ଶ୍ରୀ କାଶୀ ଵିଶ୍ଵନାଥ ସୁପ୍ରାଭାତମ୍

ଉତ୍ତିଷ୍ଠ କାଶି ଭଗଵାନ୍ ପ୍ରଭୁଵିଶ୍ଵନାଥୋ
ଗଂଗୋର୍ମି-ସଂଗତି-ଶୁଭୈଃ ପରିଭୂଷିତୋଽବ୍ଜୈଃ ।
ଶ୍ରୀଢୁଂଢି-ଭୈରଵ-ମୁଖୈଃ ସହିତାଽଽନ୍ନପୂର୍ଣା
ମାତା ଚ ଵାଂଛତି ମୁଦା ତଵ ସୁପ୍ରଭାତମ୍ ॥ 2 ॥

ବ୍ରହ୍ମା ମୁରାରିସ୍ତ୍ରିପୁରାଂତକାରିଃ
ଭାନୁଃ ଶଶୀ ଭୂମିସୁତୋ ବୁଧଶ୍ଚ ।
ଗୁରୁଶ୍ଚ ଶୁକ୍ରଃ ଶନି-ରାହୁ-କେତଵଃ
କୁର୍ଵଂତୁ ସର୍ଵେ ଭୁଵି ସୁପ୍ରଭାତମ୍ ॥ 3 ॥

ଵାରାଣସୀ-ସ୍ଥିତ-ଗଜାନନ-ଢୁଂଢିରାଜ
ତାପତ୍ରୟାପହରଣେ ପ୍ରଥିତ-ପ୍ରଭାଵ ।
ଆନଂଦ-କଂଦଲକୁଲ-ପ୍ରସଵୈକଭୂମେ
ନିତ୍ୟଂ ସମସ୍ତ-ଜଗତଃ କୁରୁ ସୁପ୍ରଭାତମ୍ ॥ 4 ॥

ବ୍ରହ୍ମଦ୍ରଵୋପମିତ-ଗାଂଗ-ପୟଃ-ପ୍ରଵାହୈଃ
ପୁଣ୍ୟୈଃ ସଦୈଵ ପରିଚୁଂବିତ-ପାଦପଦ୍ମେ ।
ମଧ୍ୟେ-ଽଖିଲାମରଗଣୈଃ ପରିସେଵ୍ୟମାନେ
ଶ୍ରୀକାଶିକେ କୁରୁ ସଦା ଭୁଵି ସୁପ୍ରଭାତମ୍ ॥ 5 ॥

ପ୍ରତ୍ନୈରସଂଖ୍ୟ-ମଠ-ମଂଦିର-ତୀର୍ଥ-କୁଂଡ-
ପ୍ରାସାଦ-ଘଟ୍ଟ-ନିଵହୈଃ ଵିଦୁଷାଂ ଵରୈଶ୍ଚ
ଆଵର୍ଜୟସ୍ୟଖିଲ-ଵିଶ୍ଵ-ମନାଂସି ନିତ୍ୟଂ
ଶ୍ରୀକାଶିକେ କୁରୁ ସଦା ଭୁଵି ସୁପ୍ରଭାତମ୍ ॥ 6 ॥

କେ ଵା ନରା ନୁ ସୁଧିୟଃ କୁଧିୟୋଽଧିୟୋ ଵା
ଵାଂଛଂତି ନାଂତସମୟେ ଶରଣଂ ଭଵତ୍ୟାଃ ।
ହେ କୋଟି-କୋଟି-ଜନ-ମୁକ୍ତି-ଵିଧାନ-ଦକ୍ଷେ
ଶ୍ରୀକାଶିକେ କୁରୁ ସଦା ଭୁଵି ସୁପ୍ରଭାତମ୍ ॥ 7 ॥

ୟା ଦେଵୈରସୁରୈର୍ମୁନୀଂଦ୍ରତନୟୈର୍ଗଂଧର୍ଵ-ୟକ୍ଷୋରଗୈଃ
ନାଗୈର୍ଭୂତଲଵାସିଭିର୍ଦ୍ଵିଜଵରୈସ୍ସଂସେଵିତା ସିଦ୍ଧୟେ ।
ୟା ଗଂଗୋତ୍ତରଵାହିନୀ-ପରିସରେ ତୀର୍ଥୈରସଂଖ୍ୟୈର୍ଵୃତା
ସା କାଶୀ ତ୍ରିପୁରାରିରାଜ-ନଗରୀ ଦେୟାତ୍ ସଦା ମଂଗଲମ୍ ॥ 8 ॥

ତୀର୍ଥାନାଂ ପ୍ରଵରା ମନୋରଥକରୀ ସଂସାର-ପାରାପରା
ନଂଦା-ନଂଦି-ଗଣେଶ୍ଵରୈରୁପହିତା ଦେଵୈରଶେଷୈଃ-ସ୍ତୁତା ।
ୟା ଶଂଭୋର୍ମଣି-କୁଂଡଲୈକ-କଣିକା ଵିଷ୍ଣୋସ୍ତପୋ-ଦୀର୍ଘିକା
ସେୟଂ ଶ୍ରୀମଣିକର୍ଣିକା ଭଗଵତୀ ଦେୟାତ୍ ସଦା ମଂଗଲମ୍ ॥ 9 ॥

