ઈશ્વર ઉવાચ
શૃણુ દેવિ પ્રવક્ષ્યામિ સાંપ્રતં તત્પુરાતનમ્ ।
સહસ્રનામ પરમં પ્રત્યંગિરાર્થ સિદ્ધયે ॥ 1 ॥

સહસ્રનામપાઠેન સર્વત્ર વિજયી ભવેત્ ।
પરાભવો ન ચાસ્યાસ્તિ સભાયાં વા વને રણે ॥ 2 ॥

તથા તુષ્ટા ભવેદ્દેવી પ્રત્યંગિરાઽસ્ય પાઠતઃ ।
યથા ભવતિ દેવેશિ સાધકઃ શિવ એવ હિ ॥ 3 ॥

અશ્વમેધસહસ્રાણિ વાજપેયસ્ય કોટયઃ ।
સકૃત્પાઠેન જાયંતે પ્રસન્ના પ્રત્યંગિરા ભવેત્ ॥ 4 ॥

ભૈરવોઽસ્ય ઋષિશ્છંદોઽનુષ્ટુપ્ દેવી સમીરિતા ।
પ્રત્યંગિરા વિનિયોગઃ સર્વસંપત્તિ હેતવે ॥ 5 ॥

સર્વકાર્યેષુ સંસિદ્ધિઃ સર્વસંપત્તિદા ભવેત્ ।
એવં ધ્યાત્વા પઠેદેતદ્યદીચ્છેદાત્મનો હિતમ્ ॥ 6 ॥

અસ્ય શ્રીપ્રત્યંગિરા સહસ્રનામમહામંત્રસ્ય ભૈરવ ઋષિઃ અનુષ્ટુપ્ છંદઃ શ્રીમહાપ્રત્યંગિરા દેવતા હ્રીં બીજં શ્રીં શક્તિઃ સ્વાહા કીલકં પરકૃત્યાવિનાશાર્થે જપે પાઠે વિનિયોગઃ ॥

કરન્યાસઃ
ઓં હ્રાં અંગુષ્ઠાભ્યાં નમઃ ।
ઓં હ્રીં તર્જનીભ્યાં નમઃ ।
ઓં હ્રૂં મધ્યમાભ્યાં નમઃ ।
ઓં હ્રૈં અનામિકાભ્યાં નમઃ ।
ઓં હ્રૌં કનિષ્ઠિકાભ્યાં નમઃ ।
ઓં હ્રઃ કરતલ કરપૃષ્ઠાભ્યાં નમઃ ।

હૃદયાદિ ન્યાસઃ
ઓં હ્રાં હૃદયાય નમઃ ।
ઓં હ્રીં શિરસે સ્વાહા ।
ઓં હ્રૂં શિખાયૈ વષટ્ ।
ઓં હ્રૈં કવચાય હુમ્ ।
ઓં હ્રૌં નેત્રત્રયાય વૌષટ્ ।
ઓં હ્રઃ અસ્ત્રાય ફટ્ ।

ધ્યાનમ્
આશાંબરા મુક્તકચા ઘનચ્છવિ-
-ર્ધ્યેયા સચર્માસિકરા હિ ભૂષણા ।
દંષ્ટ્રોગ્રવક્ત્રા ગ્રસિતા હિતા ત્વયા
પ્રત્યંગિરા શંકરતેજસેરિતા ॥

સ્તોત્રમ્
દેવી પ્રત્યંગિરા દિવ્યા સરસા શશિશેખરા ।
સુમના સામિધેતી ચ સમસ્તસુરશેમુષી ॥ 1 ॥

સર્વસંપત્તિજનની સર્વદા સિંધુસેવિની ।
શંભુસીમંતિની સીમા સુરારાધ્યા સુધારસા ॥ 2 ॥

રસા રસવતી વેલા વન્યા ચ વનમાલિની ।
વનજાક્ષી વનચરી વની વનવિનોદિની ॥ 3 ॥

વેગિની વેગદા વેગબલાસ્યા ચ બલાધિકા ।
કલા કલપ્રિયા કોલી કોમલા કાલકામિની ॥ 4 ॥

કમલા કમલાસ્યા ચ કમલસ્થા કલાવતી ।
કુલીના કુટિલા કાંતા કોકિલા કલભાષિણી ॥ 5 ॥

કીરકીલી કલા કાલી કપાલિન્યપિ કાલિકા ।
કેશિની ચ કુશાવર્તા કૌશાંબી કેશવપ્રિયા ॥ 6 ॥

કાશી કલા મહાકાશી સંકાશા કેશદાયિની ।
કુંડલી કુંડલાસ્યા ચ કુંડલાંગદમંડિતા ॥ 7 ॥

કુણપાલી કુમુદિની કુમુદા પ્રીતિવર્ધિની ।
કુંદપ્રિયા કુંદરુચિઃ કુરંગમદનોદિની ॥ 8 ॥

કુરંગનયના કુંદા કુરુવૃંદાઽભિનંદિની ।
કુસુંભકુસુમા કાંચી ક્વણત્કિંકિણિકા કટા ॥ 9 ॥

કઠોરા કરુણા કાષ્ઠા કૌમુદી કંબુકંઠિની ।
કપર્દિની કપટિની કંઠિની કાલકંઠિકા ॥ 10 ॥

કીરહસ્તા કુમારી ચ કુરુદા કુસુમપ્રિયા ।
કુંજરસ્થા કુંજરતા કુંભિ કુંભસ્તનદ્વયા ॥ 11 ॥

કુંભિગા કરિભોગા ચ કદલી દળશાલિની ।
કુપિતા કોટરસ્થા ચ કંકાલી કંદરોદરા ॥ 12 ॥

એકાંતવાસિની કાંચી કંપમાનશિરોરુહા ।
કાદંબરી કદંબસ્થા કુંકુમપ્રેમધારિણી ॥ 13 ॥

કુટુંબિનીપ્રિયાઽઽકૂતી ક્રતુઃ ક્રતુકરી પ્રિયા ।
કાત્યાયની કૃત્તિકા ચ કાર્તિકેયપ્રવર્તિની ॥ 14 ॥

કામપત્ની કામદાત્રી કામેશી કામવંદિતા ।
કામરૂપા ક્રમાવર્તી કામાક્ષી કામમોહિતા ॥ 15 ॥

ખડ્ગિની ખેચરી ખડ્ગા ખંજરીટેક્ષણા ખલા ।
ખરગા ખરનાથા ચ ખરાસ્યા ખેલનપ્રિયા ॥ 16 ॥

ખરાંશુઃ ખેટિની ખટ્વા ખગા ખટ્વાંગધારિણી ।
ખરખંડિની ખ્યાતા ખંડિતા ખંડનીસ્થિતા ॥ 17 ॥

ખંડપ્રિયા ખંડખાદ્યા સેંદુખંડા ચ ખંડિની ।
ગંગા ગોદાવરી ગૌરી ગોમત્યપિ ચ ગૌતમી ॥ 18 ॥

ગયા ગેયા ગગનગા ગારુડી ગરુડધ્વજા ।
ગીતા ગીતપ્રિયા ગોપા ગંડપ્રીતા ગુણી ગિરા ॥ 19 ॥

ગું ગૌરી મંદમદના ગોકુલા ગોપ્રતારિણી ।
ગોદા ગોવિંદિની ગૂઢા નિર્ગૂઢા ગૂઢવિગ્રહા ॥ 20 ॥

ગુંજિની ગજગા ગોપી ગોત્રક્ષયકરી ગદા ।
ગિરિભૂપાલદુહિતા ગોગા ગોચ્છલવર્ધિની ॥ 21 ॥

ઘનસ્તની ઘનરુચિર્ઘનેહા ઘનનિઃસ્વના ।
ઘૂત્કારિણી ઘૂઘકરી ઘુઘૂકપરિવારિતા ॥ 22 ॥

ઘંટાનાદપ્રિયા ઘંટા ઘનાઘોટકવાહિની ।
ઘોરરૂપા ચ ઘોરા ચ ઘૂતી પ્રતિઘના ઘની ॥ 23 ॥

ઘૃતાચી ઘનપુષ્ટિશ્ચ ઘટા ઘનઘટાઽમૃતા ।
ઘટસ્યા ઘટના ઘોઘઘાતપાતનિવારિણી ॥ 24 ॥

ચંચરીકા ચકોરી ચ ચામુંડા ચીરધારિણી ।
ચાતુરી ચપલા ચક્રચલા ચેલા ચલાઽચલા ॥ 25 ॥

ચતુશ્ચિરંતના ચાકા ચિક્યા ચામીકરચ્છવિઃ ।
ચાપિની ચપલા ચંપૂ ચિંતા ચિંતામણિશ્ચિતા ॥ 26 ॥

