কৈলাসশিখরে রম্য়ে গৌরী পপ্রচ্ছ শংকরম্ ।
ব্রহ্মাংডাখিলনাথস্ত্বং সৃষ্টিসংহারকারকঃ ॥ 1 ॥

ত্বমেব পূজ্যসে লোকৈর্ব্রহ্মবিষ্ণুসুরাদিভিঃ ।
নিত্য়ং পঠসি দেবেশ কস্য় স্তোত্রং মহেশ্বর ॥ 2 ॥

আশ্চর্যমিদমত্য়ংতং জাযতে মম শংকর ।
তত্প্রাণেশ মহাপ্রাজ্ঞ সংশয়ং ছিংধি মে প্রভো ॥ 3 ॥

শ্রীমহাদেব উবাচ-
ধন্য়াসি কৃতপুণ্য়াসি পার্বতি প্রাণবল্লভে ।
রহস্য়াতিরহস্য়ং চ যত্পৃচ্ছসি বরাননে ॥ 4 ॥

স্ত্রীস্বভাবান্মহাদেবি পুনস্ত্বং পরিপৃচ্ছসি ।
গোপনীয়ং গোপনীয়ং গোপনীয়ং প্রযত্নতঃ ॥ 5 ॥

দত্তে চ সিদ্ধিহানিঃ স্য়াত্তস্মাদ্যত্নেন গোপয়েত্ ।
ইদং রহস্য়ং পরমং পুরুষার্থপ্রদাযকম্ ॥ 6 ॥

ধনরত্নৌঘমাণিক্য়ং তুরংগং চ গজাদিকম্ ।
দদাতি স্মরণাদেব মহামোক্ষপ্রদাযকম্ ॥ 7 ॥

তত্তেঽহং সংপ্রবক্ষ্য়ামি শৃণুষ্বাবহিতা প্রিয়ে ।
যোঽসৌ নিরংজনো দেবশ্চিত্স্বরূপী জনার্দনঃ ॥ 8 ॥

সংসারসাগরোত্তারকারণায় নৃণাং সদা ।
শ্রীরংগাদিকরূপেণ ত্রৈলোক্য়ং ব্য়াপ্য় তিষ্ঠতি ॥ 9 ॥

ততো লোকা মহামূঢা বিষ্ণুভক্তিবিবর্জিতাঃ ।
নিশ্চয়ং নাধিগচ্ছংতি পুনর্নারাযণো হরিঃ ॥ 10 ॥

নিরংজনো নিরাকারো ভক্তানাং প্রীতিকামদঃ ।
বৃংদাবনবিহারায় গোপালং রূপমুদ্বহন্ ॥ 11 ॥

মুরলীবাদনাধারী রাধায়ৈ প্রীতিমাবহন্ ।
অংশাংশেভ্য়ঃ সমুন্মীল্য় পূর্ণরূপকলায়ুতঃ ॥ 12 ॥

শ্রীকৃষ্ণচংদ্রো ভগবান্ নংদগোপবরোদ্যতঃ ।
ধরণীরূপিণী মাতা যশোদা নংদগেহিনী ॥ 13 ॥

দ্বাভ্য়াং প্রয়াচিতো নাথো দেবক্য়াং বসুদেবতঃ ।
ব্রহ্মণাঽভ্যর্থিতো দেবো দেবৈরপি সুরেশ্বরঃ ॥ 14 ॥

জাতোঽবন্য়াং চ মুদিতো মুরলীবাচনেচ্ছয়া ।
শ্রিয়া সার্ধং বচঃ কৃত্বা ততো জাতো মহীতলে ॥ 15 ॥

সংসারসারসর্বস্বং শ্য়ামলং মহদুজ্জ্বলম্ ।
এতজ্জ্য়োতিরহং বংদ্য়ং চিংতয়ামি সনাতনম্ ॥ 16 ॥

গৌরতেজো বিনা যস্তু শ্য়ামতেজস্সমর্চয়েত্ ।
জপেদ্বা ধ্য়াযতে বাপি স ভবেত্পাতকী শিবে ॥ 17 ॥

স ব্রহ্মহা সুরাপী চ স্বর্ণস্তেয়ী চ পংচমঃ ।
এতৈর্দোষৈর্বিলিপ্য়েত তেজোভেদান্মহীশ্বরি ॥ 18 ॥

তস্মাজ্জ্য়োতিরভূদ্দ্বেধা রাধামাধবরূপকম্ ।
তস্মাদিদং মহাদেবি গোপালেনৈব ভাষিতম্ ॥ 19 ॥

দুর্বাসসো মুনের্মোহে কার্তিক্য়াং রাসমংডলে ।
ততঃ পৃষ্টবতী রাধা সংদেহং ভেদমাত্মনঃ ॥ 20 ॥

নিরংজনাত্সমুত্পন্নং মায়াতীতং জগন্মযম্ ।
শ্রীকৃষ্ণেন ততঃ প্রোক্তং রাধায়ৈ নারদায় চ ॥ 21 ॥

ততো নারদতস্সর্বং বিরলা বৈষ্ণবাস্তথা ।
কলৌ জানংতি দেবেশি গোপনীয়ং প্রযত্নতঃ ॥ 22 ॥

শঠায় কৃপণায়াথ ডাংভিকায় সুরেশ্বরি ।
ব্রহ্মহত্য়ামবাপ্নোতি তস্মাদ্যত্নেন গোপয়েত্ ॥ 23 ॥

ওং অস্য় শ্রীগোপালসহস্রনামস্তোত্র মহামংত্রস্য় শ্রীনারদ ঋষিঃ, অনুষ্টুপ্ ছংদঃ, শ্রীগোপালো দেবতা, কামো বীজং, মায়া শক্তিঃ, চংদ্রঃ কীলকং, শ্রীকৃষ্ণচংদ্র ভক্তিরূপফলপ্রাপ্তয়ে শ্রীগোপালসহস্রনামস্তোত্রজপে বিনিয়োগঃ ।

