নমস্তে ললিতে দেবি শ্রীমত্সিংহাসনেশ্বরি ।
ভক্তানামিষ্টদে মাতঃ অভিরামি নমোঽস্তু তে ॥ 1 ॥
চংদ্রোদযং কৃতবতী তাটংকেন মহেশ্বরি ।
আযুর্দেহি জগন্মাতঃ অভিরামি নমোঽস্তু তে ॥ 2 ॥
সুধাঘটেশশ্রীকাংতে শরণাগতবত্সলে ।
আরোগ্যং দেহি মে নিত্যং অভিরামি নমোঽস্তু তে ॥ 3 ॥
কল্যাণি মংগলং দেহি জগন্মংগলকারিণি ।
ঐশ্বর্যং দেহি মে নিত্যং অভিরামি নমোঽস্তু তে ॥ 4 ॥
চংদ্রমংডলমধ্যস্থে মহাত্রিপুরসুংদরি ।
শ্রীচক্ররাজনিলযে অভিরামি নমোঽস্তু তে ॥ 5 ॥
রাজীবলোচনে পূর্ণে পূর্ণচংদ্রবিধাযিনি ।
সৌভাগ্যং দেহি মে নিত্যং অভিরামি নমোঽস্তু তে ॥ 6 ॥
গণেশস্কংদজননি বেদরূপে ধনেশ্বরি ।
বিদ্যাং চ দেহি মে কীর্তিং অভিরামি নমোঽস্তু তে ॥ 7 ॥
সুবাসিনীপ্রিযে মাতঃ সৌমাংগল্যবিবর্ধিনী ।
মাংগল্যং দেহি মে নিত্যং অভিরামি নমোঽস্তু তে ॥ 8 ॥
মার্কংডেয মহাভক্ত সুব্রহ্মণ্য সুপূজিতে ।
শ্রীরাজরাজেশ্বরী ত্বং হ্যভিরামি নমোঽস্তু তে ॥ 9 ॥
সান্নিধ্যং কুরু কল্যাণী মম পূজাগৃহে শুভে ।
বিংবে দীপে তথা পুষ্পে হরিদ্রা কুংকুমে মম ॥ 10 ॥
অভিরাম্যা ইদং স্তোত্রং যঃ পঠেচ্ছক্তিসন্নিধৌ ।
আযুর্বলং যশো বর্চো মংগলং চ ভবেত্সুখম্ ॥ 11 ॥
ইতি শ্রীঅভিরামিভট্টার্ কৃত শ্রী অভিরামি স্তোত্রম্ ।