ચાતુર્વર્ણ્યમયી ચંચચ્ચૌરાચાર્યા ચમત્કૃતિઃ ।
ચક્રવર્તિવધૂશ્ચક્રા ચક્રાંગા ચક્રમોદિની ॥ 27 ॥

ચેતશ્ચરી ચિત્તવૃત્તિરચેતા ચેતનપ્રદા ।
ચાંપેયી ચંપકપ્રીતિશ્ચંડી ચંડાલવાસિની ॥ 28 ॥

ચિરંજીવિતટા ચિંચા તરુમૂલનિવાસિની ।
છુરિકા છત્રમધ્યસ્થા છિદ્રા છેદકરી છિદા ॥ 29 ॥

છુછુંદરીપલપ્રીતી છુછુંદરીનિભસ્વના ।
છલિની છલદા છત્રા છિટિકા છેકકૃત્તથા ॥ 30 ॥

છગિની છાંદસી છાયા છાયાકૃચ્છાદિરિત્યપિ ।
જયા ચ જયદા જાતી જયસ્થા જયવર્ધિની ॥ 31 ॥

જપાપુષ્પપ્રિયા જપ્યા જૃંભિણી યામલા યુતા ।
જંબૂપ્રિયા જયસ્થા ચ જંગમા જંગમપ્રિયા ॥ 32 ॥

જંતુર્જંતુપ્રધાના ચ જરત્કર્ણા જરદ્ભવા ।
જાતિપ્રિયા જીવનસ્થા જીમૂતસદૃશચ્છવિઃ ॥ 33 ॥

જન્યા જનહિતા જાયા જંભભિજ્જંભમાલિની ।
જવદા જવવદ્વાહા જવાની જ્વરહા જ્વરા ॥ 34 ॥

ઝંઝાનિલમયી ઝંઝા ઝણત્કારકરા તથા ।
ઝિંટીશા ઝંપકૃત્ ઝંપા ઝંપત્રાસનિવારિણી ॥ 35 ॥

ટકારસ્થા ટંકધરા ટંકારા કરશાટિની ।
ઠક્કુરા ઠીત્કૃતી ઠિંઠી ઠિંઠીરવસમાવૃતા ॥ 36 ॥

ઠંઠાનિલમયી ઠંઠા ઠણત્કારકરા ઠસા ।
ડાકિની ડામરી ચૈવ ડિંડિમધ્વનિનંદિની ॥ 37 ॥

ઢક્કાસ્વનપ્રિયા ઢક્કા તપિની તાપિની તથા ।
તરુણી તુંદિલા તુંદા તામસી ચ તપઃપ્રિયા ॥ 38 ॥

તામ્રા તામ્રાંબરા તાલી તાલીદલવિભૂષણા ।
તુરંગા ત્વરિતા ત્રેતા તોતુલા તોદિની તુલા ॥ 39 ॥

તાપત્રયહરા તપ્તા તાલકેશી તમાલિની ।
તમાલદલવચ્છામા તાલમ્લાનવતી તમી ॥ 40 ॥

તામસી ચ તમિસ્રા ચ તીવ્રા તીવ્રપરાક્રમા ।
તટસ્થા તિલતૈલાક્તા તરણી તપનદ્યુતિઃ ॥ 41 ॥

તિલોત્તમા તિલકકૃત્તારકાધીશશેખરા ।
તિલપુષ્પપ્રિયા તારા તારકેશી કુટુંબિની ॥ 42 ॥

સ્થાણુપત્ની સ્થિતિકરી સ્થલસ્થા સ્થલવર્ધિની ।
સ્થિતિઃ સ્થૈર્યા સ્થવિષ્ઠા ચ સ્થાપતિઃ સ્થલવિગ્રહા ॥ 43 ॥

દંતિની દંડિની દીના દરિદ્રા દીનવત્સલા ।
દેવી દેવવધૂર્દૈત્યદમની દંતભૂષણા ॥ 44 ॥

દયાવતી દમવતી દમદા દાડિમસ્તની ।
દંદશૂકનિભા દૈત્યદારિણી દેવતાનના ॥ 45 ॥

દોલાક્રીડા દલાયુશ્ચ દંપતી દેવતામયી ।
દશા દીપસ્થિતા દોષા દોષહા દોષકારિણી ॥ 46 ॥

દુર્ગા દુર્ગાર્તિશમની દુર્ગમા દુર્ગવાસિની ।
દુર્ગંધનાશિની દુઃસ્થા દુઃસ્વપ્નશમકારિણી ॥ 47 ॥