ওং ঐং ক্লীং বীজং, শ্রীং হ্রীং শক্তিঃ, শ্রী বৃংদাবননিবাসঃ কীলকং, শ্রীরাধাপ্রিয়ং পরং ব্রহ্মেতি মংত্রঃ, ধর্মাদি চতুর্বিধ পুরুষার্থসিদ্ধ্যর্থে জপে বিনিয়োগঃ ।

ন্য়াসঃ ।
ওং নারদ ঋষয়ে নমঃ শিরসি ।
অনুষ্টুপ্ ছংদসে নমঃ মুখে ।
শ্রীগোপালদেবতায়ৈ নমঃ হৃদয়ে ।
ক্লীং কীলকায় নমঃ নাভৌ ।
হ্রীং শক্তয়ে নমঃ গুহ্য়ে ।
শ্রীং কীলকায় নমঃ ফালয়োঃ ।
ওং ক্লীং কৃষ্ণায় গোবিংদায় গোপীজনবল্লভায় স্বাহা ইতি মূলমংত্রঃ ।

করন্য়াসঃ ।
ওং ক্লাং অংগুষ্ঠাভ্য়াং নমঃ ।
ওং ক্লীং তর্জনীভ্য়াং নমঃ ।
ওং ক্লূং মধ্যমাভ্য়াং নমঃ ।
ওং ক্লৈং অনামিকাভ্য়াং নমঃ ।
ওং ক্লৌং কনিষ্ঠিকাভ্য়াং নমঃ ।
ওং ক্লঃ করতলকরপৃষ্ঠাভ্য়াং নমঃ ।

হৃদয়াদিন্য়াসঃ ।
ওং ক্লাং হৃদয়ায় নমঃ ।
ওং ক্লীং শিরসে স্বাহা ।
ওং ক্লূং শিখায়ৈ বষট্ ।
ওং ক্লৈং কবচায় হুম্ ।
ওং ক্লৌং নেত্রত্রয়ায় বৌষট্ ।
ওং ক্লঃ অস্ত্রায় ফট্ ।

মূলমংত্রন্য়াসঃ ।
ক্লীং অংগুষ্ঠাভ্য়াং নমঃ ।
কৃষ্ণায় তর্জনীভ্য়াং নমঃ ।
গোবিংদায় মধ্যমাভ্য়াং নমঃ ।
গোপীজন অনামিকাভ্য়াং নমঃ ।
বল্লভায় কনিষ্ঠিকাভ্য়াং নমঃ ।
স্বাহা করতলকরপৃষ্ঠাভ্য়াং নমঃ ।
ক্লীং হৃদয়ায় নমঃ ।
কৃষ্ণায় শিরসে স্বাহা ।
গোবিংদায় শিখায়ৈ বষট্ ।
গোপীজন কবচায় হুম্ ।
বল্লভায় নেত্রত্রয়ায় বৌষট্ ।
স্বাহা অস্ত্রায় ফট্ ।

ধ্য়ানম্ ।

ফুল্লেংদীবরকাংতিমিংদুবদনং বর্হাবতংসপ্রিয়ং
শ্রীবত্সাংকমুদারকৌস্তুভধরং পীতাংবরং সুংদরম্ ।
গোপীনাং নযনোত্পলার্চিততনুং গোগোপসংঘাবৃতং
গোবিংদং কলবেণুবাদনপরং দিব্য়াংগভূষং ভজে ॥ 1 ॥

কস্তূরীতিলকং ললাটফলকে বক্ষস্স্থলে কৌস্তুভং
নাসাগ্রে বরমৌক্তিকং করতলে বেণুং করে কংকণম্ ।
সর্বাংগে হরিচংদনং চ কলযন্ কংঠে চ মুক্তাবলিং
গোপস্ত্রীপরিবেষ্টিতো বিজযতে গোপালচূডামণিঃ ॥ 2 ॥

ওং ক্লীং দেবঃ কামদেবঃ কামবীজশিরোমণিঃ ।
শ্রীগোপালো মহীপালো বেদবেদাংগপারগঃ ॥ 1 ॥

কৃষ্ণঃ কমলপত্রাক্ষঃ পুংডরীকঃ সনাতনঃ ।
গোপতির্ভূপতিঃ শাস্তা প্রহর্তা বিশ্বতোমুখঃ ॥ 2 ॥

আদিকর্তা মহাকর্তা মহাকালঃ প্রতাপবান্ ।
জগজ্জীবো জগদ্ধাতা জগদ্ভর্তা জগদ্বসুঃ ॥ 3 ॥

মত্স্য়ো ভীমঃ কুহূভর্তা হর্তা বারাহমূর্তিমান্ ।
নারাযণো হৃষীকেশো গোবিংদো গরুডধ্বজঃ ॥ 4 ॥

গোকুলেশো মহাচংদ্রঃ শর্বরীপ্রিযকারকঃ ।
কমলামুখলোলাক্ষঃ পুংডরীকঃ শুভাবহঃ ॥ 5 ॥

দুর্বাসাঃ কপিলো ভৌমঃ সিংধুসাগরসংগমঃ ।
গোবিংদো গোপতির্গোত্রঃ কালিংদীপ্রেমপূরকঃ ॥ 6 ॥

গোপস্বামী গোকুলেংদ্রঃ গোবর্ধনবরপ্রদঃ ।
নংদাদিগোকুলত্রাতা দাতা দারিদ্র্যভংজনঃ ॥ 7 ॥

