𑌪𑌾𑌰𑍍𑌵𑌤𑍍𑌯𑍁𑌵𑌾𑌚
𑌨𑌮𑌸𑍍𑌤𑍇𑌽𑌸𑍍𑌤𑍁 𑌤𑍍𑌰𑌯𑍀𑌨𑌾𑌥 𑌪𑌰𑌮𑌾𑌨𑌂𑌦𑌕𑌾𑌰𑌕 ।
𑌕𑌵𑌚𑌂 𑌦𑌕𑍍𑌷𑌿𑌣𑌾𑌮𑍂𑌰𑍍𑌤𑍇𑌃 𑌕𑍃𑌪𑌯𑌾 𑌵𑌦 𑌮𑍇 𑌪𑍍𑌰𑌭𑍋 ॥ 1 ॥
𑌈𑌶𑍍𑌵𑌰 𑌉𑌵𑌾𑌚
𑌵𑌕𑍍𑌷𑍍𑌯𑍇𑌽𑌹𑌂 𑌦𑍇𑌵𑌦𑍇𑌵𑍇𑌶𑌿 𑌦𑌕𑍍𑌷𑌿𑌣𑌾𑌮𑍂𑌰𑍍𑌤𑌿𑌰𑌵𑍍𑌯𑌯𑌮𑍍 ।
𑌕𑌵𑌚𑌂 𑌸𑌰𑍍𑌵𑌪𑌾𑌪𑌘𑍍𑌨𑌂 𑌵𑍇𑌦𑌾𑌂𑌤𑌜𑍍𑌞𑌾𑌨𑌗𑍋𑌚𑌰𑌮𑍍 ॥ 2 ॥
𑌅𑌣𑌿𑌮𑌾𑌦𑌿 𑌮𑌹𑌾𑌸𑌿𑌦𑍍𑌧𑌿𑌵𑌿𑌧𑌾𑌨𑌚𑌤𑍁𑌰𑌂 𑌶𑍁𑌭𑌮𑍍 ।
𑌵𑍇𑌦𑌶𑌾𑌸𑍍𑌤𑍍𑌰𑌪𑍁𑌰𑌾𑌣𑌾𑌨𑌿 𑌕𑌵𑌿𑌤𑌾 𑌤𑌰𑍍𑌕 𑌏𑌵 𑌚 ॥ 3 ॥
𑌬𑌹𑍁𑌧𑌾 𑌦𑍇𑌵𑌿 𑌜𑌾𑌯𑌂𑌤𑍇 𑌕𑌵𑌚𑌸𑍍𑌯 𑌪𑍍𑌰𑌭𑌾𑌵𑌤𑌃 ।
𑌋𑌷𑌿𑌰𑍍𑌬𑍍𑌰𑌹𑍍𑌮𑌾 𑌸𑌮𑍁𑌦𑍍𑌦𑌿𑌷𑍍𑌟𑌶𑍍𑌛𑌂𑌦𑍋𑌽𑌨𑍁𑌷𑍍𑌟𑍁𑌬𑍁𑌦𑌾𑌹𑍃𑌤𑌮𑍍 ॥ 4 ॥
𑌦𑍇𑌵𑌤𑌾 𑌦𑌕𑍍𑌷𑌿𑌣𑌾𑌮𑍂𑌰𑍍𑌤𑌿𑌃 𑌪𑌰𑌮𑌾𑌤𑍍𑌮𑌾 𑌸𑌦𑌾𑌶𑌿𑌵𑌃 ।
𑌬𑍀𑌜𑌂 𑌵𑍇𑌦𑌾𑌦𑌿𑌕𑌂 𑌚𑍈𑌵 𑌸𑍍𑌵𑌾𑌹𑌾 𑌶𑌕𑍍𑌤𑌿𑌰𑍁𑌦𑌾𑌹𑍃𑌤𑌾 ।
𑌸𑌰𑍍𑌵𑌜𑍍𑌞𑌤𑍍𑌵𑍇𑌽𑌪𑌿 𑌦𑍇𑌵𑍇𑌶𑌿 𑌵𑌿𑌨𑌿𑌯𑍋𑌗𑌂 𑌪𑍍𑌰𑌚𑌕𑍍𑌷𑌤𑍇 ॥ 5 ॥
𑌧𑍍𑌯𑌾𑌨𑌮𑍍
𑌅𑌦𑍍𑌵𑌂𑌦𑍍𑌵𑌨𑍇𑌤𑍍𑌰𑌮𑌮𑌲𑍇𑌂𑌦𑍁𑌕𑌳𑌾𑌵𑌤𑌂𑌸𑌂
𑌹𑌂𑌸𑌾𑌵𑌲𑌂𑌬𑌿𑌤 𑌸𑌮𑌾𑌨 𑌜𑌟𑌾𑌕𑌲𑌾𑌪𑌮𑍍 ।
