શ્રીગુરુઃ સર્વકારણભૂતા શક્તિઃ ॥ ॥1॥

કેન નવરંધ્રરૂપો દેહઃ।
નવશક્તિરૂપં શ્રીચક્રમ।
વારાહી પિતૃરૂપા।
કુરુકુલ્લા બલિદેવતા માતા।
પુરુષાર્થાઃ સાગરાઃ।
દેહો નવરત્નદ્વીપઃ।
આધારનવકમુદ્રા: શક્તયઃ।
ત્વગાદિસપ્તધાતુભિર-નેકૈઃ સં​યુઁક્તાઃ સંકલ્પાઃ કલ્પતરવઃ।
તેજ: કલ્પકોદ્યાનમ્।રસનયા ભાવ્યમાના મધુરામ્લતિક્ત-કટુકષાયલવણભેદાઃ ષડ્રસાઃ ષડૃતવઃ ।
ક્રિયાશક્તિઃ પીઠમ્।
કુંડલિની જ્ઞાનશક્તિર્ગૃહમ્। ઇચ્છાશક્તિર્મહાત્રિપુરસુંદરી।
જ્ઞાતા હોતા જ્ઞાનમગ્નિઃ જ્ઞેયં હવિઃ। જ્ઞાતૃજ્ઞાનજ્ઞેયાનામભેદભાવનં શ્રીચક્રપૂજનમ્। નિયતિસહિતાઃ શ્ર્​ઋંગારાદયો નવ રસા અણિમાદયઃ। કામક્રોધલોભમોહમદ-માત્સર્યપુણ્યપાપમયા બ્રાહ્મયાદ્યષ્ટશક્તયઃ । પૃથિવ્યપ્તેજોવાય્વાકાશશ્રોત્રત્વક્ચક્ષુર્જિહ્વાઘ્રાણવા-ક્પાણિપાદપાયૂપસ્થમનોવિકારાઃ ષોડશ શક્તયઃ ।
વચનાદાનગમનવિસર્ગાનંદહાનોપેક્ષાબુદ્ધયો-ઽનંગકુસુમાદિશક્તયોઽષ્ટૌ।
અલંબુસા કુહૂર્વિશ્વોદરી વરુણા હસ્તિજિહ્વા યશસ્વત્યશ્વિની ગાંધારી પૂષા શંખિની સરસ્વતીડા પિંગલા સુષુમ્ના ચેતિ ચતુર્દશ નાડ્યઃ। સર્વસંક્ષોભિણ્યાદિચતુર્દશારગા દેવતાઃ। પ્રાણાપાનવ્યાનોદાનસમાનનાગકૂર્મકૃકરદેવદત્તધનંજયા ઇતિ દશ વાયવઃ ।
સર્વસિદ્ધિ-પ્રદા દેવ્યો બહિર્દશારગા દેવતાઃ। એતદ્વાયુદશકસંસર્ગોપાથિભેદેન રેચકપૂરકશોષકદાહક-પ્લાવકા અમૃતમિતિ પ્રાણમુખ્યત્વેન પંચવિધોઽસ્તિ ।
ક્ષારકો દારકઃ ક્ષોભકો મોહકો જૃંભક ઇત્યપાલનમુખ્યત્વેન પંચવિધોઽસ્તિ ।
તેન મનુષ્યાણાં મોહકો દાહકો ભક્ષ્યભોજ્યલેહ્યચોષ્યપેયા-ત્મકં ચતુર્વિધમન્નં પાચયતિ।
એતા દશ વહ્નિકલાઃ સર્વાત્વાદ્યંતર્દશારગા દેવતાઃ। શીતોષ્ણસુખદુઃખેચ્છાસત્ત્વરજસ્તમોગુણા વશિન્યાદિશક્તયોઽષ્ટૌ।
શબ્દસ્પર્​શરૂપરસગંધાઃ પંચતન્માત્રાઃ પંચ પુષ્પબાણા મન ઇક્ષુધનુઃ।
વશ્યો બાણો રાગઃ પાશઃ।
દ્વેષોઽંકુશઃ।
અવ્યક્તમહત્તત્ત્વમહદહંકાર ઇતિ કામેશ્વરીવજ્નેશ્વરીભગમાલિન્યોઽંતસ્ત્રિકોણાગ્નગા દેવતાઃ ।
પંચદશતિથિરૂપેણ કાલસ્ય પરિણામાવલોકનસ્થિતિઃ પંચદશ નિત્યા શ્રદ્ધાનુરૂપાધિદેવતા।
તયોઃ કામેશ્વરી સદાનંદઘના પરિપૂર્ણસ્વાત્મૈક્યરૂપા દેવતા ॥ ॥2॥