সর্বমংগলদাতা চ সর্বকামবরপ্রদঃ ।
আদিকর্তা মহীভর্তা সর্বসাগরসিংধুজঃ ॥ 8 ॥

গজগামী গজোদ্ধারী কামী কামকলানিধিঃ ।
কলংকরহিতশ্চংদ্রো বিংবাস্য়ো বিংবসত্তমঃ ॥ 9 ॥

মালাকারঃ কৃপাকারঃ কোকিলস্বরভূষণঃ ।
রামো নীলাংবরো দেহী হলী দ্বিবিদমর্দনঃ ॥ 10 ॥

সহস্রাক্ষপুরীভেত্তা মহামারীবিনাশনঃ ।
শিবঃ শিবতমো ভেত্তা বলারাতিপ্রপূজকঃ ॥ 11 ॥

কুমারীবরদায়ী চ বরেণ্য়ো মীনকেতনঃ ।
নরো নারাযণো ধীরো ধরাপতিরুদারধীঃ ॥ 12 ॥

শ্রীপতিঃ শ্রীনিধিঃ শ্রীমান্ মাপতিঃ প্রতিরাজহা ।
বৃংদাপতিঃ কুলং গ্রামী ধাম ব্রহ্মসনাতনঃ ॥ 13 ॥

রেবতীরমণো রামঃ প্রিযশ্চংচললোচনঃ ।
রামাযণশরীরশ্চ রামো রামঃ শ্রিয়ঃপতিঃ ॥ 14 ॥

শর্বরঃ শর্বরী শর্বঃ সর্বত্র শুভদাযকঃ ।
রাধারাধয়িতারাধী রাধাচিত্তপ্রমোদকঃ ॥ 15 ॥

রাধারতিসুখোপেতো রাধামোহনতত্পরঃ ।
রাধাবশীকরো রাধাহৃদয়াংভোজষট্পদঃ ॥ 16 ॥

রাধালিংগনসম্মোদো রাধানর্তনকৌতুকঃ ।
রাধাসংজাতসংপ্রীতো রাধাকামফলপ্রদঃ ॥ 17 ॥

বৃংদাপতিঃ কোকনিধিঃ কোকশোকবিনাশনঃ ।
চংদ্রাপতিশ্চংদ্রপতিশ্চংডকোদংডভংজনঃ ॥ 18 ॥

রামো দাশরথী রামো ভৃগুবংশসমুদ্ভবঃ ।
আত্মারামো জিতক্রোধো মোহো মোহাংধভংজনঃ ॥ 19 ॥

বৃষভানুভবো ভাবী কাশ্যপিঃ করুণানিধিঃ ।
কোলাহলো হলো হালী হলী হলধরপ্রিয়ঃ ॥ 20 ॥

রাধামুখাব্জমার্তাংডো ভাস্করো রবিজো বিধুঃ ।
বিধির্বিধাতা বরুণো বারুণো বারুণীপ্রিয়ঃ ॥ 21 ॥

রোহিণীহৃদয়ানংদী বসুদেবাত্মজো বলিঃ ।
নীলাংবরো রৌহিণেয়ো জরাসংধবধোঽমলঃ ॥ 22 ॥

নাগো জবাংভো বিরুদো বীরহা বরদো বলী ।
গোপদো বিজয়ী বিদ্বান্ শিপিবিষ্টঃ সনাতনঃ ॥ 23 ॥

পরশুরামবচোগ্রাহী বরগ্রাহী সৃগালহা ।
দমঘোষোপদেষ্টা চ রথগ্রাহী সুদর্শনঃ ॥ 24 ॥

বীরপত্নীযশস্ত্রাতা জরাব্য়াধিবিঘাতকঃ ।
দ্বারকাবাসতত্ত্বজ্ঞো হুতাশনবরপ্রদঃ ॥ 25 ॥

যমুনাবেগসংহারী নীলাংবরধরঃ প্রভুঃ ।
বিভুঃ শরাসনো ধন্বী গণেশো গণনাযকঃ ॥ 26 ॥

লক্ষ্মণো লক্ষণো লক্ষ্য়ো রক্ষোবংশবিনাশকঃ ।
বামনো বামনীভূতো বমনো বমনারুহঃ ॥ 27 ॥

যশোদানংদনঃ কর্তা যমলার্জুনমুক্তিদঃ ।
উলূখলী মহামানো দামবদ্ধাহ্বয়ী শমী ॥ 28 ॥

ভক্তানুকারী ভগবান্ কেশবোঽচলধারকঃ ।
কেশিহা মধুহা মোহী বৃষাসুরবিঘাতকঃ ॥ 29 ॥

অঘাসুরবিঘাতী চ পূতনামোক্ষদাযকঃ ।
কুব্জাবিনোদী ভগবান্ কংসমৃত্য়ুর্মহামুখী ॥ 30 ॥

অশ্বমেধো বাজপেয়ো গোমেধো নরমেধবান্ ।
কংদর্পকোটিলাবণ্যশ্চংদ্রকোটিসুশীতলঃ ॥ 31 ॥

রবিকোটিপ্রতীকাশো বায়ুকোটিমহাবলঃ ।
ব্রহ্মা ব্রহ্মাংডকর্তা চ কমলাবাংছিতপ্রদঃ ॥ 32 ॥

কমলী কমলাক্ষশ্চ কমলামুখলোলুপঃ ।
কমলাব্রতধারী চ কমলাভঃ পুরংদরঃ ॥ 33 ॥

সৌভাগ্য়াধিকচিত্তশ্চ মহামায়ী মদোত্কটঃ ।
তাটকারিঃ সুরত্রাতা মারীচক্ষোভকারকঃ ॥ 34 ॥

বিশ্বামিত্রপ্রিয়ো দাংতো রামো রাজীবলোচনঃ ।
লংকাধিপকুলধ্বংসী বিভীষণবরপ্রদঃ ॥ 35 ॥

সীতানংদকরো রামো বীরো বারিধিবংধনঃ ।
খরদূষণসংহারী সাকেতপুরবাসবান্ ॥ 36 ॥

চংদ্রাবলিপতিঃ কূলঃ কেশিকংসবধোঽমরঃ ।
মাধবো মধুহা মাধ্বী মাধ্বীকো মাধবী বিভুঃ ॥ 37 ॥