𑌆𑌨𑍀𑌲𑌕𑌂𑌠𑌮𑍁𑌪𑌕𑌂𑌠𑌮𑍁𑌨𑌿𑌪𑍍𑌰𑌵𑍀𑌰𑌾𑌨𑍍
𑌅𑌧𑍍𑌯𑌾𑌪𑌯𑌂𑌤𑌮𑌵𑌲𑍋𑌕𑌯 𑌲𑍋𑌕𑌨𑌾𑌥𑌮𑍍 ॥
𑌕𑌵𑌚𑌮𑍍
𑌓𑌮𑍍 । 𑌶𑌿𑌰𑍋 𑌮𑍇 𑌦𑌕𑍍𑌷𑌿𑌣𑌾𑌮𑍂𑌰𑍍𑌤𑌿𑌰𑌵𑍍𑌯𑌾𑌤𑍍 𑌫𑌾𑌲𑌂 𑌮𑌹𑍇𑌶𑍍𑌵𑌰𑌃 ।
𑌦𑍃𑌶𑍌 𑌪𑌾𑌤𑍁 𑌮𑌹𑌾𑌦𑍇𑌵𑌃 𑌶𑍍𑌰𑌵𑌣𑍇 𑌚𑌂𑌦𑍍𑌰𑌶𑍇𑌖𑌰𑌃 ॥ 1 ॥
𑌕𑌪𑍋𑌲𑍌 𑌪𑌾𑌤𑍁 𑌮𑍇 𑌰𑍁𑌦𑍍𑌰𑍋 𑌨𑌾𑌸𑌾𑌂 𑌪𑌾𑌤𑍁 𑌜𑌗𑌦𑍍𑌗𑍁𑌰𑍁𑌃 ।
𑌮𑍁𑌖𑌂 𑌗𑍌𑌰𑍀𑌪𑌤𑌿𑌃 𑌪𑌾𑌤𑍁 𑌰𑌸𑌨𑌾𑌂 𑌵𑍇𑌦𑌰𑍂𑌪𑌧𑍃𑌤𑍍 ॥ 2 ॥
𑌦𑌶𑌨𑌾𑌂 𑌤𑍍𑌰𑌿𑌪𑍁𑌰𑌧𑍍𑌵𑌂𑌸𑍀 𑌚𑍋𑌷𑍍𑌠𑌂 𑌪𑌨𑍍𑌨𑌗𑌭𑍂𑌷𑌣𑌃 ।
𑌅𑌧𑌰𑌂 𑌪𑌾𑌤𑍁 𑌵𑌿𑌶𑍍𑌵𑌾𑌤𑍍𑌮𑌾 𑌹𑌨𑍂 𑌪𑌾𑌤𑍁 𑌜𑌗𑌨𑍍𑌮𑌯𑌃 ॥ 3 ॥
𑌚𑍁𑌬𑍁𑌕𑌂 𑌦𑍇𑌵𑌦𑍇𑌵𑌸𑍍𑌤𑍁 𑌪𑌾𑌤𑍁 𑌕𑌂𑌠𑌂 𑌜𑌟𑌾𑌧𑌰𑌃 ।
𑌸𑍍𑌕𑌂𑌧𑍌 𑌮𑍇 𑌪𑌾𑌤𑍁 𑌶𑍁𑌦𑍍𑌧𑌾𑌤𑍍𑌮𑌾 𑌕𑌰𑍌 𑌪𑌾𑌤𑍁 𑌯𑌮𑌾𑌂𑌤𑌕𑌃 ॥ 4 ॥
𑌕𑍁𑌚𑌾𑌗𑍍𑌰𑌂 𑌕𑌰𑌮𑌧𑍍𑌯𑌂 𑌚 𑌨𑌖𑌰𑌾𑌨𑍍 𑌶𑌂𑌕𑌰𑌃 𑌸𑍍𑌵𑌯𑌮𑍍 ।
𑌹𑍃𑌨𑍍𑌮𑍇 𑌪𑌶𑍁𑌪𑌤𑌿𑌃 𑌪𑌾𑌤𑍁 𑌪𑌾𑌰𑍍𑌶𑍍𑌵𑍇 𑌪𑌰𑌮𑌪𑍂𑌰𑍁𑌷𑌃 ॥ 5 ॥
𑌮𑌧𑍍𑌯𑌮𑌂 𑌪𑌾𑌤𑍁 𑌶𑌰𑍍𑌵𑍋 𑌮𑍇 𑌨𑌾𑌭𑌿𑌂 𑌨𑌾𑌰𑌾𑌯𑌣𑌪𑍍𑌰𑌿𑌯𑌃 ।
𑌕𑌟𑌿𑌂 𑌪𑌾𑌤𑍁 𑌜𑌗𑌦𑍍𑌭𑌰𑍍𑌤𑌾 𑌸𑌕𑍍𑌥𑌿𑌨𑍀 𑌚 𑌮𑍃𑌡𑌃 𑌸𑍍𑌵𑌯𑌮𑍍 ॥ 6 ॥