ଅଭିନଵ-ବିସ-ଵଲ୍ଲୀ ପାଦ-ପଦ୍ମସ୍ୟ ଵିଷ୍ଣୋଃ
ମଦନ-ମଥନ-ମୌଲେର୍ମାଲତୀ ପୁଷ୍ପମାଲା ।
ଜୟତି ଜୟ-ପତାକା କାପ୍ୟସୌ ମୋକ୍ଷଲକ୍ଷ୍ମ୍ୟାଃ
କ୍ଷପିତ-କଲି-କଲଂକା ଜାହ୍ନଵୀ ନଃ ପୁନାତୁ ॥ 10 ॥

ଗାଂଗଂ ଵାରି ମନୋହାରି ମୁରାରି-ଚରଣଚ୍ୟୁତମ୍ ।
ତ୍ରିପୁରାରି-ଶିରଶ୍ଚାରି ପାପହାରି ପୁନାତୁ ମାମ୍ ॥ 11 ॥

ଵିଘ୍ନାଵାସ-ନିଵାସକାରଣ-ମହାଗଂଡସ୍ଥଲାଲଂବିତଃ
ସିଂଦୂରାରୁଣ-ପୁଂଜ-ଚଂଦ୍ରକିରଣ-ପ୍ରଚ୍ଛାଦି-ନାଗଚ୍ଛଵିଃ ।
ଶ୍ରୀଵିଘ୍ନେଶ୍ଵର-ଵଲ୍ଲଭୋ ଗିରିଜୟା ସାନଂଦମାନଂଦିତଃ (ପାଠଭେଦ ଵିଶ୍ଵେଶ୍ଵର)
ସ୍ମେରାସ୍ୟସ୍ତଵ ଢୁଂଢିରାଜ-ମୁଦିତୋ ଦେୟାତ୍ ସଦା ମଂଗଲମ୍ ॥ 12 ॥

କଂଠେ ୟସ୍ୟ ଲସତ୍କରାଲ-ଗରଲଂ ଗଂଗାଜଲଂ ମସ୍ତକେ
ଵାମାଂଗେ ଗିରିରାଜରାଜ-ତନୟା ଜାୟା ଭଵାନୀ ସତୀ ।
ନଂଦି-ସ୍କଂଦ-ଗଣାଧିରାଜ-ସହିତଃ ଶ୍ରୀଵିଶ୍ଵନାଥପ୍ରଭୁଃ
କାଶୀ-ମଂଦିର-ସଂସ୍ଥିତୋଽଖିଲଗୁରୁଃ ଦେୟାତ୍ ସଦା ମଂଗଲମ୍ ॥ 13 ॥

ଶ୍ରୀଵିଶ୍ଵନାଥ କରୁଣାମୃତ-ପୂର୍ଣ-ସିଂଧୋ
ଶୀତାଂଶୁ-ଖଂଡ-ସମଲଂକୃତ-ଭଵ୍ୟଚୂଡ ।
ଉତ୍ତିଷ୍ଠ ଵିଶ୍ଵଜନ-ମଂଗଲ-ସାଧନାୟ
ନିତ୍ୟଂ ସର୍ଵଜଗତଃ କୁରୁ ସୁପ୍ରଭାତମ୍ ॥ 14 ॥

ଶ୍ରୀଵିଶ୍ଵନାଥ ଵୃଷଭ-ଧ୍ଵଜ ଵିଶ୍ଵଵଂଦ୍ୟ
ସୃଷ୍ଟି-ସ୍ଥିତି-ପ୍ରଲୟ-କାରକ ଦେଵଦେଵ ।
ଵାଚାମଗୋଚର ମହର୍ଷି-ନୁତାଂଘ୍ରି-ପଦ୍ମ
ଵାରାଣସୀପୁରପତେ କୁରୁ ସୁପ୍ରଭାତମ୍ ॥ 15 ॥

ଶ୍ରୀଵିଶ୍ଵନାଥ ଭଵଭଂଜନ ଦିଵ୍ୟଭାଵ
ଗଂଗାଧର ପ୍ରମଥ-ଵଂଦିତ ସୁଂଦରାଂଗ ।
ନାଗେଂଦ୍ର-ହାର ନତ-ଭକ୍ତ-ଭୟାପହାର
ଵାରାଣସୀପୁରପତେ କୁରୁ ସୁପ୍ରଭାତମ୍ ॥ 16 ॥

ଶ୍ରୀଵିଶ୍ଵନାଥ ତଵ ପାଦୟୁଗଂ ନମାମି
ନିତ୍ୟଂ ତଵୈଵ ଶିଵ ନାମ ହୃଦା ସ୍ମରାମି ।
ଵାଚଂ ତଵୈଵ ୟଶସାଽନଘ ଭୂଷୟାମି
ଵାରାଣସୀପୁରପତେ କୁରୁ ସୁପ୍ରଭାତମ୍ ॥ 17 ॥