মুংজাটবীগাহমানো ধেনুকারির্দশাত্মজঃ ।
বংশীবটবিহারী চ গোবর্ধনবনাশ্রয়ঃ ॥ 38 ॥

তথা তালবনোদ্দেশী ভাংডীরবনশংকরঃ ।
তৃণাবর্তকৃপাকারী বৃষভানুসুতাপতিঃ ॥ 39 ॥

রাধাপ্রাণসমো রাধাবদনাব্জমধূত্কটঃ ।
গোপীরংজনদৈবজ্ঞঃ লীলাকমলপূজিতঃ ॥ 40 ॥

ক্রীডাকমলসংদোহো গোপিকাপ্রীতিরংজনঃ ।
রংজকো রংজনো রংগো রংগী রংগমহীরুহঃ ॥ 41 ॥

কামঃ কামারিভক্তশ্চ পুরাণপুরুষঃ কবিঃ ।
নারদো দেবলো ভীমো বালো বালমুখাংবুজঃ ॥ 42 ॥

অংবুজো ব্রহ্মসাক্ষী চ যোগী দত্তবরো মুনিঃ ।
ঋষভঃ পর্বতো গ্রামো নদীপবনবল্লভঃ ॥ 43 ॥

পদ্মনাভঃ সুরজ্য়েষ্ঠো ব্রহ্মা রুদ্রোঽহিভূষিতঃ ।
গণানাং ত্রাণকর্তা চ গণেশো গ্রহিলো গ্রহিঃ ॥ 44 ॥

গণাশ্রয়ো গণাধ্যক্ষো ক্রোডীকৃতজগত্ত্রয়ঃ ।
যাদবেংদ্রো দ্বারকেংদ্রো মথুরাবল্লভো ধুরী ॥ 45 ॥

ভ্রমরঃ কুংতলী কুংতীসুতরক্ষী মহামনাঃ ।
যমুনাবরদাতা চ কাশ্যপস্য় বরপ্রদঃ ॥ 46 ॥

শংখচূডবধোদ্দামো গোপীরক্ষণতত্পরঃ ।
পাংচজন্যকরো রামী ত্রিরামী বনজো জয়ঃ ॥ 47 ॥

ফাল্গুণঃ ফল্গুনসখো বিরাধবধকারকঃ ।
রুক্মিণীপ্রাণনাথশ্চ সত্যভামাপ্রিয়ংকরঃ ॥ 48 ॥

কল্পবৃক্ষো মহাবৃক্ষো দানবৃক্ষো মহাফলঃ ।
অংকুশো ভূসুরো ভাবো ভামকো ভ্রামকো হরিঃ ॥ 49 ॥

সরলঃ শাশ্বতো বীরো যদুবংশশিবাত্মকঃ ।
প্রদ্য়ুম্নো বলকর্তা চ প্রহর্তা দৈত্যহা প্রভুঃ ॥ 50 ॥

মহাধনো মহাবীরো বনমালাবিভূষণঃ ।
তুলসীদামশোভাঢ্য়ো জালংধরবিনাশনঃ ॥ 51 ॥

সূরঃ সূর্য়ো মৃকংডুশ্চ ভাস্বরো বিশ্বপূজিতঃ ।
রবিস্তমোহা বহ্নিশ্চ বাডবো বডবানলঃ ॥ 52 ॥

দৈত্যদর্পবিনাশী চ গরুডো গরুডাগ্রজঃ ।
গোপীনাথো মহীনাথো বৃংদানাথোঽবরোধকঃ ॥ 53 ॥

প্রপংচী পংচরূপশ্চ লতাগুল্মশ্চ গোমতিঃ ।
গংগা চ যমুনারূপো গোদা বেত্রবতী তথা ॥ 54 ॥

কাবেরী নর্মদা তাপী গংডকী সরয়ূ রজঃ ।
রাজসস্তামসস্সত্ত্বী সর্বাংগী সর্বলোচনঃ ॥ 55 ॥

সুধাময়োঽমৃতময়ো যোগিনাং বল্লভঃ শিবঃ ।
বুদ্ধো বুদ্ধিমতাং শ্রেষ্ঠো বিষ্ণুর্জিষ্ণুঃ শচীপতিঃ ॥ 56 ॥

বংশী বংশধরো লোকো বিলোকো মোহনাশনঃ ।
রবরাবো রবো রাবো বলো বালো বলাহকঃ ॥ 57 ॥

শিবো রুদ্রো নলো নীলো লাংগলী লাংগলাশ্রয়ঃ ।
পারদঃ পাবনো হংসো হংসারূঢো জগত্পতিঃ ॥ 58 ॥

মোহিনীমোহনো মায়ী মহামায়ো মহাসুখী ।
বৃষো বৃষাকপিঃ কালঃ কালীদমনকারকঃ ॥ 59 ॥

কুব্জাভাগ্যপ্রদো বীরো রজকক্ষযকারকঃ ।
কোমলো বারুণী রাজা জলজো জলধারকঃ ॥ 60 ॥

হারকঃ সর্বপাপঘ্নঃ পরমেষ্ঠী পিতামহঃ ।
খড্গধারী কৃপাকারী রাধারমণসুংদরঃ ॥ 61 ॥

দ্বাদশারণ্যসংভোগী শেষনাগফণালয়ঃ ।
কামঃ শ্য়ামঃ সুখশ্রীদঃ শ্রীপতিঃ শ্রীনিধিঃ কৃতিঃ ॥ 62 ॥

হরির্হরো নরো নারো নরোত্তম ইষুপ্রিয়ঃ ।
গোপালচিত্তহর্তা চ কর্তা সংসারতারকঃ ॥ 63 ॥

আদিদেবো মহাদেবো গৌরীগুরুরনাশ্রয়ঃ ।
সাধুর্মধুর্বিধুর্ধাতা ত্রাতাঽক্রূরপরাযণঃ ॥ 64 ॥

রোলংবী চ হযগ্রীবো বানরারির্বনাশ্রয়ঃ ।
বনং বনী বনাধ্যক্ষো মহাবংদ্য়ো মহামুনিঃ ॥ 65 ॥

স্যমংতকমণিপ্রাজ্ঞঃ বিজ্ঞো বিঘ্নবিঘাতকঃ ।
গোবর্ধনো বর্ধনীয়ো বর্ধনী বর্ধনপ্রিয়ঃ ॥ 66 ॥

