යං යං යං යක්ෂරූපං දශදිශිවිදිතං භූමිකංපායමානං
සං සං සංහාරමූර්තිං ශිරමුකුටජටා ශේඛරං චංද්රබිංබම් ।
දං දං දං දීර්ඝකායං විකෘතනඛමුඛං චෝර්ධ්වරෝමං කරාළං
පං පං පං පාපනාශං ප්රණමත සතතං භෛරවං ක්ෂේත්රපාලම් ॥ 1 ॥
රං රං රං රක්තවර්ණං කටිකටිතතනුං තීක්ෂ්ණදංෂ්ට්රාකරාළං
ඝං ඝං ඝං ඝෝෂ ඝෝෂං ඝඝඝඝ ඝටිතං ඝර්ජරං ඝෝරනාදම් ।
කං කං කං කාලපාශං ධෘක ධෘක ධෘකිතං ජ්වාලිතං කාමදාහං
තං තං තං දිව්යදේහං ප්රණමත සතතං භෛරවං ක්ෂේත්රපාලම් ॥ 2 ॥
ලං ලං ලං ලං වදංතං ලලලල ලලිතං දීර්ඝජිහ්වා කරාළං
ධූං ධූං ධූං ධූම්රවර්ණං ස්ඵුටවිකටමුඛං භාස්කරං භීමරූපම් ।
රුං රුං රුං රුංඩමාලං රවිතමනියතං තාම්රනේත්රං කරාළං
නං නං නං නග්නභූෂං ප්රණමත සතතං භෛරවං ක්ෂේත්රපාලම් ॥ 3 ॥
වං වං වං වායුවේගං නතජනසදයං බ්රහ්මසාරං පරංතං
ඛං ඛං ඛං ඛඩ්ගහස්තං ත්රිභුවනවිලයං භාස්කරං භීමරූපම් ।
චං චං චං චලිත්වාऽචල චල චලිතාච්චාලිතං භූමිචක්රං
මං මං මං මායිරූපං ප්රණමත සතතං භෛරවං ක්ෂේත්රපාලම් ॥ 4 ॥
ශං ශං ශං ශංඛහස්තං ශශිකරධවළං මෝක්ෂ සංපූර්ණ තේජං
මං මං මං මං මහාංතං කුලමකුලකුලං මංත්රගුප්තං සුනිත්යම් ।
යං යං යං භූතනාථං කිලිකිලිකිලිතං බාලකේළිප්රධානං
අං අං අං අංතරික්ෂං ප්රණමත සතතං භෛරවං ක්ෂේත්රපාලම් ॥ 5 ॥
ඛං ඛං ඛං ඛඩ්ගභේදං විෂමමෘතමයං කාලකාලං කරාළං
ක්ෂං ක්ෂං ක්ෂං ක්ෂිප්රවේගං දහදහදහනං තප්තසංදීප්යමානම් ।
හෞං හෞං හෞංකාරනාදං ප්රකටිතගහනං ගර්ජිතෛර්භූමිකංපං
වං වං වං වාලලීලං ප්රණමත සතතං භෛරවං ක්ෂේත්රපාලම් ॥ 6 ॥
සං සං සං සිද්ධියෝගං සකලගුණමඛං දේවදේවං ප්රසන්නං
පං පං පං පද්මනාභං හරිහරමයනං චංද්රසූර්යාග්නිනේත්රම් ।
ඓං ඓං ඓං ඓශ්වර්යනාථං සතතභයහරං පූර්වදේවස්වරූපං
රෞං රෞං රෞං රෞද්රරූපං ප්රණමත සතතං භෛරවං ක්ෂේත්රපාලම් ॥ 7 ॥
හං හං හං හංසයානං හසිතකලහකං මුක්තයෝගාට්ටහාසං
නං නං නං නේත්රරූපං ශිරමුකුටජටාබංධබංධාග්රහස්තම් । [ධංධංධං]
ටං ටං ටං ටංකාරනාදං ත්රිදශලටලටං කාමගර්වාපහාරං
භුං භුං භුං භූතනාථං ප්රණමත සතතං භෛරවං ක්ෂේත්රපාලම් ॥ 8 ॥
ඉත්යේවං කාමයුක්තං ප්රපඨති නියතං භෛරවස්යාෂ්ටකං යෝ
නිර්විඝ්නං දුඃඛනාශං සුරභයහරණං ඩාකිනීශාකිනීනාම් ।
නශ්යේද්ධි ව්යාඝ්රසර්පෞ හුතවහ සලිලේ රාජ්යශංසස්ය ශූන්යං
සර්වා නශ්යංති දූරං විපද ඉති භෘශං චිංතනාත්සර්වසිද්ධිම් ॥ 9 ॥
භෛරවස්යාෂ්ටකමිදං ෂාණ්මාසං යඃ පඨේන්නරඃ
ස යාති පරමං ස්ථානං යත්ර දේවෝ මහේශ්වරඃ ॥ 10 ॥
සිංදූරාරුණගාත්රං ච සර්වජන්මවිනිර්මිතම් ।
මුකුටාග්ර්යධරං දේවං භෛරවං ප්රණමාම්යහම් ॥ 11 ॥
නමෝ භූතනාථං නමෝ ප්රේතනාථං
නමඃ කාලකාලං නමඃ රුද්රමාලම් ।
නමඃ කාලිකාප්රේමලෝලං කරාළං
නමෝ භෛරවං කාශිකාක්ෂේත්රපාලම් ॥
ඉති තීක්ෂ්ණදංෂ්ට්ර කාලභෛරවාෂ්ටකම් ॥
