ଈଶ୍ଵର ଉଵାଚ
ଶୃଣୁ ଦେଵି ପ୍ରଵକ୍ଷ୍ୟାମି ସାଂପ୍ରତଂ ତତ୍ପୁରାତନମ୍ ।
ସହସ୍ରନାମ ପରମଂ ପ୍ରତ୍ୟଂଗିରାର୍ଥ ସିଦ୍ଧୟେ ॥ 1 ॥

ସହସ୍ରନାମପାଠେନ ସର୍ଵତ୍ର ଵିଜୟୀ ଭଵେତ୍ ।
ପରାଭଵୋ ନ ଚାସ୍ୟାସ୍ତି ସଭାୟାଂ ଵା ଵନେ ରଣେ ॥ 2 ॥

ତଥା ତୁଷ୍ଟା ଭଵେଦ୍ଦେଵୀ ପ୍ରତ୍ୟଂଗିରାଽସ୍ୟ ପାଠତଃ ।
ୟଥା ଭଵତି ଦେଵେଶି ସାଧକଃ ଶିଵ ଏଵ ହି ॥ 3 ॥

ଅଶ୍ଵମେଧସହସ୍ରାଣି ଵାଜପେୟସ୍ୟ କୋଟୟଃ ।
ସକୃତ୍ପାଠେନ ଜାୟଂତେ ପ୍ରସନ୍ନା ପ୍ରତ୍ୟଂଗିରା ଭଵେତ୍ ॥ 4 ॥

ଭୈରଵୋଽସ୍ୟ ଋଷିଶ୍ଛଂଦୋଽନୁଷ୍ଟୁପ୍ ଦେଵୀ ସମୀରିତା ।
ପ୍ରତ୍ୟଂଗିରା ଵିନିୟୋଗଃ ସର୍ଵସଂପତ୍ତି ହେତଵେ ॥ 5 ॥

ସର୍ଵକାର୍ୟେଷୁ ସଂସିଦ୍ଧିଃ ସର୍ଵସଂପତ୍ତିଦା ଭଵେତ୍ ।
ଏଵଂ ଧ୍ୟାତ୍ଵା ପଠେଦେତଦ୍ୟଦୀଚ୍ଛେଦାତ୍ମନୋ ହିତମ୍ ॥ 6 ॥

ଅସ୍ୟ ଶ୍ରୀପ୍ରତ୍ୟଂଗିରା ସହସ୍ରନାମମହାମଂତ୍ରସ୍ୟ ଭୈରଵ ଋଷିଃ ଅନୁଷ୍ଟୁପ୍ ଛଂଦଃ ଶ୍ରୀମହାପ୍ରତ୍ୟଂଗିରା ଦେଵତା ହ୍ରୀଂ ବୀଜଂ ଶ୍ରୀଂ ଶକ୍ତିଃ ସ୍ଵାହା କୀଲକଂ ପରକୃତ୍ୟାଵିନାଶାର୍ଥେ ଜପେ ପାଠେ ଵିନିୟୋଗଃ ॥

କରନ୍ୟାସଃ
ଓଂ ହ୍ରାଂ ଅଂଗୁଷ୍ଠାଭ୍ୟାଂ ନମଃ ।
ଓଂ ହ୍ରୀଂ ତର୍ଜନୀଭ୍ୟାଂ ନମଃ ।
ଓଂ ହ୍ରୂଂ ମଧ୍ୟମାଭ୍ୟାଂ ନମଃ ।
ଓଂ ହ୍ରୈଂ ଅନାମିକାଭ୍ୟାଂ ନମଃ ।
ଓଂ ହ୍ରୌଂ କନିଷ୍ଠିକାଭ୍ୟାଂ ନମଃ ।
ଓଂ ହ୍ରଃ କରତଲ କରପୃଷ୍ଠାଭ୍ୟାଂ ନମଃ ।

ହୃଦୟାଦି ନ୍ୟାସଃ
ଓଂ ହ୍ରାଂ ହୃଦୟାୟ ନମଃ ।
ଓଂ ହ୍ରୀଂ ଶିରସେ ସ୍ଵାହା ।
ଓଂ ହ୍ରୂଂ ଶିଖାୟୈ ଵଷଟ୍ ।
ଓଂ ହ୍ରୈଂ କଵଚାୟ ହୁମ୍ ।
ଓଂ ହ୍ରୌଂ ନେତ୍ରତ୍ରୟାୟ ଵୌଷଟ୍ ।
ଓଂ ହ୍ରଃ ଅସ୍ତ୍ରାୟ ଫଟ୍ ।

ଧ୍ୟାନମ୍
ଆଶାଂବରା ମୁକ୍ତକଚା ଘନଚ୍ଛଵି-
-ର୍ଧ୍ୟେୟା ସଚର୍ମାସିକରା ହି ଭୂଷଣା ।
ଦଂଷ୍ଟ୍ରୋଗ୍ରଵକ୍ତ୍ରା ଗ୍ରସିତା ହିତା ତ୍ଵୟା
ପ୍ରତ୍ୟଂଗିରା ଶଂକରତେଜସେରିତା ॥

ସ୍ତୋତ୍ରମ୍
ଦେଵୀ ପ୍ରତ୍ୟଂଗିରା ଦିଵ୍ୟା ସରସା ଶଶିଶେଖରା ।
ସୁମନା ସାମିଧେତୀ ଚ ସମସ୍ତସୁରଶେମୁଷୀ ॥ 1 ॥