বার্ধন্য়ো বর্ধনো বর্ধী বর্ধিষ্ণস্তু সুখপ্রিয়ঃ ।
বর্ধিতো বর্ধকো বৃদ্ধো বৃংদারকজনপ্রিয়ঃ ॥ 67 ॥

গোপালরমণীভর্তা সাংবকুষ্ঠবিনাশনঃ ।
রুক্মিণীহরণপ্রেমা প্রেমী চংদ্রাবলীপতিঃ ॥ 68 ॥

শ্রীকর্তা বিশ্বভর্তা চ নারাযণ নরো বলী ।
গণো গণপতিশ্চৈব দত্তাত্রেয়ো মহামুনিঃ ॥ 69 ॥

ব্য়াসো নারাযণো দিব্য়ো ভব্য়ো ভাবুকধারকঃ ।
শ্বঃশ্রেযসং শিবং ভদ্রং ভাবুকং ভবুকং শুভম্ ॥ 70 ॥

শুভাত্মকঃ শুভঃ শাস্তা প্রশস্তো মেঘনাদহা ।
ব্রহ্মণ্যদেবো দীনানামুদ্ধারকরণক্ষমঃ ॥ 71 ॥

কৃষ্ণঃ কমলপত্রাক্ষঃ কৃষ্ণঃ কমললোচনঃ ।
কৃষ্ণঃ কামী সদা কৃষ্ণঃ সমস্তপ্রিযকারকঃ ॥ 72 ॥

নংদো নংদী মহানংদী মাদী মাদনকঃ কিলী ।
মীলী হিলী গিলী গোলী গোলো গোলালয়ো গুলী ॥ 73 ॥

গুগ্গুলী মারকী শাখী বটঃ পিপ্পলকঃ কৃতী ।
ম্লেচ্ছহা কালহর্তা চ যশোদা যশ এব চ ॥ 74 ॥

অচ্য়ুতঃ কেশবো বিষ্ণুঃ হরিঃ সত্য়ো জনার্দনঃ ।
হংসো নারাযণো নীলো লীনো ভক্তিপরাযণঃ ॥ 75 ॥

জানকীবল্লভো রামো বিরামো বিষনাশনঃ ।
সিংহভানুর্মহাভানু-র্বীরভানুর্মহোদধিঃ ॥ 76 ॥

সমুদ্রোঽব্ধিরকূপারঃ পারাবারঃ সরিত্পতিঃ ।
গোকুলানংদকারী চ প্রতিজ্ঞাপরিপালকঃ ॥ 77 ॥

সদারামঃ কৃপারামো মহারামো ধনুর্ধরঃ ।
পর্বতঃ পর্বতাকারো গয়ো গেয়ো দ্বিজপ্রিয়ঃ ॥ 78 ॥

কমলাশ্বতরো রামো রামাযণপ্রবর্তকঃ ।
দ্য়ৌর্দিবো দিবসো দিব্য়ো ভব্য়ো ভাগী ভয়াপহঃ ॥ 79 ॥

পার্বতীভাগ্যসহিতো ভর্তা লক্ষ্মীসহাযবান্ । [বিলাসবান্]
বিলাসী সাহসী সর্বী গর্বী গর্বিতলোচনঃ ॥ 80 ॥

সুরারির্লোকধর্মজ্ঞো জীবনো জীবনাংতকঃ ।
যমো যমারির্যমনো যমী যামবিঘাতকঃ ॥ 81 ॥

বংশুলী পাংশুলী পাংসুঃ পাংডুরর্জুনবল্লভঃ ।
ললিতা চংদ্রিকামালা মালী মালাংবুজাশ্রয়ঃ ॥ 82 ॥

অংবুজাক্ষো মহাযক্ষো দক্ষশ্চিংতামণিপ্রভুঃ ।
মণির্দিনমণিশ্চৈব কেদারো বদরীশ্রয়ঃ ॥ 83 ॥

বদরীবনসংপ্রীতো ব্য়াসঃ সত্যবতীসুতঃ ।
অমরারিনিহংতা চ সুধাসিংধুবিধূদয়ঃ ॥ 84 ॥

চংদ্রো রবিঃ শিবঃ শূলী চক্রী চৈব গদাধরঃ ।
শ্রীকর্তা শ্রীপতিঃ শ্রীদঃ শ্রীদেবো দেবকীসুতঃ ॥ 85 ॥

শ্রীপতিঃ পুংডরীকাক্ষঃ পদ্মনাভো জগত্পতিঃ ।
বাসুদেবোঽপ্রমেয়াত্মা কেশবো গরুডধ্বজঃ ॥ 86 ॥

নারাযণঃ পরং ধাম দেবদেবো মহেশ্বরঃ ।
চক্রপাণিঃ কলাপূর্ণো বেদবেদ্য়ো দয়ানিধিঃ ॥ 87 ॥

ভগবান্ সর্বভূতেশো গোপালঃ সর্বপালকঃ ।
অনংতো নির্গুণো নিত্য়ো নির্বিকল্পো নিরংজনঃ ॥ 88 ॥

নিরাধারো নিরাকারো নিরাভাসো নিরাশ্রয়ঃ ।
পুরুষঃ প্রণবাতীতো মুকুংদঃ পরমেশ্বরঃ ॥ 89 ॥

ক্ষণাবনিঃ সার্বভৌমো বৈকুংঠো ভক্তবত্সলঃ ।
বিষ্ণুর্দামোদরঃ কৃষ্ণো মাধবো মথুরাপতিঃ ॥ 90 ॥

দেবকীগর্ভসংভূতো যশোদাবত্সলো হরিঃ ।
শিবঃ সংকর্ষণঃ শংভুর্ভূতনাথো দিবস্পতিঃ ॥ 91 ॥

অব্যয়ঃ সর্বধর্মজ্ঞো নির্মলো নিরুপদ্রবঃ ।
নির্বাণনাযকো নিত্য়ো নীলজীমূতসন্নিভঃ ॥ 92 ॥

