ঘোররূপে মহারাবে সর্বশত্রুভযংকরি ।
ভক্তেভ্যো বরদে দেবি ত্রাহি মাং শরণাগতম্ ॥ 1 ॥
সুরাঽসুরার্চিতে দেবি সিদ্ধগংধর্বসেবিতে ।
জাড্যপাপহরে দেবি ত্রাহি মাং শরণাগতম্ ॥ 2 ॥
জটাজূটসমাযুক্তে লোলজিহ্বাংতকারিণী ।
দ্রুতবুদ্ধিকরে দেবি ত্রাহি মাং শরণাগতম্ ॥ 3 ॥
সৌম্যক্রোধধরে রূপে চংডরূপে নমোঽস্তু তে ।
সৃষ্টিরূপে নমস্তুভ্যং ত্রাহি মাং শরণাগতম্ ॥ 4 ॥
জডানাং জডতাং হংতি ভক্তানাং ভক্তবত্সলা ।
মূঢতাং হর মে দেবি ত্রাহি মাং শরণাগতম্ ॥ 5 ॥
হ্রূং হ্রূংকরমযে দেবি বলিহোমপ্রিযে নমঃ ।
উগ্রতারে নমো নিত্যং ত্রাহি মাং শরণাগতম্ ॥ 6 ॥
বুদ্ধিং দেহি যশো দেহি কবিত্বং দেহি দেবি মে ।
মূঢত্বং চ হরের্দেবি ত্রাহি মাং শরণাগতম্ ॥ 7 ॥
ইংদ্রাদিবিলসদ্বংদ্ববংদিতে করুণামযি ।
তারে তারধিনাথাস্যে ত্রাহি মাং শরণাগতম্ ॥ 8 ॥
অষ্টম্যাং চ চতুর্দশ্যাং নবম্যাং যঃ পঠেন্নরঃ ।
ষণ্মাসৈঃ সিদ্ধিমাপ্নোতি নাঽত্র কার্যা বিচারণা ॥ 9 ॥
মোক্ষার্থী লভতে মোক্ষং ধনার্থী লভতে ধনম্ ।
বিদ্যার্থী লভতে বিদ্যাং তর্কব্যাকরণাদিকম্ ॥ 10 ॥
ইদং স্তোত্রং পঠেদ্যস্তু সততং শ্রদ্ধযান্বিতঃ ।
তস্য শত্রুঃ ক্ষযং যাতি মহাপ্রজ্ঞা প্রজাযতে ॥ 11 ॥
পীডাযাং বাপি সংগ্রামে জাড্যে দানে তথা ভযে ।
য ইদং পঠতি স্তোত্রং শুভং তস্য ন সংশযঃ ॥ 12 ॥
ইতি প্রণম্য স্তুত্বা চ যোনিমুদ্রাং প্রদর্শযেত্ ॥
ইতি শ্রী নীলসরস্বতী স্তোত্রম্ ॥