ସର୍ଵସଂପତ୍ତିଜନନୀ ସର୍ଵଦା ସିଂଧୁସେଵିନୀ ।
ଶଂଭୁସୀମଂତିନୀ ସୀମା ସୁରାରାଧ୍ୟା ସୁଧାରସା ॥ 2 ॥

ରସା ରସଵତୀ ଵେଲା ଵନ୍ୟା ଚ ଵନମାଲିନୀ ।
ଵନଜାକ୍ଷୀ ଵନଚରୀ ଵନୀ ଵନଵିନୋଦିନୀ ॥ 3 ॥

ଵେଗିନୀ ଵେଗଦା ଵେଗବଲାସ୍ୟା ଚ ବଲାଧିକା ।
କଲା କଲପ୍ରିୟା କୋଲୀ କୋମଲା କାଲକାମିନୀ ॥ 4 ॥

କମଲା କମଲାସ୍ୟା ଚ କମଲସ୍ଥା କଲାଵତୀ ।
କୁଲୀନା କୁଟିଲା କାଂତା କୋକିଲା କଲଭାଷିଣୀ ॥ 5 ॥

କୀରକୀଲୀ କଲା କାଲୀ କପାଲିନ୍ୟପି କାଲିକା ।
କେଶିନୀ ଚ କୁଶାଵର୍ତା କୌଶାଂବୀ କେଶଵପ୍ରିୟା ॥ 6 ॥

କାଶୀ କଲା ମହାକାଶୀ ସଂକାଶା କେଶଦାୟିନୀ ।
କୁଂଡଲୀ କୁଂଡଲାସ୍ୟା ଚ କୁଂଡଲାଂଗଦମଂଡିତା ॥ 7 ॥

କୁଣପାଲୀ କୁମୁଦିନୀ କୁମୁଦା ପ୍ରୀତିଵର୍ଧିନୀ ।
କୁଂଦପ୍ରିୟା କୁଂଦରୁଚିଃ କୁରଂଗମଦନୋଦିନୀ ॥ 8 ॥

କୁରଂଗନୟନା କୁଂଦା କୁରୁଵୃଂଦାଽଭିନଂଦିନୀ ।
କୁସୁଂଭକୁସୁମା କାଂଚୀ କ୍ଵଣତ୍କିଂକିଣିକା କଟା ॥ 9 ॥

କଠୋରା କରୁଣା କାଷ୍ଠା କୌମୁଦୀ କଂବୁକଂଠିନୀ ।
କପର୍ଦିନୀ କପଟିନୀ କଂଠିନୀ କାଲକଂଠିକା ॥ 10 ॥

କୀରହସ୍ତା କୁମାରୀ ଚ କୁରୁଦା କୁସୁମପ୍ରିୟା ।
କୁଂଜରସ୍ଥା କୁଂଜରତା କୁଂଭି କୁଂଭସ୍ତନଦ୍ଵୟା ॥ 11 ॥

କୁଂଭିଗା କରିଭୋଗା ଚ କଦଲୀ ଦଳଶାଲିନୀ ।
କୁପିତା କୋଟରସ୍ଥା ଚ କଂକାଲୀ କଂଦରୋଦରା ॥ 12 ॥

ଏକାଂତଵାସିନୀ କାଂଚୀ କଂପମାନଶିରୋରୁହା ।
କାଦଂବରୀ କଦଂବସ୍ଥା କୁଂକୁମପ୍ରେମଧାରିଣୀ ॥ 13 ॥

କୁଟୁଂବିନୀପ୍ରିୟାଽଽକୂତୀ କ୍ରତୁଃ କ୍ରତୁକରୀ ପ୍ରିୟା ।
କାତ୍ୟାୟନୀ କୃତ୍ତିକା ଚ କାର୍ତିକେୟପ୍ରଵର୍ତିନୀ ॥ 14 ॥

କାମପତ୍ନୀ କାମଦାତ୍ରୀ କାମେଶୀ କାମଵଂଦିତା ।
କାମରୂପା କ୍ରମାଵର୍ତୀ କାମାକ୍ଷୀ କାମମୋହିତା ॥ 15 ॥

ଖଡ୍ଗିନୀ ଖେଚରୀ ଖଡ୍ଗା ଖଂଜରୀଟେକ୍ଷଣା ଖଲା ।
ଖରଗା ଖରନାଥା ଚ ଖରାସ୍ୟା ଖେଲନପ୍ରିୟା ॥ 16 ॥

ଖରାଂଶୁଃ ଖେଟିନୀ ଖଟ୍ଵା ଖଗା ଖଟ୍ଵାଂଗଧାରିଣୀ ।
ଖରଖଂଡିନୀ ଖ୍ୟାତା ଖଂଡିତା ଖଂଡନୀସ୍ଥିତା ॥ 17 ॥

ଖଂଡପ୍ରିୟା ଖଂଡଖାଦ୍ୟା ସେଂଦୁଖଂଡା ଚ ଖଂଡିନୀ ।
ଗଂଗା ଗୋଦାଵରୀ ଗୌରୀ ଗୋମତ୍ୟପି ଚ ଗୌତମୀ ॥ 18 ॥

ଗୟା ଗେୟା ଗଗନଗା ଗାରୁଡୀ ଗରୁଡଧ୍ଵଜା ।
ଗୀତା ଗୀତପ୍ରିୟା ଗୋପା ଗଂଡପ୍ରୀତା ଗୁଣୀ ଗିରା ॥ 19 ॥

ଗୁଂ ଗୌରୀ ମଂଦମଦନା ଗୋକୁଲା ଗୋପ୍ରତାରିଣୀ ।
ଗୋଦା ଗୋଵିଂଦିନୀ ଗୂଢା ନିର୍ଗୂଢା ଗୂଢଵିଗ୍ରହା ॥ 20 ॥

ଗୁଂଜିନୀ ଗଜଗା ଗୋପୀ ଗୋତ୍ରକ୍ଷୟକରୀ ଗଦା ।
ଗିରିଭୂପାଲଦୁହିତା ଗୋଗା ଗୋଚ୍ଛଲଵର୍ଧିନୀ ॥ 21 ॥

ଘନସ୍ତନୀ ଘନରୁଚିର୍ଘନେହା ଘନନିଃସ୍ଵନା ।
ଘୂତ୍କାରିଣୀ ଘୂଘକରୀ ଘୁଘୂକପରିଵାରିତା ॥ 22 ॥

ଘଂଟାନାଦପ୍ରିୟା ଘଂଟା ଘନାଘୋଟକଵାହିନୀ ।
ଘୋରରୂପା ଚ ଘୋରା ଚ ଘୂତୀ ପ୍ରତିଘନା ଘନୀ ॥ 23 ॥

ଘୃତାଚୀ ଘନପୁଷ୍ଟିଶ୍ଚ ଘଟା ଘନଘଟାଽମୃତା ।
ଘଟସ୍ୟା ଘଟନା ଘୋଘଘାତପାତନିଵାରିଣୀ ॥ 24 ॥

ଚଂଚରୀକା ଚକୋରୀ ଚ ଚାମୁଂଡା ଚୀରଧାରିଣୀ ।
ଚାତୁରୀ ଚପଲା ଚକ୍ରଚଲା ଚେଲା ଚଲାଽଚଲା ॥ 25 ॥

ଚତୁଶ୍ଚିରଂତନା ଚାକା ଚିକ୍ୟା ଚାମୀକରଚ୍ଛଵିଃ ।
ଚାପିନୀ ଚପଲା ଚଂପୂ ଚିଂତା ଚିଂତାମଣିଶ୍ଚିତା ॥ 26 ॥