কলাক্ষযশ্চ সর্বজ্ঞঃ কমলারূপতত্পরঃ ।
হৃষীকেশঃ পীতবাসা বসুদেবপ্রিয়াত্মজঃ ॥ 93 ॥

নংদগোপকুমারার্য়ো নবনীতাশনো বিভুঃ ।
পুরাণঃ পুরুষশ্রেষ্ঠঃ শংখপাণিঃ সুবিক্রমঃ ॥ 94 ॥

অনিরুদ্ধশ্চক্রধরঃ শার্ঙ্গপাণিশ্চতুর্ভুজঃ ।
গদাধরঃ সুরার্তিঘ্নো গোবিংদো নংদকায়ুধঃ ॥ 95 ॥

বৃংদাবনচরঃ শৌরির্বেণুবাদ্যবিশারদঃ ।
তৃণাবর্তাংতকো ভীমসাহসো বহুবিক্রমঃ ॥ 96 ॥

শকটাসুরসংহারী বকাসুরবিনাশনঃ ।
ধেনুকাসুরসংহারী পূতনারির্নৃকেসরী ॥ 97 ॥

পিতামহো গুরুস্সাক্ষী প্রত্যগাত্মা সদাশিবঃ ।
অপ্রমেয়ঃ প্রভুঃ প্রাজ্ঞোঽপ্রতর্ক্য়ঃ স্বপ্নবর্ধনঃ ॥ 98 ॥

ধন্য়ো মান্য়ো ভবো ভাবো ধীরঃ শাংতো জগদ্গুরুঃ ।
অংতর্য়ামীশ্বরো দিব্য়ো দৈবজ্ঞো দেবসংস্তুতঃ ॥ 99 ॥

ক্ষীরাব্ধিশযনো ধাতা লক্ষ্মীবান্ লক্ষ্মণাগ্রজঃ ।
ধাত্রীপতিরমেয়াত্মা চংদ্রশেখরপূজিতঃ ॥ 100 ॥

লোকসাক্ষী জগচ্চক্ষুঃ পুণ্যচারিত্রকীর্তনঃ ।
কোটিমন্মথসৌংদর্য়ো জগন্মোহনবিগ্রহঃ ॥ 101 ॥

মংদস্মিততনুর্গোপগোপিকাপরিবেষ্টিতঃ ।
ফুল্লারবিংদনযনশ্চাণূরাংধ্রনিষূদনঃ ॥ 102 ॥

ইংদীবরদলশ্য়ামো বর্হিবর্হাবতংসকঃ ।
মুরলীনিনদাহ্লাদো দিব্যমালাংবরাবৃতঃ ॥ 103 ॥

সুকপোলয়ুগঃ সুভ্রূয়ুগলঃ সুললাটকম্ ।
কংবুগ্রীবো বিশালাক্ষো লক্ষ্মীবাংছুভলক্ষণঃ ॥ 104 ॥

পীনবক্ষাশ্চতুর্বাহুশ্চতুর্মূর্তিস্ত্রিবিক্রমঃ ।
কলংকরহিতঃ শুদ্ধো দুষ্টশত্রুনিবর্হণঃ ॥ 105 ॥

কিরীটকুংডলধরঃ কটকাংগদমংডিতঃ ।
মুদ্রিকাভরণোপেতঃ কটিসূত্রবিরাজিতঃ ॥ 106 ॥

মংজীররংজিতপদঃ সর্বাভরণভূষিতঃ ।
বিন্যস্তপাদয়ুগলো দিব্যমংগলবিগ্রহঃ ॥ 107 ॥

গোপিকানযনানংদঃ পূর্ণচংদ্রনিভাননঃ ।
সমস্তজগদানংদঃ সুংদরো লোকনংদনঃ ॥ 108 ॥

যমুনাতীরসংচারী রাধামন্মথবৈভবঃ ।
গোপনারীপ্রিয়ো দাংতো গোপীবস্ত্রাপহারকঃ ॥ 109 ॥

শৃংগারমূর্তিঃ শ্রীধামা তারকো মূলকারণম্ ।
সৃষ্টিসংরক্ষণোপায়ঃ ক্রূরাসুরবিভংজনঃ ॥ 110 ॥

নরকাসুরসংহারী মুরারির্বৈরিমর্দনঃ ।
আদিতেযপ্রিয়ো দৈত্যভীকরো যদুশেখরঃ ॥ 111 ॥

জরাসংধকুলধ্বংসী কংসারাতিঃ সুবিক্রমঃ ।
পুণ্যশ্লোকঃ কীর্তনীয়ো যাদবেংদ্রো জগন্নুতঃ ॥ 112 ॥

রুক্মিণীরমণঃ সত্যভামাজাংববতীপ্রিয়ঃ ।
মিত্রবিংদানাগ্নজিতীলক্ষ্মণাসমুপাসিতঃ ॥ 113 ॥

সুধাকরকুলে জাতোঽনংতঃ প্রবলবিক্রমঃ ।
সর্বসৌভাগ্যসংপন্নো দ্বারকাপট্টণস্থিতঃ ॥ 114 ॥

ভদ্রাসূর্যসুতানাথো লীলামানুষবিগ্রহঃ ।
সহস্রষোডশস্ত্রীশো ভোগমোক্ষৈকদাযকঃ ॥ 115 ॥

বেদাংতবেদ্য়ঃ সংবেদ্য়ো বৈদ্য়ো ব্রহ্মাংডনাযকঃ ।
গোবর্ধনধরো নাথঃ সর্বজীবদয়াপরঃ ॥ 116 ॥

মূর্তিমান্ সর্বভূতাত্মা আর্তত্রাণপরাযণঃ ।
সর্বজ্ঞঃ সর্বসুলভঃ সর্বশাস্ত্রবিশারদঃ ॥ 117 ॥