સલિલમિતિ સૌહિત્યકારણં સત્ત્વમ્ । કર્તવ્યમકર્તવ્યમિતિ ભાવનાયુક્ત ઉપચારઃ।
અસ્તિ નાસ્તીતિ કર્તવ્યતા ઉપચારઃ। બાહ્યાભ્યંત:કરણાનાં રૂપગ્રહણયોગ્યતાઽસ્ત્વિત્યાવાહનમ્।
તસ્ય વાહ્યાભ્યંતઃકરણાનામેકરૂપવિષયગ્રહણમાસનમ્।
રક્તશુક્લપદૈકીકરણં પાદ્યમ્।
ઉજ્જ્વલદા-મોદાનંદાસનદાનમર્ઘ્યમ્।
સ્વચ્છં સ્વત:સિદ્ધમિત્યાચમનીયમ્। ચિચ્ચંદ્રમયીતિ સર્વાંગસ્ત્રવણં સ્નાનમ્। ચિદગ્નિસ્વરૂપપરમાનંદશક્તિસ્ફુરણં-વઁસ્ત્રમ્। પ્રત્યેકં સપ્તવિંશતિધા ભિન્નત્વેનેચ્છાજ્ઞાન-ક્રિયાત્મકબ્રહ્મગ્રંથિમદ્રસતંતુબ્રહ્મનાડી બ્રહ્મસૂત્રમ્।
સ્વવ્યતિરિક્તવસ્તુસંગરહિતસ્મરણં-વિઁભૂષણમ્। સ્વચ્છસ્વપરિપૂર્ણતાસ્મરણં ગંધઃ ।
સમસ્તવિષયાણાં મનસઃ સ્થૈર્યેણાનુસંધાનં કુસુમમ્ । તેષામેવ સર્વદા સ્વીકરણં ધૂપઃ । પવનાવચ્છિન્નોર્ધ્વગ્વલનસચ્ચિદુલ્કાકાશદેહો દીપઃ । સમસ્તયાતાયા-તવર્જ્યં નૈવેદ્યમ્ । અવસ્થાત્રયાણામેકીકરણં તાંબૂલમ્। મૂલાધારાદાબ્રહ્મરંધ્રપર્યંતં બ્રહ્મરંધ્રાદા-મૂલાધારપર્યંતં ગતાગતરૂપેણ પ્રાદક્ષિણ્યમ્। તુર્યાવસ્થા નમસ્કારઃ ।
દેહશૂન્યપ્રમાતૃતાનિમજ્જનં બલિહરણમ્।
સત્યમસ્તિ કર્તવ્યમકર્તવ્યમૌદાસીન્યનિત્યાત્મવિલાપનં હોમઃ।
સ્વયં તત્પાદુકા-નિમજ્જનં પરિપૂર્ણધ્યાનમ્॥ ॥3॥

એવં મુહૂર્તત્રયં ભાવનાપરો જીવન્મુક્તો ભવતિ।
તસ્ય દેવતાત્મૈક્યસિદ્ધિઃ।
ચિંતિતકાર્યાણ્ય-યત્નેન સિદ્ધયંતિ।
સ એવ શિવયોગીતિ કથ્યતે ॥ ॥4॥