𑌕𑍃𑌤𑍍𑌤𑌿𑌵𑌾𑌸𑌾𑌃 𑌸𑍍𑌵𑌯𑌂 𑌗𑍁𑌹𑍍𑌯𑌾𑌮𑍂𑌰𑍂 𑌪𑌾𑌤𑍁 𑌪𑌿𑌨𑌾𑌕𑌧𑍃𑌤𑍍 ।
𑌜𑌾𑌨𑍁𑌨𑍀 𑌤𑍍𑌰𑍍𑌯𑌂𑌬𑌕𑌃 𑌪𑌾𑌤𑍁 𑌜𑌂𑌘𑍇 𑌪𑌾𑌤𑍁 𑌸𑌦𑌾𑌶𑌿𑌵𑌃 ॥ ॥
𑌸𑍍𑌮𑌰𑌾𑌰𑌿𑌃 𑌪𑌾𑌤𑍁 𑌮𑍇 𑌪𑌾𑌦𑍌 𑌪𑌾𑌤𑍁 𑌸𑌰𑍍𑌵𑌾𑌂𑌗𑌮𑍀𑌶𑍍𑌵𑌰𑌃 ।
𑌇𑌤𑍀𑌦𑌂 𑌕𑌵𑌚𑌂 𑌦𑍇𑌵𑌿 𑌪𑌰𑌮𑌾𑌨𑌂𑌦𑌦𑌾𑌯𑌕𑌮𑍍 ॥ ॥
𑌜𑍍𑌞𑌾𑌨𑌵𑌾𑌗𑌰𑍍𑌥𑌦𑌂 𑌵𑍀𑌰𑍍𑌯𑌮𑌣𑌿𑌮𑌾𑌦𑌿𑌵𑌿𑌭𑍂𑌤𑌿𑌦𑌮𑍍 ।
𑌆𑌯𑍁𑌰𑌾𑌰𑍋𑌗𑍍𑌯𑌮𑍈𑌶𑍍𑌵𑌰𑍍𑌯𑌮𑌪𑌮𑍃𑌤𑍍𑌯𑍁𑌭𑌯𑌾𑌪𑌹𑌮𑍍 ॥ ॥
𑌪𑍍𑌰𑌾𑌤𑌃 𑌕𑌾𑌲𑍇 𑌶𑍁𑌚𑌿𑌰𑍍𑌭𑍂𑌤𑍍𑌵𑌾 𑌤𑍍𑌰𑌿𑌵𑌾𑌰𑌂 𑌸𑌰𑍍𑌵𑌦𑌾 𑌜𑌪𑍇𑌤𑍍 ।
𑌨𑌿𑌤𑍍𑌯𑌂 𑌪𑍂𑌜𑌾𑌸𑌮𑌾𑌯𑍁𑌕𑍍𑌤𑌃 𑌸𑌂𑌵𑌤𑍍𑌸𑌰𑌮𑌤𑌂𑌦𑍍𑌰𑌿𑌤𑌃 ॥ 10 ॥
𑌜𑌪𑍇𑌤𑍍 𑌤𑍍𑌰𑌿𑌸𑌂𑌧𑍍𑌯𑌂 𑌯𑍋 𑌵𑌿𑌦𑍍𑌵𑌾𑌨𑍍 𑌵𑍇𑌦𑌶𑌾𑌸𑍍𑌤𑍍𑌰𑌾𑌰𑍍𑌥𑌪𑌾𑌰𑌗𑌃 ।
𑌗𑌦𑍍𑌯𑌪𑌦𑍍𑌯𑍈𑌸𑍍𑌤𑌥𑌾 𑌚𑌾𑌪𑌿 𑌨𑌾𑌟𑌕𑌾𑌃 𑌸𑍍𑌵𑌯𑌮𑍇𑌵 𑌹𑌿 ।
𑌨𑌿𑌰𑍍𑌗𑌚𑍍𑌛𑌂𑌤𑌿 𑌮𑍁𑌖𑌾𑌂𑌭𑍋𑌜𑌾𑌤𑍍𑌸𑌤𑍍𑌯𑌮𑍇𑌤𑌨𑍍𑌨 𑌸𑌂𑌶𑌯𑌃 ॥ 11 ॥
𑌇𑌤𑌿 𑌰𑍁𑌦𑍍𑌰𑌯𑌾𑌮𑌲𑍇 𑌉𑌮𑌾𑌮𑌹𑍇𑌶𑍍𑌵𑌰𑌸𑌂𑌵𑌾𑌦𑍇 𑌶𑍍𑌰𑍀 𑌦𑌕𑍍𑌷𑌿𑌣𑌾𑌮𑍂𑌰𑍍𑌤𑌿 𑌕𑌵𑌚𑌮𑍍 ॥
