হি॒র॒ণ্য়॒গ॒র্ভ-স্সম॑বর্ত॒-তাগ্রে॑ ভূ॒তস্য়॑ জা॒তঃ পতি॒রেক॑ আসীত্ ।
সদা॑ধার পৃথি॒বীং দ্য়ামু॒তেমাং কস্মৈ॑ দে॒বায়॑ হ॒বিষা॑ বিধেম ॥
উরসা নমঃ ॥ 1 (তৈ. সং. 4.1.8.3)
যঃ প্রা॑ণ॒তো নি॑মিষ॒তো ম॑হি॒ত্বৈক॒ ইদ্রাজা॒ জগ॑তো ব॒ভূব॑ ।
য ঈশে॑ অ॒স্য় দ্বি॒পদ॒-শ্চতু॑ষ্পদঃ॒ কস্মৈ॑ দে॒বায়॑ হ॒বিষা॑ বিধেম ॥
শিরসা নমঃ ॥ 2 (তৈ. সং. 4.1.8.4)
ব্রহ্ম॑জজ্ঞা॒নং প্র॑থ॒মং পু॒রস্তা॒-দ্বিসী॑ম॒ত-স্সু॒রুচো॑ বে॒ন আ॑বঃ ।
স বু॒ধ্নিয়া॑ উপ॒মা অ॑স্য় বি॒ষ্ঠা-স্স॒তশ্চ॒ যোনি॒ম-স॑তশ্চ॒ বিবঃ॑ । (
দৃষ্য়া নমঃ । 3 (তৈ. সং. 4.2.8.2.)
ম॒হী দ্য়ৌঃ পৃ॑থি॒বী চ॑ ন ই॒মং-য়ঁ॒জ্ঞং মি॑মিক্ষতাম্ ।
পি॒পৃ॒তান্নো॒ ভরী॑মভিঃ ।
মনসা নমঃ ॥ 4 (তৈ. সং. 3.3.10.2)
উপ॑শ্বাসয় পৃথি॒বী-মু॒ত দ্য়াং পু॑রু॒ত্রা তে॑ মনুতাং॒-বিঁষ্ঠি॑তং॒ জগ॑ত্ ।
স দুং॑দুভে স॒জূরিংদ্রে॑ণ দে॒বৈ-র্দূ॒রাদ্দবী॑য়ো॒ অপ॑সেধ॒ শত্রূন্॑ ।
বচসা নমঃ ॥ 5 (তৈ. সং. 4.6.6.6)
অগ্নে॒ নয়॑ সু॒পথা॑ রা॒য়ে অ॒স্মান্ বিশ্বা॑নি দেব ব॒য়ুনা॑নি বি॒দ্বান্ ।
যু॒য়ো॒দ্ধ্য়॑স্ম-জ্জু॑হুরা॒ণ-মেনো॒ ভূয়ি॑ষ্ঠাংতে॒ নম॑ উক্তিং-বিঁধেম ॥
পধ্ভ্য়াং নমঃ ॥ 6 (তৈ. সং. 1.1.14.3)
যা তে॑ অগ্নে॒ রুদ্রি॑য়া ত॒নূস্তয়া॑ নঃ পাহি॒ তস্য়া᳚স্তে॒ স্বাহা᳚ ।
যা তে॑ অগ্নেঽয়াশ॒য়া র॑জাশ॒য়া হ॑রাশ॒য়া ত॒নূর্বর্ষি॑ষ্ঠা গহ্বরে॒ষ্ঠোগ্রং-বঁচো॒ অপা॑বধীং ত্বে॒ষং-বঁচো॒ অপা॑বধী॒গ্ম্॒ স্বাহা᳚ ॥
করাভ্য়াং নমঃ ॥ 7 (তৈ. সং. 1.2.11.2)
ই॒মং-য়ঁ॑মপ্রস্ত॒রমাহি সীদাংগি॑রোভিঃ পি॒তৃভিঃ॑ সংবিঁদা॒নঃ ।
আত্বা॒ মংত্রাঃ॑ কবিশ॒স্তা ব॑হংত্বে॒না রা॑জন্ হ॒বিষা॑ মাদযস্ব ॥
কর্ণাভ্য়াং নমঃ ॥ 8 (তৈ. সং. 2.6.12.6)
উরসা শিরসা দৃষ্ট্য়া মন॑সা বচসা ত॒থা ।
পদ্ভ্য়াং করাভ্য়াং কর্ণাভ্য়াং প্রণামোঽষ্টাংগ॑ উচ্যতে ॥
উমামহেশ্বরাভ্য়াং নমঃ ॥
