ශ්රීගුරුඃ සර්වකාරණභූතා ශක්තිඃ ॥ ॥1॥

කේන නවරංධ්රරූපෝ දේහඃ।
නවශක්තිරූපං ශ්රීචක්රම।
වාරාහී පිතෘරූපා।
කුරුකුල්ලා බලිදේවතා මාතා।
පුරුෂාර්ථාඃ සාගරාඃ।
දේහෝ නවරත්නද්වීපඃ।
ආධාරනවකමුද්රා: ශක්තයඃ।
ත්වගාදිසප්තධාතුභිර-නේකෛඃ සං​යුඁක්තාඃ සංකල්පාඃ කල්පතරවඃ।
තේජ: කල්පකෝද්යානම්।රසනයා භාව්යමානා මධුරාම්ලතික්ත-කටුකෂායලවණභේදාඃ ෂඩ්රසාඃ ෂඩෘතවඃ ।
ක්රියාශක්තිඃ පීඨම්।
කුංඩලිනී ජ්ඤානශක්තිර්ගෘහම්। ඉච්ඡාශක්තිර්මහාත්රිපුරසුංදරී।
ජ්ඤාතා හෝතා ජ්ඤානමග්නිඃ ජ්ඤේයං හවිඃ। ජ්ඤාතෘජ්ඤානජ්ඤේයානාමභේදභාවනං ශ්රීචක්රපූජනම්। නියතිසහිතාඃ ශ්ර්​ඍංගාරාදයෝ නව රසා අණිමාදයඃ। කාමක්රෝධලෝභමෝහමද-මාත්සර්යපුණ්යපාපමයා බ්රාහ්මයාද්යෂ්ටශක්තයඃ । පෘථිව්යප්තේජෝවාය්වාකාශශ්රෝත්රත්වක්චක්ෂුර්ජිහ්වාඝ්රාණවා-ක්පාණිපාදපායූපස්ථමනෝවිකාරාඃ ෂෝඩශ ශක්තයඃ ।
වචනාදානගමනවිසර්ගානංදහානෝපේක්ෂාබුද්ධයෝ-ऽනංගකුසුමාදිශක්තයෝऽෂ්ටෞ।
අලංබුසා කුහූර්විශ්වෝදරී වරුණා හස්තිජිහ්වා යශස්වත්යශ්විනී ගාංධාරී පූෂා ශංඛිනී සරස්වතීඩා පිංගලා සුෂුම්නා චේති චතුර්දශ නාඩ්යඃ। සර්වසංක්ෂෝභිණ්යාදිචතුර්දශාරගා දේවතාඃ। ප්රාණාපානව්යානෝදානසමානනාගකූර්මකෘකරදේවදත්තධනංජයා ඉති දශ වායවඃ ।
සර්වසිද්ධි-ප්රදා දේව්යෝ බහිර්දශාරගා දේවතාඃ। ඒතද්වායුදශකසංසර්ගෝපාථිභේදේන රේචකපූරකශෝෂකදාහක-ප්ලාවකා අමෘතමිති ප්රාණමුඛ්යත්වේන පංචවිධෝऽස්ති ।
ක්ෂාරකෝ දාරකඃ ක්ෂෝභකෝ මෝහකෝ ජෘංභක ඉත්යපාලනමුඛ්යත්වේන පංචවිධෝऽස්ති ।
තේන මනුෂ්යාණාං මෝහකෝ දාහකෝ භක්ෂ්යභෝජ්යලේහ්යචෝෂ්යපේයා-ත්මකං චතුර්විධමන්නං පාචයති।
ඒතා දශ වහ්නිකලාඃ සර්වාත්වාද්යංතර්දශාරගා දේවතාඃ। ශීතෝෂ්ණසුඛදුඃඛේච්ඡාසත්ත්වරජස්තමෝගුණා වශින්යාදිශක්තයෝऽෂ්ටෞ।
ශබ්දස්පර්​ශරූපරසගංධාඃ පංචතන්මාත්රාඃ පංච පුෂ්පබාණා මන ඉක්ෂුධනුඃ।
වශ්යෝ බාණෝ රාගඃ පාශඃ।
ද්වේෂෝऽංකුශඃ।
අව්යක්තමහත්තත්ත්වමහදහංකාර ඉති කාමේශ්වරීවජ්නේශ්වරීභගමාලින්යෝऽංතස්ත්රිකෝණාග්නගා දේවතාඃ ।
පංචදශතිථිරූපේණ කාලස්ය පරිණාමාවලෝකනස්ථිතිඃ පංචදශ නිත්යා ශ්රද්ධානුරූපාධිදේවතා।
තයෝඃ කාමේශ්වරී සදානංදඝනා පරිපූර්ණස්වාත්මෛක්යරූපා දේවතා ॥ ॥2॥

සලිලමිති සෞහිත්යකාරණං සත්ත්වම් । කර්තව්යමකර්තව්යමිති භාවනායුක්ත උපචාරඃ।
අස්ති නාස්තීති කර්තව්යතා උපචාරඃ। බාහ්යාභ්යංත:කරණානාං රූපග්රහණයෝග්යතාऽස්ත්විත්යාවාහනම්।
තස්ය වාහ්යාභ්යංතඃකරණානාමේකරූපවිෂයග්රහණමාසනම්।
රක්තශුක්ලපදෛකීකරණං පාද්යම්।
උජ්ජ්වලදා-මෝදානංදාසනදානමර්ඝ්යම්।
ස්වච්ඡං ස්වත:සිද්ධමිත්යාචමනීයම්। චිච්චංද්රමයීති සර්වාංගස්ත්රවණං ස්නානම්। චිදග්නිස්වරූපපරමානංදශක්තිස්ඵුරණං-වඁස්ත්රම්। ප්රත්යේකං සප්තවිංශතිධා භින්නත්වේනේච්ඡාජ්ඤාන-ක්රියාත්මකබ්රහ්මග්රංථිමද්රසතංතුබ්රහ්මනාඩී බ්රහ්මසූත්රම්।
ස්වව්යතිරික්තවස්තුසංගරහිතස්මරණං-විඁභූෂණම්। ස්වච්ඡස්වපරිපූර්ණතාස්මරණං ගංධඃ ।
සමස්තවිෂයාණාං මනසඃ ස්ථෛර්යේණානුසංධානං කුසුමම් । තේෂාමේව සර්වදා ස්වීකරණං ධූපඃ । පවනාවච්ඡින්නෝර්ධ්වග්වලනසච්චිදුල්කාකාශදේහෝ දීපඃ । සමස්තයාතායා-තවර්ජ්යං නෛවේද්යම් । අවස්ථාත්රයාණාමේකීකරණං තාංබූලම්। මූලාධාරාදාබ්රහ්මරංධ්රපර්යංතං බ්රහ්මරංධ්රාදා-මූලාධාරපර්යංතං ගතාගතරූපේණ ප්රාදක්ෂිණ්යම්। තුර්යාවස්ථා නමස්කාරඃ ।
දේහශූන්යප්රමාතෘතානිමජ්ජනං බලිහරණම්।
සත්යමස්ති කර්තව්යමකර්තව්යමෞදාසීන්යනිත්යාත්මවිලාපනං හෝමඃ।
ස්වයං තත්පාදුකා-නිමජ්ජනං පරිපූර්ණධ්යානම්॥ ॥3॥

ඒවං මුහූර්තත්රයං භාවනාපරෝ ජීවන්මුක්තෝ භවති।
තස්ය දේවතාත්මෛක්යසිද්ධිඃ।
චිංතිතකාර්යාණ්ය-යත්නේන සිද්ධයංති।
ස ඒව ශිවයෝගීති කථ්යතේ ॥ ॥4॥