ଚାତୁର୍ଵର୍ଣ୍ୟମୟୀ ଚଂଚଚ୍ଚୌରାଚାର୍ୟା ଚମତ୍କୃତିଃ ।
ଚକ୍ରଵର୍ତିଵଧୂଶ୍ଚକ୍ରା ଚକ୍ରାଂଗା ଚକ୍ରମୋଦିନୀ ॥ 27 ॥

ଚେତଶ୍ଚରୀ ଚିତ୍ତଵୃତ୍ତିରଚେତା ଚେତନପ୍ରଦା ।
ଚାଂପେୟୀ ଚଂପକପ୍ରୀତିଶ୍ଚଂଡୀ ଚଂଡାଲଵାସିନୀ ॥ 28 ॥

ଚିରଂଜୀଵିତଟା ଚିଂଚା ତରୁମୂଲନିଵାସିନୀ ।
ଛୁରିକା ଛତ୍ରମଧ୍ୟସ୍ଥା ଛିଦ୍ରା ଛେଦକରୀ ଛିଦା ॥ 29 ॥

ଛୁଛୁଂଦରୀପଲପ୍ରୀତୀ ଛୁଛୁଂଦରୀନିଭସ୍ଵନା ।
ଛଲିନୀ ଛଲଦା ଛତ୍ରା ଛିଟିକା ଛେକକୃତ୍ତଥା ॥ 30 ॥

ଛଗିନୀ ଛାଂଦସୀ ଛାୟା ଛାୟାକୃଚ୍ଛାଦିରିତ୍ୟପି ।
ଜୟା ଚ ଜୟଦା ଜାତୀ ଜୟସ୍ଥା ଜୟଵର୍ଧିନୀ ॥ 31 ॥

ଜପାପୁଷ୍ପପ୍ରିୟା ଜପ୍ୟା ଜୃଂଭିଣୀ ୟାମଲା ୟୁତା ।
ଜଂବୂପ୍ରିୟା ଜୟସ୍ଥା ଚ ଜଂଗମା ଜଂଗମପ୍ରିୟା ॥ 32 ॥

ଜଂତୁର୍ଜଂତୁପ୍ରଧାନା ଚ ଜରତ୍କର୍ଣା ଜରଦ୍ଭଵା ।
ଜାତିପ୍ରିୟା ଜୀଵନସ୍ଥା ଜୀମୂତସଦୃଶଚ୍ଛଵିଃ ॥ 33 ॥

ଜନ୍ୟା ଜନହିତା ଜାୟା ଜଂଭଭିଜ୍ଜଂଭମାଲିନୀ ।
ଜଵଦା ଜଵଵଦ୍ଵାହା ଜଵାନୀ ଜ୍ଵରହା ଜ୍ଵରା ॥ 34 ॥

ଝଂଝାନିଲମୟୀ ଝଂଝା ଝଣତ୍କାରକରା ତଥା ।
ଝିଂଟୀଶା ଝଂପକୃତ୍ ଝଂପା ଝଂପତ୍ରାସନିଵାରିଣୀ ॥ 35 ॥

ଟକାରସ୍ଥା ଟଂକଧରା ଟଂକାରା କରଶାଟିନୀ ।
ଠକ୍କୁରା ଠୀତ୍କୃତୀ ଠିଂଠୀ ଠିଂଠୀରଵସମାଵୃତା ॥ 36 ॥

ଠଂଠାନିଲମୟୀ ଠଂଠା ଠଣତ୍କାରକରା ଠସା ।
ଡାକିନୀ ଡାମରୀ ଚୈଵ ଡିଂଡିମଧ୍ଵନିନଂଦିନୀ ॥ 37 ॥

ଢକ୍କାସ୍ଵନପ୍ରିୟା ଢକ୍କା ତପିନୀ ତାପିନୀ ତଥା ।
ତରୁଣୀ ତୁଂଦିଲା ତୁଂଦା ତାମସୀ ଚ ତପଃପ୍ରିୟା ॥ 38 ॥

ତାମ୍ରା ତାମ୍ରାଂବରା ତାଲୀ ତାଲୀଦଲଵିଭୂଷଣା ।
ତୁରଂଗା ତ୍ଵରିତା ତ୍ରେତା ତୋତୁଲା ତୋଦିନୀ ତୁଲା ॥ 39 ॥

ତାପତ୍ରୟହରା ତପ୍ତା ତାଲକେଶୀ ତମାଲିନୀ ।
ତମାଲଦଲଵଚ୍ଛାମା ତାଲମ୍ଲାନଵତୀ ତମୀ ॥ 40 ॥

ତାମସୀ ଚ ତମିସ୍ରା ଚ ତୀଵ୍ରା ତୀଵ୍ରପରାକ୍ରମା ।
ତଟସ୍ଥା ତିଲତୈଲାକ୍ତା ତରଣୀ ତପନଦ୍ୟୁତିଃ ॥ 41 ॥

ତିଲୋତ୍ତମା ତିଲକକୃତ୍ତାରକାଧୀଶଶେଖରା ।
ତିଲପୁଷ୍ପପ୍ରିୟା ତାରା ତାରକେଶୀ କୁଟୁଂବିନୀ ॥ 42 ॥

ସ୍ଥାଣୁପତ୍ନୀ ସ୍ଥିତିକରୀ ସ୍ଥଲସ୍ଥା ସ୍ଥଲଵର୍ଧିନୀ ।
ସ୍ଥିତିଃ ସ୍ଥୈର୍ୟା ସ୍ଥଵିଷ୍ଠା ଚ ସ୍ଥାପତିଃ ସ୍ଥଲଵିଗ୍ରହା ॥ 43 ॥

ଦଂତିନୀ ଦଂଡିନୀ ଦୀନା ଦରିଦ୍ରା ଦୀନଵତ୍ସଲା ।
ଦେଵୀ ଦେଵଵଧୂର୍ଦୈତ୍ୟଦମନୀ ଦଂତଭୂଷଣା ॥ 44 ॥

ଦୟାଵତୀ ଦମଵତୀ ଦମଦା ଦାଡିମସ୍ତନୀ ।
ଦଂଦଶୂକନିଭା ଦୈତ୍ୟଦାରିଣୀ ଦେଵତାନନା ॥ 45 ॥

ଦୋଲାକ୍ରୀଡା ଦଲାୟୁଶ୍ଚ ଦଂପତୀ ଦେଵତାମୟୀ ।
ଦଶା ଦୀପସ୍ଥିତା ଦୋଷା ଦୋଷହା ଦୋଷକାରିଣୀ ॥ 46 ॥

ଦୁର୍ଗା ଦୁର୍ଗାର୍ତିଶମନୀ ଦୁର୍ଗମା ଦୁର୍ଗଵାସିନୀ ।
ଦୁର୍ଗଂଧନାଶିନୀ ଦୁଃସ୍ଥା ଦୁଃସ୍ଵପ୍ନଶମକାରିଣୀ ॥ 47 ॥

