ଶ୍ରୀଗୁରୁଃ ସର୍ଵକାରଣଭୂତା ଶକ୍ତିଃ ॥ ॥1॥

କେନ ନଵରଂଧ୍ରରୂପୋ ଦେହଃ।
ନଵଶକ୍ତିରୂପଂ ଶ୍ରୀଚକ୍ରମ।
ଵାରାହୀ ପିତୃରୂପା।
କୁରୁକୁଲ୍ଲା ବଲିଦେଵତା ମାତା।
ପୁରୁଷାର୍ଥାଃ ସାଗରାଃ।
ଦେହୋ ନଵରତ୍ନଦ୍ଵୀପଃ।
ଆଧାରନଵକମୁଦ୍ରା: ଶକ୍ତୟଃ।
ତ୍ଵଗାଦିସପ୍ତଧାତୁଭିର-ନେକୈଃ ସଂ​ୟୁଁକ୍ତାଃ ସଂକଲ୍ପାଃ କଲ୍ପତରଵଃ।
ତେଜ: କଲ୍ପକୋଦ୍ୟାନମ୍।ରସନୟା ଭାଵ୍ୟମାନା ମଧୁରାମ୍ଲତିକ୍ତ-କଟୁକଷାୟଲଵଣଭେଦାଃ ଷଡ୍ରସାଃ ଷଡୃତଵଃ ।
କ୍ରିୟାଶକ୍ତିଃ ପୀଠମ୍।
କୁଂଡଲିନୀ ଜ୍ଞାନଶକ୍ତିର୍ଗୃହମ୍। ଇଚ୍ଛାଶକ୍ତିର୍ମହାତ୍ରିପୁରସୁଂଦରୀ।
ଜ୍ଞାତା ହୋତା ଜ୍ଞାନମଗ୍ନିଃ ଜ୍ଞେୟଂ ହଵିଃ। ଜ୍ଞାତୃଜ୍ଞାନଜ୍ଞେୟାନାମଭେଦଭାଵନଂ ଶ୍ରୀଚକ୍ରପୂଜନମ୍। ନିୟତିସହିତାଃ ଶ୍ର୍​ଋଂଗାରାଦୟୋ ନଵ ରସା ଅଣିମାଦୟଃ। କାମକ୍ରୋଧଲୋଭମୋହମଦ-ମାତ୍ସର୍ୟପୁଣ୍ୟପାପମୟା ବ୍ରାହ୍ମୟାଦ୍ୟଷ୍ଟଶକ୍ତୟଃ । ପୃଥିଵ୍ୟପ୍ତେଜୋଵାୟ୍ଵାକାଶଶ୍ରୋତ୍ରତ୍ଵକ୍ଚକ୍ଷୁର୍ଜିହ୍ଵାଘ୍ରାଣଵା-କ୍ପାଣିପାଦପାୟୂପସ୍ଥମନୋଵିକାରାଃ ଷୋଡଶ ଶକ୍ତୟଃ ।
ଵଚନାଦାନଗମନଵିସର୍ଗାନଂଦହାନୋପେକ୍ଷାବୁଦ୍ଧୟୋ-ଽନଂଗକୁସୁମାଦିଶକ୍ତୟୋଽଷ୍ଟୌ।
ଅଲଂବୁସା କୁହୂର୍ଵିଶ୍ଵୋଦରୀ ଵରୁଣା ହସ୍ତିଜିହ୍ଵା ୟଶସ୍ଵତ୍ୟଶ୍ଵିନୀ ଗାଂଧାରୀ ପୂଷା ଶଂଖିନୀ ସରସ୍ଵତୀଡା ପିଂଗଲା ସୁଷୁମ୍ନା ଚେତି ଚତୁର୍ଦଶ ନାଡ୍ୟଃ। ସର୍ଵସଂକ୍ଷୋଭିଣ୍ୟାଦିଚତୁର୍ଦଶାରଗା ଦେଵତାଃ। ପ୍ରାଣାପାନଵ୍ୟାନୋଦାନସମାନନାଗକୂର୍ମକୃକରଦେଵଦତ୍ତଧନଂଜୟା ଇତି ଦଶ ଵାୟଵଃ ।
ସର୍ଵସିଦ୍ଧି-ପ୍ରଦା ଦେଵ୍ୟୋ ବହିର୍ଦଶାରଗା ଦେଵତାଃ। ଏତଦ୍ଵାୟୁଦଶକସଂସର୍ଗୋପାଥିଭେଦେନ ରେଚକପୂରକଶୋଷକଦାହକ-ପ୍ଲାଵକା ଅମୃତମିତି ପ୍ରାଣମୁଖ୍ୟତ୍ଵେନ ପଂଚଵିଧୋଽସ୍ତି ।
କ୍ଷାରକୋ ଦାରକଃ କ୍ଷୋଭକୋ ମୋହକୋ ଜୃଂଭକ ଇତ୍ୟପାଲନମୁଖ୍ୟତ୍ଵେନ ପଂଚଵିଧୋଽସ୍ତି ।
ତେନ ମନୁଷ୍ୟାଣାଂ ମୋହକୋ ଦାହକୋ ଭକ୍ଷ୍ୟଭୋଜ୍ୟଲେହ୍ୟଚୋଷ୍ୟପେୟା-ତ୍ମକଂ ଚତୁର୍ଵିଧମନ୍ନଂ ପାଚୟତି।
ଏତା ଦଶ ଵହ୍ନିକଲାଃ ସର୍ଵାତ୍ଵାଦ୍ୟଂତର୍ଦଶାରଗା ଦେଵତାଃ। ଶୀତୋଷ୍ଣସୁଖଦୁଃଖେଚ୍ଛାସତ୍ତ୍ଵରଜସ୍ତମୋଗୁଣା ଵଶିନ୍ୟାଦିଶକ୍ତୟୋଽଷ୍ଟୌ।
ଶବ୍ଦସ୍ପର୍​ଶରୂପରସଗଂଧାଃ ପଂଚତନ୍ମାତ୍ରାଃ ପଂଚ ପୁଷ୍ପବାଣା ମନ ଇକ୍ଷୁଧନୁଃ।
ଵଶ୍ୟୋ ବାଣୋ ରାଗଃ ପାଶଃ।
ଦ୍ଵେଷୋଽଂକୁଶଃ।
ଅଵ୍ୟକ୍ତମହତ୍ତତ୍ତ୍ଵମହଦହଂକାର ଇତି କାମେଶ୍ଵରୀଵଜ୍ନେଶ୍ଵରୀଭଗମାଲିନ୍ୟୋଽଂତସ୍ତ୍ରିକୋଣାଗ୍ନଗା ଦେଵତାଃ ।
ପଂଚଦଶତିଥିରୂପେଣ କାଲସ୍ୟ ପରିଣାମାଵଲୋକନସ୍ଥିତିଃ ପଂଚଦଶ ନିତ୍ୟା ଶ୍ରଦ୍ଧାନୁରୂପାଧିଦେଵତା।
ତୟୋଃ କାମେଶ୍ଵରୀ ସଦାନଂଦଘନା ପରିପୂର୍ଣସ୍ଵାତ୍ମୈକ୍ୟରୂପା ଦେଵତା ॥ ॥2॥

ସଲିଲମିତି ସୌହିତ୍ୟକାରଣଂ ସତ୍ତ୍ଵମ୍ । କର୍ତଵ୍ୟମକର୍ତଵ୍ୟମିତି ଭାଵନାୟୁକ୍ତ ଉପଚାରଃ।
ଅସ୍ତି ନାସ୍ତୀତି କର୍ତଵ୍ୟତା ଉପଚାରଃ। ବାହ୍ୟାଭ୍ୟଂତ:କରଣାନାଂ ରୂପଗ୍ରହଣୟୋଗ୍ୟତାଽସ୍ତ୍ଵିତ୍ୟାଵାହନମ୍।
ତସ୍ୟ ଵାହ୍ୟାଭ୍ୟଂତଃକରଣାନାମେକରୂପଵିଷୟଗ୍ରହଣମାସନମ୍।