ষড্গুণৈশ্বর্যসংপন্নঃ পূর্ণকামো ধুরংধরঃ ।
মহানুভাবঃ কৈবল্যদাযকো লোকনাযকঃ ॥ 118 ॥

আদিমধ্য়াংতরহিতঃ শুদ্ধসাত্ত্বিকবিগ্রহঃ ।
অসমানঃ সমস্তাত্মা শরণাগতবত্সলঃ ॥ 119 ॥

উত্পত্তিস্থিতিসংহারকারণং সর্বকারণম্ ।
গংভীরঃ সর্বভাবজ্ঞঃ সচ্চিদানংদবিগ্রহঃ ॥ 120 ॥

বিষ্বক্সেনঃ সত্যসংধঃ সত্যবাক্ সত্যবিক্রমঃ ।
সত্যব্রতঃ সত্যরতঃ সত্যধর্মপরাযণঃ ॥ 121 ॥

আপন্নার্তিপ্রশমনঃ দ্রৌপদীমানরক্ষকঃ ।
কংদর্পজনকঃ প্রাজ্ঞো জগন্নাটকবৈভবঃ ॥ 122 ॥

ভক্তিবশ্য়ো গুণাতীতঃ সর্বৈশ্বর্যপ্রদাযকঃ ।
দমঘোষসুতদ্বেষী বাণবাহুবিখংডনঃ ॥ 123 ॥

ভীষ্মভক্তিপ্রদো দিব্য়ঃ কৌরবান্বযনাশনঃ ।
কৌংতেযপ্রিযবংধুশ্চ পার্থস্য়ংদনসারথিঃ ॥ 124 ॥

নারসিংহো মহাবীরঃ স্তংভজাতো মহাবলঃ ।
প্রহ্লাদবরদঃ সত্য়ো দেবপূজ্য়োঽভয়ংকরঃ ॥ 125 ॥

উপেংদ্র ইংদ্রাবরজো বামনো বলিবংধনঃ ।
গজেংদ্রবরদঃ স্বামী সর্বদেবনমস্কৃতঃ ॥ 126 ॥

শেষপর্য়ংকশযনো বৈনতেযরথো জয়ী ।
অব্য়াহতবলৈশ্বর্যসংপন্নঃ পূর্ণমানসঃ ॥ 127 ॥

যোগীশ্বরেশ্বরঃ সাক্ষী ক্ষেত্রজ্ঞো জ্ঞানদাযকঃ ।
যোগিহৃত্পংকজাবাসো যোগমায়াসমন্বিতঃ ॥ 128 ॥

নাদবিংদুকলাতীতশ্চতুর্বর্গফলপ্রদঃ ।
সুষুম্নামার্গসংচারী দেহস্য়াংতরসংস্থিতঃ ॥ 129 ॥

দেহেংদ্রিযমনঃপ্রাণসাক্ষী চেতঃপ্রসাদকঃ ।
সূক্ষ্মঃ সর্বগতো দেহী জ্ঞানদর্পণগোচরঃ ॥ 130 ॥

তত্ত্বত্রয়াত্মকোঽব্যক্তঃ কুংডলী সমুপাশ্রিতঃ ।
ব্রহ্মণ্য়ঃ সর্বধর্মজ্ঞঃ শাংতো দাংতো গতক্লমঃ ॥ 131 ॥

শ্রীনিবাসঃ সদানংদো বিশ্বমূর্তির্মহাপ্রভুঃ ।
সহস্রশীর্ষা পুরুষঃ সহস্রাক্ষঃ সহস্রপাত্ ॥ 132 ॥

সমস্তভুবনাধারঃ সমস্তপ্রাণরক্ষকঃ ।
সমস্তস্সর্বভাবজ্ঞো গোপিকাপ্রাণবল্লভঃ ॥ 133 ॥

নিত্য়োত্সবো নিত্যসৌখ্য়ো নিত্যশ্রীর্নিত্যমংগলম্ ।
ব্য়ূহার্চিতো জগন্নাথঃ শ্রীবৈকুংঠপুরাধিপঃ ॥ 134 ॥

পূর্ণানংদঘনীভূতো গোপবেষধরো হরিঃ ।
কলাপকুসুমশ্য়ামঃ কোমলঃ শাংতবিগ্রহঃ ॥ 135 ॥

গোপাংগনাবৃতোঽনংতো বৃংদাবনসমাশ্রয়ঃ ।
বেণুনাদরতঃ শ্রেষ্ঠো দেবানাং হিতকারকঃ ॥ 136 ॥

জলক্রীডাসমাসক্তো নবনীতস্য় তস্করঃ ।
গোপালকামিনীজারশ্চোরজারশিখামণিঃ ॥ 137 ॥

পরংজ্য়োতিঃ পরাকাশঃ পরাবাসঃ পরিস্ফুটঃ ।
অষ্টাদশাক্ষরো মংত্রো ব্য়াপকো লোকপাবনঃ ॥ 138 ॥

সপ্তকোটিমহামংত্রশেখরো দেবশেখরঃ ।
বিজ্ঞানজ্ঞানসংধানস্তেজোরাশির্জগত্পতিঃ ॥ 139 ॥

ভক্তলোকপ্রসন্নাত্মা ভক্তমংদারবিগ্রহঃ ।
ভক্তদারিদ্র্যশমনো ভক্তানাং প্রীতিদাযকঃ ॥ 140 ॥

ভক্তাধীনমনাঃ পূজ্য়ো ভক্তলোকশিবংকরঃ ।
ভক্তাভীষ্টপ্রদঃ সর্বভক্তাঘৌঘনিকৃংতকঃ ॥ 141 ॥

অপারকরুণাসিংধুর্ভগবান্ ভক্ততত্পরঃ ॥ 142 ॥

[ইতি শ্রীরাধিকানাথ নাম্নাং সাহস্রমীরিতম্ । ]
স্মরণাত্পাপরাশীনাং খংডনং মৃত্য়ুনাশনম্ ॥ 1 ॥

বৈষ্ণবানাং প্রিযকরং মহাদারিদ্র্যনাশনম্ ।
ব্রহ্মহত্য়াসুরাপানং পরস্ত্রীগমনং তথা ॥ 2 ॥

