മുഖേ ചാരുഹാസം കരേ ശംഖചക്രം
ഗലേ രത്നമാലാം സ്വയം മേഘവര്ണമ് ।
തഥാ ദിവ്യശസ്ത്രം പ്രിയം പീതവസ്ത്രം
ധരംതം മുരാരിം ഭജേ വേംകടേശമ് ॥ 1 ॥
സദാഭീതിഹസ്തം മുദാജാനുപാണിം
ലസന്മേഖലം രത്നശോഭാപ്രകാശമ് ।
ജഗത്പാദപദ്മം മഹത്പദ്മനാഭം
ധരംതം മുരാരിം ഭജേ വേംകടേശമ് ॥ 2 ॥
അഹോ നിര്മലം നിത്യമാകാശരൂപം
ജഗത്കാരണം സർവവേദാംതവേദ്യമ് ।
വിഭും താപസം സച്ചിദാനംദരൂപം
ധരംതം മുരാരിം ഭജേ വേംകടേശമ് ॥ 3 ॥
ശ്രിയാ വിഷ്ടിതം വാമപക്ഷപ്രകാശം
സുരൈർവംദിതം ബ്രഹ്മരുദ്രസ്തുതം തമ് ।
ശിവം ശംകരം സ്വസ്തിനിർവാണരൂപം
ധരംതം മുരാരിം ഭജേ വേംകടേശമ് ॥ 4 ॥
മഹായോഗസാദ്ധ്യം പരിഭ്രാജമാനം
ചിരം വിശ്വരൂപം സുരേശം മഹേശമ് ।
അഹോ ശാംതരൂപം സദാധ്യാനഗമ്യം
ധരംതം മുരാരിം ഭജേ വേംകടേശമ് ॥ 5 ॥
അഹോ മത്സ്യരൂപം തഥാ കൂര്മരൂപം
മഹാക്രോഡരൂപം തഥാ നാരസിംഹമ് ।
ഭജേ കുബ്ജരൂപം വിഭും ജാമദഗ്ന്യം
ധരംതം മുരാരിം ഭജേ വേംകടേശമ് ॥ 6 ॥
അഹോ ബുദ്ധരൂപം തഥാ കല്കിരൂപം
പ്രഭും ശാശ്വതം ലോകരക്ഷാമഹംതമ് ।
പൃഥക്കാലലബ്ധാത്മലീലാവതാരം
ധരംതം മുരാരിം ഭജേ വേംകടേശമ് ॥ 7 ॥
ഇതി ശ്രീവേംകടേശ ഭുജംഗം സംപൂര്ണമ് ।
