ନମାମୀଶମୀଶାନ ନିର୍ଵାଣରୂପଂ
ଵିଭୁଂ ଵ୍ୟାପକଂ ବ୍ରହ୍ମଵେଦ-ସ୍ଵରୂପମ୍ ।
ନିଜଂ ନିର୍ଗୁଣଂ ନିର୍ଵିକଲ୍ପଂ ନିରୀହଂ
ଚିଦାକାଶ-ମାକାଶଵାସଂ ଭଜେଽହମ୍ ॥ 1 ॥
ନିରାକାରମୋଂକାରମୂଲଂ ତୁରୀୟଂ
ଗିରାଜ୍ଞାନଗୋତୀତମୀଶଂ ଗିରୀଶମ୍ ।
କରାଲଂ ମହାକାଲକାଲଂ କୃପାଲୁଂ
ଗୁଣାଗାର-ସଂସାରପାରଂ ନତୋଽହମ୍ ॥ 2 ॥
ତୁଷାରାଦ୍ରି-ସଂକାଶଗୌରଂ ଗଭୀରଂ
ମନୋଭୂତକୋଟି-ପ୍ରଭାସୀ ଶରୀରମ୍ ।
ସ୍ଫୁରନ୍ମୌଲିକଲ୍ଲୋଲିନୀ ଚାରୁଗଂଗା
ଲସଦ୍ଭାଲ-ବାଲେଂଦୁ କଂଠେ ଭୁଜଂଗମ୍ ॥ 3 ॥
ଚଲତ୍କୁଂଡଲଂ ଶୁଭ୍ରନେତ୍ରଂ ଵିଶାଲଂ
ପ୍ରସନ୍ନାନନଂ ନୀଲକଂଠଂ ଦୟାଲୁମ୍ ।
ମୃଗାଧୀଶ-ଚର୍ମାଂବରଂ ମୁଂଡମାଲଂ
ପ୍ରିୟଂ ଶଂକରଂ ସର୍ଵନାଥଂ ଭଜାମି ॥ 4 ॥
ପ୍ରଚଂଡଂ ପ୍ରକୃଷ୍ଟଂ ପ୍ରଗଲ୍ଭଂ ପରେଶଂ
ଅଖଂଡଂ ଭଜେ ଭାନୁକୋଟିପ୍ରକାଶମ୍ ।
ତ୍ରୟୀ-ଶୂଲ-ନିର୍ମୂଲନଂ ଶୂଲପାଣିଂ
ଭଜେଽହଂ ଭଵାନୀପତିଂ ଭାଵଗମ୍ୟମ୍ ॥ 5 ॥
କଲାତୀତ-କଲ୍ୟାଣ-କଲ୍ପାଂତକାରୀ
ସଦା ସଜ୍ଜନାନଂଦ-ଦାତା ପୁରାରୀ ।
ଚିଦାନଂଦ ସଂଦୋହମୋହାପହାରୀ
ପ୍ରସୀଦ ପ୍ରସୀଦ ପ୍ରଭୋ ମନ୍ମଥାରୀ ॥ 6 ॥
ନ ୟାଵଦୁମାନାଥ-ପାଦାରଵିଂଦଂ
ଭଜଂତୀହ ଲୋକେ ପରେ ଵା ନରାଣାମ୍ ।
ନ ତାଵତ୍ସୁଖଂ ଶାଂତି ସଂତାପନାଶଂ
ପ୍ରସୀଦ ପ୍ରଭୋ ସର୍ଵଭୂତାଧିଵାସମ୍ ॥ 7 ॥
ନ ଜାନାମି ୟୋଗଂ ଜପଂ ନୈଵ ପୂଜାଂ
ନତୋଽହଂ ସଦା ସର୍ଵଦା ଦେଵ ତୁଭ୍ୟମ୍ ।
ଜରା-ଜନ୍ମ-ଦୁଃଖୌଘତାତପ୍ୟମାନଂ
ପ୍ରଭୋ ପାହି ଶାପାନ୍ନମାମୀଶ ଶଂଭୋ ॥ 8 ॥
ରୁଦ୍ରାଷ୍ଟକମିଦଂ ପ୍ରୋକ୍ତଂ ଵିପ୍ରେଣ ହରତୁଷ୍ଟୟେ ।
ୟେ ପଠଂତି ନରା ଭକ୍ତ୍ୟା ତେଷାଂ ଶଂଭୁଃ ପ୍ରସୀଦତି ॥ 9 ॥
॥ ଇତି ଶ୍ରୀରାମଚରିତମାନସେ ଉତ୍ତରକାଂଡେ ଶ୍ରୀଗୋସ୍ଵାମି ତୁଲସୀଦାସକୃତଂ
ଶ୍ରୀରୁଦ୍ରାଷ୍ଟକଂ ସଂପୂର୍ଣମ୍ ॥
