ધ્યાનમ્
ગલદ્રક્તમુંડાવલીકંઠમાલા
મહાઘોરરાવા સુદંષ્ટ્રા કરાલા ।
વિવસ્ત્રા શ્મશાનાલયા મુક્તકેશી
મહાકાલકામાકુલા કાલિકેયમ્ ॥ 1 ॥
ભુજે વામયુગ્મે શિરોઽસિં દધાના
વરં દક્ષયુગ્મેઽભયં વૈ તથૈવ ।
સુમધ્યાઽપિ તુંગસ્તના ભારનમ્રા
લસદ્રક્તસૃક્કદ્વયા સુસ્મિતાસ્યા ॥ 2 ॥
શવદ્વંદ્વકર્ણાવતંસા સુકેશી
લસત્પ્રેતપાણિં પ્રયુક્તૈકકાંચી ।
શવાકારમંચાધિરૂઢા શિવાભિઃ
ચતુર્દિક્ષુશબ્દાયમાનાઽભિરેજે ॥ 3 ॥
સ્તુતિઃ
વિરંચ્યાદિદેવાસ્ત્રયસ્તે ગુણાસ્ત્રીન્
સમારાધ્ય કાલીં પ્રધાના બભૂવુઃ ।
અનાદિં સુરાદિં મખાદિં ભવાદિં
સ્વરૂપં ત્વદીયં ન વિંદંતિ દેવાઃ ॥ 1 ॥
જગન્મોહિનીયં તુ વાગ્વાદિનીયં
સુહૃત્પોષિણી શત્રુસંહારણીયમ્ ।
વચસ્તંભનીયં કિમુચ્ચાટનીયં
સ્વરૂપં ત્વદીયં ન વિંદંતિ દેવાઃ ॥ 2 ॥
ઇયં સ્વર્ગદાત્રી પુનઃ કલ્પવલ્લી
મનોજાસ્તુ કામાન્ યથાર્થં પ્રકુર્યાત્ ।
તથા તે કૃતાર્થા ભવંતીતિ નિત્યં
સ્વરૂપં ત્વદીયં ન વિંદંતિ દેવાઃ ॥ 3 ॥
સુરાપાનમત્તા સુભક્તાનુરક્તા
લસત્પૂતચિત્તે સદાવિર્ભવત્તે ।
જપધ્યાનપૂજાસુધાધૌતપંકા
સ્વરૂપં ત્વદીયં ન વિંદંતિ દેવાઃ ॥ 4 ॥
ચિદાનંદકંદં હસન્મંદમંદં
શરચ્ચંદ્રકોટિપ્રભાપુંજબિંબમ્ ।
મુનીનાં કવીનાં હૃદિ દ્યોતયંતં
સ્વરૂપં ત્વદીયં ન વિંદંતિ દેવાઃ ॥ 5 ॥
મહામેઘકાલી સુરક્તાપિ શુભ્રા
કદાચિદ્વિચિત્રાકૃતિર્યોગમાયા ।
ન બાલા ન વૃદ્ધા ન કામાતુરાપિ
સ્વરૂપં ત્વદીયં ન વિંદંતિ દેવાઃ ॥ 6 ॥
ક્ષમસ્વાપરાધં મહાગુપ્તભાવં
મયા લોકમધ્યે પ્રકાશીકૃતં યત્ ।
તવ ધ્યાનપૂતેન ચાપલ્યભાવાત્
સ્વરૂપં ત્વદીયં ન વિંદંતિ દેવાઃ ॥ 7 ॥
યદિ ધ્યાનયુક્તં પઠેદ્યો મનુષ્યઃ
તદા સર્વલોકે વિશાલો ભવેચ્ચ ।
ગૃહે ચાષ્ટસિદ્ધિર્મૃતે ચાપિ મુક્તિઃ
સ્વરૂપં ત્વદીયં ન વિંદંતિ દેવાઃ ॥ 8 ॥
ઇતિ શ્રીમચ્છંકરાચાર્યવિરચિતં શ્રીકાલિકાષ્ટકમ્ ।