દુર્વારા દુંદુભી ભ્રાંતા દૂરસ્થા દૂરવાસિની ।
દરહા દરદા દાત્રી દાયાદા દુહિતા દયા ॥ 48 ॥

ધુરંધરા ધુરીણા ચ ધૌરી ધી ધનદાયિની ।
ધીરાઽધીરા ધરિત્રી ચ ધર્મદા ધીરમાનસા ॥ 49 ॥

ધનુર્ધરા ચ દમની ધૂર્તા ધૂર્તપરિગ્રહા ।
ધૂમવર્ણા ધૂમપાના ધૂમલા ધૂમમોહિની ॥ 50 ॥

નલિની નંદિની નંદા નાદિની નંદબાલિકા ।
નવીના નર્મદા નર્મિનેમિર્નિયમનિશ્ચયા ॥ 51 ॥

નિર્મલા નિગમાચારા નિમ્નગા નગ્નકામિની ।
નીતિર્નિરંતરા નગ્ની નિર્લેપા નિર્ગુણા નતિઃ ॥ 52 ॥

નીલગ્રીવા નિરીહા ચ નિરંજનજની નવી ।
નવનીતપ્રિયા નારી નરકાર્ણવતારિણી ॥ 53 ॥

નારાયણી નિરાકારા નિપુણા નિપુણપ્રિયા ।
નિશા નિદ્રા નરેંદ્રસ્થા નમિતાઽનમિતાપિ ચ ॥ 54 ॥

નિર્ગુંડિકા ચ નિર્ગુંડા નિર્માંસાઽનામિકા નિભા ।
પતાકિની પતાકા ચ પલપ્રીતિર્યશસ્વિની ॥ 55 ॥

પીના પીનસ્તના પત્ની પવનાશનશાયિની ।
પરાઽપરા કલાપાઽઽપ્પા પાકકૃત્યરતિ પ્રિયા ॥ 56 ॥

પવનસ્થા સુપવના તાપસીપ્રીતિવર્ધિની ।
પશુવૃદ્ધિકરી પુષ્ટિઃ પોષણી પુષ્પવર્ધિની ॥ 57 ॥

પુષ્પિણી પુસ્તકકરા પુન્નાગતલવાસિની ।
પુરંદરપ્રિયા પ્રીતિઃ પુરમાર્ગનિવાસિની ॥ 58 ॥

પાશી પાશકરા પાશા બંધુહા પાંસુલા પશુઃ ।
પટુઃ પટાસા પરશુધારિણી પાશિની તથા ॥ 59 ॥

પાપઘ્ની પતિપત્ની ચ પતિતાઽપતિતાપિ ચ ।
પિશાચી ચ પિશાચઘ્ની પિશિતાશનતોષિતા ॥ 60 ॥

પાનદા પાનપાત્રા ચ પાનદાનકરોદ્યતા ।
પેયા પ્રસિદ્ધા પીયૂષા પૂર્ણા પૂર્ણમનોરથા ॥ 61 ॥

પતદ્ગર્ભા પતદ્ગાત્રા પાતપુણ્યપ્રિયા પુરી ।
પંકિલા પંકમગ્ના ચ પાનીયા પંજરસ્થિતા ॥ 62 ॥

પંચમી પંચયજ્ઞા ચ પંચતા પંચમપ્રિયા ।
પંચમુદ્રા પુંડરીકા પિકી પિંગળલોચના ॥ 63 ॥

પ્રિયંગુમંજરી પિંડી પિંડિતા પાંડુરપ્રભા ।
પ્રેતાસના પ્રિયાલુસ્થા પાંડુઘ્ની પીતસાપહા ॥ 64 ॥

ફલિની ફલધાત્રી ચ ફલશ્રીઃ ફણિભૂષણા ।
ફૂત્કારકારિણી સ્ફારા ફુલ્લા ફુલ્લાંબુજાસના ॥ 65 ॥