পরদ্রব্য়াপহরণং পরদ্বেষসমন্বিতম্ ।
মানসং বাচিকং কায়ং যত্পাপং পাপসংভবম্ ॥ 3 ॥

সহস্রনামপঠনাত্সর্বে নশ্য়ংতি তত্ক্ষণাত্ ।
মহাদারিদ্র্যয়ুক্তো বৈ বৈষ্ণবো বিষ্ণুভক্তিমান্ ॥ 4 ॥

কার্তিক্য়াং যঃ পঠেদ্রাত্রৌ শতমষ্টোত্তরং ক্রমাত্ ।
পীতাংবরধরো ধীমান্ সুগংধী পুষ্পচংদনৈঃ ॥ 5 ॥

পুস্তকং পূজয়িত্বা চ নৈবেদ্য়াদিভিরেব চ ।
রাধাধ্য়ানাংকিতো ধীরো বনমালাবিভূষিতঃ ॥ 6 ॥

শতমষ্টোত্তরং দেবি পঠেন্নামসহস্রকম্ ।
চৈত্রে কৃষ্ণে চ শুক্লে চ কুহূসংক্রাংতিবাসরে ॥ 7 ॥

পঠিতব্য়ং প্রযত্নেন ত্রৈলোক্য়ং মোহয়েত্ ক্ষণাত্ ।
তুলসীমালয়া যুক্তো বৈষ্ণবো ভক্তিতত্পরঃ ॥ 8 ॥

রবিবারে চ শুক্রে চ দ্বাদশ্য়াং শ্রাদ্ধবাসরে ।
ব্রাহ্মণং পূজয়িত্বা চ ভোজয়িত্বা বিধানতঃ ॥ 9 ॥

পঠেন্নামসহস্রং চ ততঃ সিদ্ধিঃ প্রজাযতে ।
মহানিশায়াং সততং বৈষ্ণবো যঃ পঠেত্সদা ॥ 10 ॥

দেশাংতরগতা লক্ষ্মীঃ সমায়াতি ন সংশয়ঃ ।
ত্রৈলোক্য়ে তু মহাদেবি সুংদর্য়ঃ কামমোহিতাঃ ॥ 11 ॥

মুগ্ধাঃ স্বয়ং সমায়াংতি বৈষ্ণবং চ ভজংতি তাঃ ।
রোগী রোগাত্প্রমুচ্য়েত বদ্ধো মুচ্য়েত বংধনাত্ ॥ 12 ॥

গর্ভিণী জনয়েত্পুত্রং কন্য়া বিংদতি সত্পতিম্ ।
রাজানো বশতাং যাংতি কিং পুনঃ ক্ষুদ্রমানুষাঃ ॥ 13 ॥

সহস্রনামশ্রবণাত্ পঠনাত্ পূজনাত্ প্রিয়ে ।
ধারণাত্ সর্বমাপ্নোতি বৈষ্ণবো নাত্র সংশয়ঃ ॥ 14 ॥

বংশীবটে চান্যবটে তথা পিপ্পলকেঽথ বা ।
কদংবপাদপতলে শ্রীগোপালস্য় সন্নিধৌ ॥ 15 ॥

যঃ পঠেদ্বৈষ্ণবো নিত্য়ং স যাতি হরিমংদিরম্ ।
কৃষ্ণেনোক্তং রাধিকায়ৈ তয়া প্রোক্তং পুরা শিবে ॥ 16 ॥

নারদায় ময়া প্রোক্তং নারদেন প্রকাশিতম্ ।
ময়া তব বরারোহে প্রোক্তমেতত্সুদুর্লভম্ ॥ 17 ॥

গোপনীয়ং প্রযত্নেন ন প্রকাশ্য়ং কদাচন ।
শঠায় পাপিনে চৈব লংপটায় বিশেষতঃ ॥ 18 ॥

ন দাতব্য়ং ন দাতব্য়ং ন দাতব্য়ং কদাচন ।
দেয়ং শাংতায় শিষ্য়ায় বিষ্ণুভক্তিরতায় চ ॥ 19 ॥

গোদানব্রহ্মযজ্ঞাদের্বাজপেযশতস্য় চ ।
অশ্বমেধসহস্রস্য় ফলং পাঠে ভবেদ্ধ্রুবম্ ॥ 20 ॥

মোহনং স্তংভনং চৈব মারণোচ্চাটনাদিকম্ ।
যদ্যদ্বাংছতি চিত্তেন তত্তত্প্রাপ্নোতি বৈষ্ণবঃ ॥ 21 ॥

একাদশ্য়াং নরঃ স্নাত্বা সুগংধদ্রব্যতৈলকৈঃ ।
আহারং ব্রাহ্মণে দত্ত্বা দক্ষিণাং স্বর্ণভূষণম্ ॥ 22 ॥

ততঃ প্রারংভকর্তাসৌ সর্বং প্রাপ্নোতি মানবঃ ।
শতাবৃত্ত সহস্রং চ যঃ পঠেদ্বৈষ্ণবো জনঃ ॥ 23 ॥

শ্রীবৃংদাবনচংদ্রস্য় প্রসাদাত্সর্বমাপ্নুয়াত্ ।
যদ্গৃহে পুস্তকং দেবি পূজিতং চৈব তিষ্ঠতি ॥ 24 ॥

ন মারী ন চ দুর্ভিক্ষং নোপসর্গভয়ং ক্বচিত্ ।
সর্পাদিভূতযক্ষাদ্য়া নশ্য়ংতে নাত্র সংশয়ঃ ॥ 25 ॥

শ্রীগোপালো মহাদেবি বসেত্তস্য় গৃহে সদা ।
যদ্গৃহে চ সহস্রং চ নাম্নাং তিষ্ঠতি পূজিতম্ ॥ 26 ॥

ইতি শ্রীসম্মোহনতংত্রে হরগৌরীসংবাদে শ্রীগোপাল সহস্রনামস্তোত্রম্ ।