।
શ્રીવિષ્ણુલોકમણિ મંડપમાર્ગદાયી
રામાનુજો વિજયતે યતિરાજરાજઃ ॥ 5 ॥