ଦୁର୍ଵାରା ଦୁଂଦୁଭୀ ଭ୍ରାଂତା ଦୂରସ୍ଥା ଦୂରଵାସିନୀ ।
ଦରହା ଦରଦା ଦାତ୍ରୀ ଦାୟାଦା ଦୁହିତା ଦୟା ॥ 48 ॥

ଧୁରଂଧରା ଧୁରୀଣା ଚ ଧୌରୀ ଧୀ ଧନଦାୟିନୀ ।
ଧୀରାଽଧୀରା ଧରିତ୍ରୀ ଚ ଧର୍ମଦା ଧୀରମାନସା ॥ 49 ॥

ଧନୁର୍ଧରା ଚ ଦମନୀ ଧୂର୍ତା ଧୂର୍ତପରିଗ୍ରହା ।
ଧୂମଵର୍ଣା ଧୂମପାନା ଧୂମଲା ଧୂମମୋହିନୀ ॥ 50 ॥

ନଲିନୀ ନଂଦିନୀ ନଂଦା ନାଦିନୀ ନଂଦବାଲିକା ।
ନଵୀନା ନର୍ମଦା ନର୍ମିନେମିର୍ନିୟମନିଶ୍ଚୟା ॥ 51 ॥

ନିର୍ମଲା ନିଗମାଚାରା ନିମ୍ନଗା ନଗ୍ନକାମିନୀ ।
ନୀତିର୍ନିରଂତରା ନଗ୍ନୀ ନିର୍ଲେପା ନିର୍ଗୁଣା ନତିଃ ॥ 52 ॥

ନୀଲଗ୍ରୀଵା ନିରୀହା ଚ ନିରଂଜନଜନୀ ନଵୀ ।
ନଵନୀତପ୍ରିୟା ନାରୀ ନରକାର୍ଣଵତାରିଣୀ ॥ 53 ॥

ନାରାୟଣୀ ନିରାକାରା ନିପୁଣା ନିପୁଣପ୍ରିୟା ।
ନିଶା ନିଦ୍ରା ନରେଂଦ୍ରସ୍ଥା ନମିତାଽନମିତାପି ଚ ॥ 54 ॥

ନିର୍ଗୁଂଡିକା ଚ ନିର୍ଗୁଂଡା ନିର୍ମାଂସାଽନାମିକା ନିଭା ।
ପତାକିନୀ ପତାକା ଚ ପଲପ୍ରୀତିର୍ୟଶସ୍ଵିନୀ ॥ 55 ॥

ପୀନା ପୀନସ୍ତନା ପତ୍ନୀ ପଵନାଶନଶାୟିନୀ ।
ପରାଽପରା କଲାପାଽଽପ୍ପା ପାକକୃତ୍ୟରତି ପ୍ରିୟା ॥ 56 ॥

ପଵନସ୍ଥା ସୁପଵନା ତାପସୀପ୍ରୀତିଵର୍ଧିନୀ ।
ପଶୁଵୃଦ୍ଧିକରୀ ପୁଷ୍ଟିଃ ପୋଷଣୀ ପୁଷ୍ପଵର୍ଧିନୀ ॥ 57 ॥

ପୁଷ୍ପିଣୀ ପୁସ୍ତକକରା ପୁନ୍ନାଗତଲଵାସିନୀ ।
ପୁରଂଦରପ୍ରିୟା ପ୍ରୀତିଃ ପୁରମାର୍ଗନିଵାସିନୀ ॥ 58 ॥

ପାଶୀ ପାଶକରା ପାଶା ବଂଧୁହା ପାଂସୁଲା ପଶୁଃ ।
ପଟୁଃ ପଟାସା ପରଶୁଧାରିଣୀ ପାଶିନୀ ତଥା ॥ 59 ॥

ପାପଘ୍ନୀ ପତିପତ୍ନୀ ଚ ପତିତାଽପତିତାପି ଚ ।
ପିଶାଚୀ ଚ ପିଶାଚଘ୍ନୀ ପିଶିତାଶନତୋଷିତା ॥ 60 ॥

ପାନଦା ପାନପାତ୍ରା ଚ ପାନଦାନକରୋଦ୍ୟତା ।
ପେୟା ପ୍ରସିଦ୍ଧା ପୀୟୂଷା ପୂର୍ଣା ପୂର୍ଣମନୋରଥା ॥ 61 ॥

ପତଦ୍ଗର୍ଭା ପତଦ୍ଗାତ୍ରା ପାତପୁଣ୍ୟପ୍ରିୟା ପୁରୀ ।
ପଂକିଲା ପଂକମଗ୍ନା ଚ ପାନୀୟା ପଂଜରସ୍ଥିତା ॥ 62 ॥

ପଂଚମୀ ପଂଚୟଜ୍ଞା ଚ ପଂଚତା ପଂଚମପ୍ରିୟା ।
ପଂଚମୁଦ୍ରା ପୁଂଡରୀକା ପିକୀ ପିଂଗଳଲୋଚନା ॥ 63 ॥

ପ୍ରିୟଂଗୁମଂଜରୀ ପିଂଡୀ ପିଂଡିତା ପାଂଡୁରପ୍ରଭା ।
ପ୍ରେତାସନା ପ୍ରିୟାଲୁସ୍ଥା ପାଂଡୁଘ୍ନୀ ପୀତସାପହା ॥ 64 ॥

ଫଲିନୀ ଫଲଧାତ୍ରୀ ଚ ଫଲଶ୍ରୀଃ ଫଣିଭୂଷଣା ।
ଫୂତ୍କାରକାରିଣୀ ସ୍ଫାରା ଫୁଲ୍ଲା ଫୁଲ୍ଲାଂବୁଜାସନା ॥ 65 ॥

ଫିରଂଗହା ସ୍ଫୀତମତିଃ ସ୍ଫୀତିଃ ସ୍ଫୀତକରୀ ତଥା ।
ବଲମାୟା ବଲାରାତିର୍ବଲିନୀ ବଲଵର୍ଧିନୀ ॥ 66 ॥

ଵେଣୁଵାଦ୍ୟା ଵନଚରୀ ଵିରାଵଜନୟିତ୍ରୀ ଚ ।
ଵିଦ୍ୟା ଵିଦ୍ୟାପ୍ରଦା ଵିଦ୍ୟାବୋଧିନୀ ବୋଧଦାୟିନୀ ॥ 67 ॥

