yaṃ yaṃ yaṃ yakṣarūpaṃ daśadiśividitaṃ bhūmikampāyamānaṃ
saṃ saṃ saṃhāramūrtiṃ śiramukuṭajaṭā śēkharaṃ chandrabimbam ।
daṃ daṃ daṃ dīrghakāyaṃ vikṛtanakhamukhaṃ chōrdhvarōmaṃ karāḻaṃ
paṃ paṃ paṃ pāpanāśaṃ praṇamata satataṃ bhairavaṃ kṣētrapālam ॥ 1 ॥
raṃ raṃ raṃ raktavarṇaṃ kaṭikaṭitatanuṃ tīkṣṇadaṃṣṭrākarāḻaṃ
ghaṃ ghaṃ ghaṃ ghōṣa ghōṣaṃ ghaghaghagha ghaṭitaṃ gharjaraṃ ghōranādam ।
kaṃ kaṃ kaṃ kālapāśaṃ dhṛka dhṛka dhṛkitaṃ jvālitaṃ kāmadāhaṃ
taṃ taṃ taṃ divyadēhaṃ praṇamata satataṃ bhairavaṃ kṣētrapālam ॥ 2 ॥
laṃ laṃ laṃ laṃ vadantaṃ lalalala lalitaṃ dīrghajihvā karāḻaṃ
dhūṃ dhūṃ dhūṃ dhūmravarṇaṃ sphuṭavikaṭamukhaṃ bhāskaraṃ bhīmarūpam ।
ruṃ ruṃ ruṃ ruṇḍamālaṃ ravitamaniyataṃ tāmranētraṃ karāḻaṃ
naṃ naṃ naṃ nagnabhūṣaṃ praṇamata satataṃ bhairavaṃ kṣētrapālam ॥ 3 ॥
vaṃ vaṃ vaṃ vāyuvēgaṃ natajanasadayaṃ brahmasāraṃ parantaṃ
khaṃ khaṃ khaṃ khaḍgahastaṃ tribhuvanavilayaṃ bhāskaraṃ bhīmarūpam ।
chaṃ chaṃ chaṃ chalitvā'chala chala chalitāchchālitaṃ bhūmichakraṃ
maṃ maṃ maṃ māyirūpaṃ praṇamata satataṃ bhairavaṃ kṣētrapālam ॥ 4 ॥
śaṃ śaṃ śaṃ śaṅkhahastaṃ śaśikaradhavaḻaṃ mōkṣa sampūrṇa tējaṃ
maṃ maṃ maṃ maṃ mahāntaṃ kulamakulakulaṃ mantraguptaṃ sunityam ।
yaṃ yaṃ yaṃ bhūtanāthaṃ kilikilikilitaṃ bālakēḻipradhānaṃ
aṃ aṃ aṃ antarikṣaṃ praṇamata satataṃ bhairavaṃ kṣētrapālam ॥ 5 ॥
khaṃ khaṃ khaṃ khaḍgabhēdaṃ viṣamamṛtamayaṃ kālakālaṃ karāḻaṃ
kṣaṃ kṣaṃ kṣaṃ kṣipravēgaṃ dahadahadahanaṃ taptasandīpyamānam ।
hauṃ hauṃ hauṅkāranādaṃ prakaṭitagahanaṃ garjitairbhūmikampaṃ
vaṃ vaṃ vaṃ vālalīlaṃ praṇamata satataṃ bhairavaṃ kṣētrapālam ॥ 6 ॥
saṃ saṃ saṃ siddhiyōgaṃ sakalaguṇamakhaṃ dēvadēvaṃ prasannaṃ
paṃ paṃ paṃ padmanābhaṃ hariharamayanaṃ chandrasūryāgninētram ।
aiṃ aiṃ aiṃ aiśvaryanāthaṃ satatabhayaharaṃ pūrvadēvasvarūpaṃ
rauṃ rauṃ rauṃ raudrarūpaṃ praṇamata satataṃ bhairavaṃ kṣētrapālam ॥ 7 ॥
haṃ haṃ haṃ haṃsayānaṃ hasitakalahakaṃ muktayōgāṭṭahāsaṃ
naṃ naṃ naṃ nētrarūpaṃ śiramukuṭajaṭābandhabandhāgrahastam । [dhaṃdhaṃdhaṃ]
ṭaṃ ṭaṃ ṭaṃ ṭaṅkāranādaṃ tridaśalaṭalaṭaṃ kāmagarvāpahāraṃ
bhuṃ bhuṃ bhuṃ bhūtanāthaṃ praṇamata satataṃ bhairavaṃ kṣētrapālam ॥ 8 ॥
ityēvaṃ kāmayuktaṃ prapaṭhati niyataṃ bhairavasyāṣṭakaṃ yō
nirvighnaṃ duḥkhanāśaṃ surabhayaharaṇaṃ ḍākinīśākinīnām ।
naśyēddhi vyāghrasarpau hutavaha salilē rājyaśaṃsasya śūnyaṃ
sarvā naśyanti dūraṃ vipada iti bhṛśaṃ chintanātsarvasiddhim ॥ 9 ॥
bhairavasyāṣṭakamidaṃ ṣāṇmāsaṃ yaḥ paṭhēnnaraḥ
sa yāti paramaṃ sthānaṃ yatra dēvō mahēśvaraḥ ॥ 10 ॥
sindūrāruṇagātraṃ cha sarvajanmavinirmitam ।
mukuṭāgryadharaṃ dēvaṃ bhairavaṃ praṇamāmyaham ॥ 11 ॥
namō bhūtanāthaṃ namō prētanāthaṃ
namaḥ kālakālaṃ namaḥ rudramālam ।
namaḥ kālikāprēmalōlaṃ karāḻaṃ
namō bhairavaṃ kāśikākṣētrapālam ॥
iti tīkṣṇadaṃṣṭra kālabhairavāṣṭakam ॥
