পাদুকে যতিরাজস্য় কথয়ংতি যদাখ্যয়া ।
তস্য় দাশরথেঃ পাদৌ শিরসা ধারয়াম্যহম্ ॥

পাষংডদ্রুমষংডদাবদহনশ্চার্বাকশৈলাশনিঃ
বৌদ্ধধ্বাংতনিরাসবাসরপতির্জৈনেভকংঠীরবঃ ।
মায়াবাদি ভুজংগভংগগরুডস্ত্রৈবিদ্য় চূডামণিঃ
শ্রীরংগেশজযধ্বজো বিজযতে রামানুজোঽয়ং মুনিঃ ॥ 1 ॥

পাষংড ষংডগিরিখংডনবজ্রদংডাঃ
প্রচ্ছন্নবৌদ্ধমকরালযমংথদংডাঃ ।
বেদাংতসারসুখদর্শনদীপদংডাঃ
রামানুজস্য় বিলসংতিমুনেস্ত্রিদংডাঃ ॥ 2 ॥

চারিত্রোদ্ধারদংডং চতুরনযপথালংক্রিয়াকেতুদংডং
সদ্বিদ্য়াদীপদংডং সকলকলিকথাসংহৃতেঃ কালদংডম্ ।
ত্রয়্য়ংতালংবদংডং ত্রিভুবনবিজযচ্ছত্রসৌবর্ণদংডম্
ধত্তেরামানুজার্য়ঃ প্রতিকথকশিরো বজ্রদংডং ত্রিদংডম্ ॥ 3 ॥

ত্রয়্য়া মাংগল্যসূত্রং ত্রিথায়ুগপয়ুগ রোহণালংবসূত্রং
সদ্বিদ্য়াদীপসূত্রং সগুণনযবিদাং সংবদাংহারসূত্রম্ ।
প্রজ্ঞাসূত্রং বুধানাং প্রশমধনমনঃ পদ্মিনীনালসূত্রং
রক্ষাসূত্রং মুনীনাং জযতি যতিপতের্বক্ষসি ব্রহ্মসূত্রম্ ॥ 4 ॥

পাষংডসাগরমহাবডবামুখাগ্নিঃ
শ্রীরংগরাজচরণাংবুজমূলদাসঃ ।
শ্রীবিষ্ণুলোকমণি মংডপমার্গদায়ী
রামানুজো বিজযতে যতিরাজরাজঃ ॥ 5 ॥