ବୁଦ୍ଧମାତା ଚ ବୁଦ୍ଧା ଚ ଵନମାଲାଵତୀ ଵରା ।
ଵରଦା ଵାରୁଣୀ ଵୀଣା ଵୀଣାଵାଦନତତ୍ପରା ॥ 68 ॥

ଵିନୋଦିନୀ ଵିନୋଦସ୍ଥା ଵୈଷ୍ଣଵୀ ଵିଷ୍ଣୁଵଲ୍ଲଭା ।
ଵୈଦ୍ୟା ଵୈଦ୍ୟଚିକିତ୍ସା ଚ ଵିଵଶା ଵିଶ୍ଵଵିଶ୍ରୁତା ॥ 69 ॥

ଵିଦ୍ଵତ୍କଵିକଲା ଵେତ୍ତା ଵିତଂଦ୍ରା ଵିଗତଜ୍ଵରା ।
ଵିରାଵା ଵିଵିଧାରାଵା ବିଂବୋଷ୍ଠୀ ବିଂବଵତ୍ସଲା ॥ 70 ॥

ଵିଂଧ୍ୟସ୍ଥା ଵୀରଵଂଦ୍ୟା ଚ ଵରୀୟସାପରାଧଵିତ୍ ।
ଵେଦାଂତଵେଦ୍ୟା ଵେଦ୍ୟା ଚ ଵୈଦ୍ୟା ଚ ଵିଜୟପ୍ରଦା ॥ 71 ॥

ଵିରୋଧଵର୍ଧିନୀ ଵଂଧ୍ୟା ଵଂଧ୍ୟାବଂଧନିଵାରିଣୀ ।
ଭଗିନୀ ଭଗମାଲା ଚ ଭଵାନୀ ଭଵଭାଵିନୀ ॥ 72 ॥

ଭୀମା ଭୀମାନନା ଭୈମୀ ଭଂଗୁରା ଭୀମଦର୍ଶନା ।
ଭିଲ୍ଲୀ ଭଲ୍ଲଧରା ଭୀରୁର୍ଭେରୁଂଡା ଚୈଭଭୟାପହା ॥ 73 ॥

ଭଗସର୍ପିଣ୍ୟପି ଭଗା ଭଗରୂପା ଭଗାଲୟା ।
ଭଗାସନା ଭଗାମୋଦା ଭେରୀ ଭାଂକାରରଂଜିନୀ ॥ 74 ॥

ଭୀଷଣାଽଭୀଷଣା ସର୍ଵା ଭଗଵତ୍ୟପି ଭୂଷଣା ।
ଭାରଦ୍ଵାଜୀ ଭୋଗଦାତ୍ରୀ ଭଵଘ୍ନୀ ଭୂତିଭୂଷଣା ॥ 75 ॥

ଭୂତିଦା ଭୂମିଦାତ୍ରୀ ଚ ଭୂପତିତ୍ଵପ୍ରଦାୟିନୀ ।
ଭ୍ରମରୀ ଭ୍ରାମରୀ ନୀଲା ଭୂପାଲମୁକୁଟସ୍ଥିତା ॥ 76 ॥

ମତ୍ତା ମନୋହରା ମନା ମାନିନୀ ମୋହନୀ ମହା ।
ମହାଲକ୍ଷ୍ମୀର୍ମଦାକ୍ଷୀବା ମଦିରା ମଦିରାଲୟା ॥ 77 ॥

ମଦୋଦ୍ଧତା ମତଂଗସ୍ଥା ମାଧଵୀ ମଧୁମଂଥିନୀ ।
ମେଧା ମେଧାକରୀ ମେଧ୍ୟା ମଧ୍ୟା ମଧ୍ୟଵୟସ୍ଥିତା ॥ 78 ॥

ମଦ୍ୟପା ମାଂସଲା ମତ୍ସ୍ୟା ମୋଦିନୀ ମୈଥୁନୋଦ୍ଧତା ।
ମୁଦ୍ରା ମୁଦ୍ରାଵତୀ ମାତା ମାୟା ମହିମମଂଦିରା ॥ 79 ॥

ମହାମାୟା ମହାଵିଦ୍ୟା ମହାମାରୀ ମହେଶ୍ଵରୀ ।
ମହାଦେଵଵଧୂର୍ମାନ୍ୟା ମଥୁରା ମେରୁମଂଡଲା ॥ 80 ॥

ମେଦସ୍ଵନୀ ମେଦସୁଶ୍ରୀର୍ମହିଷାସୁରମର୍ଦିନୀ ।
ମଂଡପସ୍ଥା ମଠସ୍ଥାଽମା ମାଲା ମାଲାଵିଲାସିନୀ ॥ 81 ॥

ମୋକ୍ଷଦା ମୁଂଡମାଲା ଚ ମଂଦିରାଗର୍ଭଗର୍ଭିତା ।
ମାତଂଗିନୀ ଚ ମାତଂଗୀ ମତଂଗତନୟା ମଧୁଃ ॥ 82 ॥

ମଧୁସ୍ରଵା ମଧୁରସା ମଧୂକକୁସୁମପ୍ରିୟା ।
ୟାମିନୀ ୟାମିନୀନାଥଭୂଷା ୟାଵକରଂଜିତା ॥ 83 ॥

ୟଵାଂକୁରପ୍ରିୟା ୟାମା ୟଵନୀ ୟଵନାଧିପା ।
ୟମଘ୍ନୀ ୟମଵାଣୀ ଚ ୟଜମାନସ୍ଵରୂପିଣୀ ॥ 84 ॥

ୟଜ୍ଞା ୟଜ୍ୟା ୟଜୁର୍ୟଜ୍ଵା ୟଶୋନିକରକାରିଣୀ ।
ୟଜ୍ଞସୂତ୍ରପ୍ରଦା ଜ୍ୟେଷ୍ଠା ୟଜ୍ଞକର୍ମକରୀ ୟଶା ॥ 85 ॥

ୟଶସ୍ଵିନୀ ୟଜ୍ଞସଂସ୍ଥା ୟୂପସ୍ତଂଭନିଵାସିନୀ ।
ରଂଜିତା ରାଜପତ୍ନୀ ଚ ରମା ରେଖା ରଵୀ ରଣୀ ॥ 86 ॥

ରଜୋଵତୀ ରଜଶ୍ଚିତ୍ରା ରଜନୀ ରଜନୀପତିଃ ।
ରାଗିଣୀ ରାଜିନୀ ରାଜ୍ୟା ରାଜ୍ୟଦା ରାଜ୍ୟଵର୍ଧିନୀ ॥ 87 ॥