ରକ୍ତଶୁକ୍ଲପଦୈକୀକରଣଂ ପାଦ୍ୟମ୍।
ଉଜ୍ଜ୍ଵଲଦା-ମୋଦାନଂଦାସନଦାନମର୍ଘ୍ୟମ୍।
ସ୍ଵଚ୍ଛଂ ସ୍ଵତ:ସିଦ୍ଧମିତ୍ୟାଚମନୀୟମ୍। ଚିଚ୍ଚଂଦ୍ରମୟୀତି ସର୍ଵାଂଗସ୍ତ୍ରଵଣଂ ସ୍ନାନମ୍। ଚିଦଗ୍ନିସ୍ଵରୂପପରମାନଂଦଶକ୍ତିସ୍ଫୁରଣଂ-ଵଁସ୍ତ୍ରମ୍। ପ୍ରତ୍ୟେକଂ ସପ୍ତଵିଂଶତିଧା ଭିନ୍ନତ୍ଵେନେଚ୍ଛାଜ୍ଞାନ-କ୍ରିୟାତ୍ମକବ୍ରହ୍ମଗ୍ରଂଥିମଦ୍ରସତଂତୁବ୍ରହ୍ମନାଡୀ ବ୍ରହ୍ମସୂତ୍ରମ୍।
ସ୍ଵଵ୍ୟତିରିକ୍ତଵସ୍ତୁସଂଗରହିତସ୍ମରଣଂ-ଵିଁଭୂଷଣମ୍। ସ୍ଵଚ୍ଛସ୍ଵପରିପୂର୍ଣତାସ୍ମରଣଂ ଗଂଧଃ ।
ସମସ୍ତଵିଷୟାଣାଂ ମନସଃ ସ୍ଥୈର୍ୟେଣାନୁସଂଧାନଂ କୁସୁମମ୍ । ତେଷାମେଵ ସର୍ଵଦା ସ୍ଵୀକରଣଂ ଧୂପଃ । ପଵନାଵଚ୍ଛିନ୍ନୋର୍ଧ୍ଵଗ୍ଵଲନସଚ୍ଚିଦୁଲ୍କାକାଶଦେହୋ ଦୀପଃ । ସମସ୍ତୟାତାୟା-ତଵର୍ଜ୍ୟଂ ନୈଵେଦ୍ୟମ୍ । ଅଵସ୍ଥାତ୍ରୟାଣାମେକୀକରଣଂ ତାଂବୂଲମ୍। ମୂଲାଧାରାଦାବ୍ରହ୍ମରଂଧ୍ରପର୍ୟଂତଂ ବ୍ରହ୍ମରଂଧ୍ରାଦା-ମୂଲାଧାରପର୍ୟଂତଂ ଗତାଗତରୂପେଣ ପ୍ରାଦକ୍ଷିଣ୍ୟମ୍। ତୁର୍ୟାଵସ୍ଥା ନମସ୍କାରଃ ।
ଦେହଶୂନ୍ୟପ୍ରମାତୃତାନିମଜ୍ଜନଂ ବଲିହରଣମ୍।
ସତ୍ୟମସ୍ତି କର୍ତଵ୍ୟମକର୍ତଵ୍ୟମୌଦାସୀନ୍ୟନିତ୍ୟାତ୍ମଵିଲାପନଂ ହୋମଃ।
ସ୍ଵୟଂ ତତ୍ପାଦୁକା-ନିମଜ୍ଜନଂ ପରିପୂର୍ଣଧ୍ୟାନମ୍॥ ॥3॥

ଏଵଂ ମୁହୂର୍ତତ୍ରୟଂ ଭାଵନାପରୋ ଜୀଵନ୍ମୁକ୍ତୋ ଭଵତି।
ତସ୍ୟ ଦେଵତାତ୍ମୈକ୍ୟସିଦ୍ଧିଃ।
ଚିଂତିତକାର୍ୟାଣ୍ୟ-ୟତ୍ନେନ ସିଦ୍ଧୟଂତି।
ସ ଏଵ ଶିଵୟୋଗୀତି କଥ୍ୟତେ ॥ ॥4॥