પાર્વત્યુવાચ
નમસ્તેઽસ્તુ ત્રયીનાથ પરમાનંદકારક ।
કવચં દક્ષિણામૂર્તેઃ કૃપયા વદ મે પ્રભો ॥ 1 ॥
ઈશ્વર ઉવાચ
વક્ષ્યેઽહં દેવદેવેશિ દક્ષિણામૂર્તિરવ્યયમ્ ।
કવચં સર્વપાપઘ્નં વેદાંતજ્ઞાનગોચરમ્ ॥ 2 ॥
અણિમાદિ મહાસિદ્ધિવિધાનચતુરં શુભમ્ ।
વેદશાસ્ત્રપુરાણાનિ કવિતા તર્ક એવ ચ ॥ 3 ॥
બહુધા દેવિ જાયંતે કવચસ્ય પ્રભાવતઃ ।
ઋષિર્બ્રહ્મા સમુદ્દિષ્ટશ્છંદોઽનુષ્ટુબુદાહૃતમ્ ॥ 4 ॥
દેવતા દક્ષિણામૂર્તિઃ પરમાત્મા સદાશિવઃ ।
બીજં વેદાદિકં ચૈવ સ્વાહા શક્તિરુદાહૃતા ।
સર્વજ્ઞત્વેઽપિ દેવેશિ વિનિયોગં પ્રચક્ષતે ॥ 5 ॥
ધ્યાનમ્
અદ્વંદ્વનેત્રમમલેંદુકળાવતંસં
હંસાવલંબિત સમાન જટાકલાપમ્ ।
આનીલકંઠમુપકંઠમુનિપ્રવીરાન્
અધ્યાપયંતમવલોકય લોકનાથમ્ ॥
કવચમ્
ઓમ્ । શિરો મે દક્ષિણામૂર્તિરવ્યાત્ ફાલં મહેશ્વરઃ ।
દૃશૌ પાતુ મહાદેવઃ શ્રવણે ચંદ્રશેખરઃ ॥ 1 ॥
કપોલૌ પાતુ મે રુદ્રો નાસાં પાતુ જગદ્ગુરુઃ ।
મુખં ગૌરીપતિઃ પાતુ રસનાં વેદરૂપધૃત્ ॥ 2 ॥
દશનાં ત્રિપુરધ્વંસી ચોષ્ઠં પન્નગભૂષણઃ ।
અધરં પાતુ વિશ્વાત્મા હનૂ પાતુ જગન્મયઃ ॥ 3 ॥
ચુબુકં દેવદેવસ્તુ પાતુ કંઠં જટાધરઃ ।
સ્કંધૌ મે પાતુ શુદ્ધાત્મા કરૌ પાતુ યમાંતકઃ ॥ 4 ॥
કુચાગ્રં કરમધ્યં ચ નખરાન્ શંકરઃ સ્વયમ્ ।
હૃન્મે પશુપતિઃ પાતુ પાર્શ્વે પરમપૂરુષઃ ॥ 5 ॥
મધ્યમં પાતુ શર્વો મે નાભિં નારાયણપ્રિયઃ ।
કટિં પાતુ જગદ્ભર્તા સક્થિની ચ મૃડઃ સ્વયમ્ ॥ 6 ॥
કૃત્તિવાસાઃ સ્વયં ગુહ્યામૂરૂ પાતુ પિનાકધૃત્ ।
જાનુની ત્ર્યંબકઃ પાતુ જંઘે પાતુ સદાશિવઃ ॥ 7 ॥
સ્મરારિઃ પાતુ મે પાદૌ પાતુ સર્વાંગમીશ્વરઃ ।
ઇતીદં કવચં દેવિ પરમાનંદદાયકમ્ ॥ 8 ॥
જ્ઞાનવાગર્થદં વીર્યમણિમાદિવિભૂતિદમ્ ।
આયુરારોગ્યમૈશ્વર્યમપમૃત્યુભયાપહમ્ ॥ 9 ॥
પ્રાતઃ કાલે શુચિર્ભૂત્વા ત્રિવારં સર્વદા જપેત્ ।
નિત્યં પૂજાસમાયુક્તઃ સંવત્સરમતંદ્રિતઃ ॥ 10 ॥
જપેત્ ત્રિસંધ્યં યો વિદ્વાન્ વેદશાસ્ત્રાર્થપારગઃ ।
ગદ્યપદ્યૈસ્તથા ચાપિ નાટકાઃ સ્વયમેવ હિ ।
નિર્ગચ્છંતિ મુખાંભોજાત્સત્યમેતન્ન સંશયઃ ॥ 11 ॥
ઇતિ રુદ્રયામલે ઉમામહેશ્વરસંવાદે શ્રી દક્ષિણામૂર્તિ કવચમ્ ॥