ରାଜନ୍ଵତୀ ରାଜନୀତିସ୍ତୁର୍ୟା ରାଜନିଵାସିନୀ ।
ରମଣୀ ରମଣୀୟା ଚ ରାମା ରାମଵତୀ ରତିଃ ॥ 88 ॥

ରେତୋଵତୀ ରତୋତ୍ସାହା ରୋଗହା ରୋଗକାରିଣୀ ।
ରଂଗା ରଂଗଵତୀ ରାଗା ରାଗଜ୍ଞା ରାଗିନୀ ରଣା ॥ 89 ॥

ରଂଜିକା ରଂଜକୀ ରଂଜା ରଂଜିନୀ ରକ୍ତଲୋଚନା ।
ରକ୍ତଚର୍ମଧରା ରଂତ୍ରୀ ରକ୍ତସ୍ଥା ରକ୍ତଵାହିନୀ ॥ 90 ॥

ରଂଭା ରଂଭାଫଲପ୍ରୀତୀ ରଂଭୋରୂ ରାଘଵପ୍ରିୟା ।
ରଂଗଭୃଦ୍ରଂଗମଧୁରା ରୋଦସୀ ରୋଦସୀଗୃହା ॥ 91 ॥

ରୋଗକର୍ତ୍ରୀ ରୋଗହର୍ତ୍ରୀ ଚ ରୋଗଭୃଦ୍ରୋଗଶାୟିନୀ ।
ଵଂଦୀ ଵଂଦିସ୍ତୁତା ବଂଧୁର୍ବଂଧୂକକୁସୁମାଧରା ॥ 92 ॥

ଵଂଦିତା ଵଂଦିମାତା ବଂଧୁରା ବୈଂଦଵୀ ଵିଭା ।
ଵିଂକୀ ଵିଂକପଲା ଵିଂକା ଵିଂକସ୍ଥା ଵିଂକଵତ୍ସଲା ॥ 93 ॥

ଵେଦୈର୍ଵିଲଗ୍ନା ଵିଗ୍ନା ଚ ଵିଧିର୍ଵିଧିକରୀ ଵିଧା ।
ଶଂଖିନୀ ଶଂଖନିଲୟା ଶଂଖମାଲାଵତୀ ଶମୀ ॥ 94 ॥

ଶଂଖପାତ୍ରାଶିନୀ ଶଂଖାଽଶଂଖା ଶଂଖଗଲା ଶଶୀ ।
ଶିଂବୀ ଶରାଵତୀ ଶ୍ୟାମା ଶ୍ୟାମାଂଗୀ ଶ୍ୟାମଲୋଚନା ॥ 95 ॥

ଶ୍ମଶାନସ୍ଥା ଶ୍ମଶାନା ଚ ଶ୍ମଶାନସ୍ଥଲଭୂଷଣା ।
ଶର୍ମଦା ଶମହର୍ତ୍ରୀ ଚ ଶାକିନୀ ଶଂକୁଶେଖରା ॥ 96 ॥

ଶାଂତିଃ ଶାଂତିପ୍ରଦା ଶେଷା ଶେଷସ୍ଥା ଶେଷଶାୟିନୀ ।
ଶେମୁଷୀ ଶୋଷିଣୀ ଶୌରୀ ଶାରିଃ ଶୌର୍ୟା ଶରା ଶରୀ ॥ 97 ॥

ଶାପଦା ଶାପହାରୀ ଶ୍ରୀଃ ଶଂପା ଶପଥଚାପିନୀ ।
ଶୃଂଗିଣୀ ଶୃଂଗିପଲଭୁକ୍ ଶଂକରୀ ଶାଂକରୀ ତଥା ॥ 98 ॥

ଶଂକା ଶଂକାପହା ଶଂସ୍ଥା ଶାଶ୍ଵତୀ ଶୀତଲା ଶିଵା ।
ଶଵସ୍ଥା ଶଵଭୁକ୍ ଶୈଵୀ ଶାଵଵର୍ଣା ଶଵୋଦରୀ ॥ 99 ॥

ଶାୟିନୀ ଶାଵଶୟନା ଶିଂଶିପା ଶିଂଶିପାୟତା ।
ଶଵାକୁଂଡଲିନୀ ଶୈଵା ଶଂକରା ଶିଶିରା ଶିରା ॥ 100 ॥

ଶଵକାଂଚୀ ଶଵଶ୍ରୀକା ଶଵମାଲା ଶଵାକୃତିଃ ।
ଶଂପିନୀ ଶଂକୁଶକ୍ତିଃ ଶଂ ଶଂତନୁଃ ଶୀଲଦାୟିନୀ ॥ 101 ॥

ସିଂଧୁଃ ସରସ୍ଵତୀ ସିଂଧୁସୁଂଦରୀ ସୁଂଦରାନନା ।
ସାଧୁସିଦ୍ଧିଃ ସିଦ୍ଧିଦାତ୍ରୀ ସିଦ୍ଧା ସିଦ୍ଧସରସ୍ଵତୀ ॥ 102 ॥

ସଂତତିଃ ସଂପଦା ସଂପତ୍ସଂଵିତ୍ସଂପତ୍ତିଦାୟିନୀ ।
ସପତ୍ନୀ ସରସା ସାରା ସରସ୍ଵତିକରୀ ସୁଧା ॥ 103 ॥

ସରଃ ସମା ସମାନା ଚ ସମାରାଧ୍ୟା ସମସ୍ତଦା ।
ସମିଦ୍ଧା ସମଦା ସଂମା ସମ୍ମୋହା ସମଦର୍ଶନା ॥ 104 ॥

ସମିତିଃ ସମିଧା ସୀମା ସାଵିତ୍ରୀ ସଂଵିଦା ସତୀ ।
ସଵନା ସଵନାଧାରା ସାଵନା ସମରା ସମୀ ॥ 105 ॥

ସମୀରା ସୁମନା ସାଧ୍ଵୀ ସଧ୍ରୀଚୀନ୍ୟସହାୟିନୀ ।
ହଂସୀ ହଂସଗତିର୍ହଂସା ହଂସୋଜ୍ଜ୍ଵଲନିଚୋଲୟୁକ୍ ॥ 106 ॥

ହଲିନୀ ହଲଦା ହାଲା ହରଶ୍ରୀର୍ହରଵଲ୍ଲଭା ।
ହେଲା ହେଲାଵତୀ ହ୍ରେଷା ହ୍ରେଷସ୍ଥା ହ୍ରେଷଵର୍ଧିନୀ ॥ 107 ॥