ફિરંગહા સ્ફીતમતિઃ સ્ફીતિઃ સ્ફીતકરી તથા ।
બલમાયા બલારાતિર્બલિની બલવર્ધિની ॥ 66 ॥

વેણુવાદ્યા વનચરી વિરાવજનયિત્રી ચ ।
વિદ્યા વિદ્યાપ્રદા વિદ્યાબોધિની બોધદાયિની ॥ 67 ॥

બુદ્ધમાતા ચ બુદ્ધા ચ વનમાલાવતી વરા ।
વરદા વારુણી વીણા વીણાવાદનતત્પરા ॥ 68 ॥

વિનોદિની વિનોદસ્થા વૈષ્ણવી વિષ્ણુવલ્લભા ।
વૈદ્યા વૈદ્યચિકિત્સા ચ વિવશા વિશ્વવિશ્રુતા ॥ 69 ॥

વિદ્વત્કવિકલા વેત્તા વિતંદ્રા વિગતજ્વરા ।
વિરાવા વિવિધારાવા બિંબોષ્ઠી બિંબવત્સલા ॥ 70 ॥

વિંધ્યસ્થા વીરવંદ્યા ચ વરીયસાપરાધવિત્ ।
વેદાંતવેદ્યા વેદ્યા ચ વૈદ્યા ચ વિજયપ્રદા ॥ 71 ॥

વિરોધવર્ધિની વંધ્યા વંધ્યાબંધનિવારિણી ।
ભગિની ભગમાલા ચ ભવાની ભવભાવિની ॥ 72 ॥

ભીમા ભીમાનના ભૈમી ભંગુરા ભીમદર્શના ।
ભિલ્લી ભલ્લધરા ભીરુર્ભેરુંડા ચૈભભયાપહા ॥ 73 ॥

ભગસર્પિણ્યપિ ભગા ભગરૂપા ભગાલયા ।
ભગાસના ભગામોદા ભેરી ભાંકારરંજિની ॥ 74 ॥

ભીષણાઽભીષણા સર્વા ભગવત્યપિ ભૂષણા ।
ભારદ્વાજી ભોગદાત્રી ભવઘ્ની ભૂતિભૂષણા ॥ 75 ॥

ભૂતિદા ભૂમિદાત્રી ચ ભૂપતિત્વપ્રદાયિની ।
ભ્રમરી ભ્રામરી નીલા ભૂપાલમુકુટસ્થિતા ॥ 76 ॥

મત્તા મનોહરા મના માનિની મોહની મહા ।
મહાલક્ષ્મીર્મદાક્ષીબા મદિરા મદિરાલયા ॥ 77 ॥

મદોદ્ધતા મતંગસ્થા માધવી મધુમંથિની ।
મેધા મેધાકરી મેધ્યા મધ્યા મધ્યવયસ્થિતા ॥ 78 ॥

મદ્યપા માંસલા મત્સ્યા મોદિની મૈથુનોદ્ધતા ।
મુદ્રા મુદ્રાવતી માતા માયા મહિમમંદિરા ॥ 79 ॥

મહામાયા મહાવિદ્યા મહામારી મહેશ્વરી ।
મહાદેવવધૂર્માન્યા મથુરા મેરુમંડલા ॥ 80 ॥

મેદસ્વની મેદસુશ્રીર્મહિષાસુરમર્દિની ।
મંડપસ્થા મઠસ્થાઽમા માલા માલાવિલાસિની ॥ 81 ॥

મોક્ષદા મુંડમાલા ચ મંદિરાગર્ભગર્ભિતા ।
માતંગિની ચ માતંગી મતંગતનયા મધુઃ ॥ 82 ॥

મધુસ્રવા મધુરસા મધૂકકુસુમપ્રિયા ।
યામિની યામિનીનાથભૂષા યાવકરંજિતા ॥ 83 ॥

યવાંકુરપ્રિયા યામા યવની યવનાધિપા ।
યમઘ્ની યમવાણી ચ યજમાનસ્વરૂપિણી ॥ 84 ॥

યજ્ઞા યજ્યા યજુર્યજ્વા યશોનિકરકારિણી ।
યજ્ઞસૂત્રપ્રદા જ્યેષ્ઠા યજ્ઞકર્મકરી યશા ॥ 85 ॥

યશસ્વિની યજ્ઞસંસ્થા યૂપસ્તંભનિવાસિની ।
રંજિતા રાજપત્ની ચ રમા રેખા રવી રણી ॥ 86 ॥

રજોવતી રજશ્ચિત્રા રજની રજનીપતિઃ ।
રાગિણી રાજિની રાજ્યા રાજ્યદા રાજ્યવર્ધિની ॥ 87 ॥

રાજન્વતી રાજનીતિસ્તુર્યા રાજનિવાસિની ।
રમણી રમણીયા ચ રામા રામવતી રતિઃ ॥ 88 ॥

રેતોવતી રતોત્સાહા રોગહા રોગકારિણી ।
રંગા રંગવતી રાગા રાગજ્ઞા રાગિની રણા ॥ 89 ॥

રંજિકા રંજકી રંજા રંજિની રક્તલોચના ।
રક્તચર્મધરા રંત્રી રક્તસ્થા રક્તવાહિની ॥ 90 ॥

રંભા રંભાફલપ્રીતી રંભોરૂ રાઘવપ્રિયા ।
રંગભૃદ્રંગમધુરા રોદસી રોદસીગૃહા ॥ 91 ॥

રોગકર્ત્રી રોગહર્ત્રી ચ રોગભૃદ્રોગશાયિની ।
વંદી વંદિસ્તુતા બંધુર્બંધૂકકુસુમાધરા ॥ 92 ॥

વંદિતા વંદિમાતા બંધુરા બૈંદવી વિભા ।
વિંકી વિંકપલા વિંકા વિંકસ્થા વિંકવત્સલા ॥ 93 ॥

વેદૈર્વિલગ્ના વિગ્ના ચ વિધિર્વિધિકરી વિધા ।
શંખિની શંખનિલયા શંખમાલાવતી શમી ॥ 94 ॥

શંખપાત્રાશિની શંખાઽશંખા શંખગલા શશી ।
શિંબી શરાવતી શ્યામા શ્યામાંગી શ્યામલોચના ॥ 95 ॥

શ્મશાનસ્થા શ્મશાના ચ શ્મશાનસ્થલભૂષણા ।
શર્મદા શમહર્ત્રી ચ શાકિની શંકુશેખરા ॥ 96 ॥

શાંતિઃ શાંતિપ્રદા શેષા શેષસ્થા શેષશાયિની ।
શેમુષી શોષિણી શૌરી શારિઃ શૌર્યા શરા શરી ॥ 97 ॥

શાપદા શાપહારી શ્રીઃ શંપા શપથચાપિની ।
શૃંગિણી શૃંગિપલભુક્ શંકરી શાંકરી તથા ॥ 98 ॥

શંકા શંકાપહા શંસ્થા શાશ્વતી શીતલા શિવા ।
શવસ્થા શવભુક્ શૈવી શાવવર્ણા શવોદરી ॥ 99 ॥

શાયિની શાવશયના શિંશિપા શિંશિપાયતા ।
શવાકુંડલિની શૈવા શંકરા શિશિરા શિરા ॥ 100 ॥

શવકાંચી શવશ્રીકા શવમાલા શવાકૃતિઃ ।
શંપિની શંકુશક્તિઃ શં શંતનુઃ શીલદાયિની ॥ 101 ॥

સિંધુઃ સરસ્વતી સિંધુસુંદરી સુંદરાનના ।
સાધુસિદ્ધિઃ સિદ્ધિદાત્રી સિદ્ધા સિદ્ધસરસ્વતી ॥ 102 ॥

સંતતિઃ સંપદા સંપત્સંવિત્સંપત્તિદાયિની ।
સપત્ની સરસા સારા સરસ્વતિકરી સુધા ॥ 103 ॥

સરઃ સમા સમાના ચ સમારાધ્યા સમસ્તદા ।
સમિદ્ધા સમદા સંમા સમ્મોહા સમદર્શના ॥ 104 ॥

સમિતિઃ સમિધા સીમા સાવિત્રી સંવિદા સતી ।
સવના સવનાધારા સાવના સમરા સમી ॥ 105 ॥

સમીરા સુમના સાધ્વી સધ્રીચીન્યસહાયિની ।
હંસી હંસગતિર્હંસા હંસોજ્જ્વલનિચોલયુક્ ॥ 106 ॥

હલિની હલદા હાલા હરશ્રીર્હરવલ્લભા ।
હેલા હેલાવતી હ્રેષા હ્રેષસ્થા હ્રેષવર્ધિની ॥ 107 ॥

હંતા હાનિર્હયાહ્વા હૃદ્ધંતહા હંતહારિણી ।
હુંકારી હંતકૃદ્ધંકા હીહા હાહા હતાહિતા ॥ 108 ॥

હેમા પ્રભા હરવતી હારીતા હરિસમ્મતા ।
હોરી હોત્રી હોલિકા ચ હોમ્યા હોમા હવિર્હરિઃ ॥ 109 ॥

હારિણી હરિણીનેત્રા હિમાચલનિવાસિની ।
લંબોદરી લંબકર્ણા લંબિકા લંબવિગ્રહા ॥ 110 ॥

લીલા લીલાવતી લોલા લલના લાલિતાલતા ।
લલામલોચના લોચ્યા લોલાક્ષી લક્ષણા લટા ॥ 111 ॥

લંપતી લુંપતી લંપા લોપામુદ્રા લલંતિ ચ ।
લતિકા લંઘિકા લંઘા લઘિમા લઘુમધ્યમા ॥ 112 ॥

લઘ્વીયસી લઘૂદર્કા લૂતા લૂતનિવારિણી ।
લોમભૃલ્લોમલોમ્ની ચ લુલુતી લુલુલુંપિની ॥ 113 ॥

લુલાયસ્થા ચ લહરી લંકાપુરપુરંદરી ।
લક્ષ્મીર્લક્ષ્મીપ્રદા લક્ષ્યા લક્ષ્યબલગતિપ્રદા ॥ 114 ॥

ક્ષણક્ષપા ક્ષણક્ષીણા ક્ષમા ક્ષાંતિઃ ક્ષમાવતી ।
ક્ષામા ક્ષામોદરી ક્ષોણી ક્ષોણિભૃત્ ક્ષત્રિયાંગના ॥ 115 ॥

ક્ષપા ક્ષપાકરી ક્ષીરા ક્ષીરદા ક્ષીરસાગરા ।
ક્ષીણંકરી ક્ષયકરી ક્ષયભૃત્ ક્ષયદા ક્ષતિઃ ।
ક્ષરંતી ક્ષુદ્રિકા ક્ષુદ્રા ક્ષુત્ક્ષામા ક્ષરપાતકા ॥ 116 ॥

ફલશ્રુતિઃ –
માતુઃ સહસ્રનામેદં પ્રત્યંગિરાસિદ્ધિદાયકમ્ ॥ 1 ॥
યઃ પઠેત્પ્રયતો નિત્યં દરિદ્રો ધનદો ભવેત્ ।

અનાચાંતઃ પઠેન્નિત્યં સ ચાપિ સ્યાન્મહેશ્વરઃ ।
મૂકઃ સ્યાદ્વાક્પતિર્દેવી રોગી નીરોગતાં ભવેત્ ॥ 2 ॥

અપુત્રઃ પુત્રમાપ્નોતિ ત્રિષુલોકેષુ વિશ્રુતમ્ ।
વંધ્યાપિ સૂતે તનયાન્ ગાવશ્ચ બહુદુગ્ધદાઃ ॥ 3 ॥

રાજાનઃ પાદનમ્રાઃ સ્યુસ્તસ્ય દાસા ઇવ સ્ફુટાઃ ।
અરયઃ સંક્ષયં યાંતિ મનસા સંસ્મૃતા અપિ ॥ 4 ॥

દર્શનાદેવ જાયંતે નરા નાર્યોઽપિ તદ્વશાઃ ।
કર્તા હર્તા સ્વયંવીરો જાયતે નાત્રસંશયઃ ॥ 5 ॥

યં યં કામયતે કામં તં તં પ્રાપ્નોતિ નિશ્ચિતમ્ ।
દુરિતં ન ચ તસ્યાસ્તિ નાસ્તિ શોકઃ કદાચન ॥ 6 ॥

ચતુષ્પથેઽર્ધરાત્રે ચ યઃ પઠેત્સાધકોત્તમઃ ।
એકાકી નિર્ભયો ધીરો દશાવર્તં નરોત્તમઃ ॥ 7 ॥

મનસા ચિંતિતં કાર્યં તસ્ય સિદ્ધિર્ન સંશયમ્ ।
વિના સહસ્રનામ્નાં યો જપેન્મંત્રં કદાચન ॥ 8 ॥

ન સિદ્ધો જાયતે તસ્ય મંત્રઃ કલ્પશતૈરપિ ।
કુજવારે શ્મશાને ચ મધ્યાહ્ને યો જપેત્તથા ॥ 9 ॥

શતાવર્ત્યા સ જયેત કર્તા હર્તા નૃણામિહ ।
રોગાર્તો યો નિશીથાંતે પઠેદંભસિ સંસ્થિતઃ ॥ 10 ॥

સદ્યો નીરોગતામેતિ યદિ સ્યાન્નિર્ભયસ્તદા ।
અર્ધરાત્રે શ્મશાને વા શનિવારે જપેન્મનુમ્ ॥ 11 ॥

અષ્ટોત્તરસહસ્રં તુ દશવારં જપેત્તતઃ ।
સહસ્રનામમેત્તદ્ધિ તદા યાતિ સ્વયં શિવા ॥ 12 ॥

મહાપવનરૂપેણ ઘોરગોમાયુનાદિની ।
તદા યદિ ન ભીતિઃ સ્યાત્તતો દેહીતિ વાગ્ભવેત્ ॥ 13 ॥

તદા પશુબલિં દદ્યાત્ સ્વયં ગૃહ્ણાતિ ચંડિકા ।
યથેષ્ટં ચ વરં દત્ત્વા યાતિ પ્રત્યંગિરા શિવા ॥ 14 ॥

રોચનાગુરુકસ્તૂરી કર્પૂરમદચંદનૈઃ ।
કુંકુમપ્રથમાભ્યાં તુ લિખિતં ભૂર્જપત્રકે ॥ 15 ॥

શુભનક્ષત્રયોગે તુ સમભ્યર્ચ્ય ઘટાંતરે ।
કૃતસંપાતનાત્સિદ્ધં ધાર્યંતદ્દક્ષિણેકરે ॥ 16 ॥

સહસ્રનામસ્વર્ણસ્થં કંઠે વાપિ જિતેંદ્રિયઃ ।
તદાયં પ્રણમેન્મંત્રી ક્રુદ્ધઃ સમ્રિયતે નરઃ ॥ 17 ॥

યસ્મૈ દદાતિ ચ સ્વસ્તિ સ ભવેદ્ધનદોપમઃ ।
દુષ્ટશ્વાપદજંતૂનાં ન ભીઃ કુત્રાપિ જાયતે ॥ 18 ॥

બાલકાનામિયં રક્ષા ગર્ભિણીનામપિ ધ્રુવમ્ ।
મોહન સ્તંભનાકર્ષમારણોચ્ચાટનાનિ ચ ॥ 19 ॥

યંત્રધારણતો નૂનં સિધ્યંતે સાધકસ્ય ચ ।
નીલવસ્ત્રે વિલિખિતં ધ્વજાયાં યદિ તિષ્ઠતિ ॥ 20 ॥

તદા નષ્ટા ભવત્યેવ પ્રચંડા પરવાહિની ।
એતજ્જપ્તં મહાભસ્મ લલાટે યદિ ધારયેત્ ॥ 21 ॥

તદ્દર્શનત એવ સ્યુઃ પ્રાણિનસ્તસ્ય કિંકરાઃ ।
રાજપત્ન્યોઽપિ વશ્યાઃ સ્યુઃ કિમન્યાઃ પરયોષિતઃ ॥ 22 ॥

એતજ્જપન્નિશિતોયે માસૈકેન મહાકવિઃ ।
પંડિતશ્ચ મહાવાદી જાયતે નાત્રસંશયઃ ॥ 23 ॥

શક્તિં સંપૂજ્ય દેવેશિ પઠેત્ સ્તોત્રં વરં શુભમ્ ।
ઇહલોકે સુખં ભુક્ત્વા પરત્ર ત્રિદિવં વ્રજેત્ ॥ 24 ॥

ઇતિ નામસહસ્રં તુ પ્રત્યંગિર મનોહરમ્ ।
ગોપ્યં ગુહ્યતમં લોકે ગોપનીયં સ્વયોનિવત્ ॥ 25 ॥

ઇતિ શ્રીરુદ્રયામલે તંત્રે દશવિદ્યારહસ્યે શ્રી પ્રત્યંગિરા સહસ્રનામ સ્તોત્રમ્ ।