শ্রীমাধবী কাননস্থে গর্ভরক্ষাংবিকে পাহি ভক্তাং স্তুবংতীম্ ॥
বাপীতটে বামভাগে
বামদেবস্য দেবস্য দেবি স্থিতা ত্বম্ ।
মান্যা বরেণ্যা বদান্যা
পাহি গর্ভস্থজংতূন্ তথা ভক্তলোকান্ ॥ 1 ॥
শ্রীমাধবী কাননস্থে গর্ভরক্ষাংবিকে পাহি ভক্তাং স্তুবংতীম্ ॥
শ্রীগর্ভরক্ষাপুরে যা
দিব্যসৌংদর্যযুক্তা সুমাংগল্যগাত্রী ।
ধাত্রী জনিত্রী জনানাং
দিব্যরূপাং দযার্দ্রাং মনোজ্ঞাং ভজে ত্বাম্ ॥ 2 ॥
শ্রীমাধবী কাননস্থে গর্ভরক্ষাংবিকে পাহি ভক্তাং স্তুবংতীম্ ॥
আষাঢমাসে সুপুণ্যে
শুক্রবারে সুগংধেন গংধেন লিপ্তা ।
দিব্যাংবরাকল্পবেষা
বাজপেযাদিযাগস্থভক্তৈঃ সুদৃষ্টা ॥ 3 ॥
শ্রীমাধবী কাননস্থে গর্ভরক্ষাংবিকে পাহি ভক্তাং স্তুবংতীম্ ॥
কল্যাণদাত্রীং নমস্যে
বেদিকাঢ্যস্ত্রিযা গর্ভরক্ষাকরীং ত্বাম্ ।
বালৈস্সদা সেবিতাংঘ্রিং
গর্ভরক্ষার্থমারাদুপেতৈরুপেতাম্ ॥ 4 ॥
শ্রীমাধবী কাননস্থে গর্ভরক্ষাংবিকে পাহি ভক্তাং স্তুবংতীম্ ॥
ব্রহ্মোত্সবে বিপ্রবীথ্যাং
বাদ্যঘোষেণ তুষ্টাং রথে সন্নিবিষ্টাম্ ।
সর্বার্থদাত্রীং ভজেঽহং
দেববৃংদৈরপীড্যাং জগন্মাতরং ত্বাম্ ॥ 5 ॥
শ্রীমাধবী কাননস্থে গর্ভরক্ষাংবিকে পাহি ভক্তাং স্তুবংতীম্ ॥
এতত্ কৃতং স্তোত্ররত্নং
দীক্ষিতানংতরামেণ দেব্যাশ্চ তুষ্ট্যৈ ।
নিত্যং পঠেদ্যস্তু ভক্ত্যা
পুত্রপৌত্রাদি ভাগ্যং ভবেত্তস্য নিত্যম্ ॥ 6 ॥
শ্রীমাধবী কাননস্থে গর্ভরক্ষাংবিকে পাহি ভক্তাং স্তুবংতীম্ ॥
ইতি শ্রীঅনংতরামদীক্ষিতবর্য বিরচিতং গর্ভরক্ষাংবিকা স্তোত্রম্ ॥