ହଂତା ହାନିର୍ହୟାହ୍ଵା ହୃଦ୍ଧଂତହା ହଂତହାରିଣୀ ।
ହୁଂକାରୀ ହଂତକୃଦ୍ଧଂକା ହୀହା ହାହା ହତାହିତା ॥ 108 ॥

ହେମା ପ୍ରଭା ହରଵତୀ ହାରୀତା ହରିସମ୍ମତା ।
ହୋରୀ ହୋତ୍ରୀ ହୋଲିକା ଚ ହୋମ୍ୟା ହୋମା ହଵିର୍ହରିଃ ॥ 109 ॥

ହାରିଣୀ ହରିଣୀନେତ୍ରା ହିମାଚଲନିଵାସିନୀ ।
ଲଂବୋଦରୀ ଲଂବକର୍ଣା ଲଂବିକା ଲଂବଵିଗ୍ରହା ॥ 110 ॥

ଲୀଲା ଲୀଲାଵତୀ ଲୋଲା ଲଲନା ଲାଲିତାଲତା ।
ଲଲାମଲୋଚନା ଲୋଚ୍ୟା ଲୋଲାକ୍ଷୀ ଲକ୍ଷଣା ଲଟା ॥ 111 ॥

ଲଂପତୀ ଲୁଂପତୀ ଲଂପା ଲୋପାମୁଦ୍ରା ଲଲଂତି ଚ ।
ଲତିକା ଲଂଘିକା ଲଂଘା ଲଘିମା ଲଘୁମଧ୍ୟମା ॥ 112 ॥

ଲଘ୍ଵୀୟସୀ ଲଘୂଦର୍କା ଲୂତା ଲୂତନିଵାରିଣୀ ।
ଲୋମଭୃଲ୍ଲୋମଲୋମ୍ନୀ ଚ ଲୁଲୁତୀ ଲୁଲୁଲୁଂପିନୀ ॥ 113 ॥

ଲୁଲାୟସ୍ଥା ଚ ଲହରୀ ଲଂକାପୁରପୁରଂଦରୀ ।
ଲକ୍ଷ୍ମୀର୍ଲକ୍ଷ୍ମୀପ୍ରଦା ଲକ୍ଷ୍ୟା ଲକ୍ଷ୍ୟବଲଗତିପ୍ରଦା ॥ 114 ॥

କ୍ଷଣକ୍ଷପା କ୍ଷଣକ୍ଷୀଣା କ୍ଷମା କ୍ଷାଂତିଃ କ୍ଷମାଵତୀ ।
କ୍ଷାମା କ୍ଷାମୋଦରୀ କ୍ଷୋଣୀ କ୍ଷୋଣିଭୃତ୍ କ୍ଷତ୍ରିୟାଂଗନା ॥ 115 ॥

କ୍ଷପା କ୍ଷପାକରୀ କ୍ଷୀରା କ୍ଷୀରଦା କ୍ଷୀରସାଗରା ।
କ୍ଷୀଣଂକରୀ କ୍ଷୟକରୀ କ୍ଷୟଭୃତ୍ କ୍ଷୟଦା କ୍ଷତିଃ ।
କ୍ଷରଂତୀ କ୍ଷୁଦ୍ରିକା କ୍ଷୁଦ୍ରା କ୍ଷୁତ୍କ୍ଷାମା କ୍ଷରପାତକା ॥ 116 ॥

ଫଲଶ୍ରୁତିଃ –
ମାତୁଃ ସହସ୍ରନାମେଦଂ ପ୍ରତ୍ୟଂଗିରାସିଦ୍ଧିଦାୟକମ୍ ॥ 1 ॥
ୟଃ ପଠେତ୍ପ୍ରୟତୋ ନିତ୍ୟଂ ଦରିଦ୍ରୋ ଧନଦୋ ଭଵେତ୍ ।

ଅନାଚାଂତଃ ପଠେନ୍ନିତ୍ୟଂ ସ ଚାପି ସ୍ୟାନ୍ମହେଶ୍ଵରଃ ।
ମୂକଃ ସ୍ୟାଦ୍ଵାକ୍ପତିର୍ଦେଵୀ ରୋଗୀ ନୀରୋଗତାଂ ଭଵେତ୍ ॥ 2 ॥

ଅପୁତ୍ରଃ ପୁତ୍ରମାପ୍ନୋତି ତ୍ରିଷୁଲୋକେଷୁ ଵିଶ୍ରୁତମ୍ ।
ଵଂଧ୍ୟାପି ସୂତେ ତନୟାନ୍ ଗାଵଶ୍ଚ ବହୁଦୁଗ୍ଧଦାଃ ॥ 3 ॥

ରାଜାନଃ ପାଦନମ୍ରାଃ ସ୍ୟୁସ୍ତସ୍ୟ ଦାସା ଇଵ ସ୍ଫୁଟାଃ ।
ଅରୟଃ ସଂକ୍ଷୟଂ ୟାଂତି ମନସା ସଂସ୍ମୃତା ଅପି ॥ 4 ॥

ଦର୍ଶନାଦେଵ ଜାୟଂତେ ନରା ନାର୍ୟୋଽପି ତଦ୍ଵଶାଃ ।
କର୍ତା ହର୍ତା ସ୍ଵୟଂଵୀରୋ ଜାୟତେ ନାତ୍ରସଂଶୟଃ ॥ 5 ॥

ୟଂ ୟଂ କାମୟତେ କାମଂ ତଂ ତଂ ପ୍ରାପ୍ନୋତି ନିଶ୍ଚିତମ୍ ।
ଦୁରିତଂ ନ ଚ ତସ୍ୟାସ୍ତି ନାସ୍ତି ଶୋକଃ କଦାଚନ ॥ 6 ॥

ଚତୁଷ୍ପଥେଽର୍ଧରାତ୍ରେ ଚ ୟଃ ପଠେତ୍ସାଧକୋତ୍ତମଃ ।
ଏକାକୀ ନିର୍ଭୟୋ ଧୀରୋ ଦଶାଵର୍ତଂ ନରୋତ୍ତମଃ ॥ 7 ॥

ମନସା ଚିଂତିତଂ କାର୍ୟଂ ତସ୍ୟ ସିଦ୍ଧିର୍ନ ସଂଶୟମ୍ ।
ଵିନା ସହସ୍ରନାମ୍ନାଂ ୟୋ ଜପେନ୍ମଂତ୍ରଂ କଦାଚନ ॥ 8 ॥

