દર્શનાદભ્રસદસિ જનનાત્કમલાલયે ।
કાશ્યાં તુ મરણાન્મુક્તિઃ સ્મરણાદરુણાચલે ॥ 1 ॥
કરુણાપૂરિતાપાંગં શરણાગતવત્સલમ્ ।
તરુણેંદુજટામૌલિં સ્મરણાદરુણાચલમ્ ॥ 2 ॥
સમસ્તજગદાધારં સચ્ચિદાનંદવિગ્રહમ્ ।
સહસ્રરથસોપેતં સ્મરણાદરુણાચલમ્ ॥ 3 ॥
કાંચનપ્રતિમાભાસં વાંછિતાર્થફલપ્રદમ્ ।
માં ચ રક્ષ સુરાધ્યક્ષં સ્મરણાદરુણાચલમ્ ॥ 4 ॥
બદ્ધચંદ્રજટાજૂટમર્ધનારીકલેબરમ્ ।
વર્ધમાનદયાંભોધિં સ્મરણાદરુણાચલમ્ ॥ 5 ॥
કાંચનપ્રતિમાભાસં સૂર્યકોટિસમપ્રભમ્ ।
બદ્ધવ્યાઘ્રપુરીધ્યાનં સ્મરણાદરુણાચલમ્ ॥ 6 ॥
શિક્ષયાખિલદેવારિ ભક્ષિતક્ષ્વેલકંધરમ્ ।
રક્ષયાખિલભક્તાનાં સ્મરણાદરુણાચલમ્ ॥ 7 ॥
અષ્ટભૂતિસમાયુક્તમિષ્ટકામફલપ્રદમ્ ।
શિષ્ટભક્તિસમાયુક્તાન્ સ્મરણાદરુણાચલમ્ ॥ 8 ॥
વિનાયકસુરાધ્યક્ષં વિષ્ણુબ્રહ્મેંદ્રસેવિતમ્ ।
વિમલારુણપાદાબ્જં સ્મરણાદરુણાચલમ્ ॥ 9 ॥
મંદારમલ્લિકાજાતિકુંદચંપકપંકજૈઃ ।
ઇંદ્રાદિપૂજિતાં દેવીં સ્મરણાદરુણાચલમ્ ॥ 10 ॥
સંપત્કરં પાર્વતીશં સૂર્યચંદ્રાગ્નિલોચનમ્ ।
મંદસ્મિતમુખાંભોજં સ્મરણાદરુણાચલમ્ ॥ 11 ॥
ઇતિ શ્રીઅરુણાચલાષ્ટકમ્ ॥