କାଶୀ-ନିଵାସ-ମୁନି-ସେଵିତ-ପାଦ-ପଦ୍ମ
ଗଂଗା-ଜଲୌଘ-ପରିଷିକ୍ତ-ଜଟାକଲାପ ।
ଅସ୍ୟାଖିଲସ୍ୟ ଜଗତଃ ସଚରାଚରସ୍ୟ
ଵାରାଣସୀପୁରପତେ କୁରୁ ସୁପ୍ରଭାତମ୍ ॥ 18 ॥

ଗଂଗାଧରାଦ୍ରିତନୟା-ପ୍ରିୟ ଶାଂତମୂର୍ତେ
ଵେଦାଂତ-ଵେଦ୍ୟ ସକଲେଶ୍ଵର ଵିଶ୍ଵମୂର୍ତେ ।
କୂଟସ୍ଥ ନିତ୍ୟ ନିଖିଲାଗମ-ଗୀତ-କୀର୍ତେ
ଵାରାଣସୀପୁରପତେ କୁରୁ ସୁପ୍ରଭାତମ୍ ॥ 19 ॥

ଵିଶ୍ଵଂ ସମସ୍ତମିଦମଦ୍ୟ ଘନାଂଧକାରେ
ମୋହାତ୍ମକେ ନିପତିତଂ ଜଡତାମୁପେତମ୍ ।
ଭାସା ଵିଭାସ୍ୟ ପରୟା ତଦମୋଘ-ଶକ୍ତେ
ଵାରାଣସୀପୁରପତେ କୁରୁ ସୁପ୍ରଭାତମ୍ ॥ 20 ॥

ସୂନୁଃ ସମସ୍ତ-ଜନ-ଵିଘ୍ନ-ଵିନାଶ-ଦକ୍ଷୋ
ଭାର୍ୟାଽନ୍ନଦାନ-ନିରତା-ଽଵିରତଂ ଜନେଭ୍ୟଃ ।
ଖ୍ୟାତଃ ସ୍ଵୟଂ ଚ ଶିଵକୃତ୍ ସକଲାର୍ଥି-ଭାଜାଂ
ଵାରାଣସୀପୁରପତେ କୁରୁ ସୁପ୍ରଭାତମ୍ ॥ 21 ॥

ୟେ ନୋ ନମଂତି ନ ଜପଂତି ନ ଚାମନଂତି
ନୋ ଵା ଲପଂତି ଵିଲପଂତି ନିଵେଦୟଂତି ।
ତେଷାମବୋଧ-ଶିଶୁ-ତୁଲ୍ୟ-ଧିୟାଂ ନରାଣାଂ
ଵାରାଣସୀପୁରପତେ କୁରୁ ସୁପ୍ରଭାତମ୍ ॥ 22 ॥

ଶ୍ରୀକଂଠ କଂଠ-ଧୃତ-ପନ୍ନଗ ନୀଲକଂଠ
ସୋତ୍କଂଠ-ଭକ୍ତ-ନିଵହୋପହିତୋପ-କଂଠ ।
ଭସ୍ମାଂଗରାଗ-ପରିଶୋଭିତ-ସର୍ଵଦେହ
ଵାରାଣସୀପୁରପତେ କୁରୁ ସୁପ୍ରଭାତମ୍ ॥ 23 ॥

ଶ୍ରୀପାର୍ଵତୀ-ହୃଦୟ-ଵଲ୍ଲଭ ପଂଚ-ଵକ୍ତ୍ର
ଶ୍ରୀନୀଲ-କଂଠ ନୃ-କପାଲ-କଲାପ-ମାଲ ।
ଶ୍ରୀଵିଶ୍ଵନାଥ ମୃଦୁ-ପଂକଜ-ମଂଜୁ-ପାଦ
ଵାରାଣସୀପୁରପତେ କୁରୁ ସୁପ୍ରଭାତମ୍ ॥ 24 ॥

ଦୁଗ୍ଧ-ପ୍ରଵାହ-କମନୀୟ-ତରଂଗ-ଭଂଗେ
ପୁଣ୍ୟ-ପ୍ରଵାହ-ପରିପାଵିତ-ଭକ୍ତ-ସଂଗେ ।
ନିତ୍ୟଂ ତପସ୍ଵି-ଜନ-ସେଵିତ-ପାଦ-ପଦ୍ମେ
ଗଂଗେ ଶରଣ୍ୟ-ଶିଵଦେ କୁରୁ ସୁପ୍ରଭାତମ୍ ॥ 25 ॥

ସାନଂଦମାନଂଦ-ଵନେ ଵସଂତଂ ଆନଂଦ-କଂଦଂ ହତ-ପାପ-ଵୃଂଦମ୍ ।
ଵାରାଣସୀ-ନାଥମନାଥ-ନାଥଂ ଶ୍ରୀଵିଶ୍ଵନାଥଂ ଶରଣଂ ପ୍ରପଦ୍ୟେ ॥ 26 ॥

ଇତି ଶ୍ରୀକାଶୀଵିଶ୍ଵନାଥସୁପ୍ରଭାତଂ ସଂପୂର୍ଣମ୍ ।

Browse Related Categories: