പാർവത്യുവാച
നമസ്തേഽസ്തു ത്രയീനാഥ പരമാനംദകാരക ।
കവചം ദക്ഷിണാമൂര്തേഃ കൃപയാ വദ മേ പ്രഭോ ॥ 1 ॥
ഈശ്വര ഉവാച
വക്ഷ്യേഽഹം ദേവദേവേശി ദക്ഷിണാമൂര്തിരവ്യയമ് ।
കവചം സർവപാപഘ്നം വേദാംതജ്ഞാനഗോചരമ് ॥ 2 ॥
അണിമാദി മഹാസിദ്ധിവിധാനചതുരം ശുഭമ് ।
വേദശാസ്ത്രപുരാണാനി കവിതാ തര്ക ഏവ ച ॥ 3 ॥
ബഹുധാ ദേവി ജായംതേ കവചസ്യ പ്രഭാവതഃ ।
ഋഷിര്ബ്രഹ്മാ സമുദ്ദിഷ്ടശ്ഛംദോഽനുഷ്ടുബുദാഹൃതമ് ॥ 4 ॥
ദേവതാ ദക്ഷിണാമൂര്തിഃ പരമാത്മാ സദാശിവഃ ।
ബീജം വേദാദികം ചൈവ സ്വാഹാ ശക്തിരുദാഹൃതാ ।
സർവജ്ഞത്വേഽപി ദേവേശി വിനിയോഗം പ്രചക്ഷതേ ॥ 5 ॥
ധ്യാനമ്
അദ്വംദ്വനേത്രമമലേംദുകളാവതംസം
ഹംസാവലംബിത സമാന ജടാകലാപമ് ।
ആനീലകംഠമുപകംഠമുനിപ്രവീരാന്
അധ്യാപയംതമവലോകയ ലോകനാഥമ് ॥
കവചമ്
ഓമ് । ശിരോ മേ ദക്ഷിണാമൂര്തിരവ്യാത് ഫാലം മഹേശ്വരഃ ।
ദൃശൌ പാതു മഹാദേവഃ ശ്രവണേ ചംദ്രശേഖരഃ ॥ 1 ॥
കപോലൌ പാതു മേ രുദ്രോ നാസാം പാതു ജഗദ്ഗുരുഃ ।
മുഖം ഗൌരീപതിഃ പാതു രസനാം വേദരൂപധൃത് ॥ 2 ॥
ദശനാം ത്രിപുരധ്വംസീ ചോഷ്ഠം പന്നഗഭൂഷണഃ ।
അധരം പാതു വിശ്വാത്മാ ഹനൂ പാതു ജഗന്മയഃ ॥ 3 ॥
ചുബുകം ദേവദേവസ്തു പാതു കംഠം ജടാധരഃ ।
സ്കംധൌ മേ പാതു ശുദ്ധാത്മാ കരൌ പാതു യമാംതകഃ ॥ 4 ॥
കുചാഗ്രം കരമധ്യം ച നഖരാന് ശംകരഃ സ്വയമ് ।
ഹൃന്മേ പശുപതിഃ പാതു പാര്ശ്വേ പരമപൂരുഷഃ ॥ 5 ॥
മധ്യമം പാതു ശർവോ മേ നാഭിം നാരായണപ്രിയഃ ।
കടിം പാതു ജഗദ്ഭര്താ സക്ഥിനീ ച മൃഡഃ സ്വയമ് ॥ 6 ॥
കൃത്തിവാസാഃ സ്വയം ഗുഹ്യാമൂരൂ പാതു പിനാകധൃത് ।
ജാനുനീ ത്ര്യംബകഃ പാതു ജംഘേ പാതു സദാശിവഃ ॥ 7 ॥
സ്മരാരിഃ പാതു മേ പാദൌ പാതു സർവാംഗമീശ്വരഃ ।
ഇതീദം കവചം ദേവി പരമാനംദദായകമ് ॥ 8 ॥
ജ്ഞാനവാഗര്ഥദം വീര്യമണിമാദിവിഭൂതിദമ് ।
ആയുരാരോഗ്യമൈശ്വര്യമപമൃത്യുഭയാപഹമ് ॥ 9 ॥
പ്രാതഃ കാലേ ശുചിര്ഭൂത്വാ ത്രിവാരം സർവദാ ജപേത് ।
നിത്യം പൂജാസമായുക്തഃ സംവത്സരമതംദ്രിതഃ ॥ 10 ॥
ജപേത് ത്രിസംധ്യം യോ വിദ്വാന് വേദശാസ്ത്രാര്ഥപാരഗഃ ।
ഗദ്യപദ്യൈസ്തഥാ ചാപി നാടകാഃ സ്വയമേവ ഹി ।
നിര്ഗച്ഛംതി മുഖാംഭോജാത്സത്യമേതന്ന സംശയഃ ॥ 11 ॥
ഇതി രുദ്രയാമലേ ഉമാമഹേശ്വരസംവാദേ ശ്രീ ദക്ഷിണാമൂര്തി കവചമ് ॥