ନ ସିଦ୍ଧୋ ଜାୟତେ ତସ୍ୟ ମଂତ୍ରଃ କଲ୍ପଶତୈରପି ।
କୁଜଵାରେ ଶ୍ମଶାନେ ଚ ମଧ୍ୟାହ୍ନେ ୟୋ ଜପେତ୍ତଥା ॥ 9 ॥

ଶତାଵର୍ତ୍ୟା ସ ଜୟେତ କର୍ତା ହର୍ତା ନୃଣାମିହ ।
ରୋଗାର୍ତୋ ୟୋ ନିଶୀଥାଂତେ ପଠେଦଂଭସି ସଂସ୍ଥିତଃ ॥ 10 ॥

ସଦ୍ୟୋ ନୀରୋଗତାମେତି ୟଦି ସ୍ୟାନ୍ନିର୍ଭୟସ୍ତଦା ।
ଅର୍ଧରାତ୍ରେ ଶ୍ମଶାନେ ଵା ଶନିଵାରେ ଜପେନ୍ମନୁମ୍ ॥ 11 ॥

ଅଷ୍ଟୋତ୍ତରସହସ୍ରଂ ତୁ ଦଶଵାରଂ ଜପେତ୍ତତଃ ।
ସହସ୍ରନାମମେତ୍ତଦ୍ଧି ତଦା ୟାତି ସ୍ଵୟଂ ଶିଵା ॥ 12 ॥

ମହାପଵନରୂପେଣ ଘୋରଗୋମାୟୁନାଦିନୀ ।
ତଦା ୟଦି ନ ଭୀତିଃ ସ୍ୟାତ୍ତତୋ ଦେହୀତି ଵାଗ୍ଭଵେତ୍ ॥ 13 ॥

ତଦା ପଶୁବଲିଂ ଦଦ୍ୟାତ୍ ସ୍ଵୟଂ ଗୃହ୍ଣାତି ଚଂଡିକା ।
ୟଥେଷ୍ଟଂ ଚ ଵରଂ ଦତ୍ତ୍ଵା ୟାତି ପ୍ରତ୍ୟଂଗିରା ଶିଵା ॥ 14 ॥

ରୋଚନାଗୁରୁକସ୍ତୂରୀ କର୍ପୂରମଦଚଂଦନୈଃ ।
କୁଂକୁମପ୍ରଥମାଭ୍ୟାଂ ତୁ ଲିଖିତଂ ଭୂର୍ଜପତ୍ରକେ ॥ 15 ॥

ଶୁଭନକ୍ଷତ୍ରୟୋଗେ ତୁ ସମଭ୍ୟର୍ଚ୍ୟ ଘଟାଂତରେ ।
କୃତସଂପାତନାତ୍ସିଦ୍ଧଂ ଧାର୍ୟଂତଦ୍ଦକ୍ଷିଣେକରେ ॥ 16 ॥

ସହସ୍ରନାମସ୍ଵର୍ଣସ୍ଥଂ କଂଠେ ଵାପି ଜିତେଂଦ୍ରିୟଃ ।
ତଦାୟଂ ପ୍ରଣମେନ୍ମଂତ୍ରୀ କ୍ରୁଦ୍ଧଃ ସମ୍ରିୟତେ ନରଃ ॥ 17 ॥

ୟସ୍ମୈ ଦଦାତି ଚ ସ୍ଵସ୍ତି ସ ଭଵେଦ୍ଧନଦୋପମଃ ।
ଦୁଷ୍ଟଶ୍ଵାପଦଜଂତୂନାଂ ନ ଭୀଃ କୁତ୍ରାପି ଜାୟତେ ॥ 18 ॥

ବାଲକାନାମିୟଂ ରକ୍ଷା ଗର୍ଭିଣୀନାମପି ଧ୍ରୁଵମ୍ ।
ମୋହନ ସ୍ତଂଭନାକର୍ଷମାରଣୋଚ୍ଚାଟନାନି ଚ ॥ 19 ॥

ୟଂତ୍ରଧାରଣତୋ ନୂନଂ ସିଧ୍ୟଂତେ ସାଧକସ୍ୟ ଚ ।
ନୀଲଵସ୍ତ୍ରେ ଵିଲିଖିତଂ ଧ୍ଵଜାୟାଂ ୟଦି ତିଷ୍ଠତି ॥ 20 ॥

ତଦା ନଷ୍ଟା ଭଵତ୍ୟେଵ ପ୍ରଚଂଡା ପରଵାହିନୀ ।
ଏତଜ୍ଜପ୍ତଂ ମହାଭସ୍ମ ଲଲାଟେ ୟଦି ଧାରୟେତ୍ ॥ 21 ॥

ତଦ୍ଦର୍ଶନତ ଏଵ ସ୍ୟୁଃ ପ୍ରାଣିନସ୍ତସ୍ୟ କିଂକରାଃ ।
ରାଜପତ୍ନ୍ୟୋଽପି ଵଶ୍ୟାଃ ସ୍ୟୁଃ କିମନ୍ୟାଃ ପରୟୋଷିତଃ ॥ 22 ॥

ଏତଜ୍ଜପନ୍ନିଶିତୋୟେ ମାସୈକେନ ମହାକଵିଃ ।
ପଂଡିତଶ୍ଚ ମହାଵାଦୀ ଜାୟତେ ନାତ୍ରସଂଶୟଃ ॥ 23 ॥

ଶକ୍ତିଂ ସଂପୂଜ୍ୟ ଦେଵେଶି ପଠେତ୍ ସ୍ତୋତ୍ରଂ ଵରଂ ଶୁଭମ୍ ।
ଇହଲୋକେ ସୁଖଂ ଭୁକ୍ତ୍ଵା ପରତ୍ର ତ୍ରିଦିଵଂ ଵ୍ରଜେତ୍ ॥ 24 ॥

ଇତି ନାମସହସ୍ରଂ ତୁ ପ୍ରତ୍ୟଂଗିର ମନୋହରମ୍ ।
ଗୋପ୍ୟଂ ଗୁହ୍ୟତମଂ ଲୋକେ ଗୋପନୀୟଂ ସ୍ଵୟୋନିଵତ୍ ॥ 25 ॥

ଇତି ଶ୍ରୀରୁଦ୍ରୟାମଲେ ତଂତ୍ରେ ଦଶଵିଦ୍ୟାରହସ୍ୟେ ଶ୍ରୀ ପ୍ରତ୍ୟଂଗିରା ସହସ୍ରନାମ ସ୍ତୋତ୍ରମ୍ ।